مقالات متنوعة

عبد الرحمن جبر : كابوس المريخ


* في واحد أخونا..
* أخونا ساكت كده فيها حاجة دي..
* أخونا ده بحب الونسة شديد..
* من شدة ما بحبها مرات بألف من راسو..
* والله بألف جنس تأليف..
* مرة حكى لينا حكاية غريبة..
* غريبة خلاص..
* عارفنو قال شنو..
* سألناه عن أصعب موقف مر بيهو..
* عارفنو قال شنو..
* ما عارفين..
* خلاص بوريكم..
* قال مرة كان حلمان..
* الحلم العادي ده..
* قال حلمان بي كلب جاري وراهو..
* جاري وراهو في زقاق ضيق خلاص..
* والكلب سعران..
* لما وصل آخر الزقاق لقاهو مقفول بالشوك..
* يا ربي يكون عمل شنو..
* قلنا ليهو عملت شنو..
* الموقف ما صعب كمان..
* قلنا ليهو دخلت في الشوك..
* ولا وقفت للكلب..
* فاجأنا بالرد بتاعو والله..
* عارفنو قال شنو..
* قال لينا أنتو بتهظروا ولا شنو..
* كلب شنو البقيف ليهو..
* قلنا ليهو طيب عملت شنو..
* قال لينا دي دايرة فهم كمان..
* طوالي صحيت من النوم..
* اتخيلوا..
* ساعة بحكي ونحنا متابعين..
* حكاية سخيفة صاح..
* عذبنا بيها والله.
* زول غريب صاح..
* قلنا ليهو ده كابوس..
* قال لينا اصلو ما كابوس ده..
* قلنا ليهو كيف الكلام ده..
* أصر على أنو ما كابوس..
* قال لينا ده ما كابوس والله..
* عارفين قال شنو..
* قال في كابوس أكتر من المريخ..
* قلنا ليهو كيف..
* قال لينا تونس كلها بترجف..
* مما المريخ وصل تونس ترجف..
* يرجفو ويقولوا المدينة..
* بكري ما عمل ليهم عقدة كمان..
* اسمعوا اسم بكري ساكت أرجفو..
* بكري المدينة ما صعب كمان..
* والله بعثة الجماعة عارفين الكلام ده..
* قالوا بعثة الجماعة وصلت تونس قبالنا..
* أول ما وصلوا المطار استقبلوهم التوانسة..
* سألوهم سؤال غريب خلاص..
* عارفنو شنو..
* ما عارفين..
* خلاص بوريكم..
* قالو ليهم ناس بكري المدينة جايين متين..
* قالو بقولوا اسم بكري ويرجفو..
* الجماعة لمن اتعقدوا..
* الجماعة عارفنهم صاح..
* ديل ما حمام العرضة شمال..
* والله يا بكري المدينة بتبالغ كمان..
* خالع الجماعة شديد خلاص..
* خالعهم جوه وبره..
* والله قصتكم صعبة..
* لكن نعمل ليكم شنو..
* ما الكبير كبير كمان..
* آخر خبر..
* بكري المدينة عمل كابوس في تونس..