هويا…العوض
* حدثنى يوسف الفكهانى
* أشهر فكهانى بأمدرمان بشارع العرضه
* وكلمنى عن الموز
* قال لى الموز يا أخضر يا أصفر
* ولما تجيب الموز أخضر وينجض عندك بكون أفضل
* لكن لو جبت الموز أصفر
* لما يصلك بكون باظ
* بكون بقى لييييين
* وقشرتو بتسود
* بحثت فى كلامو لقيتو صاح
* لأنو لو جبت ليك موز من البرازيل
* أخضر وأصفر
* الأخضر لما يصلك هنا
* إحتمال ينفع وإحتمال ما ينفع
* لكن الأصفر بصلك سلطه
* وهكذا لاحظ لى برازيلى الهلال
* الأخضر قالو أول اول أمس جاب قون
* برغم انو فى رديف رديف النجم
* لكن فى الآخر قون
* رغم انو مشكوك فى صحتو
* لكن الأصفر قالو ما لعب
* بقى مديده
* وبإتباع نظرية يوسف الفكهانى
* حقو البرازيلى الأصفر ده ترجعوهوا قوام وترجعوا قروشكم يا محمد عبدالماجد
* والنجم الساحلى اللعب اول امس ضد الهلال ده
* قبلها بيوم كان لاعب فى الدورى وغلب أربعه
* وبعدها بيومين عندو كورة فى الكونفدراليه
* تفتكروا كورة الهلال ولا كورة الدورى ولا كورة الكونفدراليه البلعبها النجم
بالرديف؟؟؟
* أكيد بلعب كورة الكونفدرالية بالفريق الأساسى
* وبلعب كورة الدورى بالرديف
* وبلعب كورة الهلال برديف الرديف
وإتردفى
* سمعت تحت تحت
* انو البرازيلى ابواسرة كريمه ده
* الشفنا اسرتو فى المطار معاهو
* قالوا دى بتو والشافع المعاها ولدها
* حتى ولدها مسمنو على جدو
* عشان كده بقولو ليهو جدو
* وعندو مدرسة تعليم قيادة سيارات فى البرازيل
* الموزة الصفراء دى ترجع يا كردنه
* بتزلقكم وتكتل ليها زول
* المهم
* شرف الزعيم تونس
* تونس كلها جات تشوف بكرى المدينة
* فى ناس بشوفوهوا بالعين ساى
* وفى ناس بحاولوا يهبشوهوا بإيدينهم
* دايرين يتأكدوا
* ده زول عادى زينا كده
* ولا زول من كوكب تانى
* زول سرعتو تلاتة الف كلم/الساعه
* طياره يا عمك
* طبعاً الجماعه الكانوا بقولوا فى تونس نحنا من طرف بكرى المدينه
* سوقهم نام
* طرف شنو يا حبيب
* الأصل وصل
* واحد قلت ليهو برازيليكم ده كبير
* قال لى يعنى اكبر من علاءالدين يوسف
* قلت ليهو علولو الجابو لى ده شنو؟؟
* علولو يا دوبك برجم
* ده بكون ضرس العقل قام ليهو لما البرازيل شالت كاس العالم للمرة الأولى
* قال لى لعاب
* قلت ليهو انا من شفت اسرتو معاهو فى المطار
* عرفتو لعاب
* المهم
* بلاتر إستقال فساداً
* إذا عمل فساد
* أو إذا لمجرد الإتهام بالفساد
* ياربى اهل العوض العندنا ديل عارفين الكلام ده؟؟؟؟
* يا اهل العوض
* العوض بالغ عديل كده
* جننا
* ده بعد شويه لو سألتو الخواجه بقول ليكم
* باقى لى العوض بتكلم انقليزى قريب ده
* خرمجتها يا العوض
* عوض التابانى
* أيها الناس
* إهمال المريخ لإنتخابات الإتحادات
* هو السبب البجيب اشكال العوض وأشباه العوض فى اللجان
* وده السبب الرئيس فى تدهور الكورة فى البلد دى
* وإذا كان الإنسان لايستطيع ان يلبس عباءة القومية والحيادية
* حقو ما يتظاهر بخلع عباءة الإنتماء الضيق
* عشان شكلو ببقى شين
* وما شرعى
* ولو مشى فى الشارع بالعباءة الضيقة
* وحصل ليها اى إنفتاح
* بتحرجوا
* وبتدينو تحت العديد من المواد
* أقلها خدش حياء إمرأة
* أيها الناس
* هل الفساد الذى يتهم به بلاتر فى قصة رشوة جنوب افريقيا؟؟؟؟
* الله يستر
* انا خايف الحكاية تجر
* وإذا جرجرت تبقى زمجرت
* وإذا زمجرت قاعدين ليه ما تقوموا تروحوا
* عزيزى بلاتر
* لا العوض ولا أهل العوض عارفين انت إستقلت ليه
* خليك ثقيل وأبقى العوض يا خواجه وتقل دمك وأقعد
* المهم
* أيمن سعيد يصل ما يصل
* الباشا ظروفو نقدرها ما نقدرها
* علاء يبرجم يبرطم
* ده كلو هين
* الزول ده!!!!
* الزول ده زى البنطلون المقدود
* بحرجك بحرجك
* الجابرنا على قد البنطلون ده شنو؟؟؟؟
* المهم
* المعسكر قصير
* المعسكر مربوع
* شامى لى ريحة مطار
* ريحة المطر كيف يا محمد عبدالماجد!!!!
* محمد عبدالماجد
* شفت العوض!!!!
* اهل العوض جايين متين؟؟؟؟؟
* أيها الناس
* تم تدشين ديوان الأستاذ الشاعر الكبير
* ملك القوافى وملك الكلمه
* الزبير عوض الكريم
* جاء الديوان باسم
* النجيمات المضيئه
* كان يوماً رائعاً إحتضنته دار النادى
*وكان التمثيل حضوراً مشرفاً
* وأبدع من غنى
* وأبدع من قدم الروائع
* وأبدع من تحدث
* إبداع كان فى حضرة الإبداع
* يقول أستاذنا الزبير
* فمعذرة أننى قد وجدت لعشقى المقام العطوف الآحن
* وجدت ولاء الشباب المعافى فيا سعد من ضمهم وإحتضن
* عقيدة هذا الكيان إستطالت فأضحت سلوكاً به نمتحن
* ألم تجعل الود فرضاً علينا وتغرس فينا التآخى سنن
* مبدع هذا الرجل
* ولأن المريخ دائماً الأول
* ويحب اول
* ومرات الوحيد
* اول فريق بنى إستاد
* الوحيد الجاب بطوله جوية
* عشان كده
* أستاذنا الزبير أضاف لينا اول جديدة
* اول ديوان شعر يتحدث عن نادى فى العالم
*يا عالمى
* أيها الزول
* الديوان طرف إسماعيل
* أحجز نسختك
* للتاريخ ولى مكتبتك
* الإتصال على إسماعيل تلفون 0912713220
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* الشمس سخنت علينا
* تكونوا قلعتعو تظليلها يا والينا!!!!
* إعتبروها دستورية يا والينا
* وتانى ظللوها لينا
* أصلو التظليل محرم علينا محلل للدستوريين
سلك كهربا
** ننساك كيف والشمس وصلت هنا .. هنا ده؟!!
والي لقاء
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كلام الطير في الباقير … الفرق بين الهلال والمريخ واضح في كل المستويات …فرق كبير بين كتابات محمد عبدالماجد وكتباتك رغم محاولاتك لتقليده .. في السياسة عمود القراية ام دق مش كان شفت يا والينا … وحين يكتب عن الشعر منتهى الثقافة مش أيها الناس تم تدشين ديوان فلان… ياخي حدثنا كما يحدثنا محمد عبدالماجد عن حميد وعن الفيتوري . لا عجب أن قمم البلد دي كلهم هلالاب في السياسة ..الفن .. الأدب .. الصحافة …. فرق يا …….
.. روعة ..
كن لو جبت الموز أصفر
* لما يصلك بكون باظ
جات منك منك فريقكم أصفر وبائظ