ﻻ ﻟﻠﻤﺨﺪﺭﺍﺕ
*ﺍﻟﺒﻠﺪ ﺑﺘﻘﻮﻡ ﺑﻲ ﺷﺒﺎﺑﻬﺎ
*ﻭﺷﺒﺎﺑﻬﺎ ﻟﻮ ﺑﺎﺭﻱ ﺍﻟﻤﺨﺪﺭﺍﺕ ﻳﺒﻘﻲ ﺑﺎﺭﻱ ﺍﻟﺨﻴﺎﺑﻪ
* ﻭﺍﻟﺨﻴﺎﺑﻪ ﺣﺎ ﺗﺰﻳﺪ ﺧﺮﺍﺑﻪ
* ﻳﺒﻘﻲ ﺍﻟﻘﺼﻪ ﺩﺍﻳﺮﻩ ﻛﻠﻤﻪ ﻣﻨﻨﺎ ﺑﺎﻟﺼﻮﺕ ﺍﻟﻌﺎﻟﻲ
* ﻻ ﻟﻠﻤﺨﺪﺭﺍﺕ
* ﻻ ﻟﻀﻴﺎﻉ ﺍﻟﺸﺒﺎﺏ ﻭﺍﻟﻤﻜﺘﺴﺒﺎﺕ
* ﻻ ﻟﻀﻴﺎﻉ ﻣﺴﺘﻘﺒﻞ ﺍﻟﻌﺒﺎﺩ ﻭﺍﻟﺒﻼﺩ
* ﺍﻟﻤﺴﺌﻮﻟﻴﻪ ﻟﻴﺴﺖ ﻋﻠﻲ ﺍﻟﺪﻭﻟﻪ ﻭﺣﺪﻫﺎ
* ﺍﻟﻘﺼﻪ ﻋﻠﻲ ﻋﺎﺗﻘﻨﺎ ﺟﻤﻴﻌﺎ
* ﻋﻠﻲ ﺍﻋﻨﺎﻗﻨﺎ ﻛﻠﻨﺎ
* ﺍﻻﺏ ﻭﺍﻻﻡ ﻭﺍﻟﺸﺎﺭﻉ ﻭﺍﻟﻤﺪﺭﺳﻪ
* ﺣﺘﻲ ﺍﻟﺼﺪﻳﻖ ﻟﻮ ﻛﺎﻥ ﺻﺪﻳﻖ
* ﺑﻘﺪﺭ ﻳﺤﺎﺭﺏ ﺗﻌﺎﻃﻲ ﺻﺪﻳﻘﻪ ﻟﻠﻤﺨﺪﺭﺍﺕ
* ﺁﻓﺔ ﺍﻟﻌﺼﺮ
* ﺑﺼﺮﺍﺣﻪ
* ﺍﻧﺘﺸﺮﺕ
*ﺧﻠﻮﻧﺎ ﻧﻘﻮﻟﻬﺎ ﺑﺸﻔﺎﻓﻴﻪ ﻋﺸﺎﻥ ﻧﻌﺎﻟﺞ ﺍﻟﻘﻀﻴﻪ
* ﺍﻧﺘﺸﺮﺕ ﻭﺑﻴﻦ ﺍﻟﺠﻨﺴﻴﻦ ﻛﻤﺎﻥ
* ﻳﺎ ﻟﻠﺤﺴﺮﻩ
* ﺍﻧﺘﺸﺮﺕ ﻭﺍﺻﺒﺤﺖ ﻓﻲ ﺩﺭﺟﻪ ﺍﻟﻼ ﻋﻴﺐ
*ﻋﺎﺩﻱ
* ﺍﺻﻨﺎﻓﻬﺎ ﺍﺧﺘﻠﻔﺖ
* ﻭﻳﺎ ﺣﺴﺮﺓ ﻋﻠﻲ ﺍﻟﻌﺒﺎﺩ
* ﻟﻤﺎ ﻳﻘﺎﺑﻠﻮﻙ ﺧﻤﺴﻪ ﺷﺒﺎﺏ
* ﺍﺗﻨﻴﻦ ﺧﺎﺭﺷﻴﻦ
* ﻭﻭﺍﺣﺪ ﻣﺴﻄﻮﻝ
* ﻭﻭﺍﺣﺪ ﻓﺎﺗﺢ ﺧﻴﺎﻝ ﻣﻦ ﺍﻣﺲ
* ﻭﺍﻟﺨﺎﻣﺲ
* ﻳﺘﻜﺸﻢ ﺯﻱ ﻧﺎﺭ ﺍﻟﻘﺼﺐ
* ﺍﻟﺸﻌﺎﺭ
*ﻧﻔﺴﻴﻦ ﻭﺣﺒﻪ
*ﻭﻗﻄﺮﺓ ﺗﻮﺩﺭ ﺣﻤﺎﺭ ﺍﻟﻌﻴﻮﻥ ﻳﺎ ﺣﺒﻪ
* ﻭﻧﻀﺎﺭﺓ ﺷﻤﺲ ﺍﺳﺘﺎﻳﻞ ﻣﺮﺑﻪ
* ﻭﺗﻤﺶ
* ﺍﻳﻬﺎ ﺍﻟﻨﺎﺱ
* ﺷﺒﺎﺑﻨﺎ ﻳﻨﺘﺤﺮ ﺍﻣﺎﻡ ﺍﻋﻴﻨﻨﺎ
*ﺣﻜﻮﻣﻪ ﺑﺮﺍﻫﺎ ﻻ ﺗﺤﺎﺭﺏ
* ﻛﻞ ﺍﻟﻤﺠﺘﻤﻊ ﻳﺠﺐ ﺍﻥ ﻳﺸﺎﺭﻙ ﻓﻲ ﺍﻟﺤﺮﺏ
* ﻭﺍﻟﺤﺮﺏ ﻻﺗﻌﻨﻲ ﻗﺘﻞ ﺍﻟﻤﺘﻌﺎﻃﻲ
* ﺑﻞ ﺗﺨﺘﻠﻒ ﻭﺳﺎﺋﻠﻬﺎ
* ﺍﻟﺘﻮﻋﻴﻪ ﺿﺮﻭﺭﻳﻪ
* ﺍﻟﻌﻼﺝ ﻣﻦ ﺍﻻﺩﻣﺎﻥ ﻭﺍﺟﺐ
* ﻻﻥ ﺍﻟﻤﺘﻌﺎﻃﻲ ﺿﺤﻴﻪ
* ﻭﻣﺮﻳﺾ ﻳﺤﺘﺎﺝ ﻟﻠﻌﻼﺝ
* ﺍﻣﺎ ﺍﻟﻤﺮﻭﺟﻮﻥ
* ﺩﻳﻞ ﺣﺮﺑﻬﻢ ﺑﺮﺍﻫﺎ
*ﺍﻻﻋﺪﺍﻡ ﺍﺧﻒ ﺍﻟﻌﻘﻮﺑﺎﺕ
* ﺍﻟﺘﺄﺑﻴﺪﻩ ﻣﺎ ﻛﻔﺎﻳﻪ
* ﻭﺍﻟﺤﺮﺏ ﺍﻟﺘﻲ ﺍﻋﻨﻴﻬﺎ ﻋﻠﻲ ﺍﻟﺘﺠﺎﺭ
* ﻋﻠﻲ ﻣﻦ ﻳﺮﻭﺝ ﺍﻟﻤﺨﺪﺭﺍﺕ ﻭﺳﻂ ﺷﺒﺎﺑﻨﺎ
* ﻭﺍﻟﺘﻮﻋﻴﻪ ﻟﻠﺒﻘﻴﻪ
* ﺍﻳﻬﺎ ﺍﻟﻨﺎﺱ
* ﻻ ﻟﻠﻤﺨﺪﺭﺍﺕ ﺷﻌﺎﺭ ﻳﺠﺐ ﺍﻥ ﻧﺮﻓﻌﻪ ﻃﻮﻝ ﺍﻟﺴﻨﻪ
* ﻣﺪﻱ ﺍﻟﻌﻤﺮ
* ﺍﻟﻤﻬﻢ
* ﺗﺄﺟﻴﻞ ﺟﺪﻳﺪ ﻣﻦ ﻟﺠﻨﺔ ﺍﻻﺳﺘﺌﻨﺎﻓﺎﺕ
* ﺍﺳﻲ ﺩﻱ ﻣﺎ ﻣﺨﺪﺭﺍﺕ ؟؟؟؟
* ﺍﻟﻨﺎﺱ ﺳﻮﺍﺳﻴﻪ ﺍﻣﺎﻡ ﺍﻟﻘﺎﻧﻮﻥ
* ﺍﺳﻲ ﺩﻱ ﻣﺎ ﺧﺮﺷﻪ ؟؟؟
* ﺍﻟﺨﻄﻂ ﺍﻟﺨﻤﺴﻴﻪ ﻭﺍﻟﻌﺸﺮﻳﻪ ﻭﺍﻟﻌﺸﺮﻳﻨﻴﻪ ﻭﺑﻌﺪﻫﺎ ﺍﻟﺮﻓﺎﻫﻴﻪ
* ﺍﻟﺴﻄﻠﻲ ﺩﻩ ﻛﻴﻒ ﺑﺲ ؟؟؟؟
* ﻭﺍﺫﺍ ﻗﺎﺑﻠﻚ ﺷﺎﺏ ﺷﺎﻳﻞ ﻭﺭﻗﻮ ﻭ ﻣﺎﺷﻲ ﻋﻠﻲ ﻟﺠﻨﺔ ﺍﻟﺘﻌﻴﻴﻦ
* ﺍﻟﺰﻭﻝ ﺩﻩ ﻣﻦ ﻧﺎﺣﻴﺔ ﻣﺘﻌﺎﻃﻲ ﻣﺎ ﻓﻲ ﺷﻚ
* ﺍﻣﺎ ﺍﻟﺬﻱ ﻳﺤﻠﻢ ﺑﺮﻓﻊ ﺍﻟﻤﻌﺎﻧﺎﻩ ﻋﻦ ﻛﺎﻫﻞ ﺍﻟﺠﻤﺎﻫﻴﺮ ﻭﺟﺎﺩﻱ ﻓﻲ
ﺍﻟﻘﺼﻪ ﺩﻱ
* ﺍﻟﺰﻭﻝ ﺩﻩ ﻻﻃﻲ ﺷﺪﻳﺪ
* ﻏﺴﻠﻮﺍ ﻟﻴﻬﻮ ﺭﺍﺳﻮ ﺑﻲ ﻣﻮﻳﺔ ﺑﺎﺭﺩﻩ
* ﺍﻳﻬﺎ ﺍﻟﻨﺎﺱ
* ﺍﺩﻣﺎﻥ ﺍﻟﻤﺨﺪﺭﺍﺕ ﺑﺘﻌﺎﻟﺞ ﻓﻲ ﺍﻟﻤﺼﺤﻪ
* ﺑﺲ ﻓﻲ ﻧﻮﻉ ﻣﺎ ﺑﺘﻌﺎﻟﺞ ﺍﺑﺪﺍ
* ﻭﺩﻩ ﺍﺧﻄﺮ ﺍﻧﻮﺍﻉ ﺍﻟﻤﺨﺪﺭﺍﺕ
* ﻋﻠﻲ ﺷﺎﻛﻠﺔ
* ﺍﻟﻤﺴﺎﻭﺍﻩ ﻭﺍﻟﻌﺪﺍﻟﻪ ﺍﻻﺟﺘﻤﺎﻋﻴﻪ ﻭﻭﻇﻴﻔﻪ ﻻﻱ ﺧﺮﻳﺞ
* ﻭﺍﻟﻨﻮﻉ ﺍﻻﺧﻄﺮ ﻫﻮ
* ﺍﻻﺗﺤﺎﺩ ﺍﻟﻌﺎﻡ ﻭﻟﺠﺎﻧﻪ ﻻ ﻳﺨﺪﻣﻮﻥ ﺍﻟﻬﻼﻝ
* ﺩﻩ ﺍﻟﺠﻦ ﺍﻟﻜﻠﻜﻲ ﺯﺍﺗﻮ
* ﻋﻼﺝ ﻣﺎﻓﻲ ﻟﻴﻬﻮ
* ﻭﻟﻜﻦ ﺍﺧﻄﺮ ﺍﻧﻮﺍﻉ ﺍﻟﻤﺨﺪﺭﺍﺕ ﻋﻠﻲ ﺍﻻﻃﻼﻕ ﻫﻮ
* ﻻ ﻟﻠﻤﺤﺴﻮﺑﻴﻪ ﻭﺍﻟﻔﺴﺎﺩ ﻭﺍﻟﺠﻬﻮﻳﻪ ﻭﺍﻟﻔﺌﻮﻳﻪ ﻭﺍﻟﻤﺴﺎﻭﺍﻩ ﺑﻴﻦ ﺍﻟﺮﻋﻴﻪ
* ﻟﻤﺎ ﻳﻜﻮﻥ ﺷﻌﺎﺭ ﺭﺍﻓﻌﻮ ﻣﺴﺌﻮﻝ ﻭﺑﺘﻬﺘﻒ ﺑﻴﻬﻮ ﺍﻟﻘﻮﺍﻋﺪ
* ﺍﻟﻤﺴﺌﻮﻝ ﻳﺮﻭﺝ
* ﻭﺍﻟﻘﻮﺍﻋﺪ ﺗﺘﻌﺎﻃﻲ
* ﺍﻟﻤﻬﻢ
* ﺍﻟﺒﻌﺾ ﻳﻘﻮﻝ ﺑﺎﻥ ﺍﻱ ﻻﻋﺐ ﻳﺴﺠﻠﻪ ﺍﻟﻤﺮﻳﺦ ﻣﻦ ﺍﻟﻬﻼﻝ
* ﺑﻘﻞ ﺍﺩﺑﻮ ﻭﻳﺘﻄﻨﻘﻊ ﻋﻠﻲ ﺍﻟﻤﺮﻳﺦ
* ﺍﻧﺎ ﻣﺎﻋﺎﺭﻑ ﺍﻟﻨﺎﺱ ﺩﻳﻞ ﻗﺎﻋﺪﻳﻦ ﻭﻳﻦ
* ﻃﻤﺒﻞ ﻧﺠﺢ ﻭﻻ ﻓﺸﻞ ؟؟؟
* ﺍﻟﻢ ﻳﻬﺰﻡ ﺍﻟﻬﻼﻝ ﺯﺍﺗﻮ ؟
*ﻛﻠﻴﺘﺸﻲ ﻗﺪﻡ ﻭﻻ ﻣﺎ ﻗﺪﻡ ﻟﻠﻤﺮﻳﺦ
* ﺍﻟﻢ ﻳﻬﺰﻡ ﺍﻟﻬﻼﻝ ﺯﺍﺗﻮ ؟؟؟؟
* ﺍﺳﻲ ﺑﻜﺮﻱ ﺍﻟﻤﺪﻳﻨﻪ ﺩﻩ
* ﺍﻟﻢ ﺗﻜﻦ ﻟﻪ ﺑﺼﻤﺔ ﻭﺍﺿﺤﻪ ﻓﻲ ﺻﻌﻮﺩﻧﺎ ﻟﻠﻤﺠﻤﻮﻋﺎﺕ ؟؟؟
*ﻋﻼﺀ ﻃﻴﺎﺭﻩ ﻫﻞ ﻛﺎﻥ ﻓﺎﺷﻼ ﻣﻊ ﺍﻟﻤﺮﻳﺦ ؟؟؟
* ﺣﺘﻲ ﺍﻟﻤﻮﺳﻢ ﺍﻟﺬﻱ ﻟﻌﺒﻪ ﻫﻴﺜﻢ
* ﺍﻟﻢ ﻳﻜﻦ ﻟﻪ ﺩﻭﺭ ﻓﻲ ﺣﺼﻮﻟﻨﺎ ﻋﻠﻲ ﺍﻟﻤﻤﺘﺎﺯ ؟؟؟
* ﺩﻩ ﺍﺳﻲ
* ﺗﺎﺭﻳﺨﻴﺎ
* ﺍﺑﻮ ﺍﻟﻌﺎﺋﻠﻪ ﻛﻴﻒ ؟؟؟؟؟
* ﻳﺒﻘﻲ ﺣﻘﻮ ﺍﻟﻨﺎﺱ ﺗﻜﻮﻥ ﻣﻨﻄﻘﻴﻪ ﻓﻲ ﻃﺮﺣﻬﺎ
* ﻭﻻ ﺗﻨﺘﻘﺪ ﻣﻦ ﺑﺎﺏ ﺗﺤﻘﺪ
* ﺍﻟﺬﻳﻦ ﻳﻨﺘﻘﺪﻭﻥ ﻣﻦ ﺑﺎﺏ ﻳﺤﻘﺪﻭﻥ ﺍﻣﺮﻫﻢ ﺍﻧﻜﺸﻒ
*ﺣﻘﻮ ﻳﺤﻘﺪﻭﻥ ﺑﺎﻟﻮﺍﺿﺢ ﻭﻳﻨﺴﻮﺍ ﻗﺼﺔ ﻳﻨﺘﻘﺪﻭﻥ ﺩﻱ
* ﺍﻟﻤﻬﻢ
* ﺍﻟﻬﻼﻝ ﻣﺪﻭﺭ ﻣﻮﺿﻮﻉ ﺑﻜﺮﻱ
* ﻭﺻﺪﻳﻘﻲ ﻋﻤﺎﺩ ﺍﻟﻄﻴﺐ ﻳﺼﺮﺡ
* ﻣﺎ ﺗﺰﺟﺰﻭﺍ ﺑﺎﻟﻬﻼﻝ ﻓﻲ ﺍﻟﻤﻮﺿﻮﻉ
* ﻛﻠﻢ ﺍﻟﻌﻮﺽ ﻳﺎ ﻋﻤﺪﻩ
* ﺑﺎﻗﻲ ﺯﻭﻟﻜﻢ
* ﺍﻳﻬﺎ ﺍﻟﻨﺎﺱ
* ﺗﻌﺎﻟﻮﺍ ﻧﺤﺎﺭﺏ ﺍﻟﻤﺨﺪﺭﺍﺕ
* ﻣﻦ ﺍﺟﻞ ﻏﺪ ﺍﺫﺍ ﺍﺗﻲ ﻳﺠﺪ ﺷﺒﺎﺑﻨﺎ ﻭﺍﻋﻲ ﻭﻣﺼﺤﺼﺢ
* ﻣﻦ ﺍﺟﻞ ﻭﻃﻦ ﺑﺪﻭﻥ ﻣﺨﺪﺭﺍﺕ ﻛﻼﻣﻮ ﻛﺘﺮ ﻭﻧﻀﻤﻮ ﻛﺘﺮ ﻭﻋﻤﻠﻮ ﺷﻮﻳﻪ
* ﻣﻦ ﺍﺟﻞ ﺍﺳﺮ ﺗﻨﻈﺮ ﻗﻄﻒ ﺛﻤﺎﺭﻫﺎ ﻣﻦ ﺍﻻﺑﻨﺎﺀ ﺑﻔﺎﺭﻍ ﺍﻟﺼﺒﺮ
* ﻣﻦ ﺍﺟﻞ ﺷﻌﺐ ﺍﺿﺤﻲ ﺍﻟﻴﻮﻡ ﻛﻠﻮ ﻳﺨﺮﺵ
* ﻳﺨﺮﺵ ﺍﺳﻜﺮﺍﺗﺶ
* ﻣﻔﻠﺲ ﻭﻣﺎ ﺑﺨﺮﺵ ﺑﻲ ﺑﻼﺵ
* ﻭﻳﺨﺮﺵ
* ﺍﻳﻬﺎ ﺍﻟﻨﺎﺱ
* ﺑﺮﻏﻢ ﺍﺭﺗﻔﺎﻉ ﺩﺭﺟﺎﺕ ﺍﻟﺤﺮﺍﺭﻩ
* ﻭﺑﺮﻏﻢ ﺍﻟﺴﺨﺎﻧﻪ ﻓﻲ ﺍﻟﺠﻴﻮﺏ
* ﻭﺑﺮﻏﻢ ﺍﻟﻄﻘﺲ ﺍﻟﺬﻱ ﻳﻌﻠﻤﻪ ﻋﻼﻡ ﺍﻟﻐﻴﻮﺏ
*ﺍﺻﺮ ﺍﻟﻨﺎﺱ ﻋﻠﻲ ﻓﺘﺢ ﺍﻟﻤﺪﺍﺭﺱ
* ﻟﻢ ﻳﺴﻤﻌﻮﺍ ﻻﻱ ﺷﺨﺺ
* ﻛﺎﻥ ﺭﺟﺎﻝ ﺗﻌﺎﻟﻮﺍ ﺑﻌﺪ ﺍﻟﻔﺎﺱ ﺗﻘﻊ ﻓﻲ ﺍﻟﺮﺍﺱ ﺍﻗﻔﻠﻮﻫﺎ
* ﻭﻗﺘﻬﺎ ﻟﻦ ﻧﻘﺒﻞ ﻣﻨﻜﻢ ﺍﺳﺘﻘﺎﻟﻪ ﺑﻌﺪ ﺛﻘﺎﻟﻪ
* ﻭﻟﻜﻦ ﻳﻜﻮﻥ ﺍﻟﺤﻞ ﻓﻲ ﺍﻻﻗﺎﻟﻪ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﻭﺍﺣﺪ ﻗﺎﻝ ﻟﻴﻨﺎ
* ﻗﺮﻭﺵ ﺍﻓﻄﺎﺭ ﺻﺎﺋﻢ ﺗﻤﺖ ﻟﻴﻨﺎ
* ﻧﻄﻪ ﻭﺍﺣﺪ ﺗﺎﻧﻲ ﻗﺎﻝ ﻟﻴﻨﺎ
* ﻗﺮﻭﺵ ﺭﻣﻀﺎﻥ ﺍﻟﺘﺴﻌﻴﻦ ﻳﻮﻡ ﺍﺗﻠﻤﺖ ﻟﻴﻨﺎ ؟؟؟
* ﻭﺍﺣﺪ ﺗﺎﻟﺖ ﻣﻨﻨﺎ ﻭﻓﻴﻨﺎ
* ﻗﺎﻝ ﻟﻴﻬﻮ ﺭﻣﻀﺎﻥ ﻭﻻ ﺧﺮﻳﻒ ﺍﻟﻌﻤﻠﺘﻮﻫﻮﺍ ﺗﺴﻌﻴﻦ ﻳﻮﻡ ﻳﺎ ﺍﺧﻴﻨﺎ
* ﺣﺘﻲ ﻓﻲ ﺍﻓﻄﺎﺭ ﺍﻟﺼﺎﺋﻢ ﻛﺒﺎﺭﻳﻜﻢ ﻣﺮﻛﺒﻪ ﻟﻴﻨﺎ ؟؟؟؟
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﻟﻮ ﺩﺍﻳﺮ ﺗﻌﻤﻞ ﺧﻴﺮ ﻳﺪﻗﺴﻮﻙ
ﻭﺍﻟﻲ ﻟﻘﺎﺀ
ﺳﻠﻚ
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة