منوعات

بالفيديو.. إيناس عز الدين تلقن رئيس التلفزيون درساً بعد سخريته من جسدها


كشفت الفنانة المصرية الشابة إيناس عز الدين، ونجمة برنامج “أراب أيدول” عن موقف صعب حدث لها مع محمود عبدالسلام، رئيس الفضائية المصرية، أثناء تسجيلها إحدى الحلقات بالتليفزيون المصري.

إيناس سردت ما حدث لها عبر بيان كتبته على «فيس بوك» قالت فيه: “سجلت حلقة في التلفزيون المصري تقديرا لصديقتي الجميلة والحبيبة مروة ناجي ولكن باستثناء الحلقة دي أعلن اﻵتي، لن أدخل بوابة التلفزيون المصري طول ما اﻷستاذ محمود عبد السلام هو رئيس الفضائية المصرية لما رئيس الفضائية المصرية يكون غير مقدر للفن والفنانيين المحترميييييييين ويقول إن الفضائية المصرية مش قناة فنية ويتريق على صوت فلانة وشكل فلانة وجسم فلانة ولبس فلانة”.

الفنانة الشابة كشفت أنها تعرضت لاهانة كبيرة وأضافت: “ولما الموضوع يوصل لحد عندي ويقول دي تخينة وصوتها وحش مين دي أصلًا وتتكلم بصفتها إيه يبقى ﻻء بقى هيكون لي وقفة كبيرة وكل ده علشان أنا كلمته واعترضت وطالبت بعرض حلقتي كاملة بعد ما تم تشويهها بإذن منه و نزلها غير كاملة بدون إذن من مخرجة البرنامج أو فريق البرنامج وعرضها اقل من نصها وشوه مضمون الحلقة تماما وده شيء مسئ ليا بعد كل المجهود اللي عملته ولما كلمته واعترضت وقولتله أنا حنوه عن اللي حصل مع كل الصحفيين وصلني انه قال للناس علشان يوصلولي التهديد انه مش هيدخلني التلفزيون المصري في نفس الوقت اللي أنا كنت بصور فيه حلقتي أمبارح مع صديقتي الفنانة الجميلة مروة ناجي طبعا هو بيستغل أن فيه فنانين مصريين كتير مش أخدين حظهم للأسف وبيدوروا على أي فرصة يظهروا بيها فمش فارق معاهم تطلع شكل الحلقة إيه وبيتنازلوا عن حاجات كتير ﻷنهم بيحلموا بس بالظهور في التلفزيون وهو يتريق عليهم ويهين فيهم وده ظلم واهانة للمواهب المصرية اللي هي اكبر واهم من أنها تطلع في برنامج في القناة اللي هو فاكرها بتاعته”.

إيناس اختتمت كلامها وقالت: “لكن المرة دي حظه وقع معايا أنا وأنا الحمد لله مش مستنية حلقة في التلفزيون المصري اللي مش بيقدر مواهب وطنه علشان اطلع فيها والحمد لله بطلع في كل القنوات وفي أي وقت وفي إي مكان وليا أجر محترم وأنا لو طلعت على القناة اللي هو فاكرها بتاعته فانا طلعت مش علشان أتشهر لان الحمد لله معروف كويس أنا مين أنا طلعت بدون اجر وبدون شروط وبدون طلبات فقط احتراما لتلفزيون وطني اللي أنا قدرته وقولت زي ما طلعت في برامج كبيرة وقنوات خاصة ﻻزم اطلع في تلفزيون بلدي، طيب أنا من غير كلام عمري ما حدخل التلفزيون المصري طول ما هو فيه، رسالة للأستاذ محمود عبد السلام رئيس الفضائية المصرية .. أنا إيناس عز الدين وكفى”.

 

اضفط هنا لمشاهدة الفيديو على قناة النيلين

 

القدس العربي


‫3 تعليقات

    1. معلبش استحمل هذا زمن السخف والهابط من القول يا اخ ود نخل

  1. أنا إيناس عز الدين وكفى ??????

    لا خلاااااااااااااااااااااااااااااس جسمك سمح .. وانتى فنانه

    بس برضو مابتخشى التلفزيون ..

    يحرقكم بجاز وسخ انتى والدخلك التلفزيون و (جرب ديل ) … فى كشحه واحده