زواج سوداناس

فرق للتدخل السريع ودرء آثار الخريف بالخرطوم



شارك الموضوع :

أعلنت غرفة طواريء الخريف بولاية الخرطوم عن تكوين غرفة للتدخل السريع بقيادة إدارة الدفاع المدني وتجهيزها بكافة المعينات لدرء آثار الخريف بالولاية.
وشدد اجتماع الغرفة الذي ترأسه المهندس خالد محمد خير رئيس الغرفة والذي رصدته (smc) على ضرورة معالجة مصبات الخيران داخل مدينة أمدرمان وكرري وبدء العمل في سد خور العينة (الكوع) بالتعاون مع محلية أمدرمان بجانب مراجعة عقودات أعمال الخريف لمعرفة المقاولين المكلفين بتسيير آثار التصريف فضلاً عن معالجة إشكالات التصريف بمحلية الخرطوم وحصر احتياجات صيانة السدود ومعالجة مصبات الخيران والصرف الصحي وتصريف الميادين والساحات العامة وإزالة الأنقاض وتطهير ونظافة المصارف أولاً بأول.
كما وجه الاجتماع بمعالجة مصب وادي سوبا عند محطة طلمبات السليت بالتعاون مع وزارة الزراعة.

الخرطوم (smc)

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        كلام قصير

        هسه اجي الخريف واقولوا ( فاجانا الخريف السنة دي )
        اي شخص اوكلوا عليهو مهمة العب في تبعاتها اكان اسمنتى او خراطيش او مواسير ( ارده نوعية ) والهف المعتمد
        لكلكة لكلكة لكلكتوا حياتنا

        الرد
      2. 2
        كوردينيتر

        عبد الرحيم عليه ان يعرف ان المحليات هي التي تعيق العمل .. تملك الاليات ولا تعمل بها واذا مشيت تطلب لودر او قلاب لنقل انقاض يقولوا ليك جيب حق الجاز وبعد تدفع ليك مية او خمسين اللودر بيجي واذا داير القلاب تدفع برضه .. وكمان أقول لعبد الرحيم في بتاعين قلابات خاصة بياجروهم ينقلوا انقاض مباني قديمة فيها حجار وخرسانة وبيدوهم قروش مقاولة عديل لنقلها وبدل ما يمشوا يكبوها خارج المدن بيخشوا الاحياء ويكبوها في اقرب شارع هادي في الصباح او بالنهار مستغلين فرصة خروج الشباب والازواج للعمل والدراسة .. ولما تجي أي واحدة من جوة البيت تساله ليه كبيت الأنقاض في الشارع ده يقول ليها ناس المحلية قالوا الشارع ده واطي وعشان الخريف نحن كبيناه هنا ! الشوارع اتملت انقاض بسبب تقاعس المحليات واحتيال أصحاب القلابات الخاصة … والله انا بنقل ليكم صورة حقيقية

        وبعدين داير أقول ليك يا عبد الرحيم لازم تعيدوا النظر في المصارف المحاذية لشوارع الاسفلت ! لازم تتقفل وتتصب عديل نهائيا وتوسعوا شوارع الاسفلت بفوق ليها لانه ما ممكن كل سنة تجيبوا شوية عمال يجوا ينضفوها أيام الخريف وبعد يومين بس الوسخ يرجع يقفل الخور .
        كمان برضه لازم تقوموا بعمل انترلوك للاحياء وشايف مسالة انه العمال يشيلوا مقاشيش ويقشوا الأرصفة مسالة عبثية ومضيعة قروش لانه التراب جاي من داخل الاحياء .

        الرد
      3. 3
        كوردينيتر

        يا عبدالرحيم عليك بتطهير المحليات وزجرهم ليعملوا وابدا بمحلية الصحافة لانها اتفه محلية ولا تعمل أي شي يفيد المواطن .. لا تعمل مصارف ولا تقوم بإزالة انقاض ولا ولا ولو مشيت تطلب اليات عشان تنضف او تشيل انقاض يقولوا ما عندنا جاز وبعدين شارع الصحافة زلط ده شارع ضيق وحوادثه كتيرة .. كتر خيرهم عملوه اتجاهين لكن فاتهم يقوموا بصب المجاري علي الجنبتين ومن ثم مد الاسفلت بفوقهم لتوسعة الشارع .. كما انه الميناء البري عمل زحمة في الصحافة وبوظ الشارع كله واي زول ماشي من نفق السوق المركزي للكلاكلة او جبرة بيعاني لانه المينا البري عمل زحمة والعربات بتاخد وقت طويل للمرور ..علاوة علي الافرازات الأمنية السلبية والظواهر غير الجيدة … ولازم الولاية تفكر في نقل المينا البري لانه لايعقل ان يكون في منطقة واحدة مينا بري وسوق مركزي وسوق محلي ومقابر ومنطقة صناعية ضخمة … الصحافة تعبت من الضغط والازدحام …. والمنطقة بقت تاوي اللصوص والنشالين وبتاعين المخدرات واي مجرم حايم هناك وفي المظاهرات الأخيرة هؤلاء حرقوا البنوك والمحلات والصرافات الالية ونهبوها .. لابد من إعادة نظر وتخطيط المدن بيسترعي الاهتمام وعدم تكديس المؤسسات التي تجلب الزحمة …

        الرد
      4. 4
        كوردينيتر

        ارجو ان يتنافس الولاة في التعمير والابهار .. اتمني ان نشهد منافسة بين الوالي عبد الرحيم والوالي ايلا وان يستفيد الوطن من التنافس .. واقترح ان تقوم رئاسة الجمهورية باقتراح لجائزة تميز لافضل طاقم اداري في كل الولايات وان يمنحوا وسام ودرع الإنجاز حتي يتنافس الجميع من اجل وطن جميل صحي ومتطور

        الرد
      5. 5
        sudani

        هي يجي الخريف يطلع يقول لكم نحن عملنا الاجراءات الاحترازية في كل الخيران وعملنا تعاقدات مع جهات لها خبرة في تصريف المياه ، ولكن الامطار جات باليل وكان الكهرباء طافية لذلك ماتمكنا من السيطرة علي الفيضانات ولكن سوف نعد بمحاسبة المقصرين ، مع العلم هو حيكون في قائمة المقصرين . يا سعادة الوالي الخرطوم تحتاج مراجعة شاملة لشبكات التصريف وخيران يجب ان تكون مغلقة بطرق علمية والاسفادة من مساحتها . البلد بتحتاج شغل كثير وعلي الكل العمل بجدية سواء ان كان راعي او رعية .

        الرد
      6. 6
        حموري

        بسم الله بدينا ، الزول دا من ما جانا بقى يدخل لينا كلمة السريع دي ، بس ان شاء تنجح مع الامطار والسيول زي ما نجحت مع قوات الدعم السريع .

        الرد
      7. 7
        الرئيس العام

        حقيقة احباط كبير كون اللمبي اصبح والي الخرطوم وذلك لان الجميع يعلم ان كيسه فاضي حتى في مجاله الحقيقي تمت استباحة حدود السودان برا وجوا وبحرا وفي عهده وصلت اسرائيل والمتمردين الى قلب الخرطوم ونفذوا عمليات عسكرية كبدت البلاد خسائر فادحة واحساس بالاحباط وعدم الامان ولو اتى شخص جديد لبقى بعض بصيص من امل ان يكون حكيما مصلحا ولكن لا خير ولا بركة في هذا الرجل وهو مجرب بضم الميم والتجربة خير برهان وقد اثبتت التجربة انه فاشل بل ان اللمبي هو شعار وايقونة الفشل في كل يوم يشهد الفشل وهاهو ياتي بكرور عدته من مصطلحات عسكرية من دعم سريع ودفاع بالنظر ودبشك وكلاش هذه ولاية يا سعدتك وليست فصيل متمرد
        الرجاء اعطاء الخبز لخبازه وياريت والي متخصص في تخطيط المدن او الاقتصاد من الدماترة والفطاحلة المتفوقين الذين تزخر بهم الامة السودانية
        ياخي ده لو مسكتوهو زريبة بقر حيعمل حظيرة يسميها حظيرة الحلب السريع فقط كلمة سريع عاجباهو بسبب الانتصارات الاخيرة للدعم السريع وعاوز يدخل كلمة سريع دي عشان الكلمة عندو اهم من جوهر الموضوع

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *