تمساااااااااااح فى المطار
* إنقطعنا أيام
* للشديد القوى
* إنتقلت خالتنا المحبة الحبوبه الحاجه الأميرة الجميله حفصه كنتباى
* أبنة الأمير كنتباى ابوقرجه
* وحفيدة الشيخ بابكر بدرى
* مرة قبيله
* وخشم باب
* كانت لامانا
* وكانت لنا الصرة
* يلتقى الجميع فى قلبها الكبير الذى وسع كل خلق الله
* شجرة كبيره وظليلة
* كانت تجمع تحت ظلالها كل القبيله
* رحلت وبقيت سيرتها العطرة وأعمالها الجليله
* نسأل الله لها الرحمة بقدر ما كانت رحيمه وحليمه ورؤوفه ورؤومه
* أن القلب يحزن
* والعين تدمع
* والحشا يئن حرقةً
* لنا الصبر
* ولن نقول إلا ما يرضى الله
* (إنا لله وإنا اليه راجعون)
* المهم
* عبدالعظيم جباره
* أسم لا تخطئه أذن مريخية
* أى أضان حمراء تعرف نغمة عبدالعظيم جبارة
* أنه مشجع المريخ الكبير تمساح
* تمساح اول من لبس الجلابيه المريخيه
* الجلابيه الحمراء أم نجمه تتوسط الصدر
* أقعده المرض سنينا
* ولكنه إمتثل لأوامر القيادة العامة
* وعاد للمدرجات برفقة العقيد أب شاكوش
* ووكيل عريف حافظ
* عاد للمدرجات وأجرى بروفة التشجيع للمجموعات
* أقول ليكم شامى لى ريحة مطار
* وعودة تمساح هى العودة للمطار
* تمساح المطار كان بالمطار يوم دبى
* تمساح المطار كان بالمطار يوم الشارقه
* تمساح المطار كان بالمطار يوم مانديلا
* وبالطبع كان يوم سيكافا الأولى
* عودة تمساح فال العودة للمطار
* أيها الناس
* تمساح مشجع قومى ومحترف
* لن ننسى علم السودان الذى كان يرتديه جلابية سودانية
* والمثلث فى القلب
* تمساح مشجع خلاق ومؤثر
* لذا إحترف التشجيع بالشارقه الأماراتى
* أول مشجع سودانى يحترف التشجيع خارج السودان
* دائماً المريخ أول
* مرحب تمساح
* ونتقابل فى المدرجات ومنها للمطار
* المهم
* مايحدث بالأشبال والرديف
* شئ يحير
* الموسم الماضى الأشبال البطل
* والرديف البطل
* بعد موسم واحد تبدل الحال
* الوقت ليس للتباكى على ما مضى
* الوقت ليس للعتاب على التقصير
* الرجل المناسب فى المكان المناسب
* وحب المريخ يعنى إفساح المجال عند الفشل
* فالخير يعم والشر أيضاً يعم
* والإصلاح وارد
* إذا توافرت الشفافيه
* المهم
* فى مباراتنا التجريبية
* بكرينا جاب قون
* وضفر جاب قون
* القصة بقت كلها
* بكرى ضفر قون
* ضفر بكرى قون
* يا أرض إحفظى ما عليك
* ضمَنوا ضفر فى شكوى لوزان يا عمدة
* موش زمان برضو اداكم كلمه وزاغ؟
* وديدى ما تنسوهوا
* الزول ده لو ما وقفتوهوا بشكوى
* المطار فى القزاز
* وفى لوزان ما تنسوا
* قولوا ليهم عقد بكرى كان فى البيت
* بيت كردنه
* عشان لوزان ما تعرف تفرق بين عقد بكرى معاكم وعقد بكرى بتاع العرس
* عقد فى البيت؟
* حيرتونا
* أيها الناس
* أمس حلمان الأرباب جا
* والناس غنت رجع البلد
* والللللليلا يا حسن محجوب
* المهم
* برازيلى الوسط قال ليك عندو إصابة من نوع فريد
* أمسك
* الماسوره بدت تنقط
* نوع فريد ده خلى بالك بكون قاوت
* للسن أحكامها برضو
* كلمناك يا صديقى عماد الطيب
* قلنا ليك أفرز المغلق من الهلال
* ما تجيب البضائع كلها مواسير
* تقسمها بين المغلق والهلال
* أسى الماسورة البرازيليه بدت تنقط
* أيها الناس
* لجنة الإسئنافات إلا تطير
* الموضوع دخل نفقاً مظلماً جداً
* وكلو اول ليهو آخر
* نحن على إستعداد تام لنضحى بريحة المطار التى نشمها
* وبكل الموسم الرياضى
* مقابل إصلاح الحال وإبعاد من يميل الحال
* قرارنا واضح
* الثورة مستمرة والسادن يطلع بره
* أيها الناس
* فتحت المدارس
* المراوح واقفة
* المويه قاطعه
* الكتب فى السوق فى
* فى المدارس مافى
* السخانه الف
* والفصول السمحه زنكى
* وصدقونى
* لو أولادنا ماتوا بالحر والعطش
* ما مشكلة
* درجة الحرارة بتدخل الجامعه وطب كمان
* المهم
* مزمل قال لى:
* سفيرنا فى تونس ماشاف يوم سعيد إلا لما المريخ لعب ضد الترجى
* قلت ليهو يا ميزو
* كان حايشوف التعاسه كيف لو حضر كورة للجماعه ضد الترجى
* وكان إتجبر ينزل بين الشوطين
* يمارس مهامه الدبلوماسيه
* كما مارسها أحد أسلافه
* ليوقف الأهداف فى سته الشوط الأول
* لكن المريخ ريحو
* وضفر قال ليهو أقعد مرتاح سعادتك
* وده كلو من بكرى المدينه
* بكرينا
* الزول ده أشكوهوا لى الله
* لوزان شويه
* أيها الناس
* إن تنصروا الله ينصركم
* أها
* نجى لى شمارات والىا لخرتوم
* والينا (القديم)
* بعد التعيينات الجديدة لينا
* نواصل فى الشمارات عادى يا والينا
* ولا بختوها لينا؟
* أفتينا
* لو شمارات الوالى دى بتختها لينا
* نخليها ونكتب شمارات وزير الزراعه وغفير الجنينه
* ونسد دى بطينه ودى بى عجينه ونغمض عينينا
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭسادين دى بى طينه ودى بى عجينه وفى الخشم دلقان سلس وفى البطن فلينه؟!!
والي لقاء
سلللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
قول وردي الشهير (الله يرحمه ) قال ليهم كان عارفكم بتاعين غنى ما كان طلعت خارج السودان طبعاً بعد ما غنى ليهم والجماعة هججو ومن ضمنهم الوالي الجديد .. عشان كده خليك في سواطتك دي لا بجيب ليك خبر ولا فاضي ليك ..
باريت لو اختفيت علي طول كان علي الاقل الهبالة والعباطة والسماجة وقلة الفهم والتخلف نقصوا واحد. تكلمت عن الرديف والشباب ولم تذكر سوء الاخلاق وده شئ طبيعي طالما رئيسك بابا جمال بينه وبين الاخلاق مابينك انت وبين الشعر المرسل من فوارق جعلت راسك الاقرع الفارغ مثل ماكنة التلاجة قبحة تقبحك
الموضوع دخل نفقاً مظلماً جداً وكلو اول ليهو آخر ..بذمتكم ده كلام ده ..أحسن تكتب بلغتك العبيطة الما معروفة عامية ولا فصحى …أنت قريت وين ؟؟؟
الحشا يئن حرقة .. لا بالله .. أول مرة نعرف الحشا بيئن ..لعلمك كلمة الحشا تعني رحم المرأة ولا يجوز اطلاقها للرجل .. وحبوباتنا بقولو يا ود حشاي .
رحم الله خالتك و أسكنها الجنة .. مافي داعي تتفاخر وتتباهى بحسبها ونسبها فكلنا لآدم وآدم من تراب وحينما دفنت حتما سوف تسأل عن ربها ودينها ونبيها لا عن قبيلتها وأبوها … نسأل لها الثبات .
باختصار أعد …. أرجو مقابلتي أو كما يكتب أساتذة اللغة العربية