منوعات

” مراسم العزاء ” تنتقل من الإحياء إلى ” الصالات ” !


أعرب عدد من المواطنين عن دهشتهم من ظهور نمط جديد لتلقي العزاء في السودان ، والذي بات يتمثل في استئجار صالة لإقامة العزاء فيها بعد أن عرف منذ سنوات بإقامته في الأحياء وحول الموضوع يقول المواطن جعفر الصافي ” فوجئت ذات يوم وأنا أذهب لتأدية واجب عزاء بإقامته في صالة ” ، وأضاف : ” ماهو سبب ترك الناس لديارهم واللجوء للصالات الفخمة لتلقي العزاء فيها ” .

صحيفة السوداني


‫13 تعليقات

  1. معليش تعديل

    من علامات الساعة

    دي اسمها دولة السوغرابية

  2. اعتقد انه السبب هو انه البيوت اصبحت ضيقة لانه الواحد بيكون ماجر نص بيته وساكن في النص التاني وكتير من الناس بستخدموا النوادي بتاعة بلدهم في تلقي العزاء الفرق بين النادي والصالة شنو؟

    1. والله يا سونا اشكلك هم السبب في الحاجات دي زول ساكن في نص بيت وموجر الجزء التاني انتي عارفه ايجار الصالة بي كم اقل صاله ٢٠مليون والعزاء ينتهي بعد مراسم الدفن

  3. يا سونا كلامك غير منطقي، إذا احتاج أهل العزاء لقيمة ايجار نصف بيتهم لتعينهم على تكلفة المعيشه الغالية، فكيف يتثنى لهم ايجار تلك الصالات العالية التكلفة.
    إن من ابتدع هذه السنة ميسوري الحال الذين يستقلون أي مناسبة للتباهي وعرض ما لديهم من إمكانيات مادية بينما قد يكون جزء كبير من رحمهم لا يجد ثمن الوجبة. الدنيا والمظاهر عمت أعين الناس.
    انا لله وانا اليه راجعون، وحسبي الله ونعم الوكيل.

    1. اخي مجدي تحية طيبة . مع احترامي لرأيك لكن شايف انو الحاجة دي عندها مبرر . وبصراحة التكاليف الإقتصادية للصالة يمكن تكون اقل من العزا في البيت. لسبب. زمان أهل الميت مابيسوو اي حاجة غير انو يستقبلو الناس وباقي الضيافة من موية وشاي وثلاثة وجبات كلها على ناس الحي بالمشاركة.
      اليوم الضيافة كلها على اهل الميت بالإضافة انو الناس نقطتهم بقت مازي زمان الواحد يجي من بيتهم جعااااان وياكل في بيت العزا اكل الجن وينكسر معاك قريب عشرة يوم ياكل ويشرب على حساب العزا وبعداك يدفع عشرة جنيه في الدفتر ولو كان مسافر نقول ماف مشكلة كتر خيرو جاي من بعيد. لكن يكون فرقك منو حيطة او مربوع بالكتير.
      وبعداك تلقاه يتأمر ياولد جيب شاي ياولد جيب الفطور ياولد ياولد.
      المهم بعد تنقضي التلاتة يوم برضو الناس كاسرة معاك وعايزة تاكل وتشرب 15 يوم. وشوف بعداك لمن اهل الميت يصفو الكشف يلقو الخسارة قدر الكشف 4 مرات. الله المستعان

  4. صراحة انا ما سمعت قبل كده بحاجة زى دى لكن اتمنى ان يكون من باب لكل قاعدة شواذ وتكون افعال شواذ فقط لانه زمان كان العزاء بيستمر ثلاثة ايام ثم يتم رفع الفراش بعد اداء صلاة المغرب فى اليوم الثالث اما الان فاصبح الفراش ليوم واحد ويتم رفع الفراش مساء نفس اليوم وكل ذلك نتاج للاوضاع الاقتصادية المتعلقة بامكانيات الاسر فكيف بتيجار صالة تكلفتها تدير العزاء لمدة عشرة ايام وطبعا كل ذلك يا جماعة نابع من الابتعاد عن الدين وعدم قياس الامور بمقياس الدين الذى يلزم الجيران باعداد الطعام لاهل الفقيد الذى شغلهم فقدهم عن كل شئ ولكن هذا الزمان تجد الناس فى اتم الاستعداد لتلقى خبر الوفاة بل اعدوا كل شئ ناس فى المستشفى وناس فى البيت بتجهز لتلقى العزاء

  5. السلام عليكم ورحمة الله وبركاته أنا سمعت أحد المشايخ يتكلم عن فاجعة الأمة الإسلاميه كلها فى النبى صلى الله عليه وسلم وكان أحب الرجال اليه ابوبكر الصديق رضى الله عنه فلم يثبت أنه أقام له مأتماً وفراش وغيره إنما قال له طبت حياً وميتاً يارسول الله وحزن حزناً شديدا وإنما الموجود فى بلادنا وعامة بالد المسلمين ليس له علاقة بالدين بل حتى التعزية فى الميت واردة فى السنه المطهرة لا نعمل بها وهى ((لله ماأخذ ولله ما أعطى ولتصبر ولتتحسب)) والمواساه والدعاء للميت نحن هنا فى السودان نقول الفاتحة وتلقى ناس ساكتين ساكت وغيره نسأل الله أن يهدينا الى سواء السبيل

  6. الصيوانات دي مالا عيبوها لي ؟؟؟؟؟

    شعب بقى غير البوبار و الشمار ماعندوا هم ..

    رحم الله موتانا وموتى المسلمين جميعا واسكنهم فسيح جناتة .