زواج سوداناس

كابتن خارش وفريق هارش


شارك الموضوع :

* لا للمخدرات شعاراً نرفعه السنه دى
* طول السنه يكون شعارنا مرفوع
* شعارنا العالى يرفع
* والعالم كلو يسمع
* لا للمخدرات والمسكرات
* لا للبشرب وللبصنع
* لا للمخدرات بكل أنواعها
* حفاظاً على شبابنا
* لا للمخدرات
* والمخدرات تشمل انواع كثيره
* لا لها كلها
* حتى التخدير الطبى
* إذا زاد حدو
* لا والف لا له

* بكتل
* بودى الدايمه
* وكم من مغادر قد غادر من بوابة زيادة جرعة التخدير
* غادر قروب الحياة الذى كان يجمعه بنا
* كم مرة نشطنا النت وإتفاجأنا
* فلان غادر
* السبب زيادة جرعة التخدير
* أما المخدرات الدستوريه
* وهى مخدرات الدسترة
* مخدرات بى دستوووووووووورها
* دى بالذات لا والف لا لها
* رفع المعاناة
* والرفاهيه
* وبعد خمسه سنين الجنيه يجيب عشرة دولار

* وظيفه لكل خريج
* عروس لكل شاب
* عريس لكل بايره
* الكهرباء والمويه لن تقطع هذا العام
* العلاج المجانى
* تطور الخدمة المدنيه
* تخصيص الضرئب للشعب والحبائب
* تخفيض الصرف الحكومى
* نزول درجات الحرارة والأسعار
* تخفيض أعباء المعيشه
* إحراز الزنطور لبطولة جويه سمراء فاقع لونها
* دى كلها مخدرات
* والأخيرة دى أقدم أنواع المخدرات
* خمسه وتمنين سنه والجماعه مدمننها

* الزنطور العالمى
* الزنطور المدهش
* الزنطور المبدع
* والزنطور سيدا وقاعد على الحديدة
* وظهر الزنطور زايدينهو
* عويقتو فريدة
* المهم
* التخدير من شاكلة المعاناه وتخفيض المخصصات وتخصيص المخفضات وتخفيض المنصرفات وتصريف المنخفضات
* للأسف النوع ده ما بتعالج
* لو ودوه سيدو الصينيه
* تانى ما بزح منها
* يقعد زى شارة المرور العمر كلو
* يولع ويطفى اليوم كلو
* ويوم يطفى نهائى يتغير بى واحد تانى

* المهم
* قالوا كابتن مازيمبى مدمن مخدرات
* النوع ده خطير
* يعنى ممكن يفتح خيال
* ولو فتح خيال كلامو ببقى ما مفهوم
* ولو ما فهمتو كلامو
* ولو ما فهمتوا كلامى يبقى ما حاتفهموا طريقة لعبوا
* ولو ما فهمتوا طريقة لعبو
* خمسة زمان مضمونه فى نهار رمضان
* الكابتن الخارش ده ما هين
* أعملوا حسابكم يا روشا
* الكابتن الخارش خطر على الفريق الهارش
* المهم
* برغم الشائعات إعداد الزعيم تمام

* غرزة قال الفترة كافيه
* وما افتكر فى زول بعرف أكتر منو
* والميه تكضب الغطاس
* بجى الدورى
* وبتجى المجموعات
* وبتظهر الأعذار
* ولعبنا صايمين بالنهار
* أيها الناس
* البروف غرزة عارف شغلو
* علينا نحن كجماهير نقوم بى شغلنا
* القصه دى عملناها الدورة الأولى
* إتصدرنا الدورى
* برغم ضربات الجزاء المسكوت عنها
* دخلنا المجموعات من باب سويقه ما من نفاج سانغا

* اى حداشر بيحملوا الراية
* يبقى نخلى لغرزة شغلو
* ونشتغل شغلتنا وبس
* عشان شامى لى ريحة مطار
* أيها الناس
* يميز جماهيرنا المطارعن الزناطير
* عشان كده ما حانطير
* نمشى المطار
* ونقول للكاس مرحب حباب شرفت الديار
* أقعد مع اخوانك وما تحس بغربة
* زيك كتاااار عندنا
* المهم
* هل سيواصل التحكيم فى ان يخطئ ولايظلم؟؟؟
* الدورة التانية ما بتستحمل

* وحق النسور فى ضربة الجزاء الأولى والتانية
* وحق المريخ فى ضربة الجزاء
* إن شاء الله يمرق من عيون الظلم ويودى الجتت للظلمات
* اللهم كل من أمسك صافره ولم يعطها حقها فى العدل
* اللهم إن شاء الله يصفر قطرو ويمحو اثرو يا الله
* اللهم كل من تسول له نفسه ان يظلم فريق مستغلاً منصباً إدارياً
* اللهم كبارينا الكتيرة دي يقع منها فى نص النيل والتسماح فاتح خشمو يا الله
* اللهم وكل من لا يعمل بنزاهة فى إدارة النشاط الرياضى
* اللهم الأوضة الراقد فيها الأرضه تقرضها وتقرضوا يا الله
* اللهم ورجال الخطوط يا الله
* البشوف منهم حاله ويسكت عليها
* اللهم تبقى ليهو آخر شوفه فى الدنيا دى يا الله

* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* بنسأل بس ورينا
* والينا القديم سلمك الخيران مقفولة ولا محفورة لينا
* لأنك إستلمت والسحاب حولينا
* بس قلنا نعرف عشان نعرف منو الإتلوم فينا

ﺳﻠﻚ ﻛﻬﺮﺑﺎ

** ﻧﻨﺴﺎﻙ ﻛﻴﻒ ﻭالسحاب بحمر لينا فى عينينا؟!!
والي لقاء
سلللللللك

شارك الموضوع :

تعليقات الفيسبوك

تعليقات


2 التعليقات

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *