صفيه صحبتى وجويتى
* إنتصر الصقور
* بقدرة قادر
* لأن السودان رجل صالح
* ودلائل صلاحه كثيرة
* أسى صبر السودان ده ماصبر صلاح؟
* صابرين على الفلس
* صابرين على المدارس
* صابرين على السخانه
* صابرين على قطع الكهرباء
* المويه فى ركبنا وفى مواسيرنا مافى
* وصابرين
* صابرين عندنا غنا
* وصابرين
* صابرين عندنا محطة
* وصابرين
* إن الله مع الصابرين
* إنتصرنا
* برغم الإهمال وسوء الحال ولعب العيال الإدارى
* برغم علوق الشدة
* برغم الكريزات البترحل المنتخب
* برغم انف المستحيل
* هدف رمضان من ضربة جزاء أعلن النصر لنا
* الرصه إنو أمير هدف ضربت فى مدافع أخرجها مدافع تانى متعمداً
* أى زول لابس الشعار ولدنا
* مابنفرق بين زول وزول لأنو البلد بلدنا
* والبلد بلد البنت والولد
* زى ما البنت بنت والولد والبلد
* أيها الناس
* مستوى لياقة مساوى ونزار وفداسى وبشه والجزولى
* يثبت نجاح معسكر الهلال بتونس
* وإتعسكرى
* لكنها مباراة إنتصار وكفى
* ومباراة ذكريات
* صلع مساوى وفداسى ورجل الخط البهناك
* ذكرتنا المدرسه والقوب والحلاقة للفصل كلو
* لكن بينى وبينكم
* مدرب سيراليون ده شفتوهوا وين؟
* دحين الزول ده ما على كبك!!
* خلى الغنا ولا شنو
* المهم
* ناس كوفتى مبدعين
* أبدعوا فى شاى الغزالتين
* وأبدعوا فى قهوة الفنجال
* ولم يتوقف إبداعهم على جودة الصنف
* بل شمل الإبداع حتى دعاياتهم وإعلاناتهم
* صفيه صحبتى دايرة تعرف سر قهوتى
* ونحنا ذاتنا يا ناس كوفتى
* عندنا صفية صحبتنا
* صفيه صحبتى حاسدانى فى جويتى
* تمنين سنه تحسد فينى وهى صحبتى
* شوفى يا صفيه صحبتى
* لو كنتى عايزه تعرفى سر جويتى
* اول حاجة تبطلى حساده
* وتلوكى الصبر زيادة
* وتوحدى المعبود سيد العبادة
* وتعترفى بى جويتى
* تانى حاجه يا صفيه يا صحبتى
* تجيبى صفرك وتختى
* تجيبى الفندك وتدقى
* تفندكى
* حتت تكسرى
* تطلعى وتغربلى
* وما تشفقى
* باقى صفرك صلب وقوى
* وبعدما تغربلى
* تانى فى الفندك تكبى
* وتدقى
* وتدقى
* دقى يا صفيه صحبتى
* دقى لمن تختيه
* وحتيه
* حتا البلى صفرك ده يا صحبتى
* بعد تدقيهو كويس وتنعمى
* تعالى اوريك كيف تخلطى
* خطوات كتيرة
* وسنين طويله عشان تفارقى
* عرفتى يا صفيه صحبتى؟
* المهم
* أمس عاد الحبيب المنتظر
* عاد وريحة المطار ملت الدار
* يظهر يا صفيه يا صحبتى
* تانى حانمشى المطار يا إنتى
* المطار تطير عيشتو
* طوالى ماشين ليهو
* غايتو ناس صفيه صحبتى
* لو فى زول شافهم فى شارع المطار
* بكونوا ماشين مايو
* أصلو شارع المطار بودى مايو برضو يا صحبتى
* تعرفى يا صفيه صحبتى
* صفرك ده لو فترتى وغلبك تدقى
* نادى معاك فطومه أختى
* إنتو ووووووووووين الإسم ده؟
* ووووووين فطومه أختى!!
* صفيه صحبتى (بُنك) ده دفقى
* وفطومة أختى (بُنك) ده كشحى
* وتعالن لى قهوتى وجويتى وتفردى
* معزومات
* المهم
* كتر الكلام حول معسكر المريخ
* مع العلم بأن طول اوقصر المعسكر بيتوقف على الجاهزية
* يعنى فى ناس بجهزوا فى سته شهور
* وفى ناس السته شهور ما بتجهزهم زى كانوتيه
* وفى ناس بجهزوا فى تلاتة شهور
* وناس سنه ما بتجهزهم
* زى البرازيلى ابو أسرة كريمه
* وناس فى شهرين
* وناس فى شهر
* وناس اسبوع برجعهم الفورمة
* جاهزين مويه ونور
* والمريخ الشفناهو يوم الترجى ده
* جاااااااهز
* داير تسخينه بس
* خمسه دقايق قليب فى النار
* ويجهز
* لكن لحم البقر بحتاج أكتر من كده
* البقرى فقرى
* عشان كده بحتاج شوال فحم ومقيلة فى النار
* وإتجهزى
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* لما جيتنا قلنا جِد لينا
* تلاتة يوم مما جيت علينا
* الكهربا قاطعه فيهن اسبوع يا والينا
* والشمس زادت سخانه والناس كتر أنينا
* أشعه فوق البنفسجيه وتحت الخضراء وجمب الحمراء مولعه فينا
* زى الواقفين فى استوب بقينا
* كل الألوان مرت علينا
* بى قطعة الكهرباء دى يا والينا
* أخلاقنا هنا بتجينا
* وعليها رمضان جايينا
* حقو تركز لينا على الكهرباء يا والينا
* حاولوا صلحوها فى اليومين الفضلن لينا
* والمويه يا والينا
* أنتو وين الأسم ده يا والينا؟
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭمن عبدالرحمن لى عبدالرحيم نتمنى نمشى فى السليم؟!!
والي لقاء
سلللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
.. الفندكة .. روعة أخونا سلك .. أوﻻد البحر بيزيدو روعة خطوات الفندكة .. في اﻹنتظار .. شكرا على المتعة ..
شئ جميل ان يتحول كل المحامين والقانونيين في بلادي لممارسة الفندكة وصفية اختي اسوة بسلك وفي النهاية أهي شغلة