جماهير … إرادة وقرار
> الجمهور هو السيف البتار
> وهو صانع القرار والاستقرار
> هو قائد المسيرة للمطار
> هو صاحب الخيار والاختيار
> هو الذي يفعل إذا قال
> هو من قال
> من عزام ولي قدام
> أيها الناس
> انتهى الإعداد الفني
> وقبله الاستعداد الإداري
> فقط تبقى الإعداد الجماهيري
> ولأن الشفوت ما بتفوت عليهم
> بدأ الإعداد والاستعداد
> بروفات التشجيع على قفا من يشيل
> لجنة التعبئة شغالة
> اولتراس أولمبيوس شغال بروفات
> التراس الجوارح بدأ شغل
> بل نجد أن لجنة التعبئة بصدد تسفير مناديب لاستجلاب النوبات وآلات التشجيع من تونس
> الناس عارفة بتعمل في شنو
> أيها الناس
> أي زول ليهو دور
> ولو كلو زول قام بي دورو
> المطار ببقى بي زولو
> زولو القديم ذاتو
> زولو المن زمان زولو
> لا نشكر الجمهور
وإن شاء الله يوم شكروا ما يجي
> ولكن نتقدم بإشادة للجمهور
> جميع قطاعاته وفعالياته
> واسمحوا لي أن أشيد بالإخوان عراقي وعكاشة
> «دبل» عين يا عمك
> عينين
> قاموا بي شغل كبير
> بدون ضوضاء
> بدون أضواء
> بدون مساعدة على معينات العمل
> قاموا بأدوار كبيرة نعلمها نحن
> شكراً لكما إخوتي عراقي وعكاشة
> وأظنكما بدأتما إعداد جيد للمجموعات
> الشغل كتيييييييييييييير
> والمطار قريب يا حبيب
> كلو زول يقوم بي دورو
> واللقاء بالمطار
> أيها الناس
> دور الجمهور كبير
> والدليل في مباراة المنتخب
> برغم الإهمال
> الجمهور ما قصر
> بل هو من انتزع نقاط سيراليون التلاته
> للأسف نقولها
> وبكل شفافية
> مقام به الجمهور تجاه المنتخب
> لم يقدمه الإعلام الرياضي
> والدليل
> معظم الصحف الرياضية
> كان انتصار السودان يمثل لها الخط التالت أو الرابع
> معقولة يكون المنتخب فائز
> والمانشيت الرئيسي استقبال فريق؟؟؟
> والبعدو تألق لاعب في التمرين؟؟؟
> والبعدو تأخر وصول لاعب بسبب زحمة المرور؟؟؟
> ثم البعدو فوز الصقور
> نعترف بالقصور في حق المنتخب
> ونعترف بعلو كعب الجماهير فيما قدمته للمنتخب
> الاتحاد العام والوزارة أهملا المنتخب
> وكذلك الإعلام الرياضي الذي يأتي بنصر المنتخب
> بعد أخبار التمارين
> لله درك يا وطن
> المهم
> الجماهير تعي دورها كاملاً
> وشفوت سنار قاموا بعمل كبير
> نشيد المريخ
> تأليف وألحان وأداء وفيديو كليب كمان
> عمل رائع وكبير
> يقول مطلعه
> باسمك التاريخ دوماً قد كتب > > > > > يا حامل الكاسات وزنك دهب
> عمل رائع وكبير
> سيرى النور قريباً من خلال القطاع الثقافي إن شاء الله
> هكذا هم الشفوت
> أسعد حسن السناري ورفاقه كانوا في الميعاد
> شكراً كثيراً لكم يا شفوت سنار
> وسنعود بالتفصيل لنشيد المريخ
> أيها الناس
> ماذا فعل المجلس في أمر المراحل السنية؟؟؟؟
> وهل ترك المجلس المشكلة للزمن كي يحلها؟؟؟؟
> وهل يستطيع الزمن حل الإشكال؟؟؟؟
> أيها الناس
> ماذا فعل الاتحاد في أمر المنتخب؟؟؟
> هل أخذ نقاط سيراليون ولبد؟؟؟؟
> وهل ركن من جديد على علوق الشدة؟؟؟؟
> وهل ينفع علوق الشدة مع منتخبات مثل تلك التي تنافسنا في مجموعتنا؟؟؟؟
> أيها الناس
> لماذا يثير البعض أخبار خلافات بين غارزيتو والمجلس؟؟؟؟
> هل بقصد زعزعة الاستقرار وضرب المريخ؟؟؟؟
> وهل الشتل يستطيع أن يقصي المريخ من المجموعات؟؟؟
> أم أنه الخوف من المريخ والرياح تأتي بريحة المطار؟؟؟؟
> أيها الناس
> الناس الريحتهم طير طير
> حقو يبطلوا شتل عشان كلامهم ما يبقي كلام الطير في الباقير
> الباقير زاتها قالوا إيلا داير يشيله
> يا حليلك يا الطير
> المهم
> رمضان على الأبواب
> بالفي بالمافي بنصوم بفضل الله
> أساساً الشهر الوحيد البناكل فيهو هو رمضان.
> بي خيرو يا عمك
> وحداشر شهر بنصوم
> لاقتكم أسرة حول صينية مجتمعة غير في رمضان؟؟؟
> أساساً في صينية بتطلع من المخزن غير في رمضان؟؟؟
> شخصياً ما شفت من غير رمضان أسرة حول صينية
> إلا حول صينية المرور راجين المواصلات
> المهم
> راجين رمضان البعدو عشان ناكل
> اللهم تقبل صيامنا وقدرنا عليهو
> وبارك لنا اللهم في حلومرنا
> وعصيدتنا وبليلتنا وفولنا وطعميتنا
> وفي لمتنا وفطرتنا مع بعضنا في حلتنا
> آميييييييييييييييييين
> المهم
> على الجماهير أن تكمل إعدادها
> المليون شهيد لازم يبقوا مليون وتلاتة شهيد
> جزائري يصعد معانا
> واتنين يستشهدوا
> كده يبقوا مليون واتنين شهيد
> عليهم الشهيد الهنا
> يبقوا مليون وتلاتة شهيد
> باقي لما يستشهدوا اتنين جزائريين في مجموعتنا
> بستشهد الجزائري التالت القاعد هنا
> واستشهدي
> ريحة المطار فاحت
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> لسه الكهربا ما بتجينا
> ممكن نحارب الضلام بي رتينا
> لكن السخانة ما بتتقاوم يا والينا
> زمان كنا بنقاومها لو رشينا
> أسي إلا نرشها رصاص يا والينا
> وينا المويه البترشرشنا وتروينا؟؟؟
> يعني شنو يا والينا
> ليه ما بيين الفكفكينا؟؟؟؟
> فكوها لينا
> الكهربا والمويه فكوها لينا
> ولا نشوف وطن يأوينا؟؟؟؟؟
سلك كهربا
ننساك كيف والقمة الإفريقية بلعت المحكمة الجنائية وأوكامبو الماسورة.
وإلى لقاء.
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
مقال كلو شفوت ده شنو تربية الشوارع ده؟