جوهرة فى الجوهرة
* اليوم نلتقى الأهلى
* ولعلها فرصة لإثبات أن فترة المعسكر كانت كافية
* فغرزة قال الفترة كافيه
* يعنى كافيه
* برغم ان مباراة المنتخب قد أثبت انها كانت كافيه
* فمستوى المعز المتألق
* ولياقة ضفر وأمير كمال وبكرى ورمضان
* أثبتت أن المعسكر كان ناجحاً وفترته كافية
* أما الناس القطعوا
* وقطعوا مصاريننا من الضحك
* ودخلوا فى شد عضلى
* كان معسكرهم غير ناجح
* واللود عالى
* ومساوى قطع ونزار قطع وفداسى للجرى كان ناسى
* وأثبتت ذلك مباراة الأمل أمس
* يا شد عضلى
* يا نفس نهى بالكل كهى
* ايها الناس
* مباراتنا اليوم
* فرصة لنشاهد ديديه
* ونستمتع بيه
* ونحمد الله عليه
* ونؤكد ريحة المطار الضاربة البلد
* وناس ضارباهم ريحة الحلومر وبس
* أيها الناس
* متعة مباريات ابوالهل
* انك تدخلها بى عمه وجلابيه ونضاره سوداء
* نضاره سوداء بالليل
* وتقعد وسط الأهلة
* وتستمتع بإستهجانهم
* وتستمتع بتصريحاتهم عن مواسيرهم
* وتستمتع بى ندامتهم على ذهاب الأرباب
* وتستمتع بإعترافاتهم بأنو المريخ جاهز وكبير
* والغريبة لما هلالى كبير يحلف طلاق ويقول:
* على الطلاق المريخ السنه دى يجيب كاس افريقيا
* وينط هلالى تانى ويقول ليهو:
* على الطلاق إلا نطير كان جابو
* تانى يمشوا المطار ونحنا كايسين لى أسى زول بيطار!!!!
* أها إعترافات قوم لا يدرون أنا أرسلنا العيونا
* والغريبه العيون الوراء النضارة السوداء
* والعمه المغطيه الصلعة
* متعة الجلوس وسط الأهلة
* السنه دى غم عليهم
* إكمال عدة شعبان
* المهم
* جوليام البرازيلى شفناهو شفناهو
* حتى القمر فى سماهو
* قال أنساهو أنساهو
* ده حالتو الصغير
* حالتو البرازيلى الما عندو إصابة متفردة
* ده حالتو القالوا بجى منو؟
* عمدة يا أخوى
* بضاعة المغلق وديها المغلق
* جننت الهلال بى مواسير المغلق ده
* وهلالى كبير كان يجلس الى جوارى
* فى الحقيقه أمامى
* تحت النضاره طوالى
* إتلفت على وقال:
* ده البرازيلى الفالقننا بيهو؟
* قلت ليهو نشيل الصبر
* قال لى نشيل الصبر لى متين ونشيل جوية متين؟
* بى قلبى قلت ليهو مطار نهى كرتا
* وبالصوت العالى قلت ليهو الهلال جاهز
* قال لى الهلال السعودى؟
* ايها الناس
* جوليام يدشناول وآخر أهدافه مع الهلال
* بلنت تانى عشان يشوتها ما بلقاها
* المهم
* قلت ليكم مكسيم شعارو البره الخط بره العقد
* أمس جوهرة فى الجوهرة ختاها ليهو من بره
* والطاهر حماد خته واحدة العناية الإلهية مرقتها
* دى كان جات
* كان الوزير اسى بختار فى لجنة التسيير
* ولجنة التسيير تعتذر
* رمضان بكره
* وفى رمضان ضد الغربان
* منو البقبل يخش مجلس غربانو يتطايرن؟
* أيها الناس
* الليله كلنا
* نطمئن على حبنا
* ونعمل بروفة تشجيعيه لى حبنا
* الفريق مستعد
* والجمهور مستعد
* والمطار مستعد
* ولكن لن تفوت المؤامرات الفاتت على الشفوت
* بالطبع لهم رأى
* وحايصل من خلال هتافات ولافتات مباراة اليوم
* جمهور واعى ويعى ويفهم ويعرف كيف يوصل رسالته ويحمى ناديه
* فى إطار القانون ومع القانون
* وفى إطارات أنتر ناشيونال مع الناس الطارت ليهم
* وحاتطير ليهم
* لسه
* أيها الناس
* القروبات المريخية يدها طايله وتجمعات قوية
* رأيكم شنو نلم كل القروبات فى تبنى صيانة النادى
* يعنى نجلد النادى بالقلادن ونشيد منافع راقيه وعددها كافى
* ونشجر النادى
* ونعد الأثاثات
* ونجلب إضاءة تشبه المريخ
* ونقفز بى نادينا الى مصاف الأندية الكبيرة
* نشوف التكلفه كم
* ويلتزم كلو قروب بى نصيبو
* وعبدالحى قاعد
* والتوريدات إيصالاتها تنشر فى كل القروبات
* رأيكم شنو؟
* مع العلم بأن المريخ فى الواتساب عندو أزيد من تلتمية قروب
* الموضوع ده بنرجع ليهو
* لأنو من المطار لازم نجى نادينا
* ولما القنوات العالمية تتابع المسيرة
* ختام نقلها لازم يكون مسك
* نقل من نادى عالمى
* عالمى فى كل شى
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* فى شارع العرضه ده جابو لينا
* جماعه فتحوا المصارف لينا
*ختوا الأغطية الخرسانية بالجنبه
* نضفوا المصارف ومشوا يا والينا
* تانى المصارف إتملت علينا
* ورق وأكياس وحطب وحجار يا والينا
* الناس الإشتغلو الشغل ده يا والينا
* مافى زول بستلم منهم ويطمئن علينا؟
* ولا القصه حجوة ام ضبيبينة؟
ﺳﻠﻚ ﻛﻬﺮﺑﺎ
** ﻧﻨﺴﺎﻙ ﻛﻴﻒ ﻭعربات النفايات تشيل من شارع وتوزع فى باقى الشوارع،ننساك
كيف والبحفر الخور بخلى التراب جمبو ويفوت،ننساك كيف بس ورينا؟!!
والللللللي لقاء
سللللللللللللللك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
المعز محجوب ——- عمر بخيت ———- بكرى المدينه ———— هيثم مصطفى ———- علاء الدين يوسف
(فعلا المريخ نخير والف خير )