منوعات

بالصور.. البشير يزور شيخ الامين في مسيده ومحبي شيخ الامين يكتبون..الملوك زاروك في مسيدك جوك


نشرت صفحة محبي ومريدي الشيخ الامين عمر الامين طه‎ على فيسبوك ليلة الخميس صوراً تظهر الشيخ الأمين عمر الامين يساهم في إعداد وتوزيع الطعام لمريديه أول ايام شهر رمضان المعظم.

كذلك نشرت الصفحة في نفس الليلة بحسب رصد محرر موقع “النيلين”صوراً لزيارة فخامة الرئيس السوداني المشير عمر حسن احمد البشير ، لمسيد الشيخ الامين عمر الامين في العاصمة السودانية الخرطوم.

وقد وجدت زيارة البشير فرحة كبيرة من محبي شيخ الأمين وقالوا،(الملوك زاروك في مسيدك جوك). ومن التعليقات أيضاً (ماشاء الله عليك يا المشير عمر ربنا يحفظك ويغطيك بركة الشهر العظيم).

الخرطوم/معتصم السر/النيلين
شيخ الامين2

شيخ الامين3

شيخ الامين4

شيخ الامين5

شيخ الامين6


‫39 تعليقات

  1. الامين ده الشيخ المحايتو بيبسى و حيرانو جكسى … والله شيخ بليق بالمرحلة مدد مدد مدد يا شيخى …..

  2. اتركول شيخ الامين وشأنه, ناس ما عندها شغله غير الشمارات!! شيخ مرطب ومقتنع بي البيعمل فيهو. انتو مالكم ومال حيرانو لو جكس او ناس نضاف. عالم حاقد

    1. رمضان كرييييييييييم يا عالم اتقو الله وخافو الله بما تقولون في اخونكم المسلمين استغفرو وارجعو للله

  3. يعني الريس عايش بالجدل برضو دا الوهم ذاتو !

    دا المشروع الحضاري !

  4. شكلو حسب الروايات يقال ان البشير اثناء الزنقه في جنوب افريقيا اتصل بشيخ الامين و طمأنه الاخير قائلا لا تقلق و لا تخاف يا عمر يا ود البشير بمرقك بمرقك منها بس ما تنسانا من البياض لامن ترجع و كانت الزياره للوفاء بالوعد ودفع البياض السخي جدا

  5. يا جماعه خلو على راحته. ان شا الله يجيب اولاد وبنات ناس يبقوا حوارين. دعوا الخلق للخالق

  6. الله يكون في عون البلد والناس الطيبين والغلابة دجل وشعوذه و أشياء غايتو ربنا يكون في العون خربانه من رئسها

  7. اووووو الموضوع خطير …!!!!
    يا مغيث اغثني وليس ي شيخ الامين ..
    حتي رئيسنا طلع ابو جهل الله يهون ..

  8. والله لو زرت محطات المويه المتعطلة وحاسبت مدير مياه ووجهت صديقك الوالي أن الماء الاهتمام الاول كان اجدى وانفع واقيم عند الله ثم عند الشعب السوداني. تقدر تقول لي زيارتك لشيخ الأمين نحن نستفيد منها شنو. حل مشاكلنا الانتخبك الشعب من اجلها . زيارة الشيخ ملوحقة. هذه لو فعلا حصلت الزيارة . اما موضوع المياه فقد استفحل بدرجة شديدة واحذروا دعوة الصائمين

  9. و الله زيارة غير موفقة أبدا . . .

    كلامك صاح يا ود الحاج . . . لو كان وقف مع مدير هيئة المياه و أشرف علي صيانة الطلمبات كان أحسن و بأكد و قفتنا معاهو وكت زنقة جنوب أفريقيا . . .

    ياخي شيخ الامين دا الصوفية عندهم فيهو راي . . تمشي تزورو . . .

    هل ديل نفس المستشارين ال قالوا ليك تمش جنوب أفريقيا قالوا ليك أصل شيخ الأمين . . .

    بالطريقة دي يا ريس , ياكا الركبت الماسورة . . .

    و كويس إنها اخر (دورة ) ليك . . .

  10. عندما يتشر الفقر و الجهل في مكان . نتيجة طبيعية ان يخرج لك امثال الامين هذا

  11. امثال الامين الدجال هذا نتيجة للفقر و الجهل العايشين فيهو . و للاسف سيظل الحال علي ما هو علية الي اجل غير معروف نسال الله السلامة

  12. صدر بيان رسمى في هذا الخصوص / و خذوها منى و تحرو بطريقتكم وانتم لن تعدموا سبيلا لذلك / قام الرئيس في يوم الخميس بتقديم واجب العزاء الى اسرة ال الشيخ الكباشي وفى موقع العزاء التقاه هذا الكائن البشري – مثل اي لقاء عابر مع من تواجد في مثل هذه اللحظة .. و انتو عارف الامين دا معاه مصوراتية و شيالين و هلما .. فاخذت الصورة و تم ترويجها .. لكنى اؤكد لكم من مصدر مقرب .. ان البشير لم يزر هذا الرجل ولا مسيده في ام درمان تماما .. و تحروا و تأكدوا بانفسكم يا غالىن

    1. دعونا نفترض أنه زاره – يعني ايه الحصل -البشير بيزور سودانين كثيرين ولا أري في ذلك اي غضاضة .
      يا اخوانا سيبوا الناس في حالها الله يرضي عنكم

  13. انها بداية زوال ملكك ايها البشير عندما تأتي العرافين و الدجالين , لم تتعظ بنميري و الله يأبى الا ان يتم نوره …

  14. الجلابية بتاعة الاكل غير الجلابية بتاعة استقبال البشير.. يعني كل لقطة من بلد.
    الله يهدي الما عندو موضوع الكتب الموضوع دة

  15. الصواني التانية فاضية ودي يا دوب قاعد يخت فيها العيش ..

    بعدين واضح أنو بيخت عيشة أو عيشتين في كل صينية (مسألة رمزية) وبيجوا الحيران يتموا الباقي .. (يعنى بما أنك أصبحت خواجية حقو يكون عندك common sense والا ح يسحبوا منك الجوار لأسباب موضوعية !!)

    ما معقول زول يقدر يوفر الصينية دي كلها ما يقدر يجيب ليها رغيف ..

    فطور ما فيها كلام .. أحسن كتير من الناس اللي بيطلعوا البيرجر من الفريزر ودقيقة في المايكروويف وخمسة دقايق في الزيت…

    فطور ما فيهو كلام وكل (السودانيين الزمان) يتمنوا لو وجدوا مثله علي مائدة ،أقصد (كنبة !!) افطارهم …

      1. بااااالله وعليك الله وماكان عندي فكرة ماقرأت دا في المدارس وماعيشت مع الحيران او الشيوخ مثلك الظاهر عليك يابتاع التعليقات تربية شيوخ وحيران وبتعرفcommon sense بتاعت الشيوخ ومنو قال ليك اني خواجية وكيف عرفت شايف علم بريطانيا في تعليقي وماتخاف لن يسحبوا مني الجوار لانهم ماعندهم اولا يؤمن بي الاشياء التافه والخرافات تلك قال مسالة رمزية قال يعني شيخ الامين هو بتف علي الرغيف بالبركات ولي قصدك شنو يا جاهل يامتخلف واحسن تطلع البيرجر من الفريزر ودقيقة وتوفر قروشك بدل قبل الشهر ينتهي تصبح شحاد وماتلقي حق الاكل؟السودانيين اغترابوا واتعلموا الاقتصاد وحفظ المال والجاهلين المثلك مثل الدجاجة يفرزع في القروش لما لمغتربيين يرسلوا ليه تاني انتظر ياجاهل قال بتاع تتعليقات وقال فطور قال دي تصبيرة وليس فطور

        1. استغفري الله يا (حاجة سودانية زمان) الدنيا رمضان، الصيام سخّـن ولا شنو !! .. أيه لزوم الشتيمة .. نحن قاعدين نتاقش بموضوعية. .. بالمناسبة فلس العقول أسوأ من فلس الجيوب بكتير …

          أنا الحمد لله حالي ميسور ومستور، وانت كنت فقيرا فالفقر ليس عيبا .. أحسن من يتصدقوا علي (ولاد جون) من فتات موائدهم بدل رميها في الكوشة ..

          بالمناسبة الناس لا تزال تفرش موائدها في الشوارع، ومعاها شاي وجبنة (ستاربكس !) كمان …

        2. الرمضان سخن معاك وجيت انت نافش ريشك مثل ديك العدة بدون سبب؟ الشتيمة لانك بتاع شيوخ وكلام فارغ وناس السعودية بحاربوا اشكالك بالسلاح والقتل وليس بالشتيمة وهي ارحم واخف؟ وهل تعرف انو 80% من السودانين في الخارج كانوا او لازالوا يأخذوا الاعانات من اولاد جون منهم قادة في الدولة ومنهم صحفيين ومحاميين ودكاترة عقول نابغة بتعيش علي تلك الاعانات وهي ليس عيب ود تكافل امر به الاسلام للمهاجرين ووووو ومفروض الدول الاسلامية هي التي تقوم بذلك ولانك جاهل وتتحدث عن العقل وانت لاتملك عقل او مال؟واولاد جون امبارح رسلوا ليكم الزرة والروس غدا؟والمؤخر السودان الكلام الفارغ والرسول (ص) عاش بالماء والتمر وانت تتفاخر بالموائد اخجل ياهذا واعملوا مثل الخواجات لكي يتقدم السودان السندوش فقط وكتر خير البشير ادخل ليكم ساندوش باhot dog واللهم اني صائم واحسن تفارق دربي يابتاع التعليقات الفارغة

  16. السؤال الي يطرح نفسه
    هذه الزيارات الخاصة او تكتسب طابع خصوصية لماذا يسمح بتصويرها .. هل الرئيس محتاج لزيادة شهر واعلام ام ان المسنى بالشيخ الامين دا بيهدف لشيء من وراء الصورة ويقول للناس شوفوا حتى رئيسكم بيجيني ..
    والله اعلم بغرض زيارة الرئيس ولكن طالما كانت فيالمسجد احسن الظن واقول انها للوقوف على كمية الزائرين والدعوة ..
    ولكن لا ارى اي مبرر لهذا التصوير .. والذي اول مايبدوا لي هي لغرض اعلامي وشوفني

    1. يا اخي العزيز

      اسمعت اذ ناديت حيا

      لكن ديل كلاب لهب

      الواحد لا يعرف النظافة من النجاسة

      منهم لله

  17. يقول المصطفي صلى الله عليه وسلم — اتق النار ولو بشق تمره – دعوا الخلق للخالق . والله وحده يعلم السراير وهو حده جل جلاله من يحاسب الناس يوم القيامة . وهل يكب الناس في نار جهم الا حصائد السنتهم . اتقوا الله في اعراض المسلمين .

  18. اتقي الله

    يا انت البعمل فطور زي دا مابغلبه الرغيف لكن هذه بداية التوزيع

    و انت لو مرة صاح كان مشيتي حضرت الفطور لاهلك بدل التعليق التي تليق بك و لكنها لا تليق بالشيوخ السادة

    و الشيوخ لا يحتاجون لشهادات من امثلك من حثالة المجتمعات

  19. كل اناء بما فيه ينضح
    الصلاح ينضح صلاح
    و الشهامة تنضح شهامة

    و السفالة تنضح سفالة
    و الحثالة تنضح حثالة
    و
    اللهم اني صايم

    هل هؤلاء مسلمين حقيقين
    لا يعرفوان اقدار و قيم الرجال
    جزاك الله خيرا ايها الشيخ الجليل
    و جزاك الله خير ياسيادة الرئيس

    لمعرفتك قيمة الرجل

    اما الحثالة فالكلب يعوي و الجمل ماشي

  20. قمة الجهل دا شنوه هسى الناس دي لسه مع شيخي فلان وبرطمان الله يكون
    في العون جهل مركب

  21. البشير مستحيل يزور دا .ما فى مناسبة يزوره فيها و فى اخ علق قال المسالة كانت صدفة و انا اؤيده فى ذلك

  22. البشير يكون مشا يشوف ليهو حورية من بتاعين الشيخ ده ما هو جنو نسوان

  23. الصورة لا تعني زيارة البشير … ربما تكون صورة عادية في مكان غير (( زريبة)) هذا الدجال

  24. خلل في (عقيدة) ومنهج الكيزان..
    كيزان السودان بالذات يختلفون عن كل إخوان العالم..
    خلل واضح في العقيدة بسبب الجهل بالمسائل (العقدية)..!!!