زواج سوداناس

نصوم ونفطر علي مطار


شارك الموضوع :

> نحمد الله جوياتنا كتيييييره
> طوالي ماشين المطار
> لمن ريحتنا بقت مطار مطار
> وغيرنا ريحتو طير طير
> نجيب جويه
> ونصوووووووم
> ونفطر على مطار
> محمد عبدالماجد
> العاقبة عندكم في المطارات
> لكن بتطولوا وتاخدوا مدة
> المهم
> خالدونا اتكلم عن المسالمة وتأسيس المريخ والأقباط
> نتشرف بأننا نشأنا بالمسالمة يا خالدونا
> ونتشرف بأننا تأسسنا سنة 1908
> ويزيدنا شرف أننا تأسسنا قبل أن يكون في تسجيل للأندية في البلد دي
> يشرفنا أننا نشأنا في حي عرف التعايش السلمي والديني والإنساني منذ العام 1908
> والعالم كله اليوم يبحث عن آلية للتعايش السلمي والديني
> سبقنا العالم بمية وسبعة سنة
> دائماً نسبق الناس
> قيافة وفايتين الناس مسافة
> وللمعلومية يا خالدونا
> رسولنا الكريم أوصانا خيراً بأقباط مصر
> وأقباط السودان هم أقباط مصر
> ارجع للتاريخ والهجرات
> وتضمهم كنيسة واحدة اسمها الكنيسة القبطية
> نفخر بأننا نشأنا بينهم
> وأنهم جزء مننا
> ودي في حد ذاتها لمحة من لمحات المريخ العالمي
> خالدونا
> الأهلة الشرفاء هم مريخاب زعلانين
> لأن خروج فتح الله بشارة ورفاقه من المريخ بعد التسمية الجديدة
> ولمدة تلاتة سنين كان فتح الله بشارة خلالها منقولا لجنوب السودان
> وبعد عودته انشأ ما يسمى الهلال مع رفاقه
> إذن الأهلة الشرفاء مريخاب زعلانين ليس إلا
> المزعلكم قدر ده يا محمد عبدالماجد شنو؟؟؟؟
> وبمناسبة أقباط يا خالد
> فتح الله بشارة ده من قريش؟؟؟
> موش من المسالمة؟؟؟
> أما كلارك فهو من كنيسة تانية
> كنيسة طيرها عجمي
> باقي ليك كلارك ده كان رئيس المريخ؟؟؟؟
> وفرقته بتاعت الكشافة الإنجليزية كانت تتبع برضك للحركة الوطنية؟؟؟
> يبقي حكموا العقل قبل كل شيء
> أيها المريخاب الزعلانين
> متين تنسوا وتروح زعلتكم وترجوعوا لي ساسكم وتاج راسكم؟؟؟
> المهم
> بداية ديدي جيدة
> وبداية عمر بخيت ما بطالة
> وسبق لغرزة أن قال
> إن عمر وسيلا وراجي تنقصهم اللياقة البدنية
> وطالما الموهبة والمهارة والخبرة في
> اللياقة هينة
> وقطعاً حانشاهد عمر بخيت جديد وحديد في المجموعات
> وصدق مزمل لما هاتى ستة سنين
> عمر ولدنا عمر ولدنا
> حا ندخلك المطار لأول مرة في حياتك يا عمر يا ود بخيت يا ولدنا
> أيها الناس
> الباب البجيب «الريح» حقو نسدوا عشان نستريح
> الباب ده ما بجيب لينا غير الريح
> المهم
> رمضان كريم
> ومن مظاهر عظمته إنو الكريمات بتقيف
> بناتنا بالكريمات ما فضل ليهن جلد
> والهجمة والرجمة والجيران اندهشوا
> وبالغ الزمن
> غيرن تضاريس بت البلد
> والغريبة يا أخوانا
> إنو الحاجات دي معظمها بأثر على طبيعة الخلايا
> ويؤدي إلى سرطنتها
> ولما الواحدة تتسرطن
> ما بتتألم براها
> بتألم معاها المجتمع والأسرة والدولة
> يبقى حقو نوقف الحاجات الما طبيعية دي
> وحقو نعرف
> إنو أي لون في الدنيا دي حلو حلا
> بس يكون رويان ونضيف وطبيعي
> لون زينب عيبوهوا لي
> الأسمر جميل
> والأخضر فنان
> والأبيض حلو لو طبيعي
> والأصفر يسر الناظرين إذا كان شركة
> تعالوا نستغل رمضان في الإقلاع عن الكريمات والتدخين والعادات الضارة
> ولا للمخدرات
> فالكريمات مخدرات
> تخلي البت تعيش في وهم
> وهم إنها أساساً كده
> وسرعان ما تتفاجأ
> بأنها قد جنت على نفسها باستعمالها للمسمدات والكريمات
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> زمان قالوا لينا
> رمضان لما يجينا
> العشرة الأولى في الشحم يا والينا
> والعشرة التانية في اللحم قالوا لينا
> والعشرة التالتة في العضم يا والينا
> أسي لينا يومين عضمنا وجعنا يا والينا
> يكون رمضان بدأ بالقلبه يا والينا
> ولا ما لقى شحم ولحم لدينا؟؟؟
سلك كهربا
ننساك كيف والجلد بعدو العضم طوالي يا حليلنا
وإلى لقاء
سلك

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *