زواج سوداناس

صورة..ضابط وجندي مرور يعملان بهمة على استبدال إطار سيارة لمواطن سوداني بالخرطوم



شارك الموضوع :

المرور ليس جباية !!
هذه الصورة الصباحية المشرقة التقطها في طريقي إلى العمل صباح يوم الأحد ، وهي لضابط وجندي مرور وهما يعملان بهمة على استبدال إطار سيارة لمواطن تعطل في الطريق .

أعجبني هذا المشهد وترجلت من سيارتي وإستأذنت في التقاط هذه اللقطة لنحفظ الفضل لذوي الفضل ونبعث برسالة مشرقة لشرطة المرور بالعاصمة السودانية الخرطوم في هذا الصباح .

بقلم: ابومهند العيسابي

شارك الموضوع :

تعليقات الفيسبوك

تعليقات


30 التعليقات

إنتقل إلى نموذج التعليقات

      1. 1
        الحلو

        اكيد بعد انتهو شالو منو قروش
        واساسا دا شغلهم ويعملو غصبا عنهم

        الرد
      2. 2
        جعفر

        اي فضل هذا واي صورة مشرقة. اليس لهذا الظابط والجندي مسؤلية دفع لهما عليها راتب؟ الم يهملا واجبهما الذي من اجلة لبسا هذا الزي، ثم من هو المواطن الذي ساعداه وهل يساعدون كل مواطن؟

        الرد
      3. 3
        مسيخ

        الحلو و جعفر الهم اني صائم

        الرد
      4. 4
        الرمنتوج

        يعني لو جاء زول يساعدك في تغيير اطار سيارتك معقولة تكون يعيد كده وهو بغير ليك في الاطار مالم تكون واصل والمسألة ومافيها كسير تلج وكده!!!!!
        وثم تانيا مرور منو البيساعد؟!!!

        الرد
      5. 5
        الجمري

        لماذا سوء الظن حتى في العمل الطيب . دائما مظلومين حتى لو قامو بعمل جليل تجاه الوطن والمواطن . نتمنى أن تجد مثل هذه المبادرة الاشادة .
        حتى لو لم يجدوا الشكر يعتبر جزء من عملهم إزالة أي عوائق من شأنها تعطيل السير

        الرد
      6. 6
        علي عثمان

        التحيه مثني وثلاث ورباع للشرطه ولافراد المرور ..ويا الحلو وجعفر كل إناء بما فيه ينضح، (قولوا خيرا او التزموا الصمت)ورمضان كريم

        الرد
      7. 7
        ودالعيلفون

        كرشوا دى تقول عنده ضهر قوى

        الرد
        1. 7.1
          شكري

          ما عهدنا أولاد العيلفون يكتبون مثل هذا التعليق!

          الرد
      8. 8
        osman

        أول شيء المواطن شكلو ما مواطن عادى. ظاهر من بدلة السفاري
        ثانيا لازم يساعدوه فى تغيير الكفر لأن العربية متعارضة فى نص الشارع يعنى قافلة الطريق.لو ما طلعوا بتعمل ليهم مشاكل تانية

        الرد
      9. 9
        عباس احمد

        الكرش الكبيرة دى ما علقتوا عليها هل صارت حاجة عادية فى السودان عند الرجال دون الحريم حاجة عجيبة والله وبعدين عند الرجال شينة شديد والله رايكم شنو .

        الرد
      10. 10
        ود المتاقل

        99% فى الاخر حيقول ليهو حق الفطور يا فرده

        الرد
      11. 11
        سلام

        دخلت لاكذب الموضوع والعن سلسفيل ابو الشرطة ولكني تذكرت قبل سنتين اتصل علي احد اقربائي وطلب مني ان اشتري له سلك ابنص واذهب اليه بسرعة لانه مع اولاده وسيارته معطلة وغير مرخصة وشرطة المرور عندهم حملات وكانت الدنيا مغارب فاشتريت سلك الابنص وتوجهت اليه ولكن قبل ان اصل اتصل بي ان ارجع وارجع الاسبير فسألته كيف تصرف فقال لي ان مجموعة من شرطة المرور اولاد حلال قاموا بدفع سيارته بايديهم مسافة طويلة حتى اقرب ورشة مع العلم انه تكفي نظرة واحدة لسيارته لتعلم انها تسعين في المية ما مرخصة فحمدت الله وشكرته
        و الحمد لله الانسان السوداني طيب وود حلال بطبعه حتى ان كان فردا في مؤسسة الشرطة الفاسدة

        الرد
      12. 12
        ابسروال

        ارحمو من فى الارض يرحمكم من فى السماء يا جماعة الناس النضيفة اليد والسريرة موجودييييييين وسودانا بالرغم من كل شئ فيهو الطيبة والحنية والمروءة

        الرد
      13. 13
        وداحمد

        يا اخوانا دايما مانعمم الشينة عشان حتلف وتجينا . رجل المرور لو ما اخوى ولاقريبك بكون اخو وابو و اولادو وبفتخرو بيهو وشايفنو قدوة . انا بعرف كثير من عساكر المرور برفضو يشتغلو فى حملات خوفا من دعاء المواطنين . بعدين نتعلم دايما نظهر الجميل وندس القبيح خصوصا فى عالم الفضاء المفتوح . لانو بعد شوية حيجى اجنبى ويقول ليك انتا ياسودانى حرامية ناس السودان كلهم بى عساكرم . والكلام دا بى خشمكم انتو ماجبتو من عندى . اها لو انتا سودانى غيور ماحترضى . وبتعرف السبب . ولو بقيت زول ساى الوطن برى من امثالك .

        الرد
      14. 14
        مهند ميرغنى

        العقيد صلاح حسن محجوب راجل ود بلد اصيل وراجل اخو اخوان تعرفت عليه منذ ان كان رائد حينها كان في شرطة ولاية جنوب دارفور والان ايقنت تماما انه جنابو صلاح كالهد به تماما لم تغيره الرتبة يساعد الجميع بكل همه وفى اى الأوقات تطلبه تجده بجوارك..شهادتى في الرجل مجروحة ولكن الحق يقال ومن لايشكر الناس لا يشكر الله وختاما أقول هذا العمل غير مستغرب علي ابن البلد الأصيل جنابو صلاح وللأمانة هناك العديد من أمثال جنابو صلاح تذخر بهم الشرطة السودانية…فالتحية هنا ليست لى جنابو صلاح وانما تحية للشرطة السودانية. رغم واحد من الذين هتفوا ضدها ابان احداث مباراة المريخ ومريخ الفاشر إزاء التصرف الغير مسؤول من احد الضباط قليلى الخبرة الا اننى اليوم احييها بكل شجاعة..تحيا الشرطة السودانية

        الرد
      15. 15
        أب زرد

        هسع كان لقونا مينشرين يدونا غرامة !!!!! بس بعد دا إلا نعمل لينا زنقلة زي دي وكم لبسة سفاري كدا وهاك يا احترامات وتصليح كفرات …. بس صراحة كدا المعلم أبو زنقلة دا منو في عالم الانقاذ العجيب ، بعدين كان يختشي شوية إنشاء الله يمسك ليه حتة دلقانة في يده ويعمل نفسه مشارك في هذه العملية الجراحية المرورية….. لازم كل واحد يعمل ليه زنقلة وبدلة سفاري خصوصاً لو كان زي حالاتنا كدا ما مرخص ….

        الرد
      16. 16
        Tango

        عايزين تعلموا من الفسيخ شربات يا ناس النيلين

        الرد
      17. 17
        wad elshikh

        ياسلااااااام دا السودان فيهو الخير …….بالرغم من علمنا التام بفساد شرطة المرور بالذات ……لكن هذه المواقف ليست بغريبة علي الشعب السوداني

        الرد
      18. 18
        soma

        الاعمال بالنيات ..رمضان كريم علي الجميع تصوموا وتفطروا علي خير

        الرد
      19. 19
        Adil Abu Harb

        الموضوع اولا هو حادث حركة السبب الرئيسى فيه لواء امن عشان كده جاب الجماعة المساكين ديل.

        الرد
      20. 20
        هدهد

        ياجماعه ناس المرور ديل فيهم ناس طيبين شديد ماتظلموهم، قبل شهور شهدت بداية اندلاع حريق في هايس صاحبها لم تكن له طفاية فما كان من رجال المرور الا وان هرعوا الي بقية العربات حتي اتوا بالطفاية وطفوا الحريق ودفروا العربية بعيد ، وكل ذلك بكل همة وتفاني اشاد به وشهده كل من كان حاضرا للواقعة

        الرد
      21. 21
        ود العطا

        هذه صورة مشرقة ودعو الخلق للخالق

        الرد
      22. 22
        حسن

        يا اخوانا احسنو الظن نحنا في رمضان
        وبعدين ما كل زول في الشرطة او المرور زول كعب

        الرد
      23. 23
        abuaubaida

        صاحب العربية اب زنقلة دا مابيعرف يغيير لستك.

        الرد
      24. 24
        عصام الدين

        انا متمني الراجل الاسمو ابو مهند دا يكتب موضوع فيهو فايدة للجميع
        كسير التلج بس دي مهمتو
        نفاق – مداهنة – تملق
        اعوذ بالله

        الرد
      25. 25
        ابو محمد

        السلام عليكم ورحمة الله وبركاته : هو عمل طيب يا اخوان ، وهو من صميم عمل رجل المرور ، لكن مرور السودان من أسوأ المرور في العالم واحتمال يكون اسوأ مرور في العالم غير الجبايات والرشوات وأكل مال الناس بالباطل لاتفه الاسباب ماعندهم شغلة ، ولازم الدفتر يكمل في نفس اليوم !!!!

        الرد
      26. 26
        أبوعبدالله موسى

        الصورة واضحة اللهم اني صائم

        الرد
      27. 27
        العم بخ

        بالمناسبة الزول البغيرو ليهو اللستك ضابط في الجمارك … الموضوع ما صدفة ولا كده … لكن نحن نعمل فيها مغمضين ونقول حسن نية ولاقاهو بالصدفة …

        الرد
      28. 28
        محمدصالح

        لكن دا شكلو واحد مسئول مامواطن عادى

        الرد
      29. 29
        ود النيل تمساح

        ههههه ماتستعجلوا جاتكم الحقيقه
        اول حاجه ابو كرش ده المقدم الصاوي مقدم في الامن
        معروف زول شرس حتي افراد الشرطه بعرفوه
        ودائما بالنهار بركب عربيه تعبانه قال عشان الناس مايعرفوه
        لكن زول فاسد جدا ومعروف
        ماتنفخوا راسنا ساي
        المواطن بعرف ناس المرور اكتر من الحكومه البتدفع ليهم مرتب

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *