الخرطوم تشرع في استبدال عربات الكارو بالمواتر
دشنت محلية الخرطوم تسليم الدفعة الأولى من مواتر النقل لشعبة أصحاب عربات الكارو بالسوق المحلي والتي تستهدف في المرحلة الأولى إحلال وإبدال (200) عربة كارو تجرها الدواب بعدد (200) موتر نقل بضائع ومياه شرب.
وأعلن اللواء عمر نمر لـ(المركز السوداني للخدمات الصحفية)، عن اكتمال كافة الترتيبات للعمل في إطار ترقية وتطوير الأسواق بإحلال وإبدال الوسائل البدائية بوسائل حركة حديثة تساعد في إصحاح البيئة والنظافة وانسياب حركة المرور، ولفت إلى أنه سيتم تمليك المواتر الجديدة للمستفيدين عبر الأقساط بعد توفير ضمانات السداد بواسطة لجنة مشتركة بين المحلية وأصحاب الكارو، مؤكداً قيام حملات لضبط عربات الكارو المخالفة بعد اكتمال المعالجات، وفقاً للقرار السابق بحظر عملها في المحلية. وشدد المعتمد على اللجنة باستكمال أعمالها الفنية بتسليم المواتر واستخراج رخص القيادة للمستفيدين في فترة لا تتجاوز الـ (72) ساعة.
إلى ذلك أعلن المعتمد عن تدشين حملة إصحاح وإزالة للمخالفات الهندسية والبيئية والمظاهر السالبة من السكن العشوائي، فضلاً عن بداية ترحيل دلالة السيارات من موقعها بالصحافة إلى الموقع الجديد بسوبا بعد اكتمال كافة الترتيبات والخدمات بها.
صحيفة السواني
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
وسوف تكثر الحوادث المرورية ومع المارة .. يجب أولا تدريب هؤلاء على القيادة “قيادة الموتر ” وبعدها إستخراج رخصة له بعد التأكد من معرفته بقيادة الموتر بشكل ممتاز …
دا كلام صح ……… لكنه تاخر كثيرا
أنا بشوف استبدال الحمير والاحصنة بمواتر سوف يؤدي الي زيادة تلوث الجو بعودام المواتر والسيارات يعني حيزيدوا الطين بلة يعني عاوزين يحسنوا شكل الناقلات البتمشي في الشوارع طيب يجيبوا مع الدواب دي عربات بشكل حديث وجميل عشان تجرها الأحصنة والحمير وبا التالي تكون حسنت من المظهر وتحافظ علي البيئة والأهم من مفروض يوسعوا شوارع العاصمة عشان تقدر تشيل الكم الهايل من العربات فالعربات ماشة في زيادة من حيث العدد وأنا مستغرب يقولوا السودانيين أغلبهم فقراء وفي نفس الوقت تلقي الزيادة المستمرة في عدد العربات
ده كلاااااااااااااااام عسل
ده الشغل
ووين والي امدرمان كرش الفيل من الابداعات دي ؟؟
امدرمان فيها دشليون كارو
موتر الشحن رخيص ف مصر تقريبا ب 10 الف سوداني يعني يا والي امدرمان اشحن 1000 موتر مرحله اولي
و اعفيها من الضرائيب و بيعها لناس الكارو ب 12 لو باع حصانو ممكن اسدد او اديها ليهو بالتقسيط زي ناس نمر المعتمد الفاهم المفتح البحب الحضاره و النظافه
و كمان بعد شويه غيرو كل ركشات بلادي الفاقت تقريبا اكثر من مليون رقشه الي مواتر شحن و اعملو ورش
للتعديل من موتر شحن الي موتر مواصلات باضافه سلم و عرش و كراسي و دي حاجه ساهله و السلم لازم اكون واطي عشان الحاجات الكبار و بعدين للعلم المواتر دي ما بتلوث البئيه كتير لانها بتمشي بشمومه بنزين
و لا ننسي كلام ناس الشرطه الرقشه مهدد امني اكيد معطل للحركه
الله اكبر
معا من اجل عاصمه خاليه من كاروهات و رقشات
لندن فيها مركبات تجرها الاحصنة
الكيزان المخلوعين مستجدين النعمة ديل لا علاقة لهم بالبيئة ولا المنطق ولا الذوق السليم ولا عندهم طايوق ذاطو