زواج سوداناس

الفنانة نور: أعشق السباحة..المهم أكون شبعانة..لا أشاهد الفضائيات السودانية



شارك الموضوع :

نور صديق عباس فنانة واعدة تمتلك خامة صوتية مميزة للغاية وأداء ومقدرات تطريبية عالية جداً, تغني حسب المزاج العالي وتبدع في أغنيات الحقيبة وأغنيات كوكب الشرق أم كلثوم وفيروز وعبد الحليم حافظ وظهرت نور بصورة مدهشة عبر برنامج (بغنيلك) جلست إليها في دردشة رمضانية خفيفة فكانت هذه الحصيلة:
* سلامات يا أستاذة ورمضان كريم؟
– عليكم السلام ورمضان كريم علينا وعليكم وينعاد علينا بالخير يا رب.
* يومك كيف؟
– والله أنا بصحى من الساعة (8) صباحاً وبتوجه إلى المكتب بتابع الدوام اليومي لحدي الساعة (3) مساء بعد ذلك برجع المنزل مع دوشة الإفطار اليومي والتجهيز للإفطار, واليوم بيعدي يعني.
* عندك طقوس معينة في رمضان؟
– ما في حاجة مهمة غير الروتين اليومي للشغل لأنو مرهق جداً والمزيكا صعبة بذات في رمضان ولكن بعد الإفطار بتكون أكثر من رائعة.
* هل العمل مرهق في رمضان؟
– بالعكس وإنما لو جلست في المنزل يبدأ إحساس الإرهاق ويبدأ ظهور التعب خلال اليوم كله, ولكن عندما أكون في العمل ما بحس باليوم على الإطلاق.
* رمضان ما بين الأمس واليوم وحنين الذكريات؟
– قعدة الحوش والفطور على الأرض دي حقيقة أنا بفتقدها وتحديداً هذا العام لأن إخوتي غير موجودين معي هذه المرة ولكن إختلفت العادات القديمة وأتمنى أن تعود.
* البرامج التي تحرص على متابعتها في الشاشات؟
– في الحقيقة أنا ما بحب أشاهد الفضائيات السودانية ما بحب أشاهدها ولكن بحب أشاهد العالم خارج السودان وكل رمضان مجبورة أشاهد برنامج أغاني وأغاني بالرغم من أنني لا أحبه ولكن بعض أفراد الأسرة يتابعونه.
* هل تمارسين أي رياضة في رمضان؟
– السباحة بعد الإفطار وأحبها كثيراً وأحياناً الجيم.
* الوجبات والمشروبات؟
– البيبسي بحبو جداً ولكن في الأكل أنا أفضل أي نوع من الأطعمة المهم أكون (شبعانة).
* أكثر شيء يزعجك في رمضان؟
– الزحمة, ضغط المكتب والشغل و(المجاملات المفاجئة) يعني أنا ما بكون عارفة إنو الليلة الفطور في مكان خارج البيت ولمن أجي البيت بتفاجأ.
*إلى أين تهربين في رمضان؟
– إلى السطوح بعد الإفطار آخذ جيتاري وإلى السطوح وأجلس مسافات طويلة مع نفسي ولوحدي ولا أحب أن يجلس معي أحد.

حاورتها: شاهيناز فتح الرحمن- السياسي

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        عاطف

        ايه الكلام الفارغ ده جيتارشنو بعد الافطار يا شيخة اتلهى بالله … اتذكرى الموت …. بعد الافطار بكون فى عبادة مش جيتار لا حول ولا قوة الا بالله

        الرد
        1. 1.1
          12345

          أفمن زين له سوء عمله فراه حسنا

          الرد
        2. 1.2
          قلب الاسد

          خلينا من الموت انت شوف نفسك وين ..وموقعك من الاعراب…..انتقاداتكم الغير موضوعية…الانسان الزمن كلة يقعد فى البت ويتزكر فى الموت عشان يكون سودانى اصيل…خلى الناس تعيش حياتها العايز يغنى والعايز يرقص والعايز يعلب…….صحيح مستوى الحوار هابظ بس اعطو الناس حرياتهم

          الرد
      2. 2
        زهجان منكم

        دي وين هي؟ برة السودان ولا جوة السودان. اشيل جيتاري و اكون شبعانة و دة شنو الكلام الوهم دة

        الرد
      3. 3
        فارس عبدالرحمن

        انسانه فارغه

        الرد
      4. 4
        emad

        هل تمارسين أي رياضة في رمضان؟
        – السباحة بعد الإفطار وأحبها كثيراً وأحياناً الجيم

        أحب السباحة بعد الافطار أحيييييييييييك يا بتنا
        بعد تفطري وتشبعي وتملي بطنك طوالي اغطسي في حوض السباحة في فيلتكم العامرة أكيد ده وضع ممتع ومفيد للجسم
        ياريت لو كان عندي حوض سباحة في البيت عشان اجرب الحاجة دي

        قومي لفي لفاك عريس في العيد الجاي

        الرد
      5. 5
        سودانى مغبووووون

        والمزيكا صعبة بذات في رمضان >>>

        الرمضا اليمردغوك فيها … امفكو في نص نهار رمضان .. وانتى صايمه

        الرد
      6. 6
        sudani100al100

        ونحن كسودانيين ابدا ما بنشرف بيك وانتي منو عشان تقولي لا اشاهد القنوات السودانية ! خليك مع الانفصام العايشه فيو دا ياوهم

        الرد
        1. 6.1
          samham

          انا لا اشاهد القنوات السودانية و اعرف الكثيرين مزيعات الوان و تكلف في الكلام و تلحين الكلام بطريقة سمجة مزعجة

          الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *