سياسية

حرم رئيس الجمهورية تتناول الإفطار مع الحاجة عائشة بائعة الخضار


في لفتة إنسانية رائعة وفي إطار التواصل الاجتماعي لشهر رمضان المبارك قامت الشيخة فاطمة خالد حرم رئيس الجمهورية بتناول الإفطار مع الحاجة عائشة ادم الطيب جابر الأرملة بائعة الخضار البسيطة في حياتها والكبيرة في نفسها وقيمها وذلك بمنزلها بمربع (6) القادسية بمحلية أم بدة حيث قدمت اليها من ديار الهبانية بجنوب دارفور في بداية السبعينيات.
و رافق حرم رئيس الجمهورية في هذه الزيارة د.آمنة مختار المعتمد برئاسة الولاية ومعتمد الخرطوم اللواء عمر إبراهيم نمر ومعتمد أم درمان اليسع صديق التاج ابوكساوي والأستاذ عبداللطيف فضيل معتمد أم بدة والأستاذ الزبير عثمان أحمد مدير عام الهيئة السودانية للإذاعة والتلفزيون ورجل الأعمال الشنبلي والذين ساهموا مع أم الفقراء في دعم الحاجة عائشة ماديا وعينيا .
وقد تم نقل مباشر للزيارة والإفطار عبر عدد من الإذاعات من برش الإفطار في لوحة جسدت تلاحم القيادة مع الشعب وتلاحم الراعي مع الرعية.

سونا


‫28 تعليقات

  1. الشيخة فاطمة علي وزن شيخات الخليج يا جماعة الخير خلوا الشو show و اقعدوا في الواطة و بعدين سايقة معاها السودان كلوا في شنو

    1. لابد من ال show في اي شئ لكي تعطي انطباع عن الاجتماعية وانظر معي لهذا الخبر عن الافطار الجماعي الذي استضاف الرئيس الأمريكي باراك أوباما مجموعة من المسلمين الأمريكيين، أمس الاثنين، وهو يقول اننا اسرة واحدة واستضافهم في مأدبة أقامها بالبيت الأبيض بمناسبة شهر رمضان المبارك. انظر للخبر والصور

      http://www.vetogate.com/1692119

  2. الشيخة فاطمة طال عمرها
    والشيخ البشير طال ركبه
    والله حالة صعبة

  3. خخخخخخخخخخخخخخخ اما شيخة …. ما يصير الحكي هذى غييير مبلووووووووووووعة مررررررره

  4. حسي في داعي لي شيل الحال والمن والأذى ده؟ يا جماعة قالوا ليكم إذا أنفق لم تعلم يساره ما أنفقت يمينه.. ناقلينها في الإذاعات؟
    بعدين لنفرض فطرت مع فلانة ولا علانة.. شنو الشي الغريب المستاهل يبث على الهواء مباشرةً؟

    1. ***المال ده ماحقهم حق الشعب ، لا أعتقد بأنهم مأجورين في هذا العمل والله على ما أقول شهيد

  5. انتوا يا اخوانا الحنية النزلت فجاتن على الكيزان دي شنو

    غندور يبكي وخيشة فاطمة فاطره في ام بده

    الله يستر باكر ما تقوم وداد بابكر تشتري الخضار من السوق الشعبي ام درمان

  6. قرق في قرف في قرف مصائب عجيبة آخر الزمان حلابة البقار والغنم يقولوا عليها الشيخة والله هذا زمانك يا مهازل نعيش كثيير نشوف كثير مجرمين أولاد كلب حرامية ( كان تكون هذه الزيارة فعلاً لو كانت لوجه الله تكون في غاية السرية والكتمان ) ايه يعني كل هذا الفريق المكون من جميع معتمدين ولاية الخرطوم ورجل الأعمال الشنبلي ما تقول لي ده والي النيل الأبيض ضرب قروش الولاية وبقى رجل أعمال والله فعلاً حكومة حرامية الله يكون في عون السودان والشعب السوداني نسأل الله أن يرينا يوما في أهل السودان

  7. الولية دي اصيلة وطيبة ..
    حقيقة احسن مليون مرة من وداد .. على الأقل ما دخلت مجال البنزنس ..
    تستاهل ليها راجل أحسن من بشة إلا نقول شنو .. قسم ..

    1. 60 عربة تاكسي جارية في شوارع شندي، 60 قطعو أرض حيازات في العسيلات، مشروع المقابر ، منظمة أم الفقراء الخيرية، غايته دا العارفه وما خفي أعظم وسير سير سلفا كير نحن جنودك لشنو ما عارف داك (الفهد بتاع الخرتوم دا ماشي معاهم ليه هو قايل أم بدة دي تابعة لمحلية الخرتوم ولا يا ربي قالوا ليهو تعال كبر كوم البصل دا؟؟؟؟)

  8. كويس جزاكم الله خير

    بس والله انتو ما اعز من بائعة الخضار ولا من اي مواطن سوداني مهما صغر شأنه

    ونحن في السودان ماعندنا الطبقيه دي عاااااااااااادي الغفير يشدها للرئيس اذا غلط ما تدخلو لينا حاجات ماعندنا

    الازهري ماشي المستشفى وقت الزيارة انتهي خلا الزيارة لانو عارف بواب المستشفى ماحيدخلو

    جمال شخصيتنا السودانيه في هذه الصفات التي تكاد تكون انعدمت من الشعوب الأخرى كالتواضع والبساطه وعدم وجود الطبقية ووالفراش والبواب مابيخاف من رئيس الجمهورية فرجاءا لا تطمسوها بمثل هذه الكتابات وخصوصا في اجيال جديده ماعارفه حاجة

    1. ما هو دي المشكلة أنه في اجيال جديده ماعارفه حاجة خالص!!!! بعدين للأسف الكلام بتاعك دا كان زمااااااان ، وهسع خلي الغفير يشدها للرئيس اذا غلط حرم ما يعرفوهو مشى وين!!!!! الجبهجي الكويز كان ماشي المستشفى وقت الزيارة انتهي خلا الزيارة لانو عارف بواب المستشفى ماحيدخلو (حلوة دي ، لأنه البواب حيكون راح وراء الشمس) ……. ويا حليل الزمن الجميل ومساكين الأجيال الجديدة

  9. ياجماعة الشخصية دي متواضعة جدا اصلا و ما بتقبل كسير التلج ده ليها بس نقول شنو في اعلامنا

  10. الشيخة !!!!!!!!!!!!!!!!!!!!!!!!!!!!!!!!

    تلل تلل تلل تلل تلل تلل ؟؟؟؟؟؟؟؟؟؟

    شيخة علي منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  11. وبعدين معاك يا شيخة فاطمة ،،،،،،

    ومان كان تفطري مع ناس حلتكم ومافي زول جايب خبرك…

    تجلدي القارصة واللقمة بي ملاح أمبقبق ………..

    وتتحنطري بالأبري قشة ما تعتر ليك ….

    شيخة يا شيخة

  12. وبعدين معاك يا شيخة فاطمة ،،،،،،

    زمان كان تفطري مع ناس حلتكم ومافي زول جايب خبرك…

    تجلدي القارصة واللقمة بي ملاح أمبقبق ………..

    وتتحنطري بالأبري قشة ما تعتر ليك ….

    شيخة يا شيخة

  13. غايتو الزول العمل الفوتوشوب للصورة دي يستاهل جائزة نوبل,,,

    ياخي التكنولوجيا دي و الله شئ سمح خلاض .

  14. الإسلام لا يحب المن والتباهي بأعمال الخير. وواضح من هذا الخبر أنه مقصود منه الدعاية، وإلا لما حشدت له علية القوم. ثم ثانياً كم من أرملة مثل الحاجة عائشة ادم الطيب جابر هي أقرب إلى موضع ومقر الشيخة فهلا بدأت بهن.. كم من أرملة ومطلقة مدن العاصمة المثلثة، فأين نحن منهن؟ ولا يفهم من كلامي هذا اني أحسد الحاجة عائشة ادم الطيب جابر على هذه الحفاوة التي ساقها الله إليها، ولكن أن تكون مطية للإعلام الزائف فهذا شيء آخر.
    والسلام عليكم ورحمة الله وبركاته.

  15. فطره بوزن فضيحه ايه البشريه الكتيره دي لو الحكايه فطور بس تكون دي مشكله بس اذا عايزين تحلوا ليها مشاكله مافي مشكله اذا من جيوبكم واذا من الدوله يجب ان تتكرر كل يوم في بيت والسودان اغلبه محتاج مساعده