زواج سوداناس

الزناطير بلاوى ساااااااى!!



شارك الموضوع :

* فى المحاكم الزول بقسم:
* أقول الحق كل الحق ولاشئ غير الحق
* روشا اول أمس قال الحق
* بس ما كل الحق
* قال لى كاريكا إحترم نفسك
* قالها متين لكن؟
* قالها بعد قلناها بى سنتين
* لما كان بكابر
* قالها لما قالتها الجماهير علناً يوم شندى
* قال روشا
* قال الحق ولكن ليس كل الحق
* الكوكى مدرب مؤهلاته التدريبية أقل من تلك التى حصل عليها مصطفى النقر
* وخبراته الميدانيه لا تقارن بما يتمتع به مصطفى النقر
* الحته دى ماقلتها ليه يا روشا؟
* قول كل الحق وكت اصلك قررت تفتو
* قول تيم الهلال مواسيرو أكتر من القاعده فى مغلق صديقى عمده

* قول معسكر الفجيرة كان كذبه
* وناس بوتاكو الدقيتو ليهم الطار مواسير
* وكيبى قاعد ساااااااااااى
* قول جوز مواسير البرازيل مقلب جديد شربه كردنة
* قول انو كردنه متناقض
* يقول نعتمد على الصغار
* ويسجل فيصل موسى وجونيور
* فيصل وجنيور مجموع عمريهما يساوى طول شارع الخرطوم بورتسودان
* قول كل الحق يا روشا
* ما تقول جزء من الحق
* وقال روشا حقيقة اخرى
* قال المريخ عمرو مايبقى هلال
* وده صاح يا روشا
* معقولة المريخ يرجع ورا ويبقى صفر دولى؟
* طيب مانديلا ده يودوهوا ويييين؟
* نمسكوا لى عمك شبشه؟

* صدقنى يا روشا
* الهلال الأخد خمسه من مازيمبى أفضل من هلال اليوم عشرة مرات
* أضرب خمسه فى عشره
* وورينا مباراة الأحد حا تطلع كم؟
* قول كل الحق يا روشا
* وورينا نقد واحد وجهتو لى كردنة طيلة فترته
* قول يا روشا
* الاتبلبل بعوم
* عوم يا روشا
* جماهير الهلال عارفه اى شى
* بس دايره تعرف منو البقول الحق كل الحق ولاشئ غير الحق
* وورينا يا روشا
* قروش دعم الأهلة الشرفاء لبناء الجوهرة الزرقاء
* قاعدة تمشى لى مشروع الجوهرة
* ولا مشت لى تسيير الفريق؟

* دى الحته الدايرين فيها قول الحق كل الحق ولاشئ غير الحق
* أيها الناس
* روشا بعد قال الحق
* رجع تانى لى كلام الطير فى الباقير
* داير يخدر الزناطير
* قال سيدى بيه ونيلسون كده
* مدحهما مديح صاح
* وانا بقول ليك يا روشا
* اول من سيغادر كشف الهلال هما سيدى بيه ونيلسون
* جوليام حمام
* بطير براااااااهو
* أيها الناس
* طبيعى ان يفرخ الصغار للكبار
* وجنينتنا الأدتنا عمر وبكرى وغرزة
* جنينة السرور
* والفاكهة الما نجيضة بنرجعها ليها تنجض

* ونشيلها تانى
* زى وليد
* جنينتنا ونحنا حرين نقطف منها منو ومتين
* أيها الناس
* كل الحرب التى يشنها الإعلام الهلالى على الوالى
* طيلة الإطناشر سنه الفاتت
* ماهى إلا تعبير عن خوف الأهلة من قدرات الرجل
* هدفهم الأساسى هو إبعاد جمال عن المريخ
* عشان كده إطناشر سنة بيتخبطوا ساى
* المهم
* أحدهم كتب بالتفصيل عن مباراة المريخ والرابطه
* وهو ما شافها
* ولاتعليق!!
* أيها الناس
* تخطينا عزام بهدف بكرى المدينه
* وتخطينا الأنغولى بهدف بكرى المدينه

* أقصينا الترجى بضربة جزاء مع بكرى المدينه
* وباص من بكرى المدينه
* بوعقرب يا حبيب
* هو النجاح ده كيف بس؟
* أيها الناس
* بدأ العد التنازلى لمقابلة العلمه
* دايرين اول تلاتة نقاط وأربعة أهداف فى روليتنا
* ويوم الأحد بتكتمل مباريات المجموعتين
* نشوف طيش المجموعتين منو
* مع العلم بأنو العلمه حاياخد اربعه
* وما بكون طيش المجموعتين
* دى وضحت ليكم يا روشا؟
* أيها الناس
* العم شبشه رجل قامه
* وخبرة
* رايكم شنو لو يختم حياتو الرياضية فى المريخ؟

* موش برضك فيها تكريم للرجل؟
* شبشه يستاهل
* خمسه وتمنين سنه ماشاف مطار
* خلونا نزورو المطار
* أيها الناس
* للعلم
* باص بكرى لراجى الذى احرز منه الهدف الثالث
* كوستى لى اسى خاتها يدينا فى راسها من الدهشه
* بوعقرب ياخ
* المهم
* قال روشا ان المريخ نادٍ بلا هيبه
* بى جوياتنا دى كلها وبلا هيبة؟
* طيب بلا جويه ديل بكونوا بلا شنو؟
* بلاوى ساى؟!
* شامى لى ريحة مطار يا روشا
* أيها الناس

* إن تنصروا الله ينصركم
* أها
* نجى لى شمارات والى الخرتوم
* والينا
* الشال مدير المويه
* بشيل مدير الكهرباء لينا
* وبشيل مدير المحليه الليلنا
* وبشيل رئيس النفايات يا والينا
* وبشيل المحافظين والمحافظات هيلنا
* وبشيل كتير من الوزراء والوزارات يا والينا
* وبشيل كتير من التجار المستغلننا
* عجروه بخمسة الف يا والينا؟؟؟
* يغلى الزبادى فى رمضان وينزل سعر اللبن؟؟؟
* الزبادى ده مصنوع من البوماستيك يا والينا؟؟؟
* شلنا الصبر كتير شيلهم كلهم يا والينا

ﺳﻠﻚ ﻛﻬﺮﺑﺎ

** ﻧﻨﺴﺎﻙ ﻛﻴﻒ ﻭبرانا بنصعبها على بعضنا..ملعون ابو الإستغلال؟!!
والللللللي لقاء
سللللللللللللللك

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        Adil

        وانت مؤهلاتك شنو؟؟؟ بس الحاجة الغريبة انك انت بتقول محامي كلام كويس كدي وريني قضية واحدة كتبت عنها الصحف وكسبتها واشاد بك الاولون والاخرون؟ طبعا قضية مهمة تابعوها كل الناس اوعك تجيب ناس واحد سرق عتود او جدادة. اقول ذلك لان لو كانت مرافعاتك تكتبها بنفس الركاكة البتسوي فيها الان يبقي الرماد كال حماد وكال اي واحد بتترافع عنو. سؤال اخير انت محامي وكمال الجزولي محامي؟؟ اشك في ذلك. ملعون ابو قراية المذكرات.

        الرد
      2. 2
        adil

        ياخي سلك دا كتاباته زي ونسة المشاطات. والبيغيظ انه مصدق ان دمه خفيف.

        الرد
      3. 3
        abuaabid

        يا سلك انت برااك بتفضح فى لاعبينكقال اييه ( تخطينا عزام بهدف بكرى المدينه وتخطينا الأنغولى بهدف بكرى المدينه أقصينا الترجى بضربة جزاء مع بكرى المدينه وباص من بكرى المدينه) طيب يا سلك لو ما بكرى كان الرماد كال حماد مريخ شنو العندو هيبة يا خى انتو الفرعون عملها فيكم ينبذكم وترجعوهو يستهتر ويتسبب فى هدف وتعتذروا ليهوا انتو والبيه بيضحك على طيبتكم دى ترارورى عملها فيكم مرتين لعبتوا مع الفهود الما جاهزين اطلاقا واعمدتها الاساسية غير موجودة وفرحانين غاستوا فصاحتكم دى حدها قريب وقريب جدا عاد الا تشوفوا ليكم بلد تاانى !!!!!!

        الرد
      4. 4
        الهدندوي

        اسمو الهلال الأحمر السوداني لانو فريق بيعتمد على مشاطيب وبواقي الهلال ، فعلاً الاختشو ماتو

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *