زواج سوداناس

حق برهان يشيلو يوم الغربان


هيثم صديق

شارك الموضوع :

لم يشاهد إعلام الدل والدماعة المباراة

ومع ذلك خرجوا يشككون في برهان تية

لكأنهم خبروا النية

فالاربعة زلزلت من جنباتهم الاربعة

خصوصاً انها أتت بعد ذات الكريستالات في الم(غ)برة

لما قذفت نحو الكوكي كريستالات قدرت بحمولة كارو من جامعي الخرد.

حتى كاد الناس ان يحولوا الكوكي لـ(بلاستوكي) من كمية البلاستيك الذي انهمر عليه.

فبرهان الذي كان مدرباً للمريخ وانتصر بذات اللاعبين خارجياً حتى عاد بآخر كأس خارجية للبلاد. والمريخ بحسبان انه لاتأتي كأس من برة الا لمن سيفه برة هذا المريخ

وبرهان المسكين يغير المريخ ككل مدرب آخر بما فيهم البلاستوكي يعرف انه لن ينتصر على فريق المعلم غارزيتو الجاهز موية ونور فريق السرور.

المريخ الذي هدّ نظرية رادس لا تخيفه كوستي خصوصاً ان العقرب موجود وضفر قاعد.

فلقد هاتفني صديقي الاحوص المغترب يقول:الهلال درن في شندي والمريخ فاز في امدرمان طبيعي.

قلت ليه انت الما طبيعي يا حبة.. رمضان كريم المريخ غالب في كوستي والهلال (درن ليه شانتير) في ام(مريخ).

ويقولوا ليك برهان فتح وبرهان سرح والحقيقة ان برهان اتمسح

أمس الاول كتبنا عن الكشة المريخية في ولاية كاشا.

فالايام هذه مقسم التصنيف كالآتي كشة المريخ . وكاشا النيل الابيض.. كيشة البلد

على ان برهان عنده رهان ان حقه سيناله يوم الغربان ببركة صيام رمضان.

خصوصاً ان الهلال سيسافر عن طريق اديس ابابا للوصول الى بلد كديابا.

السر قدور يوم الاحد حا يخصص اغنيات اغاني واغاني لمحمد احمد عوض عليك الله يا (كديابا) ما تقول ليه لا الناس دي شافت الكورة وين لما ترمي برهان بالباطل

فالمريخ في كل مباراة يستهدف ال(نصر).

والهلال في كل مباراة يستهدف ال(نقر).

المدرب الاجنبي في الهلال زي زردية البخيل.

البخيل قال لولدو أمشي جيب لينا زردية عمك الناير ..الود قال ليه ما عندهم.. خلاص أمشي جيب بتاعة ناس خالتك سكينة..قالوا ليك راحت.. يعوضنا الله جيب زرديتنا من جوه …. الفاتح النقر ده يجيبوا مدرب من بره مباراة ..النقر بقى زي التمرجي في الحلة كل ساعة جاري علي العيان… العيان ده محتاج مستشفى مش حبوب سلفا.

لكن الانتصار الرباعي في كوستي اعطى دافعاً معنوياً كبيراً وبين جاهزية غير منكورة لسيد الكفر والكورة الوحيد ابو دبورة.. فرغم الغياب استطاع المريخ الخطر بمن حضر ان يتحكر على الصدارة وفي الفم تمباك وفي اليد سيجارة مستمخا ك(كييف) بعد الافطار.

وسلك أخوي قال شامي ريحة مطار..أنا شايف لي في الكنغو امطار.. جعلها الله امطار خير وبركة.

طبعا لمم تستطع اذاعة(النيلين) كالعادة ان تبث اللقاء من كوستي كما قطعته في مباراة أهلي شندي وأهلي أمدرمان وبذلك فشلت في مهمتها التي أوكلت اليها فخنقت بها

ونحمد الله ان اللقاء لم يبث والا لما وجدوا شماعة برهان اعني بهم الدماعة ناس المجاعة ..فهل هناك مجاعة اكثر من الحرمان من ماء بطولة خارجية و خبز كأس من برة على مدى .

و

على مجلس المريخ ان يجنب جماهيره الذلة التي ذاقها يوم مباراة الترجي وعليه ان يبيع التذاكر من وقت باكر وان يفتح كل الابواب رفقا بالصائمين ان اراد دخلاً مقدراً وجماهيراً كثيرة خصوصاُ ان اللقاء مبثوث على قنوات البي ان اسبورت.

شارك الموضوع :

تعليقات الفيسبوك

تعليقات


1 التعليقات

      1. 1
        Adil

        ده شنو دي الجهالة الماشة علي رجلين؟ تعرف يا هطلة المشكلة انك عامل دمك خفيف وبتقلد في اتفه صحفي بتاع كفتة ندي القلعة وهو هيثم كابو بئس المقلد بضم الميم وابئس منه المقلد بكسرها

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *