منوعات

من هو السوداني الذي يرتدي الجلابية والعمامة وحققت صورته انتشارا واسعا..بطاقته التعريفية تثير الدهشة


لفتت الأنظار صورة (الطالب السوداني) الذي يرتدي الزي القومي السوداني كاملاً وسط صورة تخرج جماعية ضمت عشرات الطلاب من جامعة كامبردج ببريطانيا وأصبحت من الصور الأكثر تداولاً على مواقع الإنترنت، فتعرف عليه مجموعة من رواد المواقع بحسب رصد موقع “النيلين”وكتبوا بعض المعلومات عنه منها.

الاسم محمد المعتصم عصام الدين صالح محمد عثمان.
والده الدكتور عصام صالح أخصائي جراحة الأوعية الدموية ب Ipswich ،وجده السفير مهندس صالح محمد عثمان المدير الاقليمى السابق ل UNEP بنيروبي وجدته رحمها الله السيدة نورا خضر خلف الله.

من الناحية الأخرى والدته الدكتورة جيهان التجانى المشرف إبنة جراح الأنف والأذن والحنجرة الشهير التجانى المشرف وجدته العالمة بروفسور سامية أحمد جمعة أخصائية علم الفطريات بجامعة الخرطوم و موئسسة ( مع بروفيسر الشيخ محجوب جعفر) مركز الMycetoma .
محمد تخرج فى Emmanuel college Cambridge تخصص politics. نشأ فى إنجلترا ولكنه فخور وبشدة من أصوله السودانية.

الخرطوم/معتصم السر/النيلين
سوداني زي قومي


‫33 تعليقات

  1. ما شاء الله ولا قوة إلا بالله ربنا يحفظ….. بس يا ريت لو إتخرج من أي حاجة غير الPolitics

    1. ماقال يجي يشتغل مع عمك بوشة ؟لانو هنالك اصبح لامجال للسياسين بعد ما خربت عليها داعش؟ وغاليتو الف مبروك ومرات اولاد الفئران ماحفارين ؟

  2. انت فخور بسودانيتك ونحن فخورين بيك يازول يا رائع ونسأل الله لك التوفيق وأحسنت الاختيار فى الدراسة من جامعة عريقة

  3. أصييييييييييييييييييييييييييل ود اصيييييييييييل

    وفقك الله و سدد خطاك

  4. اللهم بارك له وبارك فيه وأتم عليه نعمة الدين والعقل السديد
    التحايا موصولة للبروف عصام والدكتورة چيهان وعموم آل محمد عثمان وآل المشرف
    زرعتم بحول الله وأنبتّم وحصدتم باْذن الله

  5. بعد الدعاية الكاربة دي للزول البريطاني ده عندي ليه زولة عروس تنسي الكمونويلث ذاته رايه شنو؟!

  6. اسد ود اسود نسال الكريم القدير ان يسدد خطاك وينفع بك السودان ويججعلك قرة عين لوالديك

  7. هو المنزل المبارك .. ربنا يحفظ ويبارك.
    وبالمناسبة أين هؤلاء الأشبال .. ومن قبلهم الأسود. من (دعاية) جهاز رعاية السودانيين ، طبعا كل السودانيين بما فيهم المهاجرين وفي مثل هذه الأيام .. ايام مواسم عرض المسرحيات المسيخة من منسوبي الجهاز. مسرحية الدمج والتأهيل ، مسرحية المخيمات الخاصة بأبناء المغتربين ، أما المسرح الجد الذي يقف فيه المغتربين وأبنائهم للجلد ، مسرح التقدم للجامعات ومساحة التقديم للسكن عندها الجهاز يعمل (رايح) ولن تجد أمامك سوى عدة المسالخ.

  8. لقد أرسل هذا الشاب رسالة لكل من أنكر اصله وتملص عن الزى القومى السودانى ………… لك الشكر حقيقة وصلت الرسالة .

  9. ربي يحفظو ويغطي عليه وينور دربو ويجعل النجاح حليفه دائما وابدا

  10. الف مبروك… و ربنا يوفقه ان شاء الله..

    الحقيقة جدته بروفسير سامية التحقت بالعمل في المايستوما تحت اشراف العالم الجليل البروفسير الشيخ محجوب

  11. احي الطالب السوداني واهنئه بلباس الزِّي القومي فيما هو مشرف للسودان
    تصحيح بروفيسور سامية احمد جمعة باحثة قديرة التحقت بمركز المايستوما بعد ان أسسه العالم الجليل بروفيسور الشيخ محجوب عام 1968 مدعوما بمنظمة الصحة العالمية ووزارة الصحة في السودان

    http://www.kingofmycetoma.com

  12. يا كذاب
    بعمتك دى قايلك قريت طب
    طلعت مدعى ساكت زي اهلك السوادنة

    1. و انت الحاشرك شنو شو عمل المبعوثين من الجماعة

      لله درك يا زول يا اصيل

  13. مافي شئ مثير ..تمشي في شوارع انجلترا تلقا كل جنس لابس لبسته القومية في الشارع بالذات في المناسبات تلقا الناس عادي لابسين ملابس بلدهم بقا شي عادي للانجليز.

    ربنا يوفقو .

  14. لا بس الغريب شنو في إنه يلبس الزي ده؟
    ما كل قومية تفتخر بموروثاتها وأصلها وتراثها
    شنو يعني كل الهيلمانة دي؟
    دا أصله وما في أي شيء غريب في ذلك
    أفتكر ما نتبع سفاس الأمور ونحن في أشد الحاجة للتمعن والنظر في وقعنا المؤلم من فقر ومرض وحاجة في كثير من الطرقات وأما المستشفيات فحدث ولا حرج

  15. الذى الاصلى للبلدان المختلفه فى المناسبات العامه عادى جدا —-ما هو الجديد ؟؟؟؟؟

  16. ما شاء الله
    اصيل
    زميلتنا فى كلية العلوم دفعة 1960(الحبوبة)بروف سامية احمد جمعة الف مبروك للحفيد

  17. الف مبروك هذا هو الجيل الذي يحمل الوطن فوق حدقات اعينهم واملنا ان يجعلوا من السودان دولة قوية سياسيا واقتصاديا وعسكريا تهابها مصر العدوة وبقية بلدان العالم …. امين يارب