زواج سوداناس

البلومك ياحسين الصادق (غلطان)


شارك الموضوع :

*الود حسين الصادق دا غناي ياجماعة.
*بالله شفتو ضرب اغنية (انت حكمة) دي كيف..؟
*الود دا (راسي) و(راكز) و(موهوب).
*زمان لما قلت انو حسين دا مشروع لـ(فنان شباب)…في ناس (هاجت) و(دقت جرس).
*بالله الناس الغالطوني ديل وين..؟
*ماشايف لي زول حايم بي جاي.؟
*ناس تحب (تخالف) بس…تقول ليها بكرة رمضان يقولوا ليك لا لا بعد بكرة.
*تقول ليها حسين الصادق فنان الشباب يقولوا ليك لالا فنان الشباب طه سليمان.!
*تقول ليهم (ملاح الكجيك) بيعملوهو بالسمك، يقولوا ليك لالا ملاح الكجيك بعملوهو بـ(الدكوة).!
*دكوة في عينكم ياخي.!
*بمناسبة (الدكوة)…في رأيكم منو من فنانين اغاني واغاني السنة دي (راقد دكوة)..؟
*غايتو انا بعرف واحد…لكن انتو قولو التاني.
*قلتو منو..؟…انا ماسامع..؟
*طالما صوتكم واطي للدرجة دي خليناهو ذاتو…واكيد هو عارف نفسو…وبرضو (عارف خليناهو ليه).
شربكة:
*اكتر حاجة بتعجبني في الود حسين دا انو ماشغال بي اي زول…ومهتم بي انو يقدم حاجة تضيف ليهو اكتر من اهتمامو بمنافسة باقي المجموعة.
*غايتو في زول كدا…(ليهو مراد يفضوا ليهو الاستديو عشان يقعد فيهو الله ورقبتو).!
شربكة ونص:
*الزول دا منو ياربي.؟
شربكة ونص وخمسة:
ياحسين…(علي الطلاق تاني البلومك هو الغلطان).

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *