منوعات
“مسدس بلاستيكي” يثير حفيظة طاقم طائرة سعودية بمطار الخرطوم
استنكرت سلطة الطيران السعودي السماح لأفراد أسرة سودانية بينها طفل حمل «مسدس» بلاستيكي أثناء الرحلة المتجهة من مطار الخرطوم إلى جدة فجر أمس الأول عبر الخطوط السعودية، واعتبر كابتن الطائرة وطاقمها الأمني الخطوة بأنها إهمال واضح من سلطة الطيران المدني بالخرطوم. وقالت مصادر عليمة لـ«آخر لحظة» إن طاقم الطائرة يعتزم تقديم مذكرة للطيران المدني احتجاجاً على السماح بتمرير مثل هذه الأجهزة.
وفي سياق آخر أوقفت السلطات بمطار الخرطوم شخصين بحوزتهما (75) ألف دولار بجانب (150) ألف ريال سعودي وقطري في طريقهما إلى مدينة دبي عبر الخطوط الأثيوبية.
الخرطوم: عمار محجوب-أخر لحظة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
كلام سليم من سلطات الخطوط السعودية .. و تجاهل و عدم المام من سلطات الطيران المدنى السودانى باللوائح و النظم العالمية للطيران المدنى الدولى .. عليه يحق مسالة مدير مطار الخرطوم .. هو مفتكر دة الميناء البرى و ﻻ شنو .. مسدس البلاستيك يعتبر و سيلة تهديد و كان من المفترض عدم السماح باخذه صحبة راكب .. معظم كوادر امن الطيران المدنى يفتقرون لابسط التدريب و المؤهلات
تمام مية / 100 دة كلام صاح
الحمد لله علي إنه بلاستيكي وصاحبه طفل والله دا كان لحقكم الماليزيه
الخطوط السعودية تتعامل مع مطار الخرطوم بحذر شديد حيث يقومون باجراء تفتيش اخر بعد صعود الراكب للسلم وقبل دخول الطائرة. ولهم تجربة سابقة للاختطاف بعد مغادرة الخرطوم ولكن تمكن طاقم الطائرة من القبض على الشخص. ثم ان الناس يتداولون الحديث عن حالةتمكن فيها طفل من الصعود للطائرة بدون رفقة احد او اوراق ثبوتية. وناسنا مازالوا يتعاملون بالتلقائية والبساطة المعروفين بيها وربما يرى البعض منهم خليها ياخيماهي طفلة وشايلة ليها لعبة
عادي جداً وأيه يعني عاملين ليها هيلمانه،، وليه الواقفين في باب الطيارة ما إكتشفوا المسدس دا؟؟؟؟
اذا الفتش لقاهو مسدس لعبه حق شفع … ومررو .. الجرسة ليكم فوق شنو ؟ وبعدين وين البيبحتو في اغراض الناس في مدخل الطائرة ؟ ولا ده نظام بلوه بتجهزو فيها وعايزين تلصقوها للسودانيين ومطار الخرطوم ؟؟؟؟
المضحك قبل وفي الاسبوع الماضي دخل باكستاني باوراق مزورة والمضحك اكثر انه هرب من الصالة مع وجود كافة انواع الكجر….. شرطة جوازات….مباحث…امن عام….استخبارات….شيشان……امن الطيران…ليه حق البلد سايبة….فالحين في الطلاب وبس.
منتهي الدنائة…………يعني العسكري تزبلو بي اتفه مبلغ وتعمل العايزو يا تايزو….؟؟؟
تم كشف المسدس اللعبه في التفتيش الخاص بالخطوط السعودية عند مدخل الطائره الاعتراض كان لماذا مر من التفتيش السوداني بيمطار الخرطوم الكشف تم قبل دخول المسافرين للطائرة ونحن والسودانيين اخوه ولا نحتاج نلصق فيهم تهم.