زواج سوداناس

والدة الطالب السوداني توجه رسالة شكر راقية لكل السودانيين: انحني لكم..انتم تيجان راسي.. الله يحفظكم


جيهان التجانى المشرف

شارك الموضوع :

وجهت الدكتورة جيهان التجانى المشرف والدة الطالب السوداني الأصل ( محمد المعتصم عصام الدين صالح محمد عثمان) رسالة شكر وعرفان ومحبة وتقدير لجميع أهل السودان وأهلها وأصدقائها.

وذلك تقديراً للإحتفاء والإحتفال التاريخي من السودانيين على وسائط الميديا المتنوعة بما فعله إبنها (الذي ظهر يرتدي الزي القومي السوداني كاملاً وسط صورة تخرج جماعية ضمت عشرات الطلاب من جامعة كامبردج ببريطانيا وبحسب متابعة موقع”النيلين”كلهم يرتدون زي موحداً عدا السوداني الأصل محمد المعتصم، وأصبحت من الصور الأكثر تداولاً على الإنترنت).

ونشرت الدكتورة جيهان التجاني المشرف رسالة في غاية الذوق والرقة وأرفقتها مع صورة لها وهي تلبس الثوب السوداني الشهير ولكن بتصميم جذاب والوان علم السودان.
نص رسالة دكتورة جيهان التجاني المشرف والدة الطالب السوداني التي تحصل عليها موقع النيلين.

(في حياتي ”أرواح ٌراقــــيةٌ”
تخجلُني طيـــبتها
و تجبرُني أن
أحبها
واحترمها وأقدرها ؛`*
لأنها لا تستحق ّسوى ”
” الحب والاحترام والتقدير
اللهم بارك لهم في أيامـِہّم مدى العمر وهم بصحة وعافية…
يشهد الله من عالي سماه أن كل من تأتيه هذه الرسالة فعلاً له محبة و معزه وتقدير في قلبي

انحني لكم بكل تقدير و احترام
شكراً من القلب لي القلب
مهما أقول ما حاقدر اجازيكم حقكم
لكن والله فرحتوني لمن ما قادرة القي كلام شكر مناسب
انتم تيجان راسي يا ناس بلدي و اهلي و اصدقاءي و احبابي
الفخر كلو لي
كان من ولدي و لا كان منكم انتو كمان
الله يحفظكم جميعاً
الله يحقق كل امانيكم
الله ينور طريقكم
الله يديكم الفي مرادكم
الله يبعدكم من كل شر
امين
اللهم لقد دعوتك
و أرجو منك الاستجابة
يا رب العالمين
يا ارحم الراحمين
يا اكرم الأكرمين
امين).
الخرطوم/معتصم السر/النيلين

شارك الموضوع :

تعليقات الفيسبوك

تعليقات


27 التعليقات

إنتقل إلى نموذج التعليقات

      1. 1
        المبي السوداني

        التبوغ و التفوق ليس غريبا بآل المشرف المختار الشكيري فوالدها د. التجاني المشرف أخصائي الأنف و الأذن و الحنجرة وجدها المشرف مختار الشكيري من أعيان بري اللاماب و أمدرمان وقد كان ورعا متفقه في كتاب الله.

        الرد
        1. 1.1
          السندباد

          (التبوغ) ده شنو؟ قصدك صناعة التبغ يعني!!

          الرد
          1. كباشي

            الراجل بقصد النبوغ، النبقه التقد راسك، بس قاعدين تتصيدوا أخطاء الناس.

            الرد
          2. saram

            ههههههههههههههههههههههههههههههههههااااااااااااااااااااااااااى هايل

            الرد
      2. 2
        الصريح

        ماقلنا شئ فى النبوغ والتفوق …. ولكن اين الاحتشام ياوالدة محمد المعتصم … لماذا هذا السفور …ياسودانية يااصيله ؟؟؟؟؟؟؟

        الرد
        1. 2.1
          سعيد

          والله انت زول ثقيل

          الرد
          1. suliman

            بتشبه حنان بلوبلو

            الرد
        2. 2.2
          عباس احمد

          المرأة لابسه علم السودان وتقول سفور الى اين نظرت انت شكلك مريض الله يشفيك .

          الرد
          1. الصريح

            مامريض الا انت يااعمى البصر والبصيرة … ماشايف الشعر غير مغطى واللا دا عادى فى عائلتك الله يشفيك من العمى .

            الرد
        3. 2.3
          حقاني

          بالله ده رد ليك استحي على دمك عيب عليك

          الرد
        4. 2.4
          السندباد

          يا حاقد

          الرد
      3. 3
        ابوعفان

        دعاية للاسرة ليس الا

        ليه ما درس طب ذي اهله وابوه عشان السودان يستفيد منه

        الرد
        1. 3.1
          oaltahir

          لا تعلم يا هذا ان كل شئ بامر الله

          وكلها اشياء مقدرة

          قد يكون الوالد دكتور و لكنه لا يوثر ذلك لابنه

          ماذا يفعل الابن اذا وجهه الله في التفوق في المسار الادبي

          هل يرفع الراية ام يتفوق مثل والديه

          المهم انه تفوق وفي يوم ما ستراه في اعلى المناصب
          سوى في احدى الجامعات او في الامم المتحدة

          احمد الله

          ورينا في اولادك يا فالح

          طولة لسان في الفارغة و المليانة

          بلاش حسد

          الرد
        2. 3.2
          اميرووز

          الفهم قسم ،، يعنى البدرس طب هو بس البنفع بلدو ولا شنو

          الرد
        3. 3.3
          حبة

          إنت ابوك شغال شنو ؟

          الرد
      4. 4
        nasreldeen alshingiti

        شكرا لك انت يا حساسة والحمد لله انه مازال هنالك من بنى وطنى مثلك ومثل ابنك وابيه

        والله انا اكتب وشعر جلدى واقف شوك

        الرد
      5. 5
        محمد طيفور

        خربتي أي شي بي صورتك الفاكة فيها شعرك دي

        الرد
      6. 6
        البرنس

        ‏(‏ شعر جلدي واقف شوك ) طيب يانصر الدين الشنقيطي مادام شعر جلدك واقف خلاص جيب ليهو كرسي وقعده هههههههههههههههههههههه

        الرد
      7. 7
        محمد تقلاوي

        تحية كل السودان

        الرد
      8. 8
        السندباد

        ما شاءالله تبارك الله
        لكن سؤال بريء والله ؛ محمد المعتصم ده منو وعمل شنو؟

        الرد
      9. 9
        ريفان

        هل أنت قريبة دكتور إخلاص المشرف ود. عماد ؟

        الرد
      10. 10
        كباشي

        خلي بالك يا دكتوره ، ولدك ما يروح لداعش.

        الرد
      11. 11
        سوداني

        عفيت منو والله, اصلي يا ود البلد

        الرد
      12. 12
        أبو عبد الله

        ( يانساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا ( 32 ) وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسوله إنما يريد الله ليذهب عنكم الرجس أهل البيت ويطهركم تطهيرا ( 33 ) واذكرن ما يتلى في بيوتكن من آيات الله والحكمة إن الله كان لطيفا خبيرا ( 34 ) )

        هذه آداب أمر الله تعالى بها نساء النبي صلى الله عليه وسلم ، ونساء الأمة تبع لهن في ذلك ، فقال مخاطبا لنساء النبي [ صلى الله عليه وسلم ] بأنهن إذا اتقين الله كما أمرهن ، فإنه لا يشبههن أحد من النساء ، ولا يلحقهن في الفضيلة [ ص: 409 ] والمنزلة ، ثم قال : ( فلا تخضعن بالقول )

        قال السدي وغيره : يعني بذلك ترقيق الكلام إذا خاطبن الرجال; ولهذا قال : ( فيطمع الذي في قلبه مرض ) أي : دغل ، ( وقلن قولا معروفا ) : قال ابن زيد : قولا حسنا جميلا معروفا في الخير

        ومعنى هذا : أنها تخاطب الأجانب بكلام ليس فيه ترخيم ، أي : لا تخاطب المرأة الأجانب كما تخاطب زوجها

        وقوله : ( وقرن في بيوتكن ) أي : الزمن بيوتكن فلا تخرجن لغير حاجة ومن الحوائج الشرعية الصلاة في المسجد بشرطه ، كما قال رسول الله صلى الله عليه وسلم : ” لا تمنعوا إماء الله مساجد الله ، وليخرجن وهن تفلات ” وفي رواية : ” وبيوتهن خير لهن ”

        وقال الحافظ أبو بكر البزار : حدثنا حميد بن مسعدة حدثنا أبو رجاء الكلبي ، روح بن المسيب ثقة ، حدثنا ثابت البناني عن أنس ، رضي الله عنه ، قال : جئن النساء إلى رسول الله صلى الله عليه وسلم فقلن : يا رسول الله ، ذهب الرجال بالفضل والجهاد في سبيل الله تعالى ، فما لنا عمل ندرك به عمل المجاهدين في سبيل الله ؟ فقال رسول الله صلى الله عليه وسلم : ” من قعد – أو كلمة نحوها – منكن في بيتها فإنها تدرك عمل المجاهدين في سبيل الله “

        الرد
      13. 13
        صحراوي

        يا أهلنا حصل ليكم شنو إنتو؟ شوف كمية الشتائم في التعليقات على خبر يشيد ويفتخر بالسودانيين !!!!

        الرد
      14. 14
        المنتصر

        قبل فتره كنته من المداومين علي قراءه النيلين والتعليق احيانا…اغلب التعاليق حينها كانت ايجابيه و بناءه…الان اعود لاري هذا التردي المريع في مستوي التعاليق…النقد كلما كان بكلمه مهذبه وعباره رقيقه كلما كان ادعي لان يسمع…هداكم الله قولوا خيرا او اصمتوا…اعني صاحب كل نقد هدام.

        الرد
      15. 15
        ahmed fahad

        damn damn

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *