بابكر سلك

إلا تشتكوهوا فى السجود!!!


* لوزان ما بتجيب حقها مع بوعقرب ده
* ولا الأمم المتحده تستطيع ان توقف زحفه نحو المجد
* ولا الفكى ولا الدجل ولا الشعوذة بيقدروا يوقفوا بكرى
* ولا الحملات الإعلاميه المضاده
* شئ قدر كده يوقف بكرينا مافى
* الشكيه يا فطومه لغير الله مذلة
* إشتكوهوا فى السجود
* أعركوا نخرينكم فى واطات الله دى
* وابكوا
* ابكوا لما تتنهفوا
* جعروا فى سجودكم
* ربنا عالم بحالكم
* ماتقولوا شئ
* أبكوا بس
* الخوف لما ترفعوا من السجود
* تلقوا بكرى فى المطار
* تعبكم تعب شديد الزول ده
* والزول ده الزول ده الزول ده انا بريدو
* ايها الناس
* بكرى هو الهداف الأفريقى

* له اربعة اهداف بالتمام والكمال
* واحد فى عزام والتانى فى كابو فى انجولا
* والتالت والرابع فى العلمه
* هدف المريخ الأول فى العلمه ليس بنيران صديقه
* بكون الهدف بنيران صديقه فى حالة أن المدافع غير اتجاه الكرة

الى اتجاه المرمى
* لكن موزة بكرى كانت فى إتجاهها للمرمى
* يعنى ما عرضيه
* وما ارضيه
* وما جويه
* بين بين
* والمدافع قلشها ولم يغير إتجاهها
* يبقى الهدف يسجل لبكرى
* وحصلت قبل كده كتير
* يشوتها نزار تصرج تمشى على الكورنر
* تضرب فى ضهر زول وتدخل
* يفلقونا ليك تانى يوم فى الصحف
* نزار يحرز أحلى الأهداف
* بكرى له اربعة أهداف أفريقية
* رضيتوا ام ابيتوا
* وضفر تلاتة

* والقادم أحلى
* بس بكرى بمتاز على كل أهداف النسخة الأفريقية الحاليه
* بإنو غير الأربعة اهداف
* لعب باص القون لى ضفر فى تونس
* وقبله لعب باص القون لى كوفى ضد كابو
* ومعاهو أرتكبت ضربة جزاء فى كورة كابو الهنا
* وضربة الجزاء فى كورة الترجى الشهيرة
* يعنى بكرى جاب اربعة أهداف ولعب باصات لقونين
* وأرتكبت معاهو بلنتيين
* عقربنا يا عمك
* أسجدوا ساى
* وأبكووووووووووووا
* أبكو يمكن تنفشوا
* أيها الناس
* أمس إختلفت النغمة
* الأهلة كانو مشغلين نغمة أساساً ما دايرين بكرى
* أمس غيروها لى نغمة تانية
* قال ايه
* بكرى خاين إتفقنا معاهو وزاغ
* نعمل ليكم شنو يعنى؟
* قلت ليكم اسجدوا وابكوا
* وزى ما قال الرائع قسم خالد
* أروع مافى السجود انك تهمس ويسمعك من فى السماء
* سبحان الله السميع البصير
* تهمس وانت ساجد على الأرض ويسمعك من فى السماء
* أسجدوا
* أسجدوا وبس
* المهم

* ابوالهل يعيش أسوأ أيامه
* مشاكل زى المشاكل
* مقصورة الهلال الشقيق زى اليمن الشقيق
* قبيلات وشلليات وأحزاب وعقائديون جدد
* ولكن الإٌعلام الهلالى
* والرسمى كمان
* يخفى تلك المشكلات
* وماحدث يوم كورة أهلى شندى فى المقصورة
* وفى المدرجات
* وفى الشارع الهلالى
* دليل على ان (على صالح)بيمرق فى عمان قريب ده
* بالذات وزعيم عاصفة الحزم يعد مفاجأة
* وقرر ضرب اليمن جواً بالصاروخ الكبير موديل (اس مشاهد

تشالنجر) بعد التعديل
* حوالينا وماعلينا يا رب
* أسجدوا ساى
* ايها الناس
* قدم المريخ مباراةً رائعه امام العلمه الجزائرى
* ولكن المعلمين علموا علمه علماً نافعاً
* تمنيه وخمسين باص بدون مايشوفوها ناس العمه
* ماشموها
* قلت ليكم شامى لى ريحة مطار ماصدقتوا
* وحانقابل وفاق سطيف
* وسنسمع بعد المباراة
* ده ما وفاق سطيف البنعرفوا
* لأنو وفاق سطيف البعرفوهوا بزوغوا منو
* أقعدوا كده يا روشا
* اى زول بنغلبوا قولوا ده ما البنعرفوا

* لما تلقونا فى المطار البنعرفوا
* والأنتو ما بتعرفوا طبعاً
* بتعرفوهوا من وين؟
* مشيتوهوا متين بس؟
* ولا فى الأحلام
* لأنو قالوا فى هلالابى حلم ركب فى راس البص شايل علموا

وماشى المطار
* وأثناء الحلمه ديك حلم وقع من البص
* لماصحى لقى روحو واقع من السرير
* حلم ما بتقدروا تحلموا بالمطار
* المهم
* يدخل ابوالهل اليوم معركة السلخانه فى ظروف سيئة
* وناس روشا بيبحثوا عن شرع يفطرهم
* وإجتهد روشا فى وضع تشكيل فى حالة عدم وجود نص شرعى

يبيح الفطر
* جاب تشكيلة من ماكسيم..كانوتيه..أتير..سيسيه..نيلسون..

أندرزينهيو ..كيبى وجوليام
* وقال يتموهم بى تلاتة صايمين
* ولما يقطعوا يغيروا الصايمين بى صايمين تانى
* لكن ياروشا فى حته فاتت عليك
* دخل مساوى وكاريكا فى التشكيلة
* تحت بند على الذين يطيقونه
* ديل طبعاً ماعليهم صيام
* للعمر أحكام وللسن رخصه
* ووليد وأطهر صغار
* برضك ماعليهم صيام
* وفيصل موسى مع الذين يطيقونه
* يبقى عندك خمسه وطنيين وماصايمين
* لكن سيرة الخمسه مع مازيمبى حااااااااارة
* لكن لو داير نصيحتى
* ناس مازيمبى ديل فى بلدك وجوه إستادك وتيمكم كلو فاطر بالليل

* أدوك خمسه
* يبقى امسكوا فى الله والكورة التطير
* روشا
* الليله الزول لوشرب الساعه خمسه ونص
* سهواً وقهراً
* يتم يومو وعليهو كفارة
* ولايواصل وعليهو القضاء والكفارة
* ولايقش خشمو ويعمل نايم؟
* الحكايه دى ممكن تحصل الليلة
* أفتينا يا أخينا
* فطومه
* فطومه أختى
* ماتستغربى لو الليله جارتك قالت ليك
* يا علوية غى السخانه ليه متغطية بالبطانيه
* براحه زحى البطانيه
* الله يجازى ناس مازيمبى
* الله يجازيهم الفاطرين المابخافوا الله
* الناس ديل ما بخافو الله
* والمثل قال:
* المابخاف الله خاف منو
* المابخاف الله بخوف
* أيها الناس
* صدرت صحيفه الموسم الرياضيه
* نأمل ان تكون إضافة جيده للصحافة الرياضيه ونثق فى ذلك
* وأن تكون موسماً للزراعة والحصاد
* والتهنئشة للقبطان الطيب مصطفى والأستاذ كمال حامد والصديق

قسم خالد ومعاوية الجاك والحبيب والرائع شجرابى وفاكهة الصحافه

الأستاذه هنادى الصديق الصديقه الصدوقة صادقه الوعد وكل الأقلام

الرائعه التى تسطرها ولن انسى صديقى محمد عبدالماجد
* أيها الناس
* شامى لى ريحة مطار

* أيها الناس
* أقول ليكم
* أكتلوهو
* أيها الناس
* أسجدوا وأبكوا
* تبكوا بس
* أيها الناس
* أن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* شلت مدير المويه والمويه ابت تجينا
* كدى شيل الملاريا يا والينا
* يمكن تجافينا
* وكان شفت يا والينا
* ناس الكهربا لاشغالين بيك لاشغالين بينا
* قربوا يقولوا ليك تعال شغلها انت يا والينا
* لكن صحى يا والينا
* قصة نجيب الأسبير والمعدات من جنوب افريقيا خلينا
* وده السبب الخلى الكهربا تجافينا؟
* ما متأكدين لكن سمعنا يا والينا
* عليك الله إتأكد لينا

ﺳﻠﻚ ﻛﻬﺮﺑﺎ

** ﻧﻨﺴﺎﻙ ﻛﻴﻒ ﻭبكرى الفقرى يجرى ويهرى ؟!!
والللللللي لقاء
سللللللللللللللك


‫2 تعليقات

  1. ومازال الكلب الاصلع جرقاس يشم. آفة الانسان ان يتحول بارادته الي كلب

    1. يا دولة الموضوع ما بيستاهل والدنيا رمضان فما تقرأهو وتطمم بطنك