زواج سوداناس

رئيس حزب وأسرته يهاجرون إلى بريطانيا



شارك الموضوع :

كشف مصدر موثوق أمس أن وزير الدولة السابق بديوان الحكم اللامركزي ورئيس حزب الإرادة الحرة، على مجوك، غادر البلاد مهاجراً إلى بريطانيا برفقة أسرته، وقال المصدر إن مجوك كان من المؤمل أن يأتى في التشكيل الوزاري الجديد للحراك الذي قام به في إطار المصالحات القبلية ورأب الصدع وعبر حزب الإرادة الحرة الذي يتزعمه باعتباره أحد أحزاب حكومة الوحدة الوطنية، إلا أن غياب اسمه خيب الآمال وحفزه على الخطوة حسب تعبيره.

يذكر أن علي مجوك الذي يشغل منصب رئيس شورى قبيلة الرزيقات دفع بشكل مكثف لتسوية الخلافات بين الحكومة ومجلس الصحوة بقيادة موسى هلال، وكان يرأس اللجنة الأهلية لحل النزاعات والتعايش السلمي التي تحركت مؤخراً لتسوية الخلافات بين القبائل بشمال دارفور .

صحيفة آخر لحظة

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        قول الحق

        ياناس ماف زول بشتغل للوطن الحبيب دا لله . لو عملت ليك حبة حاجة لازم تلقا منصب عشان تخلص تمن عملك وتستنذفو .

        واكيد اخدت اللجو الى بريطانيا بعد ما قلبت على البلد واتاكدو انم ممكن يستفيدو منك فى ضر البلد . يعنى يافيها يانفسيها

        الرد
        1. 1.1
          جلابي

          دي مشاكل لي يوم القيامة ما ح تنتهي … عشان كدا (مثلث حمدي) ح يفصل نفسه بالقوة .

          الرد
      2. 2
        قول الحق

        معليش اهلى ناس الاقليم القربى مابتعرفو سياسة التنازل للغير او فتح الفرص للغير . وبتعتبرو المناصب الدستورية حقوق مكتسبة بقوة القبيلة او قوة السلاح ويجب ان تبقى بغض النظر عن الكفاءة . وهسى كبر الاكل من مال الشعب وعمل قصور وفلل زعل لمن شالو من الولاية وابا يسلم الوالى البعدو حقد وضر بس ليس الا ومابنفعو بى شى غير مايعبر عن حقدو وجهلو .
        وللامانة ناس الاقليم الشمالى متميزين منكم بانهم بتنازلو بالساهل والواحد لو شالو مابفكر يضر وقدامكم على عثمان ونافع والجاز بالرقم من اوزانهم اقيلو ولم نسمع لهم راى واحد حاقد او ناقد . لاكم تعال شوف ناس السلطة الاقليمية دفن تقيل وحقد تقيل الواحد تنزلو قبيلتو كلها تحقد مش هو بس . يعنى بى صراحة يا ناس الغرب لو كنتو محل ناس الشمال كان حتورونا الويل وماف زول بلقى معاكم منصب . وحتبوظو البلد بى حقدكم الاعمى عالمين فيها مهمشين ومتفقين كابناء اقليم واحد ولاكن فى داخلكم اكعب من الاوس والخزرج الزغاوى كان يموت مابرضى يراسو فوراوى والفوراوى لو يموت مابرضى يحكمو رزيقى مثلا .
        وبصراحة نفس التقسيمات القبيلية فى فى وسط وشمال السودان وتحت تحت يمكن بتاثر فى العمل العام لاكن مابعملوها ظاهرة ذيكم . انا زول من ناس الوسط . نصى كدا ونص كدا

        الرد
      3. 3
        الرشيد

        قال سبحانه: ((لا خَيْرَ فِي كَثِيرٍ مِنْ نَجْواهُمْ إِلاَّ مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ ومَنْ يَفْعَلْ ذلِكَ ابْتِغاءَ مَرْضاتِ اللَّهِ فَسَوْفَ نُؤْتِيهِ أَجْراً عَظِيماً) سورة النساء 114
        أليست هذه الاية كافية بأن تترك الأمر لله وتحتسب الأجر لعل الله أن يؤتيك أجرا عظيما كما وعد؟ وما هو خير لك من المناصب الزائلة فالولاية ذل ومهانة يوم القيامة.

        الرد
      4. 4
        duos

        ياصاحب حزب لإرادة الحرة علينا يسهل وعليك يمهل .صاحب هذة المقوله قنع من خيرا فيها وإحمد الله لقيت برنامج هجرة ليك ولي اسرتك علئ العموم ورينا إتخارجتا كيف نفسي إعمله من زمان إنا .

        الرد
      5. 5
        محمد الحسن

        تخيلوا رئيس حزب سياسي و رئيس شوري قبيلة في آن واحد !!

        اين يمكن ان توجد مثل هذه الفوضي في بلد سوى السودان , فالقبيلة و الحزب لا يمكن ان ينتجا الا كائنا” مشوها” و النتيجة ماثلة امام الجميع ثم يختار الخيار الأسهل و هو الهروب و ترك البسطاء ينهشهم الجوع و الفقر و الرصاص و هم الذين درس و تعلم من اموالهم .

        السياسي و المثقف السوداني ف كل انحاء السودان يمثل اسواء صورة للجحود و النكران .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *