اقتصاد وأعمال

انور دفع الله: “خالي”خريج اقتصاد جامعة الخرطوم يفرش الأحذية مع موسم العيد، بكل فخر


احد الشخصيات التي تلهمني حقا، خالي عبدالعزيز مامون محمد بشير… اصغر مني في العمر… بل اذكر جيدا يوم ميلاده في بورتسودان – حي الشاطيء منتصف الثمانينات ، تحديدا في العام 1986 . ولد في أسرة ميسورة الحال بفضل الله عز وجل. ودرس في بورتسودان كل مراحل دراسته.

تخرج من كلية الاقتصاد بجامعة الخرطوم وأكمل الدبلوم العالي. عمل في أماكن كثيرة حول اعمال والده و اختار ان يكون مزارعا في مزرعة والده في شندي. يعمل في كل شيء له علاقة بالزراعة… بيده .

وعند انتهاء موسم الحصاد -المنقة- يعمل في التجارة … ليست تلك التجارة التي قد يتخيلها احدنا ، بل تجارة صغيرة على قدر حاله و رأسماله الشخصي. ويفرش الأحذية مع موسم العيد في الشارع دون خجل ، بل بكل فخر.

و قد رزقه الله زوجة رائعة تشجعه على العمل بجد و كد… اسمع منه قصص كثيرة و جميلة عن كثيرون – ربما اقرباء او زملاء له – يشعرون بالخجل و ربما العار من ان يعملوا كما يعمل هو… فلا تخرجه من جامعة الخرطوم ولا وضع أسرته الميسور هما مانع من ان يعمل بجد من اجل لقمة العيش الحلال…

اشعر بالتواضع حينما اسمع منه: العمل و الرزق الحلال ليس عيبا… وان كان ليمون أبيعه في سوق شندي…
احترامي و محبتي خالي الحبيب عبدالعزيز مامون.

د. أنور دفع الله


‫9 تعليقات

  1. يا محرر النيلين شنوا المواضيع الباذخة دي ،،، هسا الولد ده وعمه وقصتهم دي مناسبتها شنو وبنستفيد منها شنو ؟ يا محرر يا تشتغل كويس وتجيب لينا مواضيع هادفة أو تنسحب من كرسيك ده ،،، بتجامل في الولد ده وتجيب أخباره علي حسابنا وهو زاتو منو ويسوي شنو

    1. عندما يشير العاقل للقمر ينظر الاغبياء للاصبع

  2. عبدالعزيز مامون دفعتي في اقتصاد الخرطوم .. راجل مجتهد .لك التحية وربنا يصلح حال البلد

  3. أول حاجة نحي قريبك علي اجتهاده وحبه للعمل ..

    تاني حاجة الزمن دا الناس عشان يشتغلوا بختاروا التخصص .. مش الجامعة ..لو ترجع لي ارشيف القبول في السنوات العشر الماضية ح تلقى في كليات في جامعة الخرطوم نسبتها كم وستين في المية وفي كليات في جامعات اقاليم نسبتها كم وتسعين في المية
    والدراسة الخاصة في كلية الطب في جامعة مامون حميدة أغلى من الدراسة الخاصة في كلية الطب جامعة الخرطوم بي كتيييير !
    .. وفي النهاية كلو نصيب .. بس الواحد يجتهد قدر طاقته.

    هل تعرف من أي جامعة تخرج بيل جيتس !!!

  4. السيد انور دفع الله دخلت أخباره علينا دون إستئذان ومع الفارق مثله مثل المدعوة رفيدة وابراهيم الميرغني وغيرها… السؤاال (مع إحترامنا الشديد والمبالغ فيه لمن ذكرنا ومن لم نذكر) كم من النماذج السودانية التي تستحق أن يسلط عليه الضوء ولم ولن تجد حظها .. تم تلميع السيد أنور وبدأ هو يلمع خاله ولا ندري من سيأتي تالياً؟؟؟

    السادة أهل البوابة.. ارجو البحث عن مواضيع تفيدنا في لهاثنا اليومي وتمحيص ما ينشر من أخبار حيث أنه يكفينا الجرى وراء لقمة العيش من أن تفقع مرارتنا بمثل هذه الفرقعات وشكراً

  5. كيم كارديشان السودان

    معناها ياناس النيلين نحن موعودين بسبع سنوات عجاف مع هذا الانور

  6. مرحب بكم د . أنو دفع الله رئيس البلد المستقبلي وبكل زمرتك المتعلمة التي في انتظاركم لسعادتها