البشير يضحك شباب المؤتمر الوطني.. “الواحد لو ما جاب شغالة حيشيلوه الطفل”
اطلق الرئيس السوداني عمر البشير قصة أضحكت الحضور من الشباب بالحزب الحاكم عندما قال أن الاوضاع تغيرت عن ذي قبل وقال شايف بقت في موضة الشغالات الاجنبيات وكمان الواحدة تصطحبها معاها الي المناسبات وتشيل ليها الطفل ولو الواحد ماجاب شغالة حيشيلوه الطفل “ .. الشباب إنفجروا ضاحكين.
وفي وقت الجد عاهدوا البشير أن يكونو سنداً له ..وبحسب صحيفة اخر لحظة الصادرة بالخرطوم الرئيس كان منشرحاً في اللقاء الذي صادف ذكري (30يونيو) وأعجبه الحديث الصريح من الشباب والذي بداه امينهم بله يوسف.
وأشاع الرئيس عمر البشير جواً اريحياً وهو يتحدث لشباب المؤتمر الوطني في لقاء مغلق وقال : “ لما كنا في كوبر وتجي مواعيد الصلاة نكون ماشين علي المسجد والجماعة بلعبو كورة ونعلق نقول بالله شوف ديل ماعندهم موضوع “ وقال مرت الايام وبقيت رئيس نادي كوبر فإستجلبت اباريق وسجادات وحفز الرجال الكبار الشباب علي الصلاة “ وطالب البشير الشباب بالإهتمام بالرياضة “.
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
هههه ضحكنتا ،عندنا ثلاثة شغالات في امبدة عشان الشفع وشغل البيت ياخي قوم لف
لن ينصلح حال السودان مالم تخرج القيادة من ثوب الحزب وترتدي ثوب الدولة ومازال البشير وزمرتة يفكرون بعقلية الحزب وماذا يعني حضور الرئيس افطار شباب الحزب الحاكم الذي اضاع البلد اما قصة الشغالات ذي صارت محصورة لدي الكيزان فقط ومن لف في فلكهم اما عامة ومعظم الشعب صار همهم توفير الاكل والشراب
انتو خليكم بره الدائره ولو حال السودان ما انصلح صاحبك ود حواء عندهم ثلاثه شغالات كيف يعنى
يا عميرة هل صحيح تريدون تصدير شغالات سودانيات للخارج
والصلاة نفعتكم ي حجاج انت ومعاك فار الفحم
بايخ ٠٠٠٠اها والما عندو اولاد يشيل شنو ؟ نفسي بس واحد من ناس داعش يفجر نفسو في الفطور بتعكم
الناس فى شنو وبشه فى شنو … كل مره بتثبت إنك رجل غير موضوعي ووصلت لدرجة الخرف
مشكلة السودان الشقة و التباين الواضح بين شريحة الفقراء و شريحة الاغنياء . اغلبية الشعب السوداني من الفقراء هذا ليس فيه شك بطبيعة الحال و المصيبة انهم يزدادون فقرا كل يوم بسبب السياسة الاقتصادية الفاشلة التي تدار بها البلد التي تتيح لهؤلاء الاغنياء استغلال هذا الفقير (موظف حكومي – عامل – وموظف قطاع خاص – مهن حرة) كل هؤلاء اصبحوا فقراء في سودان اليوم بسبب السياسةالاقتصادية الفاشلة التي تتيح لصاحب راس المال التحكم في معايش الناس كيفما يشاء فيستغل هؤلاء و يمتص حتي اخر قطرة .
خلاصة القول نظرية اقتصاد السوق هذه فشلت في السودان بامتياز و يجب ان تجد لها حكومتنا الرشيدة البديل المناسب اليوم قبل الغد
نقول للمغترب خليك فى غربتك
والله ياحيدر انت اكتر زول علق تعليق فيهو فايده وقدرت تستخلص النتيجة النهائية من حديث فطور الشغالات ده !!
قال شغالة قال ياخي اختشوا على انفسكم حاولو افتحوا قناة الريان او قناة النيل الازرق في رمضان الساعة 4 عصر شوفوا السودان بعيون قطرية شوفوا الاوضاع الماسوية لاهل السودان فقر بصورة مخيفة اوضاع مزرية حياة بائسة بدل نحن نشوف اصل المشكلة ونعالجها ندفن رؤسنا بالتراب.
الله يجزيهم خير جمعية قطر الخيرية زرعوا بالبسمة والفرحة في اطفال السودان لانهم بشر يتالمون ويحسون بالامنا وجروحنا وهم اخوة لنا جاءونا من بلادهم لعلمهم بفقر السودان واحتياج مواطنية للمساعدات .
وخلونا نحن في الخرطوم نتفشخر ونتفاخر بالشغلات النفخة والبوبار الكذاب .
اللهم ياكريم يافتاح يازراق افتح ابواب زرقك ورحمتك في هذا الشهر الكريم لاهلنا في السودان وولي عليههم خيارهم انت مجيب الدعوات يارب العالمين .
البشير اثبت انه يعيش في كوكب آخر مع بطانته ولايعرف حال الغالبية المسحوقة من شعبه ،،قال شغالة قال،، ياخ الناس تأكل نصف وجبة في اليوم ولا تجد العلاج ولا ألكساء تقول لي شغالة؟؟؟؟ ياخ مرة واحدة اطلع من ابراج كافوري وشوف الناس عايشة كيف،،،ببركة هذا الشهر الكريم أسأله تعالي أن يشفي غليل هذاالشعب ويريه فيك عجائب قدرته في الدنيا والآخرة
لا حول ولا قوة الا بالله الراجل بشة دا عائش وين و فى ياتو دولة .. معقول ما جايب خبر الشعب الزول دا فى دائرة مغلقة ولافى حول مترفين منتفعين ومشهدو حزبو المتخم بالترف بعد الفاقة لا حول ولا قوة الا بالله مافيش فايدة قلنا الزول دا يجى يصلح الحال بعد الخمس وعشرين سنة لهف واختلاسات وتمكين باسم الدين لفئة ما كانت تجد ما تشبع به والان لا شى يشبعها وان لهطت كل شى
ااااااااااااااااااااااااااااااااااااااااااخ ياناس واحد يفهم الراجل انو الترف والخدم عندو هو والشرزمه المعاه