منوعات

قام بإنهاء تعاقده مع الشروق ..مغادرة مقدم برنامج ” فتاوي ” للسعودية


غادر مقدم برنامج ” فتاوي ” بقناة الشروق الشيخ محمد عثمان إلى المملكة العربية السعودية وقام بإنهاء عقده نهائياً مع الشروق ، وذلك بعد أن أتيحت له فرصة ذهبية في فضائية سعودية لتقديم أحد البرامج الدينية .
الجدير بالذكر أن برنامج فتاوي الذي يقدمه الشيخ محمد عثمان في فضائية الشروق وجد نسبة عالية من المشاهدة بجانب الاتصالات والمداخلات التي تتم خلال البرنامج لعدد من الاستفسارات الدينية .

صحيفة السوداني


‫15 تعليقات

  1. نتمني لك التوفيق والسداد وربنا يوفقك ان شاء الله . هكذا السودان يفقد ابناءه . لك الله ياوطني

  2. و الله حزنت من الاعماق فكم نحن فى حوجة لمثل هذا الرجل عالم مؤدب عفيف اللسان طلته تفرح القلب .اسال الله له التوفيق و ان ينفع به المسلمين ابن ما حل .

  3. والكلام ده كلو حصل امس بالليل ولا شنو؟
    الزول ده امس كان بقدم فى البرنامج فى الشروق

  4. رجل فاهم وعاقل نتمني له التوفيق وياريت لو شاف طريقة لعمنا ومولانا الشيخ محمد احمد الحسن

  5. يا خسارة كل جميل يريد أن يترك السودان !!!!!!! لمن ؟؟؟ وليش ؟؟؟ آه يا بلادي ……. الأطباء العظماء منهم تركوا السودان ….المهندسين المهرة منهم تركوا السودان …..الفنييين الناجحين منهم تركوا السودان !!!!!!!
    لمن يتكروه ؟؟؟؟؟؟؟؟؟؟؟؟؟؟؟؟؟

  6. الله يهديك يا اخى يعنى لمن تحب تغادر وتشتغل ما تمشى الا للوهابيه مفروض عليك تمشى عمره او حج فقط بخلاف ذلك خلاص حاتفقد كل ما لديك من علم وتقوى وورع لان الوهابيه ما حيخلوك بمزاجك وحريتك زى ما كنت فى الشروق حا يفرضوا عليك فرض وغصب عنك تعمل ما يريدونه هم خساره والف خساره وطبعا مقابل ذلك بيملوا للزول خشموا قروش اغراء لا اكثر ولا اقل وبعد ما تتذوق طعم قروش الوهابيه خلاص بمويه وكملت حسبى الله ونعم الوكيل ولا انا غلطان يمكن الزول وهابى وانا ماعارف كل شئ جائز نسال الله العافيه

    1. اتفق معاك 100% ضاعت الحرية وكسب القروش وهي خسارة مابعدها خسارة

  7. انا من المتابعبن لهذا البرنامج القيم والمفيد وقد استفاد منه الكبار قبل الكبار قبل الصغار النساء قبل الرجال والفضل من بعد الله يرجع لهذا الشاب الخلوق بادبه الجم وكذلك الشبخ محمداحمد حسن ببساطته وعفويته المعهودة.وفي فترة نت الفترات قدمته ابمان بركيه ورانيا هارون لكن كان الاداء باهت جدا جدا وفقد البرنامج القه.
    اتمني لهذا الرجل التوفيق اينما حل

  8. انت والشيخ محمد حسن ثنائي متناغم ونكهتكم سودانية اصيلة لانعيب عليك الرغبة في تحسين اوضاعك المادية ونرجو لك التوفيق الا انك ستفقد اكثر مما تجنيه بفقدانك لا نقول للمعجبين ولا نقول للمريدين بل نقول لمن يخافون الله ويتحرون الاجابة عن اسئلتهم الدينية و ينتظرون برنامجكم الموفق الذي يجيب فيه الشيخ باسلوبه البسيط المحبب والذي يمكن حتى اجهل الناس من فهم المقصود . ندعو لك مرة اخري بالتوفيق آملين رجوعك باسع مايمكن لمن يحبونك في الله وانشاء الله اجركم بالحسنات فى السودان اعلي اضعافاً مضاعفة من اجركم بالهللات او بالدولارات في اي مكان .

  9. ماشاء الله يستاهل رجل مهذب يجبرك على احترامه والله احببناه لبشاشته وحسن خلقه ربنا يوفقه .