زواج سوداناس

دكتورة جيهان في رسالة مؤثرة: انا لست بنت الناطق الرسمي ولم انضم لداعش..ولو اتحجبت حتطلعوني زوجة بن لادن


جيهان التجانى المشرف

شارك الموضوع :

اندهشت الدكتورة جيهان المشرف والدة محمد المعتصم عصام الدين صالح محمد عثمان(الطالب السوداني) الذي ظهر في شهر يونيو وهو يرتدي الزي القومي السوداني كاملاً وسط صورة تخرج جماعية ضمت عشرات الطلاب من جامعة كامبردج ببريطانيا ووجدت الصورة حينها تداولاً واسعاً.

وكان مصدر دهشة الدكتورة جيهان التجاني المشرف بحسب رصد محرر “النيلين”تداول صورة لها على نطاق واسع مكتوب عليها (دي بنت الناطق الرسمي باسم الخارجية ،انضمت لداعش في العراق وسافرت بدون معرفة أسرتها).

فكتبت دكتورة جيهان بحسب “موقع النيلين” رسالة معبرة لما أصابها .
(السلام عليكم و رحمة الله و بركاته
يا أهل الله و ناس بلدي الشرفاء
دا شنو الكلام ده
لا حول ولا قوة الا بالله العلي العظيم
عاد أقول ليكم شنو
دي انا
جيهان التجاني المشرف مختار الشكيري بركات
بنت
دكتور التجاني المشرف
و بروفيسور سامية احمد جمعة
عمري ٤٨ سنة
و مقيمة بره السودان
دا أولاً
ثانياً
جد خفت من الاعلام
والله كنت بصدق اي شي يجي تبع الواتسب
علشان ما بفتكر الناس ممكن تالف لي الدرجة دي
و بنزل اي بوست يجي من الجهة دي
يا لي النقاش
يا لي التعزية
يا لي المجاملة
يا لي الأخبار
يا لي الفرحة
بس حسي امنة انو اي خبر يجي لازم أتأكد منو
مثني و ثلاث و رباع
و الوءمن مصدق
و ياما دخلت في اخطاء مع ناس بي سبب التصديق الاعمي ده
اههههه لحدي ما الله جابو لي انا زاتي
علشان يعلمني درس
و أحمدو و اشكرو علي الدرس ده
علشان ما أخذ زنوب تاني
الله بعلم بي نوايا العباد
هو عالم بي نيتي طوالي
الحمد لله
هههههه
ثالثاً الناطق الرسمي لي وزارة الخارجية
الفيه مكفيهو
لمن كمان تختو ليه صورة ست كبيرة زي دي
و بنتو شابة و جميلة
و زي ما بنقول في السودان
لسي ما دخلت دنيا
يعني ما عرسة لسي صفيرة
و انا خلاص مارقة منها
هههههههه
و هو ممكن جداً يكون من الجيل حقي
و بنتو ممكن تكون فدر أولادي
يعني حرام عليكم
خافو الله
و رابعاً
انا كلو يوم ابوي
الله يطول في عمرو
نافي فيني اتحجبي زي أخواتك
اتحجبي زي أخواتك
و انا كلو يوم طالبة من الله الهداية
علشان مقصرة مع الله في دي شديد
و الله سبحانه و تعالي اصلو ما قصر معاي في شي
ديني ناقص بعدم الحجاب
حسي خوفتوني جد
لو الله هداني و اتحجبت
حتطلعوني زوجة بن لادن
رحمة الله عليه
ما معقولة يا اخوتي
و برضو ادعو لي الله يهديني و مرادي يتم
خامساً
كل يوم انا بهاجم في داعش دي
و لي سنين
لاني ما بفتكر الي بيعملو فيه صحيح
شوهو صورة الاسلام و المسلمين
و بس
و مع ذلك اي انسان مشي داعش حر
و اكيد مقتنع و مافي زول ليه الحق يفتي فيهم
اي
احنا ما عاجبنا لكن هم احرار
و خلقهم الله احرار
و الله يهديهم و يهدينا
و الله يرجعم لي اهلهم سالمين
قولو امين
ما بتمناها لي اي انسان
احساس جد فظيع
لكن أولاً و اخيراً
قدر الله و ما شاء فعل
قولو الحمد لله
و سادساً
يا الناس الطلعو الصورة دي مع الكلام ده في وانساب
حسبي الله نعم الوكيل فيكم
الدنيا رمضان
و انا دعية الله فيكم
عيب
عيب
عيب
و الله يمهل و لا يهمل
و سابعاً و اخيراً
يا السيد المتحدث الرسمي لي وزارة الخارجية
حقيقي أسفة علي السخف ده
و عوارة العالم القاضية دي
و ان شاء الله ترجع ليك بنتك و اولاد كل الناس بي مليون سلامة
و الله داعية ليهم
علشان فيهم اولاد ناس من اعز اصدقاءي
ناس ما باشوف منهم الشينة تب
ناس سودانيين مصابيين بي الأذي من الناس
زي ما كتار مننا مصابين
وارجع وأقول
ان احب الله عبدا ابتلاه
دي بلي و امتحان من الله
و الله يقوينا كلنا
من ظلم الناس
و اتزكرو ان الله ارحم الراحمين
بارك الله في كل من خاف الله
و ألما بخاف الله انا بتوقع منو اي شي
جزاكم الله خير).

الصورة المفبركة عن جيهان المشرف
جيهان
الخرطوم/معتصم السر/النيلين

شارك الموضوع :

تعليقات الفيسبوك

تعليقات


16 التعليقات

إنتقل إلى نموذج التعليقات

      1. 1
        الحلو

        الله م يهديك الله يهدك يا قادر ياكريم

        الرد
        1. 1.1
          طبيب

          الحلو …… حمدالله على السلامة

          الرد
      2. 2
        ahmed fahad

        حدثناك عن بوامه وهبالة اهلك السوادنة طحتي فيها وعملت ظريفة
        وزى ماقال فيكم د.عبدالله الطيب الحسد سودانى اهم قبلو ناحيتك ردى بابك عليك وبكفي تلامة

        الرد
      3. 3
        شنداوي

        كيم كارديشان فكيتو شوطها خلاص ؟؟

        الرد
      4. 4
        حيدر

        معقوله بس البنت الفى الصوره دى تكون من الداعشاب

        الرد
      5. 5
        محمود

        عليكم الله ما تملونا فقر شنو البنت ولدها الام والله النيلين دي بقى موقع فظيع عديل شكلنا ح نقاطع شنو هيافة الموضوعات والأخبار دي

        الرد
      6. 6
        ود البوك

        دي انا
        جيهان التجاني المشرف مختار الشكيري بركات
        بنت
        دكتور التجاني المشرف
        و بروفيسور سامية احمد جمعة
        عمري ٤٨ سنة
        و مقيمة بره السودان….
        اولا انا استغرب انك بقيتى دكتوره كيف او قل طبيبه كيف
        ثانيا من الاسلوب الركيك فى الكلام واضخ انه كل اناء بما فيه ينضح
        ثالثا ماف داع للشوفونيه بالمناسبه عمرك 48 سنه بهمنا فى شنو يعنى

        الرد
        1. 6.1
          بت ابوها

          نفس التعليق العايزة اكتبه ….اخطاء فظيعة ….اسلوب ركيك ….دكتورة …بت دكتور وبروف ….مخير الله…..ساي الناس بتنبذ الفاقد التربوي ….طبعا هم لا ذنب لهم في الظروف المادية والاجتماعية الخلتهم يتاخروا في الدراسة

          الرد
      7. 7
        Bakri M

        كلام ركيك وما منو فايده اللهم إني صائم

        الرد
      8. 8
        النصيح حديدو

        تقصد تقول انها كبيرة في السن تزوجت وعمرها 24 سنة وابنها الاتخرج من كمبريدج عمرو 24 سنة يعني عمرها 48 سنة ما معقول تكون صورتها بتشبه البت الشابة الفي الصورة . بعدين اكيد هي زعلانة وحبت تكتب بلغة دارجة . وكل رمضان وانتم بخير .

        الرد
      9. 9
        M. Babikir

        بسم الله الرحمن الرحيم

        نعم الله المستعان من هذا الإعلام الهدام الذي يضرب بعرض الحائط أسس الإعلام في الإسلام. وكلنا يعلم عقوبة الغيبة والنميمية وكذلك التزوير وفبركة الروايات عن أناس لا علاقة لهم بها. يا من نشرت هذه الكذبة المشينة عن أناس غافلين بهدف في نفسك، لا تحسبن أن الله غافلاً عما فعلت. لذلك نرجو منك التوبة إلى الله أولاً ثم الاعتذار إلى هذه المسكينة وإلى كل من زحجت بهم في هذا التأليف والتزوير.

        هل هناك نهي عن الخوض في بهتان الناس أكثر وضوحاً مما جاءت به سورة الحجرات في الآية الكريمة: {يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ [الحجرات: 6]}. أين أنت من الآية: ﴿ يَا أَيُّهَا الَّذِينَ آَمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ (11) يَا أَيُّهَا الَّذِينَ آَمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ (12) ﴾.

        “… لا تتبعوا خطوات الشيطان…”؛ “…إن الشيطان لكم عدو فاتخذوه عدوا…:؛ فهو، أي الشيطان، إنما يدعو حزبه ليكونوا من أصحال السعير.

        وكلمة للإخوة المسؤولين عن موقع النيلين: نرجو الحذر والبعد عن كل ما يوجب سخط الله، واعلموا أنكم مسؤولون عن كل كلمة ترد في هذا الموقع وعن كل صورةً أو خبر يخرجان عن الدين والعرف. الإخوة الكرام هنالك اخبار كثيرة ومعلومات تبث في هذا الموقع لا نرى المقصد منها غير الإثارة والترويج بغض النظر عما إذا كان الخبر مفيداً في حقيقته أم لا. لذلك نرجو منكم أن تعدلوا خطكم ومنهجكم… نحن نعلم أن الهدف الرئيسى في المقام الأول هو الكسب الدنيوي، ولكن أيكون ذلك بالتخريب والهدم وإفساد العباد؟ وثقوا أنكم إن تركتم شيئاً لله، فإن الله سيعوضكم خيراً منه.

        وينسحب ذلك على كافة المواقع الإخبارية بما فيها الصحف الورقية والشبكية وغيرها مما يسمونه الإعلام. والله المستعان.

        الرد
      10. 10
        ودالعربي

        الله يهدينا جميعا

        الرد
      11. 11
        كايدهم

        انه اعلام الغفلة والضياع وانتظار مشاركات المراهقين ..انه اعلام السذج والبسطاء الذين لا ينقحون في المعلومة .. وياذون الناس بقصد او بغير قصد .. وحتى الذين ينشرون ينشرون من باب انه وجد سابقة خبر ولا يعلم بها احد .. وجد مضللا فسلك طريقة من غير ان يبحث عن الصورة اصلا وفصلا ومن غير ان ينظر من هو الناشر او الكاتب .. لاحظوا انه لا يعرف اللغة العربية ولايعرف كيف ينسب الاشياء للناس ..وفي الغالب الاعم انها كتابة بنت . ولا استبعد انها حاقدة عليها ..
        ومن ثم هنا في النيلين حتى المعلقين على الموضوع لم يستوعبوا ماقالت صاحبة الشأن .. على رسلكم يا هؤلاء المكسينة تود ان تبريء نفسها من معلومة خطأ ولعلي انها كانت صادقة مع نفسها وتكلمت بكل عفوية

        الرد
      12. 12
        دارفوري

        الله يستر ( الجفلن خليهن أقرع الواقفات)

        الرد
        1. 12.1
          ود بلد

          يادكتوره والله انتي زوله كويسه وفي قلبك خير كتير وزوله مرهفه الإحساس ، وربنا يستجيب لي دعاك وتتحجبي وربنا يهديك ويهدينا

          بس نصيحه تاني ما تكتبي رد على الشعب السوادني دا ، لانو اغلبنا فاضين ومابنحترم بعض وماعندنا رقي في التعامل ومابنراعي شعور بعض وزي ماقال الزول الفوق دا مقوله د.عبد الله الطيب (الحسد سوداني) فياخي ابعدي عن التعليق ووسائل التواصل الإجتماعي عشان ما يطقوك عين ساكت انتي وعيلتك لانو البلد محتاجه للزيكم فما عاوزين نفرط فيك.

          ربنا يسترك ويهديك ويحميك ويخلي ليك زوجك واولادك وعيلتك وتنفعو لينا السودان دا والشعب السوداني التعبان دا

          تحياتي

          الرد
      13. 13
        ود عوال

        ما ينطق من قول الا لديه رغيب عتيد
        اتذكروا يا اهل الشهامه والكرم قول الله هذا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *