زواج سوداناس

وزير الكهرباء يقترح زيادة التعرفة ويعلن استمرار برمجة القطوعات



شارك الموضوع :

علمت (المصادر) أن وزير الكهرباء والموارد المائية معتز موسى قد تقدم بمقترح للبرلمان لزيادة تعرفة الكهرباء لمقابلة القطوعات المتكررة في الإمداد الكهربائي، والتكلفة العالية للإنتاج، وعدم التوازن بين تكلفة إنتاج الكليواط التي تبلغ (٨٠) قرشاً فيما يتم بيعه للعملاء بـ(٢٤) قرشاً، الا أن النواب قابلوا طلب الوزير بالرفض بسبب الظروف الاقتصادية التي يمر بها المواطن.
وحسب تسريبات من داخل اجتماع لجنة الطاقة والتعدين بالبرلمان أمس، فقد أعلن النواب عدم السماح بفرض أية زيادات جديدة لا في الكهرباء ولا غيرها من السلع، ووجهوا الوزير بالبحث عن معالجات أخرى منها اللجوء لترشيد الطاقة.

وقال الوزير خلال مرافعته أمام اللجنة إن تعرفة الكهرباء ظلت كما هي ولم تطرأ عليها أية زيادة منذ٢٠٠٤م، الا أنه تم تقليصها في ٢٠٠٩م، وأضاف (الحياة متزايدة والكهرباء ثابتة، العربية الكنت بتشتريها في ٢٠٠٤ بـ ٦٠ جنيه ألف الآن بـ ٥٠٠ ألف جنيه، بينما سعر الكيلو واط ثابت).
وأقر موسى وفقاً لتسريبات من داخل الاجتماع أن إنتاج سد مروي لن يكفي استهلاك الخرطوم من الكهرباء إذا عمل بطاقته الكلية وأنه في أعلى مستوياته ينتج ١٢٥٠ ميغاواط وفي أدنى مستوياته يهبط الى ٧٠٪ .

ووجه نواب اللجنة ورئيستها حياة الماحي أسئلة ساخنة لوزير الكهرباء بشأن القطوعات في شهر رمضان والحلول التي وضعتها الوزارة لمعالجة ذلك، وقال الوزير في رده على النواب طبقاً للمصادر إن الوزارة في سبيل توفير الإمداد للمواطنين قطعت الكهرباء عن القطاع الصناعي وتحويلها إلى القطاع السكني لتلبية الطلب المتزايد وتوفيرها في شهر رمضان، والتزم موسى بتوفير حصة القطاع الصناعي كاملة بعد انقضاء شهر رمضان.
وأكدت المصادر أن الوزير ذكر للنواب أن الحل يكمن في زيادة تعرفة الكهرباء لمقابلة تكلفة الإنتاج العالية والفرق الكبير بين سعر الإنتاج والاستهلاك، ولفت إلى عدم زيادة التعرفة منذ ٢٠٠٤م، وأوضحت المصادر أن النواب اعتبروا تبريرات الوزير منطقية إلا أنهم رفضوا الزيادة ووجهوا الوزير بالبحث عن معالجات أخرى منها اللجوء للترشيد.

وأقر الوزير باستحالة توصيل الكهرباء للأرياف النائية عبر الأسلاك، وأشار الى أنه يمكن توفيرها عبر الطاقة الشمسية التي أكد ارتفاع تكلفتها.
وكشف الوزير عن دخول محطة البحر الأحمر الخدمة “إنقاذية” لكنه اشتكى من توقف العمل في محطة الفولة منذ أكثر من أربع سنوات بسبب قضية التمويل من وزارة المالية.

صحيفة الجريدة

شارك الموضوع :

تعليقات الفيسبوك

تعليقات


41 التعليقات

إنتقل إلى نموذج التعليقات

      1. 1
        محمد ادريس

        السلام عليكم ورحمة الله ،اثبت هذا الوزير فشله الكلى فى التعامل مع وزارته من منطلق ايجاد الحلول للمشكلات والعقبات التى تعانى منها البلاد فى التمتع بخدمة الكهرباء المدفوعه الأجر مقدما قبل الاستمتاع بخدمة الكهرباء كحق من حقوق متلقى الخدمه ، الم يتعلم بعد هو من الوزير الذى سبقه كيف كنا نستمتع بهذه الخدمه ،اصبحنا نعانى منذ توليك هذه الوزاره ،اذا لم تكن صاحب كفأه فترك المنصب لغيرك وترجل واجلس فى كرسى وزارة الغابات مع يقينى التام بفشل سيادتكم كما فشلت فى توفير الكهرباء بل تم انقطاع الكهرباء عن السودان ككل وانت وزير للكهرباء ،ترجل عن هذه الوزاره فهى اكبر من ان تدار بطايقوك ده يااخينا وشكرا

        الرد
        1. 1.1
          Naser

          على مايبدو ان كل من يتم تعيينه لا يأبه بالمواطن ولا يهتم لأمره, بل (يتغابى) المعرفة في ظروفه وأحواله.. فنجد وزير المواصلات لا يركب مواصلات ووزير الصحة عنده مستشفيات خاصة وجامعات بالدولار, و (أخينا دا) وزير الكهرباء عندو من المولدات الكهربائية ما تنير به بيوت وذلك تحسبا لانقطاع الكهرباء (هذا اذا قطعت عنده), وكل همه وتفسيره للمشكلة التي تواجهه في توليد الكهرباء أن سعر الكهرباء لم يزيد من عام 2004, وان التكلفة مرهقة, وهو لا يدري أنه من أرهق المواطن الغلبان وتسبب في أذيته, أولم تعلم أيها الوزير الهمام (اللابس تمام) أن وزارتك تفرض على المواطن ان يشتري هو عمود الكهرباء والسلك ويتنازل لهيئة الكهرباء عنهم بغير طيب خاطر؟!!..
          أكيد تعلم… بس أضان (الخامل) طرشاء..
          أو لا تعلم ايها الوزير (الظريف).. أن عداد الكهرباء يشتريه المواطن وتأتي هيئة الكهرباء وتؤجره له شهريا؟!! وقد أفتى كل العلماء بحرمة ذلك!!1..
          أكيد تعلم.. ولكن لا حياء ولا حياة لمن ننادي…
          وأكيد وليس (آكدا) انك لا تعلم ان فاتورة المياه ليست لها علاقة بك او بوزارة (الضلمة) بتاعتك دي…
          أكيد ماعارف.. هو أنت بتدفع حاجة من جيبك؟؟؟

          الرد
        2. 1.2
          طارق عبداللطيف سعيد

          مافي حل غير نبدأ بالآتي :-
          1- إعفاء وزير الكهرباء فورا (معتز موسى)
          2- توليد الطاقة الكهربائية عن طريق المولدات الكهربائية الضخمة
          3- وليد الكهرباء عن طريق الطاقة النووية
          ***بجانب الإستفادة من الكهرباء المائية عن طريق السدود
          ***مرحله أولى بالمولدات الكهربائية الضخمة ، ويعقبها مرحلة ثانية السعي لتركيب مفاعلات نووية للطاقة السلمية

          الرد
        3. 1.3
          طارق عبداللطيف سعيد

          مافي حل غير نبدأ بالآتي :-
          1- إعفاء وزير الكهرباء فورا (معتز موسى)
          2- توليد الطاقة الكهربائية عن طريق المولدات الكهربائية الضخمة
          3- توليد الكهرباء عن طريق الطاقة النووية
          ***بجانب الإستفادة من الكهرباء المائية عن طريق السدود
          ***مرحله أولى بالمولدات الكهربائية الضخمة ، ويعقبها مرحلة ثانية السعي لتركيب مفاعلات نووية للطاقة السلمية

          الرد
      2. 2
        شكري

        من أقوال الصحف (صحيفة أخبار اليوم) مع استمرار القطوعات: وزارة الكهرباء تدفع للبرلمان بما اسمته تعديل تكافلى للاسعار والوزير يشرح: التعديل يهدف لان يدفع القادرون ثمنا اكثر.. (ما هي المعايير التي يحدد بها المقتدرون؟)

        الرد
      3. 3
        ابوطويله

        والله حكم ..حنكك ده ما بقسم امش اول حاجه شوف وراجع كل العقودات الوقعتوها سواء مع شركات او مع موظفين (بتاعين المنسقيات) وحاول ولو لمره واحد فكك التمكين الكبيتو في الكهربا حتي بعد داك تعال اتكلم عن زيادة السعر

        الرد
      4. 4
        mona abdo mansor

        بس والله بالجد حرام عليهم يقطعوها في رمضان والجو سخانه والناس تعبت ..يا ريت ما تقطعوها على الاقل في رمضان

        الرد
      5. 5
        zezo

        مكاوي مسك الكهرباء دي في عز ازمة الاقتصاد وقلة الانتاج الكهربائي وقدر يخلي الناس تنعم بي امداد كهربائي مستقر وفوق ده طور الكهرباء….الوزير الفاشل بيمسك اسهل الحلول وهي الزيادة في الاسعار…..

        الرد
      6. 6
        ahmed

        من ما جئت انت فقر وقطعت الكهرباء على الخرطوم والمدن الثلاثة وكل السودان ما عارف أنت جابوك من وين. فاشل وعديم خبرة واتخاذ قرار . الله يعينك يا البشير

        الرد
      7. 7
        الله يعين السودانين

        انا كنت شغال في الكهرباء من قبل والله اكتر وزارة بدخل قروش لي الدولة بس والله كلها حوافز لي المهندسين والله حتي بدل اللبن عندهم . في يوم كنت في المكتب في الخرطوم قالي احد الموظفين في المالية انو جات 2 مليار حوافز بس والله ما قعدت نصف ساعة تم توزيعها . مع العلم انا مهندس كهرباء

        الرد
      8. 8
        ahmed

        انت وفر الكهرباء وتحدى القطوعات وطورها وبعدين قرر الزيادة لكن هسع كل يوم قاطعة وبطريقة شاذة وتقول زود القيمة … ضعف وجهل …. وفر … وفر … وفر وأطلب … لكن طلبك ده يوضح أنك عديم خبرة وعاوز تتعب خلق الله وتبهدل حالهم ….. ما عندك كهرابء وتطلب الزيادة … وينك يا رئيس … لا سين … ولا جيم . الله المستعان

        الرد
      9. 9
        الرشيد

        كهرباء ما في ويزيدوا سعرها ؟ شر البلية ما يضحك.

        الرد
      10. 10
        ِالسوداني

        وزير فاشل جدا جدا ،،، الكهرباء المولدة من الماء ” الخزانات” تعتبر أرخص أنواع الكهرباء ولا تكلف كثير وبالتالي يجب أن يكون السعر أرخص لأن معظم كهرباء السودان من التوليد المائي …. وزير فاشل يجب أن تتقدم بإستقالتك وتغادر المنصب لأنه في العهود السابقة لك كان الإمداد مستقر ولا توجد قطوعات كثيرة

        الرد
      11. 11
        abu aabid

        يا جماعة الخق يقال ان الذى دمر قطاع الكهرباء هو الوزير السابق وهو بسياياته الرعناء وعدم تنفيذ الخطط التى وضعت للكهرباء وكما افيدكم علما ان هذا القطاع هو القطاع الوحيد الذى لا يدار الا بعلمية وتخطيط بعيد المدى اما علوق الشدة فضرره اكبر من نفعه فى هذا القطاع علما بان التخطيط فيه موضوع حتى لعام 2031 وكل شىء مرتب الا ان اتى هؤلاء التتار فعاثوا من حيث ارادو ا الاصلاح ان احسنا الظن او نجح البعض منهم فى تنفيذ مخططه الآثم تماما .لا تظلموا هذا الوزير هو الاجدر ان فتح قلبه وعقله واستمع الى نصائح الآخرين لماذا لا يكون مجلسا اعلى لادارة الشان الكهربائى من مدراء سابقين واكاديمين ومهنيين ويدير وزارته التى تمددت وتشعبت وازدادت كل يوم تزداد كيل بعير حتى ان الارصاد تمت تبعيته لها يجب ان تخرج الكهرباء من بين فرث ودم هذه الوزارة لتكون لبنا سائغا للمواطنين انتاجا فى المقام الاول وسكنا فى المقام الثانى وياهو ده السودان كل ازماته عنيفة وصادمة

        الرد
      12. 12
        ابو عبادة

        الهجوم خير وسيلة للدفاع ……………. افهموها

        الرد
      13. 13
        احمد

        يا جماعة الخير. المقترح ده هو الانسب لانو مافي موارد كافية لزيادة التوليد بسبب الوضع الاقتصادي. عند زيادة التعريفة يقل الاستهلاك نسبيا وتتوفر موارد تساعد في تكملة بناء المحطات المتعثرة وده حل اقتصادي منطقي. نحنا طبعا عايزين الخدمة وما عايزين ندفع قروش. الكلام بينطبق علي الموية برضو لانو تعريفتها غير منطقية ايضا. انا اؤيد زيادة التعريفة للموية والكهرباء لتحسين الخدمة.

        الرد
        1. 13.1
          عمار

          يا أخوي تكملة المحطات المتعسرة دي شغل الحكومة ما شغل المواطن المسكين اليادوب راتبو مكفي حق الاكل…و الحكومة دي بتشيل غروض من الصين بالهبل اشمعني حبكت المرة دي ؟ ما يشيلو تاني و يتمو المحطات المتعسرة…أين العدل في كلامك ده هسا قال منطقية قال ؟ المواطن السوداني بيدفع زكاة كل شهر و بيدفع جمارك 200% اكتر من سعر من المنتج المشتري اصلا و بشتري البنزين بواحد من اغلي الاسعار في العالم وشي دمغة جريح ولاكم فارغ…حكومة عايشة علي المواطن بس ليس الا…بدل يشوفو حلول في الزراعة ولا اي شي تاني جايين يتفلسفو…امشي شوف اسامة داؤود ده عاملة ليهو مزرعة بتتنج علف بأعلي المواصفات العالمية و بصدر و بدخل ملايين من الدولارات الحكومة ما تعمل نفرة في الزراعة تزرع السودان ده كلو علف ان شاء الله و تكمل المحطات بدل عاملين نفرة تبرعات و نفرة نظافة الخرطوم و نفرة زيادة اسعار الكهرباء….غايتو عالم غريبة

          الرد
      14. 14
        سلام

        كلاب الانقاذ هؤلاء يفكرون في الامر بعقلية استثمارية بحتة ويريدون جني ارباح بالدرجة الاولى وكانهم ورثوا الحكومة من ابهاتهم وامهاتهم

        الرد
      15. 15
        سودانى مغبووووون

        بيعه للعملاء ?

        وزير اسمو ( معتز ) راجين يجيب ليكم شنو يعنى !!!!

        الرد
      16. 16
        الجعلي الحر

        خلااااااااااص

        رجعوا لينا اسااااااامه عبدالله
        ف زمنو ماف قطوعات زي دي و زول كل يوم عندو جديد و عندو شغل و عندو سد و عندو راي

        و بعتقد كان مشكله النهضه جضمها زمان و وورانا المفيد

        اعملوا ميزان بين الوزير ده و اسامه و شوفوا الاكتو نجاح و مسكوا الملف ده

        ده اهم ملف للتنميه و العمران و السكان و التطور

        قال ازيد قال

        الرد
      17. 17
        عبدو

        هل اسم الوزيز معتز موسي عبدالله سالم ياتي التعليق بعد مطابقة الاسم

        الرد
      18. 18
        ابسروال

        حسبى الله ونعم الوكيل هذا الوزير الحقير عليز يزيد عذابات المواطنييت برفع زيادة اسعار الكهرباء الحق ماعليك والله الحق على الشعب الجبان المستسلم لهذة الاشكال الواطية

        الرد
      19. 19
        طارق عبداللطيف سعيد

        وزير الكهرباء يقترح زيادة التعرفة ويعلن استمرار برمجة القطوعات
        ***نأمل إعفائه من منصبه فورا ، ولا داعي للمجاملة
        ***الوضع خرج من يده ، وقدم كل ما لديه ، وبدأ في التنظير

        الرد
      20. 20
        السمانى

        وزير يبعث عن الحلول الساهلة

        الرد
      21. 21
        صوت الحق

        ياجماعة الله انا مهندس كهرباء علينا بالطاقه الشمسيه وليس المائيه وتانى الكهرباء ماحاتقطع ثانيه

        الرد
        1. 21.1
          طارق عبداللطيف سعيد

          مافي حل غير نبدأ بالآتي :-
          ***توليد الطاقة الكهربائية عن طريق المولدات الكهربائية الضخمة
          ***توليد الكهرباء عن طريق الطاقة النووية

          الرد
      22. 22
        ابو كريم

        اللهم من شقّ علينا فاشقق عليه..بالله دا بشر دا؟ أصلا سياسة المؤتمر الوطني هي مزيد من إذلال المواطن حتى يموت من الحسرة وأصلا معظم السئولين عندنا كذابين ونفعيين ولو الزيادة في الاسعار بتزيد أسهمو عند الرئيس والشعب يموت هو ما عندو مشكلة. بالمناسبة، الماسونيين في السودان اخبارهم شنو؟ تفووو عليكم..

        الرد
      23. 23
        taher btran

        دى وقاحه من حرامى برلوم

        الرد
      24. 24
        taher btran

        دى وقاحه من
        حرامى برلوم

        الرد
      25. 25
        Taher Btran

        دى وقاحه وسفاله وقلة حياء من حرامى واعد هريتو الناس نفرات ينفرنكن حريمكن يالماتستحوا يخس عليكم

        الرد
      26. 26
        كلام قصير

        هناك حلول مفروض السودان ياخذ بها
        انشاء اكبر مصنع واجود خامات لتوليد الكهرباء من الطاقة الشمسية
        مصر انشئت اكبر مصنع لتوليد الكهرباء من الطاقة الشمسية في عهد السي سي
        وجعلت المواطنين الذين يكتفون من الطاقة الشمسية الباقي يباع الى الدولة وتشتريه منهم
        لماذا الحكومة لا تنشيء اشياء ذات كفاءة تعين بها المواطن الغلبان ( ياخي اذا اكلتوا اكلوا المعاكم )
        والله الواحد جاهو حيرقان وطمام من البحصل في البلد دا

        الرد
      27. 27
        Mustafa Ibrahim Ogall

        حجة واهية وما قصة دمج فاتورة المياه ببعيدة , فالمال في يديها مقدما وحال الماء يخجل
        وهى ذات حجة وزير الدولة بالطرق التي بموجبها زيدت فيئات عبور المركبات ولا زالت الطرق كما هى

        الرد
      28. 28
        Abdelazim Abdalla

        Why we do no use solar energyand wind miles Cina use to sell very cheape solar energy appratuose even a country like Italy buye from them…….

        الرد
      29. 29
        ود انغولا

        الحل الوحيد ياخد ليه كهربا في راسه

        الرد
      30. 30
        شق الديار

        رجعوا مكاوي … اسامة لقاها جاهزة … ودة حاينسف اي حاجة يزيد الكهربا هي دي بي ارخص وسائل الانتاج ويزيدة اخجل يا وزيرنا بالله متعك الله بالصحة يا مكااااااااااااااااااااااااااوي رجل علمي وعملي وانسان مجتهد ومنظم !!

        الرد
      31. 31
        عارف وفاهم

        (( وأقر موسى وفقاً لتسريبات من داخل الاجتماع أن إنتاج سد مروي لن يكفي استهلاك الخرطوم من الكهرباء إذا عمل بطاقته الكلية وأنه في أعلى مستوياته ينتج ١٢٥٠ ميغاواط وفي أدنى مستوياته يهبط الى ٧٠٪ ))…….. سبحان الله ووين الكلام القالوه سد مروي يولد كهرباء تكفي السودان ونصدرها لدول الجوار؟يطلع سد مروي كهربتو ما بتكفي الخرطوم؟ كيف الكلام دا؟ كمان السد قام بالقروض على حساب الأجيال القادمة في المستقبل؟ سبحان الله العظيم!!!!!

        الرد
      32. 32
        QUSSAI

        كلام عجيب زياده تااانى شكلو وزير الكهر باء غلبتوا وقام اتعامل معانا بي المثل الشائع انغلبك سدها وسع قدها وشكلو غلبتواا

        الرد
      33. 33
        ود الحبر

        قبل رمضان يا وزير السجم قلت للاعلام ما حتكون في قطوعات في رمضان ؟؟؟؟؟

        ما تلعبو بعقول الشعب يا حرامية !!!!

        أسأل الله في هذا الشهر المبارك أن يتم اعفاءك قبل نهايه هذا الشهر ….. قولو امييييييييييييييييييييييييييييييييييييييييييييييييييييييين يا المتعذبيييييييييييييييييييييييييييييييييييييييييييييييييييييييييييييييييين…

        ود الحبر

        الرد
      34. 34
        عابد

        الوزير دا زول شاطر ووطني وفاهم مجاله وسمعنا منه كلام جميل رد على احدى القنوات المصرية رد لم يرده جميع الصحف ولا المسؤولين ربما يراد الايقاع به وتحويله من هذا المنصب والله بقيت لا اثق في ساستنا ولا احس فيهم الولاء لهذا التراب الناس دي حب المال والسلطة عمي قلوبهم وابصارهم ربنا يكفينا شرهم ويجعل كيدهم في نحرهم

        الرد
      35. 35
        Wad Nori

        بانتشار مكيفات الفريون وغيرها من الاجهزة ذات الاستهلاك العالي للكهرباء من الواضح ان الانتاج اصبح لايغطي الاستهلاك — لايكمن الحل الا بعمل سدود مائية جديدة — وان كان هنالك عدم جدوى منها فالحل الثاني بعمل محطات حرارية اضافية
        بالنسبة للطاقة النووية الغرب لن يسمح بذلك واي حديث عن الطاقة النووية اكبر بكثير من امكانيات البلد في العهد الحالي .

        الرد
      36. 36
        الجعلي الحر

        طيب ك حل سريع
        ايام الازمات اضع حد محدد للشراء

        بالنسبه للناس البتاخد بملائين
        +

        جميع الوزارات ومؤسسات الدوله غيرو التكيف من الفريون و الاسبيلت الي الخلايا الكرتوتيه اب مروحه ” نسمه\اوكي\ الخ “

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *