ثقافة وفنون

مع اقتراب العيد .. تخوف كبير من ” عدادات ” الفنانين الشباب


أبدى عدد كبير من المواطنين تخوفهم الشديد من ارتفاع عدادات الفنانين الشباب في الأعياد ، وأضاف بعضهم أن ذلك الأمر من شأنه أن يخلق مشاكل كبيرة جداً وسط الأسر السودانية ، مشيرين إلى أن المبالغ ” الفلكية ” التي بات يطالب بها بعض الفنانين الشباب أصحاب الشباك باتت تمثل رهقاً كبيراً عليهم ، مما تجدر الإشارة إليه أن أبرز الفنانين الشباب من أصحاب التعاقدات الضخمة هم : طه سليمان وعاصم البنا وحسين الصادق .

صحيفة السوداني


‫7 تعليقات

  1. لاحولة ولاقوة الابالله في ناس ماعندها حق الاكل ودة يقولك تحوف كبير في ارتفاع اسعار العداد حق الفنان …ياخ اتقو الله وحق الفنان دة وزعو علي الفقراء والمساكين علشان ربنا يبارك لكم في زواجكم ياخ اتقو الله

  2. ياريت لو داعش دى جات السودان عشان تريحنا من امثال هولاء

  3. و الله انا ما قادر افهم الناس بتستفرب ليه من المبالغ الكبيرة اللي بياخدوها لعيبة الكورة او الفنانين.. دا حاجة ما فيها اي ضرر اقتصادي بل على العكس بتمرق القروش المحبوسه… و في النهاية الفنان لو استلم مليار المشكلة شنو… ما ح يقدر يصرف اكتر من احتياج اي شخص عادي .. ح يصرف القروش على سكنه و اكله و مواصلاته و اجتماعياته و بما ان هذا الفنان شخصية مهمة ففي كل بند من بنود الصرف هذه يوجد مستفيدين و كدا بيكون في حراك اقتصادي… يعني الفاقد الحقيقي الذي يستهلكه هذا الشخص لا يتجاوز ال10 في المية..حسب راءي

  4. لا حول ولا قوة إلا بالله المجتمع كله بقي بتاع بوبار …. الواحد ما عنده حق الأكل تلقاه يعمل حفلات ويجيب الفنانين وآخرصرف وبذخ وهو يكون متسلف ويقعد يسدد في الديون وهو فى نفس الوقت أولاده محتاجين ليه مصاريف الجامعات أقساط الجامعات المواصلات . والأمهات والبنات ذاتن هن سبب إرتفاع أجور مايسمي بالفنانين … والغريبة أغلب الفنانين بيقعدوا يرددوا نفس الأغاني فى كل حفلة يعني أنا لو حضرت لى حفلة واحدة معناها كل الحفلات بالكربون…. يعني نفس الفنان البسمعه فى أغاني وأغاني تاني أجيبه ويغني لى نفس الأغاني ويأخذ عليها ملايين … إذن نحن برانا بنزيد الأعباء على أنفسنا عشان بنسمع كلام الحريم والبنات المايهمهم غير البوبار فلانة عملوا ليها وعلانة عملوا ليها وحفلتها كانت بال….. ويذكروا إسم الفنان أو الفنانة…. وبعد ده نجى نلوم الفنانين مفروض نلوم أنفسنا أولاً …. تفتكروا لو نحن بقينا منطقيين وعملنا مناسباتنا بما يرضي الله وبلاش فنانين تفتكروا العدادات دى حترتفع ؟؟؟

  5. عمك قدور جعل طه وعاصم وحسين نجوم شباك المستمع والمشاهد لا يرى إلا تحت قدميه

  6. انا اقترح الفنان يكون ظريف شويه و يقول لجمهوره حسب استطاعتكم ونحن قدرها مافي مشكلة ونساهم لكم في كل افراحكم بما يتيسر يكون فنان محبوب كتير وذات جماهير عريضه كالفنان الذري ابراهيم عوض رحمة الله عليه كان انسان بمعنى الكلمة ومعروف بمواقفه التى لا تحصي.