الهلالاب لو العروس شينه بزغرتوا
> ايها الناس
> احباطات ما بتنفع معانا
> حصل ايه يعني عشان كتير من الناس اعصابها تبوظ
> وتحبط وتقنع من المطار
> المطار شامين ريحتو ومصرين عليهو
> ليس منا من ييأس ويرفع الرايه البيضاء
> مكجنين الرايه البيضا وسنينا
> فرصة تصدر المجموعه لسه قائمه
> وحاتشوفوا
> ايها الناس
> المجموعه التانيه زي الجلابيه الانصاريه
> بتتلبس بي جاي وبي هناك
> مجموعه كلها زي بعض
> زناطير ساي
> تلبس مقبل كده وتبقي مارق
> تلبس مقبل كده وتبقي مارق
> كلو ما فارق
> مجموعه لو علموا منها منتخب
> العلمه تديهوا اربعه رايح جاي
> ايها الناس
> الاهله ناس لذيذين خلاص
> قابلوا كي ام
> عارفنوا حمام
> وطلعوا مسيرات فرح
> وتيت تيت تيت
> بعدو الفشنكات
> ديل كمان قصتهم قصه
> وبرضك تيت تيت تيت
> وبعدو سانغا
> في بلدو زول بشجعو مافي
> وتيت تيت تيت
> اسي قابلوا سموحه
> فريق اسمو سموحه مدربو ميمي
> وتيت تيت تيت
> الاهله عارفين ده كلو كرور
> وعارفين لو قابلوا نصف فريق بطيروا براهم
> وبعد ده بحتفلوا
> تيت تيت تيت حقتهم دي
> بتذكرني اهل العريس لما تكون العروس شينه
> تلقاهم في نص الحفله يقطعوا سااااي
> يقطعوا تحت تحت
> في الجابر ولدهم شنو
> واول من يشوفوا زول من ناس الحله المعازيم يتنفنسوا ليك
> ايوووووووووي يوووووي يووووووي
> كأنو العروس عاجباهم
> تلقاهم يقطعوا
> عليك الله دي عروس دي
> الولد ده مطرطش ولا قريشاتو ناقصه!!!
> شوف القدوم لا اله الا الله
> هي زاتها ظنيتها اكبر منو
> وفجأه يجيهم زول من المعازيم
> ويشقوا حلاقيمهم
> ايوووووي يوي يوي يوي
> يوي بتاعت العرس دي زي تيت بتاعت الهلال
> تلقا الاهله ماشين في الشارع ينتقدوا في فريقهم
> والله غلبنا ساي
> اي فريق غير ده كان ادانا عشره
> واول ما يشوفوا ليك كوم ناس
> يشقوا حلاقيمهم
> سيد البلد سيد البد
> وبعد يفوتوا من جمب الناس يرجعوا لي موضوعهم
> شوف القدوم لا اله الا الله
> هتافات يوي عروس شينه ساي
> ويوي العروس الشينه عمرها ما بتجيب جويه يا ناس توت
> ومهمها علت الزغاريد العروس الشينه تظل شينه ولو زغردتوا بالساوند سيستم
> ايها الناس
> نغلب وفاق سطيف في ارضو
> نعمل سته نقاط
> وفاق يقعد في تلاته نقاط
> العلمه يتعادل مع اتحاد العاصمه
> الاتحاد يعمل سبعه نقاط
> العلمه يعمل نقطه
> يبقي روليت المجمعه بعد الجوله التالته
> الاتحاد ثم المريخ ثم وفاق ثم العلمه
> اما مجموعة العروس الشينه
> التطواني يغلب في بلدو
> موش بلدو
> يغلب ابو الهل
> التطواني يعمل اربعه نقاط
> ابو الهل يقعد في اربعتو
> مازيمبي يغلب سموحتو
> مازيمبي يعمل خمسه نقاط
> سموحه يقعد في تلاتو
> يبقي الروليت بعد الجوله التالته
> مازيمبي التطواني ثم الزنطور ثم سموحتو
> عرفتوا ما فات شيء كيف؟
> بطلوا شفقه
> واجهزوا للمطار
> للمريخ رب يحميه
> المهم
> قالوا قون نزار ما حصل
> تتذكروا قون طمبل في منتخب مالي لما حاور الدنيا كلها بي حارس المرمي
> وقرب يحاور الجهاز الفني؟
> تتذكروا اول قون احرزو وارغو في شباك اتحاد مدني؟
> وارغو من خط طمنطاشر بتاع المريخ بحاور وجاري للقون
> تتذكروا عيسي جاري والباك جاري وراه؟
> ايوي سااااكت بدون تعرفوا التاريخ ؟؟؟
> ايها الناس
> ان تنصروا الله ينصركم
> اها
> نجي لي شمارات والي الرختوم
> كان شفت يا والينا
> أمس السوتها الكهربا فينا
> ما سوات نصاح يا والينا
> يهود مابسووا فينا السوتا الكهربا يا والينا
> الدنيا سخانة والناس عطشانه تقطعها كيف بس ورينا؟
> من قبال رمضان بنشكي ليك منها يا والينا
> لو الموضوع اكبر منك
> خلينا نمشي فوق شويه ونرفع الموضوع لجهات عليا يمكن ترضينا
> او خلينا نرفع ايدينا فوق شويه يمكن ايدينا ترجع بالفرج لينا
سلك كهربا
ننساك كيف ولسه الكلب بجي في مواعيدو.. والكهربا لاجات ولا ملينا الباغات لكن «ملينا» التصريحات
والى لقاء
سلك
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
الناس في شنو وانت في شنو ياهبنقة
صحفى شوارعى بامتياز ، أمشى يا عفن ، تف علي وجهك . حرام والله يطلقوا عليك كلمة صحفى .
الخرتوم – فطومة – غرزة – كردنة – روشا – بالله عليك فى ذمتك داه أسلوب زول صحفى ، يا ناس الرزيقى المحترمين والمقدرين عندنا ، كيف تخلوا هذا الشخص أن يكون من ضمن طاقمكم في صحيفتكم المحترمة الانتباهة .