منوعات

بالصور.. شيخ الأمين يظهر بجوار رئيس نادي الهلال ويؤم به الصلاة.. ويفجرها داوية: ساعدت الهلال في الفوز علي سموحة


نشر نشطاء علي مواقع التواصل الاجتماعي المختلفة صوراً للشيخ المثير للجدل شيخ الأمين وهو يقف بجوار رئيس نادي الهلال أشرف الكاردينال, وظهر في صورة أخري يؤم الصلاة علي جمع من الناس ويتوسط صفوف المصلين رئيس نادي الهلال الكاردينال.
وذكر النشطاء وبعض مواقع التواصل الاجتماعي عن حديث هام ذكره شيخ الأمين وقاموا بنسبه له حيث قال لبعض المقربين له أنه ساعد لاعبي الهلال في الفوز علي سموحه المصري في مباراة يوم الأحد الماضي وكشف شيخ الأمين حسب انه تحصل علي التشكيلة التي سيخوض بها الهلال المباراة قبل ساعات منها حيث أرسلت له من قبل إداري بالفريق وأشار شيخ الأمين انه عمل علي إبعاد إي عمل سحر علي لاعبي الهلال قبل المباراة وكان الفريق الأزرق قد حقق الفوز بهدفين دون مقابل سجلهما نزار حامد والشغيل.

11749267_1016273915079472_297648615_n

11759432_1016273921746138_1058819193_n

ياسين الشيخ _ الخرطوم

النيلين


‫30 تعليقات

  1. للاسف صار للدجالين مطانة كبيرة عندنا فى السودان واحترام زايد عن اللزوم وبعد ده كلو نجى نقول انحنا معذبين فى السودان ليه
    والمعايش ضنك ليه والجواب عند ربنا سبحانه وتعالى ( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكاً وَنَحْشُرُهُ يَوْمَ الْقِيَامَةِ أَعْمَى (124) قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيراً (125) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى) . صار الدجالون هم احبابنا وقدوتنا وهم من يجلبوا لنا النصر لاحولة ولا قوة إلا بالله .

    1. انت جيت معاي في الخط انا من قبل سنوات بنادي وبحث في الامر هذا . سبب الانحلال الاخلاقي وسط البنات والاولاد هم هؤلاء لكن الساسة ما يسمون وزراء ومسؤولين من خلف هذا الكلام اي وزير عنده شيخ يبرك تحته الانكسار الفي المسؤولين دا من وين زول ببرك لشخص زيه بني زيه هل منه رجاء بطله وسفله ليه ما تنزل هذه البلد وقت وزرائها بنبطحوا للمشعوذين ولعلم الجميع هذا التصرف من سنوات يقوم به غالب وزراء ومسؤولي الدولة

  2. الأخ عباس
    السلام عليكم و رحمه الله
    و الله العظيم ما قلت ألا الحق

  3. زي دا يردوا عليهو يقولوا ليهو شنو؟؟
    الزول ده لا شيخ لا حاجة ، مستهبل ساكت.
    حتى ناسو الصوفية ناكرنو .

  4. ماذا ترجو في السودان لن يغير الله بقوم حتى يغيروا ما بانفسهم
    اذا كان بوجد في السودان من لا يعرف قراءة سورة الفاتحةاين العلماء الاجلاء اين خريجو الجامعات السودان الاسلامية اين دورهم في توعية الناس وتعريفهم عن دينهم جهل وامية وصوفيه وما ادراك ما الصوفيه انهم يعظمون شيخوخعم ويبجلونهم خاتينهم في درجة الانبياء والرسل ولا حول ولا قوة الا بالله – ارجعوا الى الدين القويم الى دين الله وسنة رسوله صلى الله عليه وسلم

  5. لك ان تتخيل نظرة العالم الخارجي عن السودان والسودانيين بعد نشر هذه الضلالات في اعلامنا الجاهل

  6. عن عبدالله بن مسعود رضي الله عنه قال قال رسول اوالله صلى الله عليه وسلم قال( من اتي عرافا أو ساحرا أو كاهنا فسأله فصدقه بما يقول فقد كفر بما أنزل علي محمد صلى الله عليه وسلم )

  7. المعلقين كلكم متسرعين الراجل قال بالحرفانه عمل علي
    .
    إبعاد إي عمل سحر علي لاعبي الهلال قبل المباراة
    .
    يعني قرأ الرقية الشرعية على الفربق وكذلك الايات التي تحصن من السحر
    فيها شنو دي
    السودانيين الذين يسافرون للسعودية امورهم المادية تتحسن ولكن عقولهم تضمحل ويحدث لهم وابنائهم غسيل مخ وهابي والمصيبة تواجدهم في الانترنت كبير مما يشوه الشخصية السودانية
    طبعا الراجل المحايتو ببسي ده اموره بالنسبة لي ما واضحة ايضا وهو دجال في رأي ولكن الحق يقال لانه الكلام الفوق ده ما فوقو حاجة

    1. ياخي ما عصرت علينا شديد ، عموما الله يسامحك ، نحن في أيام لا يسعنا ولا يمكننا إلا أن نقول فيهن خيرا ونسأل الله أن يغفر لك ولنا أجمعين. ونسأله تبارك وتعالى أن ينقل السودان إلى وضع يغنينا فيه عن الاغتراب ويغنيكم عن التفكير فيه. بالجد كمية السودانيين التي تغزو السعودية تخوف..

    2. المدعو سلام السودانيين في السعودية اشرف ليهم مليون مرة يكونوا مع الفكر الوهابي بدل فكر الانقاذ بتاعك والظاهر انت واحد منهم انت وامثالك وامثال حسين خوجلي … اما عن اولاد المغتربين هم اكثر الطلبة نجاحا في الجامعات السودانية .. والمشوه الانترنت امثالك … والظاهر عليك مش عندك غسيل مخ وبس انت ماعندك مخ اساسا .. انسان معتوه فقط .. وكل القاصي والداني بيعرفو المدعو الشيخ الامين انسان دجال وليس إلا

  8. بي النسبه لي المحترفين الغير مسلمين الرقيه كيف؟؟
    ومنتخب ماذا اذا الراجل دا عمل لي رقيه ممكن يشيل كاس افريقيا ولا الرقيه خاصه لي كردنه!!!اتقوا الله ياعالم

  9. ده انسان دجال
    وعايز يشتهر علي حساب الهلال
    ولو رئيس الهلال سكت علي الكلام ده
    يكون دجال زيو كده
    اللهم لاتؤاخذنا بما فعل السفهاء منا

  10. صبرا يا من اتخذتم الاسلام لعبا ولهوا وغرتكم الحياة الدنيا وغركم بالله الشيطان يا اتباع الشيطان في السودان الذي تحول شعبه إلى رقاصين ومغنين وكورنجية وداجلجة وسحرة…. صبرا يا من تلاعبتم بدين الله الذي سخر له رجال الدولة الاسلامية .. هم الآن بالقرب منكم ويرصدونكم ويسجلون كل ما تفعلون حتى يحين موعد العقاب وتطبيق الحدود … فانتظروا ايها الشعب اللاهي اللاعب اللئيم… فجندنا هم الغالبون …

  11. طيب الزول ده ظهر من متين كان يدخل لينا الهلال كأس العالم ويجيب ليك الكاس الذهبي ده للسودان ويخلي ليك كرستيانو وابراهيموفيتش تتشقق رجولهم وراء الاحتراف السوداني وما يلقوا طريقة. ….اتقوا الله جميعا

  12. ياشيخ الامين الله ياخدك انشاء الله .. قاعد تحنن في الحريم تقولو ساعدت الهلال في الفوز

  13. بله الغائب قال الوداعيه قالت شيخ الامين قال الركيني كل هؤلاء عبدة شواطين خراب البيوت الطلاق الفتن بين الاخوان هم هؤلاء وغالب المسؤولين في الدولة والله اشبه باولاد الحرام لانهم وانا اعرف كثير منهم مجتمعهم الصغير الاسري داخله منبوذين

  14. أولا نحن شعب الهلال نرفض من حيث المبدأ إدخال مثل هذا الشخص لمجتمع الهلال ولا نقبل لا من الكاردينال ولا غيره أن يفرض علينا مثل هذه الشخصيات المثيرة للجدل والتي ستخلق انقساما عميقا بين جماهير الهلال الواعية المتماسكة والتي تشجع كرة القدم وتشجع الهلال بعيدا عن هذه الخزعبلات وهذا الدجل الذي يجرنا إليه الكاردينال.

    نرجو من الكاردينال إيقاف هذا العبث وإلا أوقفناه بأنفسنا فنحن قد فوضناه لإدارة نادي الهلال الرياضي وليس لإدارة أي جسم له علاقة بهذه الخزعبلات

    اللهم قد بلغنا فاشهد

  15. برضو افحصوا لينا بشة دا تصريحاته وخطاباته تروح شمار في مرقه

  16. السيد سلام لك مني السلام وبعد هذا الرجل الذي تقول انه ربما قرأ الرقية الشرعية لتحصين اللاعبين لايجيد قراءة آية واحدة من كتاب الله عزّ وجل بصورة صحيحة وهو ذكر في لقائه التلفيزيوني مع الاعلامي هيثم كابو انه لا يحفظ القرآن. كما أنه جاهل كل الجهل حتى باللغة العربية واللغة الدارجة التي يستخدمها لغة ركيكة وهذا الجهل الظاهر في المدعو شيخ الامين هو العامل المشترك بين اهل الدجل والسحر والعياذ بالله. ثم ما هو دليلك انك تستطيع ان تحصن فريقا كاملا. انا لا اشك ان هذا الرجل فيه كل علامات السحرة

  17. طريقة لبسه غير سودانية وخاصة العمامة يلبسها بطريقة خليجية

  18. ما في داعي تهاجمو شيخ الأمين بالصورة الوقحة دي .. سامحكم الله

  19. انتوا ماعندكم موضوع واعداء لنجاحات ابونا الشيخ ولم تقابلوه حتي تحكموا عليه من خلال صور تنشر

  20. تعالوا المسيد وقابلوا ابونا الشيخ وشاهدوا بنفسكم قبل الحكم علي الاخرين