زواج سوداناس

الشيخ مزمل: خلافي مع شيخ الامين في الدين وليس في طين ولا ارض ولا مال



شارك الموضوع :

كشف الشيخ والداعية الإسلامي مزمل عوض فقيري تفاصيل الخلاف الذي وقع بينه وبين الشيخ الأمين بحي (بيت المال ) بامدرمان
ذاكراً بأن الشيخ الامين قد شاهد مقطعاً يخص الشيخ فقيري يتحدث فيه عنه مما دفعه إلى فتح بلاغ في مواجهته مؤكداً في الوقت نفسه بان خلافه مع الشيخ الامين ليس في طين أو قطعة أرض ولا مال ولكنه في الدين والعقيدة .. ويقول الشيخ فقيري إذا تنازل شيخ الأمين عن البلاغ لن نتنازل نحن وسوف نواصله لأعلى درجات المحاكم وهو احد ناشري الفساد.. و منهجه مخالف لسنة النبي صلى الله عليه وسلم بجانب دعوته للناس للسجود له وكل هذا بالوثائق التي بحوزتي والتي تزيد وتفيض.

وفي رده على سؤال أن شيخ الأمين قد نشر الدعوى ليس في السودان فقط ولكن امتدت حتى الدول الأروربية .
يعتدل في مجلسه ويجيب قائلاً:
قد يكون نشر دعوة خارج السودان ولكنها غير متوافقة مع نهج القرآن والنبي صلى الله عليه وسلم .. فكيف لشيخ يقول لك (شيخنا يعرف الجايي في الأيام القادمة) ان يكون على حق اليس هذه دعوة للشرك.

ومقولة اخري (نحن والله ماشين بنفس شيخنا ) وقد ذكرها بلسانه وموثقه بالفيديو .. فالناس يمشون بالله وقدرته وهو يقول غير ذلك.وهذا شرك قاتل من اجله النبي صلى الله عليه وسلم اقرباءه وهذا اختلافنا معه ومع الكثير لقوله تعالى : ( ولقد بعث في كل أمة رسولاَ أن اعبدوا الله واجتنبوا الطاغوت).
وليس خلافاً في مسائل فرعية.

‭{‬ بعض المقاطع تتداول الان في الوسائل تتحدث عن الشيخ الأمين ما مدى صحتها ؟
نعم امتلك هذه المقاطع واعتز افتخر بها قال تعالي : (كنتم خير أمة اخرجت للناس تأمرون بالمعروف وتنهون عن المنكر).

هل هنالك جهات قدمت اليك دعوة لراب الصدع بينكم؟
لم تتقدم اي جهة بهذه المبادرة وان جاءت فانا رافض لان الخلاف.. واكرر خلافنا ليس في دنيا ولكنه في اساس الدين لقوله تعالى(هذان خصمان اختصموا في ربهم) ونحن اختصمنا معه في ربنا .

متي يمكن لهذا الخلاف ان ينتهي هذا الخلاف لاينتهي الا في حالة واحدة ان يعلن شيخ الامين التوبة عن الشركيات والضلال ويعلن ذلك علي الملأ وفي الوسائل المختلفة والصحف.. وفي هذه الحالة ليس لنا معه خلاف.

‭{‬ هل توافق اذا دعيت الي المناظرة؟
انا ابحث عن المناظرة وادعو الله في السجود ان يوفقني وان يوافق الشيخ الامين وشيوخ الصوفية بقبول المناظرة والحوار العلمي الجاد لقوله تعالى(وجادلهم بالتي هي احسن) ولكنهم لن يقبلوا ذلك.. وحل هذه المسائل لا يتم بالبلاغات ولا غيرها لانها مسائل علمية دينية تحل بالمناظرات.

كتب : سفيان احمد- الدار

شارك الموضوع :

تعليقات الفيسبوك

تعليقات


40 التعليقات

إنتقل إلى نموذج التعليقات

      1. 1
        وهبه عبد الرحيم

        دا شيخ صعلوك يستغل الجهلاء

        الرد
        1. 1.1
          سودانية زمان

          مش كدا عليك الله وفي واحد صلعوك مثله وجاهل جابوا لينا يوم العيد الاول في التلفزيون السوداني القومي ؟وغايتو جنس هبالة وعوارة

          الرد
      2. 2
        سوداني

        الوهابى الموهوم غايتو مصيبتنا فى الأفكار المتطرفه الجاتنا من السعوديه دى

        الرد
        1. 2.1
          ابو ايوب

          موهوم انت والله وحقير والتطرف جاء من امثالك شيخك الموتور الامين جكسي ولا بيبسي او جلكسي المهم يا زول سوداني انت ليس التطرف فيم منهج اهل السنة والجماعة بفهم سلف هذه الامة ولكن تطرف من ابتدع طرق غيره وليس بعد الحق الا الضلال المبين.

          الرد
          1. abdalla

            الله اكبر

            الرد
        2. 2.2
          Tango

          ما موهوم الا انت

          الرد
        3. 2.3
          واحد من الناس

          والله انت الموهوم
          ب حليفتا

          الرد
        4. 2.4
          ابو خالد الدمام

          انت الموهوم يا سوداني الفكر الوهابي احسن مليون مرة من الشرك والكفر العلني والواضح في فكر وايدلوجيات الطرق الصوفية وما اكثرها في السودان .. زمان كان مريدي البرعي يجرو ورا سيارته ويمسح على السيارة عشان البركة والان مريدي الامين يقولوا شيخنا يعرف الجاي في الايام القادمة .. اعوذ بالله … يا جماعة في شرك اكتر من كده

          الرد
        5. 2.5
          عباس احمد

          ارجع الى دين وسنة نبيك سوف تجد ان ما تعتنقونه هو البدعة وهو الضلال وانته صراحة جاهل وما عارف اى شئ عن دينك روح اقرأ عن دينك وتبحر فيه واعرف ما لك وما عليك مش تجرى لى وراء ناس جاهلين مسمين نفسهم شيوخ والدين بدأ بالرسول صلى الله عليه وسلم وصحابته وما كان فيهم واحد مسمى نفسو شيخ وعندو حيران كلهم صحابه واجتهدوا لنشر الدين ( الكتاب والسنه) فقط ليس فيهما بدع ولا ضلالات وهذه البدع والضلالات حذرنا منها الرسول صلى الله عليه وسلم لذلك ماذا سوف تقول لرسولك وانت خالفت امره بأتباع هذا الضال وغيره مفجرين البدع والضلالات وتركت سنة نبيك التى هى افضل لك من كل شئ المهم راجع نفسك واعمل حسابك ما تموت وانت من اتباع هاؤلاء الضلاليين الذين سوف لم ولن ينفعوك يوم القيامة وكيف يشفع لك الرسول وانت تركت سنته واتبعت سنة هاؤلاء .

          الرد
          1. سودابي

            ضلالي انت يا وهابي يا وهم

            الرد
        6. 2.6
          الياس مهناب

          اتقي الله الوهابية مافي احسن منها رقم اختلافي معها في اشيا فرعية قليلة بس شيخك الدجال الامين الغير امين د اختلافي معه بكل شي والله ياخدو من السودان

          الرد
          1. سودابي

            انت برضو عسلو ليك مخك, اي زول يمشي السعوديه يعمل فيها بتاع سنه يعني نحنا ما ناصرين السنه ولا شنو؟

            الرد
      3. 3
        كلام قصير

        شوفوا يا شباب نحن عقيدتنا أن لا نكفر الناس حتى يفهموا الحجة
        ثم نقول ( قوله كفري ، فعله كفري ، ولا نكفر الشخص بعينه )
        ثم الامر لولي الامر ياتي بالشخص ويحكم عليه بالردة أو القتل ويستتاب ثلاثة ايام
        لا نقيم الاشياء بأنفسنا ولكن ندعوا الناس ونبين لهم الحقيقة ونفند قول فلان وعلان ولا نكفر الصوفية
        ثم شيخ اللمين منهجه منهج ( ضلال ، واستخدام السفلي والجن ) لانه يدعوا لاشياء لا تتحقق لبشر إلا إذا استعان بالعالم الاخر
        وهذا منهج كثير من الصوفية يستخدمون الجن والسفلي للسيطرة على الجهلاء والمبتدعة ، وللتباهي بكراماتهم

        الرد
      4. 4
        ابسروال

        متي يمكن لهذا الخلاف ان ينتهي هذا الخلاف لاينتهي الا في حالة واحدة ان يعلن شيخ الامين التوبة عن الشركيات والضلال ويعلن ذلك علي الملأ وفي الوسائل المختلفة والصحف.. وفي هذه الحالة ليس لنا معه خلاف.
        الزول الوهم دا فاكر نفسو وصى على الناس ولا شنو حريقك فيك وشيخ الجكسى دا الناس موية تشربا فى خشوما مالاقياها وانتو تتفلسفو كل من عمل ليهو لحية عمل لينا فى شيخ قوم لفو بالله

        الرد
      5. 5
        ن/ ح م

        في هذا الموقع وفي خبر آخر ( شيخ الامين يقف بجوار رئيس الهلال ويفجرها داوية :: ساعدت الهلال في الانتصار على سموحة !!! كيف يكون ذلك ؟ هل لعب مع الفريق ؟ ما طبيعة هذه المساعدة ؟ وإذا استعمل المدعو / الامين السحر فهذه مشكلة له وللهلال . ولفريق سموحة المصري أن يقدم شكوى إلى الاتحاد الإفريقي والدولي بسبب استعمال الفريق المنافس لأمر غير شريف في المنافسة , وهذا ربما أدى إلى منع فريق الهلال والسودان من اللعب الدولي إلى الأبد , مثلما سمعنا عن منع دولـــــة الهند لهذا السبب لكون الحارس كان يرى الكرة متكررة أو في شكل قطط مثلاً … إلخ . ثم إن هذه التصريحات والحركات لا تتوافق مع منهج التصوف الصحيح وهو الزهد في الدنيا وفي عدم الظهور وعدم ادعاء فعل الخوارق والتصريح بها لأن المتصوف إنسان منقطع من أجل الله , يترك بعض المباحات خوفاً من الوقوع في المكروه , فكيف به إذا هو يصرح ويباهي بفعل الخوارق ويظهر بمظهر المترفين ؟؟ المفروض أن يصحح أهل التصوف الصحيح هذا المدعو / الأمين ويعملوا لمنهجه تقويماً ويصححوا هذا الاعوجاج في سلوكه لاسيما أنه عندما يستدل ببعض الآيات القرآنية يقرؤها بطريقة خاطئة كلياً مما يدل على أنه لم يترب على القرآن الكريم حتى لو ادعى أنه خريج جامعيّ!!. وبهذه المناسبة أتذكر أن المجلس الصوفي الأعلى في مصر برئاسة ماضي أبو العزائم ( حينها ) في أول الثمانينات عمل محاكمة للطريقة البرهانية السودانية (بتاعت ) محمد عبدو البرهاني وحكم بأنها ليست من الطرق الصوفية وأن رئيسها يدعي الألوهية من خلال قصائده وأشعاره التي تبدأ معظمها بأنا … وأنا .. فعلت وأفعل مما هو من خصائص الربوبية !! فلماذا لا يقوم المتصوفة ناس محمد مصطفى الياقوتي ( وليس عبد القادر ) بعمل تقويم (Evaluation ) لمثل هؤلاء ( الظواهر ) وردع من يستوجب الردع ورده إلى التصوف الصحيح الذي لا علاقة له بتصرفات هؤلاء الأدعياء , علماً بأن التصوف حقيقة تاريخية وآنية لا يمكن تجاوزها أو القضاء عليها كما تقول بذلك بعض الجهات أو الطوائف !!

        الرد
      6. 6
        الريس

        المدعو شيخ الامين ربنا يهديهو ويهدي شباب المسلمين من من الشرك والشعوزة ودجل والكذب والنفاق والتتطرف والارهاب

        الرد
      7. 7
        عبده

        ماضرانا إلا شيوخ النبت الشيطانى من حين لآخر ليضلوا الناس ويقودونهم إلى الشرك بإدعائهم علم الغيب والتحكم في مصائرالناس ،فهؤلاء أقعدوا مسيرة البلد ودمروا عقيدة الناس وهؤلاءاسوأ من الذين أعلنوا كفرهم لأنهم يخدعون الناس باسم الدين ،والدين منهم برىء

        الرد
      8. 8
        عابد

        يا عوض انا معاك وياريت نجد لينا شباب زيك عشان البلد تنظف من الدجالين والمشعوذين خرابين بيوت الناس مياعة الشباب من خلفها هؤلاء واي واحد عامل فيها شيخ ودجال رجولته مشكوك فيها وهذا من شروط الجن له

        الرد
      9. 9
        المجنون

        اكثر ما ابتلى به المسلمين في هذا العصر هو الفكر الوهابى كل مصائب المسلمين الحاصله اليوم من المذهب الوهابى هم سبب كل البلاوى ايما مشكله للمسلمين في اى مكان في العالم وراها الوهابيه استغل الوهابيه فقر وحوجه المسلمين اسوا استغلال انت معنا نعطيك ونغدق عليك في العطاء انت ضدنا انت كافر انت ملحد ويستغلوا كثير من الجهلاء في شتى انحاء العالم لنشر الفكر الوهابى وطبعا لديهم المال لذلك اشتروا كل او معظم القنوات الفضائيه بما فيها القنوات الرسميه والصحف كذلك لن تقوم للاسلام قائمه الا بعد زوال الوهابيه لانهم يظهرون خلاف ما يبطنون نسال الله تعالى ان يجنب الاسلام والمسلمين شر الوهابيه العظيم انه شر مستطر

        الرد
        1. 9.1
          abdalla

          يا ابو الجهاله الاسلام شنو والوهابيةان وجدت شنو
          اعرف دينك لتنجوبنفسك اولا

          الرد
        2. 9.2
          Naser

          والله صحي مجنون..عقل مافي..
          كلامك دا بذكرنا لحن القول بتاع الشيعة…
          امشي أقرأ وتدبر القرأن الكريم وشوف الآيات في شأن الشرك والكفر وأفهمها وأعلم أيها المجنون المكشكش ليس هناك أخطر من الشرك والكفر…
          وهسي انت زعلان عشان قالوا اتقي الله لي المنافق الني دا؟!!!.. أريتو كان بعد عمايلو دي بشبه الرجال…
          امشي شوف وراجع النت ..كان عندو رحلة مع عواطليى من نوعك دا وكان محنن ومدخن ومكبرت….
          تابعو ليكم راجل على الاقل يا مساكين

          الرد
      10. 10
        المجنون

        فيما يخص شيخ الامين التصوف يااخوه منهج قويم جدا وسلوك رفيع وتربيه دينيه ساميه واذا كان هناك بعض النصابين او الدخلاء المحسوبين على التصوف استغلوا هذا المنهج وقاموا واتوا بافعال التصوف منها برئ هذا لا يجعلنا نتحامل على الصوفيه ككل ونرميهم بالكفر والشرك وهم اهل الاسلام الان في هذا الزمن ظهر كثير من الناس وبمسميات متعدده يفعلون افعال باسم الدين وباسم الاسلام والاسلام منها برئ هل معنى ذلك ان الدين الاسلامى فيه شائبه لا سمح الله كذلك الصوفيه ظهر نفر استغلوا سماحه وطيبه الصوفيه اسوا استغلال نسال الله الهدايه للجميع

        الرد
        1. 10.1
          Naser

          يازول منهج شنو.. انت واحد مجنون ساي.. الصوفية قامت متين وجات من وين زاتها؟؟!!!!…
          مجموعة من الدجالين بي قباب وأضرحة دافنين ميتين وقاعدين تطوفو وتعبدو فيها وكمان قال منهج قديم وسلوك رفيع…
          عليك أدينا اسم أكبر شيخ عندك وأبقى راجل طلع كلامو كلو وكتبو وأقراهم لي نفسك بس عشان تشوف وتقرأ العجب العجاب في الكفر والالحاد…لكن انتو جهله ومساكين حيارى لقيتو ابآءكم ضالين وانحرفتو وراهم…
          ان الدين عند الله الاسلام…جيب القرأن الكريم وجيب أحاديث الرسول صلى الله عليه وسلم وجيب كتبكم وافتحها مع بعض عشان تشوف انتو شايتين وين… لكن شيطانكم قوي .. مافي راجل بقدر يقارن.. مخافة انو يغلطوك او ينهروك..تابعين عاشق معشوق ساي

          الرد
      11. 11
        هشام

        بغض النظر عن وهااابى وصوفى وشيعى .. ..شنو يعنى واحد يدعو الناس للسجود ليهو ….ومقولة (شيخنا يعرف الجايي في الأيام القادمة).وواحد تانى يقول ليك
        (نحن ماشين بنفس شيخنا ) خلوناااا من صوفى وهااابى وهلال ومريخ ..فكروا بس بالفطرة السليمة
        بالله دا كلام بيرضى الله ورسوله صلى الله عليه وسلم ؟؟؟

        الرد
      12. 12
        haider ali omer

        واللة السودانيين لا فاهمين دين ولا دنيا
        كلام وجدل كثير وعلم وعمل قليل
        خيبة

        الرد
      13. 13
        مؤمن

        نسال الله ان ينصرك على هذا الضلالى الكذاب ولكن للاسف حتى رجال الدولة بمافيهم الرئيس تربطهم به علاقة دجلية واجتماعية لذلك هو محمى من النظام الفاسد نفسه كنت اتمنى ان يكون هذا الدجال فى السعودية عشان بيتروا راسه من حده ودى رساله بوجها للسلطات السعودية وباعتبارها شكوة رسمية للسلطات السعودية لالقاء القبض على هذا الدجال الذى يمارس الدجل والشعوزة فى السودان وتضرر منه الكثيرين فى السودان وهو يدعى الحج والعمرة فى السعودية وانتم حماة الدين ارجوكم ان تحققوا معه فى عقيدته ومشايخته وفى حال ادانته بالدجل والشعوزة لا تعودوه الى السودان فاحكموا له بشرع الله مايستحق

        الرد
        1. 13.1
          سودابي

          والله حلتك كلها ومملكتك الوهابيه ما تقدر تلمس شعره من شيخ الامين, ملوكك وامراءك الانت قاعد معاهم ديل اشد فسقا وضلال , بس فاكين ليكم ناس الهيئه وهم بي هناك مع اللبنانيات والمزز الصاح. انت بس قططع بناطلينك وجلاليبك وربي ليك دقينه وتكون خشيت الجنه طواليز

          الرد
          1. Naser

            دي حركاتكم ياصوفية ..الواحد مما يفقد المنطق هاك يا نبذ وهاك يا إسأة…هسي عليك الله الرويبضة الني العامل فيها شيخ دا ومتابعنو كدا قاعد يقول ليكم شنو في الدين.. واحد منافق حتى القرأن الكريم مابعرف يقرأ.. وانتو يا حيارى جارين وراهو كدا عشان قروشو…نسأل الله العزيز القهار أن يفضحه أكثر مما هو مفضوح يا أشباه الرجال ولا رجال… والله البنات المتابعنو شادات حيلن أكتر منو..

            الرد
          2. الناصج الامين

            (انت بس قططع بناطلينك وجلاليبك وربي ليك دقينه وتكون خشيت الجنه طواليز) ……
            خليك موضوعي في ردك علي الراي المخالف واستهزاءك بالبناطلين والجلاليب القصيرة واللحية أكبر دليل علي جهلك بأبسط مظاهر السنة التي أمر بها النبي محمد صلي الله عليه وسلم وأدعوك الي التوبة مما تورطت فيه من اسائة للنبي صلي الله عليه وسلم ومن اتبعه باحياء سنته ولا تتكبر بل اذهب واطلب لنفسك علما تنجو به وتنقذ نفسك ودع شيخ الامين فانه ان كان صالحا, فلا يملك لك كم الله شيئا, وان كان طالحا فستندم يوم لا ينفع الندم

            الرد
      14. 14
        عادل

        يا حيدر على عمر الحمد لله السودانيين فيهم الفاهمين ارجو الاطلاع على رحلة الحج للشيخ محمد الأمين الشنقيطي وكلامه عن علماء السودان

        الرد
      15. 15
        محمد

        نعرف الأمين وضلاله وجهله ولكن هذا المزمل ليس بعيدا منه وله خصيلة زاخرة من سفه الخطاب وسوء الأدب سمعته يخاطب البرعى وهو بين يدى ربه بكلمات لا تخرج من داعية أبداً وكلها شتائم ولعان مثل “يبرك فوقك الجمل” “الله يكسر رقبتك” وهكذا فإذا كان البرعى وغيره فى نظرك كفارأ وانت ترى فى مرآة نفسك بأنك المؤمن فالمؤمن ليس بطعان ولا لعان ولا فاحش ولا بذئ ، استمدوا نهجكم فى الخطاب من الشيخ ابوزيد ومحمد سيد حاج عليهما الرحمة إن كنتم تحبون نشر الدين بين الناس.

        الرد
        1. 15.1
          النديم

          كلام صح الامين دجال معروف وفاجر الا ان الانكي والاشد منه المدعو مزمل فقيري هو ومن شايعه صنيعه مخابراتية لشق صف جماعة التوحيد والدعوة السلفية صحيح انه وبعض سفهائه تربوا علي يد الشيخ محمد مصطفي عبد القادر وتنكروا له فهم عندهم راي في جماعة انصار السنة المحمدية وبكل قلة ادب وبجاحة ينادون مشايخهم بتجريد كامل مثل ان يقول عبدالحي بدلا من شيخ او دكتور عبدالحي يوسف ويقول ابوزيد او محمد عبد الكريم اوغيرهم بلا تادب وبكل سؤ خلق ولا حتي اخلاق السودانيين دعك من اخلاق المسلمين ثم ياتون ليتنادوا بالقاب المشيخية مثل الشيخ الداعية مزمل فقيري او شالشيخ شهاب او الشيخ ابوبكر هؤلاء نكرات اوغلوا في تحفيظ انفسهم خزعبلات ويدعون بها علم الدين والدنيا .. اجزم انهم خوارج نشاوا نتيجة مؤامرة لشق صف دعاة التوحيد .. كل همهم المناظارات العبثية والاساءة والسخرية ولا يملكون من الدين الا شكله وعملهم كله رد..مزمل فقيري كذاب اشر وسمعته يكذب اكثر من مرة ويبث الاشاعات ويميل لي السخرية ولم يخرج من جلباب محمد مصطفي عبد القادر وبالمناسبة هو يكفر محمد مصطفي عبد القادر ويكفر عبد الحي يوسف ويكفر محمد عبدالكريم وحسن الترابي وابو نارو والامين محمد اسمعيل وهذا لعيني هو منهج المعتزلة وبهذا لم يبق له الا ان يكفر المجتمع والامة السودانية وهو في طريقه لذلك.. تبا لك فاجر منافق وصنيعة مؤامرة استخبارية سوف تكشفها الايام.

          الرد
        2. 15.2
          دجانفو

          لافض فوك يامحمد اصبحنا فى ظمن تكثر فيهه الرويبضات امثال شيخ الجكسى وزفت الطين فقيرى

          الرد
      16. 16
        سودابي

        ما يقال له شيخ مزمل, اني اراك ببغاءا” تردد ما يقوله لك اسيادك الوهابيه بلا عقل ولا تفكير. اتركو الصوفيه وشأنهم فالذي يخاسبكم ويحاسبهم هو الله سبحانه وتعالي وحده. ” ويحكم ويحكم دي ما بتجيب حاجه الزمن ده”.

        الرد
      17. 17
        مغترب

        خليكم من الوهابية الاخ مزمل قال كلام واضح استدل فيه ب ايات من القران الكريم انتو رايك شنو فيهو . ياخي المدعو شيخ الامين دا شاذ في تصرفاتو حتي من الصوفية نفسهم لاظ انا قلتا تصرفاتو وليس افكارو لانو ما عندو افكار .ثم ثانيا اي زول ربنا اداهو عقلو في راسو لايمكن تتبع هؤلاء الانتهازيين الذين يضحكون علي عقول البسطاء .
        انا ما عندي شغلة بي وهابية ولايحزنون الدين واضح وضوح الشمس اي اعتقاد من اي بشر بان فلان يضرك او ينفعك هذاشرك بالله
        لان الضار والنافع ….شيئ اخر اذا كان الرسول صلي الله عليه وسلم لايعلم الغيب ولايرزق احدا لان علام الغيوب هو الله وحده والرازق هو الله وحده والهادي هو الله وحده . كبف لهؤلاء الدجالين ان يتنبؤ باشاء هي من الغيبيات وكيف لهم ان يوعدو الجهلاء ببساطة الرزق .
        كسرة
        في شهر رمضان بتث قناة الشروق برنامج فتاوي للشيخ الجليل محمداحمد حسن وحزر من اساليب بعض الذين يجهلون امور دينهم باعتقاد ان اولياء الله ممكن ان يساعدوهم في الرزق و يبعدو ا عنهم البلاوي و المصائب واو يساعدو بناتهم في الزواج .بالله عليك هل ممكن تطلب من ربك مباشرة او من وسيط او من مساعد او معين
        انظر الي الحلقة التي بثاها التلفزيون مع شيخ الامين واسرته ..قمة الهبالة وبناتو ما محتشمات ولا حجاب ولا نقاب

        الرد
      18. 18
        ودبحر ابيض

        ياجماعه نحن لانعرف وهابيه ولانعرف صوفيه خلونا من الطوائف الدينيه العايشين فى الوهم نحن يهمنا شئ واحد شهاده ان لا اله الا الله ومحمد رسول الله هولاء كذابون ودجالون لا ينفعونا بشئ فى الدنياء ولا الاخره.

        الرد
      19. 19
        Naser

        قال تعالى:(وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ ۖ وَإِذَا ذُكِرَ الَّذِينَ مِنْ دُونِهِ إِذَا هُمْ يَسْتَبْشِرُونَ))..
        هسي يا سوداني بيقولوا ليك ولي شاكلتك من الصوفية الجهلة أدعو الله وحده… النافع الله وحده… الذي يعلم الغيب وحده الله سبحانه وتعالى… طوالي تقوموا تزعلو ودايرين بس شيوخ الشياطين بتاعينكم ديل تدوهم صفات هي لله وحده…
        أما سمعت قوله تعالى:((قل لا يعلم من في السموات والارض الغيب الا الله)).
        هو لكن انتو فاضين عشان تقرأوا القرأن ..عاملينها كلها كشلو كشلو..هدانا الله واياكم

        الرد
      20. 20
        عابدون

        الناس دي ! مابتخاف من الاوزار المستمرة بفضل الدعوة غير الصحيحة دي ؟ ، يعني المفروض يعلموا الناس امور دينهم الصحيح بدلا” عن تعليمهم اشياء ماانزل الله بها من سلطان . قال تعالى : ونزلنا عليك الكتاب تبيانا لكل شيء ، وقال : ما فرطنا في الكتاب من شيء ، وقال – صلى الله عليه وسلم – : ” ستكون فتن ” ، قيل : وما المخرج منها ؟ قال : ” كتاب الله فيه نبأ ما قبلكم ، وخبر ما بعدكم ، وحكم ما بينكم ” ، أخرجه الترمذي وغيره ، وقال سعيد بن منصور في سننه : حدثنا خديج بن معاوية ، عن أبي إسحاق ، عن مرة ، عن ابن مسعود ، قال : من أراد العلم فعليه بالقرآن ; فإن فيه خبر الأولين والآخرين .

        الرد
      21. 21
        كيمو

        ربنا ينصرك ياشيخ فقيري

        الرد
      22. 22
        ahmed

        اللهم ارينا الحق حقا وارزقنا اتباعه………………..ناس القدرات الهائلة ديل ويستطيعو يسوا اي شئ ويعلم الجاي في الايام المقبله …..الخ…ما يصلحو الاحوال الاقتصادية في السودان وينصروا الاقصي ويحرروا فلسطين………

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *