زواج سوداناس

فاطمة الشاذلي مديرة المنوعات بقناة الخرطوم : أنا فاشلة بدرجة امتياز في صناعة العصيدة



شارك الموضوع :

منتجة ومعدة برامج من الدرجة الاولى ومجتهد للحد البعيد لمع أسمها كثيرا حتى اعتلت منصب مديرة ادارة المنوعات بقناة الخرطوم الفضائية التي تعتبر اشهر وأبرز معدة ومنتجة برامج فهي متفوقة بذلك على جميع زملائها وزميلاتها انها بالطبع الاستاذة فاطمة الشاذلي التي جلست اليها صحيفة السياسي في دردشة رمضانية خفيفة فكانت هذه الحصيلة:
* رمضان كريم عليك؟
تصوموا وتفطروا على خير والشعب السوداني بخير والامة السودانية كلها بخير
* كيف يومك في رمضان؟
اليوم ببدا من السحور وبكون صاحية الى مطلع الشمس اقرا القرآن واذا كان في عمل خلال ساعات النهار أو في الفترة الصباحية بمشي واذا كان لايوجد عمل فانا في الاصل ساعات العمل لدي بالمساء لانني اتجنبت المشاوير في نهار رمضان ولا أجيد عمل العصيدة
* عندك طقوس معينة في رمضان؟
بحرص على اني في الافطارات في رمضان اكون حاضرة وان اواصل اصحابي واقربائي واهلي وفي الاصل رمضان شهر واحد فقط لذلك يكون لدي جدول للزيارات سواء كانت من زيارات اهل واقارب او اصحاب وزملاء مهن وزملاء دراسة
* رمضان ما بين الامس واليوم؟
بدا يرجع زي زمان من ناحية درجة الحرارة والسخانة ألف وانها عالية جدا وهنالك ثوابت كثيرة ما زالت الناس يحرصون عليها ولكنها اختلفت شوية وللان موجود بسيط منها وهي العواسة حقت زمان( الليلة عواسة جارتنا فلانة وبكره عواستنا نحنا حقت الحلومر) وبعد منتصف رمضان تبدأ عادة خبيز العيد والبسكويت والكعك يعني لسه بتلقى بسيط من عادات زمان بس ما كثير
* العمل مرهق في رمضان؟
انا بميل للعمل ليلا وأنا احرص دائما على ان اسجل بالمساء فقط
* هل لك نصيب من مشاهدة الشاشات والاذاعات والى أي برنامج؟
أقوم بمتابعة الجديد داخل وخارج السودان منهم تلفزيون الحياة والنيل المصرية والاخبار حتي تلفزيون السودان بحب اشوف لو في فكر جديد وأي شئ يكون به هدف معين وناجح
*أكثر ما يزعج في رمضان؟
الزحمة- السخانة وعدم الترتيب احيانا في الدعوات الغير مبرمجمة والافطارات المفاجئة
* المشروبات والمأكولات المفضلة؟
أنا بفضل مشروب الفراولة مع السفن اب والمأكولات لايوجد طبق معين ولكن أنا أعمل على تجهيز مائدة الافطار جميعها ماعدا العصيدة فانا فاشلة في صناعتها ولا أعرف أبداً
* هل لك نصيب من الرياضة؟
لا وأنا بشوف العمل داخل المنزل في حد ذاتوا رياضة
*الى أين تهربين في رمضان؟
الى الله والى نفسي ماذا فعلت اليوم وعلى محاسبة نفسي كثيرا وعلى قراءة القرآن كثيراً
* حاجة أخيرة؟
الشكر لكل المشاهد السوداني والمجتمع السوداني البحرص على الكرم السوداني وبتمني أنو عمل الشباب البيحدث خلال الشهر الكريم من مساعدات للاسر الفقيرة والافطارات الفي الشوارع ومد يد العون والمساعدة بتمني انها ما تنقطع وتكون في قمة النشاط حتى في غير رمضان والشكر لكل الشكر لفريق عمل برنامج(بغنيلك).

 

 

السوداني

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        Tango

        العصيده بس

        الرد
      2. 2
        sallay

        غايتو جنس كذب! !!!
        العصيدة كن م سويتيها انت البسويها منو قال م بعرف عصيدة

        الرد
      3. 3
        حسن عبداللطيف

        بطلى حنكشه العصيدة بقت اسهل من الكاستر يابت بلاش دلع

        الرد
      4. 4
        samham

        عجيب و الله كل نساء العالم يغتخرن بعمل المطبخ الا السودانيات

        الرد
      5. 5
        samham

        العصيده بس
        امكن شاي ما بتعرف

        الرد
      6. 6
        بعشوم

        شرح طرق صنع العصيدة الي مُنتجة برامج المنوعات الفريدة
        الخطوة الأولى
        دقيق ذرة فتريتة أو وداحمد لو مافي دقيس ينفع تخلصي وتخليهو يخمر لمدة تلاتة يوم
        الخطوة الثانية : تقومي تقلي موية في الحلة وتكبي العجين وتسوطي تسوطي لمن يستوي ويبقي جل عصيدي
        الخطوة التالتة : تقومي تصبي جيل العصيدة في قوالب بعد أن يتم مسح القوالب أولاً بشوية زيت لمنع التصاق العصيدة علي القوالب
        ملحوظة : عملية تخمير خلطة الدقيق تتم أما بي شوية رواب قديم أو لو جديد ممكن تروبيهو بي شوية زبادي.
        وهنيئاً لك
        عزابي في الغربة
        تخصص عصائد

        الرد
      7. 7
        اهل بيزنطة

        ان شاء الله زوجك بيعرف ( يلخ ) عجين العصيدة وبيعرف يقلب القراصة هههههه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *