بابكر سلك

احذروا غضبة الحليم


> جمهور المريخ صفوه
> لكن تفتيحه
> والزول لما يكون تفتيحه ببقي شفت
> شفت شديد
> بكون ناقش اي حاجه
> وفوق على ذلك
> فإن جمهور المريخ حليم
> وحليم جداً
> لذا نحذر من غضبة الحليم
> لأن غضبة الحليم بتجيب عاليها واطيها
> فبعد الظلم التحكيمي الداخلي
> وبعد السكوت على مكنة الحكم يخطئ ولا يظلم
> جاتنا كمان حركات تحكيم على المستوى الافريقي
> لا لشيء سوى عرقلتنا في طريق المطار
> لأنهم يعلمون جيداً اننا في طريقنا للمطار
> وان فرق المجموعتين الباقيات ليست سوى كمبارس ليكمل اللوحه فقط
> لذا كان مامادو الحكم السيئ الذي ادار لقاء الاتحاد والمريخ
> وجاء بعده الجنوب افريقي
> هو نفسه الذي حاول هزيمتنا امام الترجي بشتى السبل
> فاعطاهم هدفين اوانطة
> كنا نظن ان غضبة الجماهير المريخيه على حكم اتحاد الجزائر
> خلت الناس يروقوا المنقه شويه
> لكن اختيارهم للحكم الجنوب افريقي لمباراة الوفاق
> يعني انهم مصرين على تنفيذ مخططاتهم
> وده تحدي
> ومن يتحدى جماهير المريخ خسران خسران خسران يا ولدي
> ايها الناس
> لا نحبذ التفلتات
> ولكن جماهير المريخ وصلت الحد
> «تو ماتش»
> والقصه دي بتجيب كارثه
> كارثه داخليه وافريقيه
> تشعل ناراً
> تأكل الاخضر واليابس
> نحن نحذر
> على القائمين على الأمر في لجان الكاف
> بالذات لجنة الحكام
> ان يفتحوا عينهم كويس
> لأن الفاس اذا وقعت في الراس
> ما بنفع معاها يمه ارحميني
> المهم
> الاعلام المضاد
> الاعلام الذي يعمل لقتل الروح المعنويه لاولادنا
> قصتو مكشوفه جداً
> ومحاولة الزج ببكري في المشاكل
> هي محاولات فاشله
> لن تؤتي اكلها
> لأن بكري له جمهور يعرف كيف يحميه
> الذين يريدون ان يحبطوا بكري قبل لقاء الوفاق
> حتى يشارك شارد الذهن
> واهمون
> بكري اشفت من كده
> وجمهور المريخ واقعه ليهو الرصه
> فقط نسأل
> هل من يختلق المشاكل يقوي علي مواجهتها اذا شعللت؟
> الواقع والوقائع ستجيب على هذا السؤال
> ايها الناس
> المريخ اذا كسب الوفاق او تعادل او خسر
> لا يعني ذلك خروجه من المنافسه
> الفرصه مواتيه
> والمطار لا محال
> ايها الناس
> قوون كانت مبعده عن معسكر الفجيره
> معسكر الهلال بالفجيره
> ليه ما عملت مشكلات كالتي تفتعلها الآن؟
> اذا الفريق الذي تنتمي اليه قوون
> طاردها من معسكرو
> الموديها معسكرنا شنو؟
> جايين تشوفونا كيف بنشتري المجد؟
> مجلس المريخ حر
> يقبل ياتو صحيفه
> ويتعامل مع ياتو صحفي
> وزي ما فطومه ختت ليكم شروط لزيارة معسكر الهلال
> نحنا برضك عندنا شروط
> اولها على الاقل الحياديه وعدم الشتل
> ومجلس المريخ يا ناس قوون
> اذا كان نائب رئيسه مستقيل
> وامينه العام متوقف
> فهذه في المريخ ليست مشاكل
> فالهلال مثلاً لم نسمع بمجلس ادارته اطلاقاً
> سمعنا بس بي كردنه وعمده احياناً وفطومه وروشا
> فهل هذا هو كل مجلس الهلال؟
> وسمعنا ببعثة الهلال تغادر للخارج بدون النقر
> المدرب العام
> فهل اثرتم يا ايها المحايدون هذه النقطه؟
> ايها الناس
> اعلم بمريخية عصام طمل
> واستبعد ان يكون هو من ارسل الشتلات والكذبات التي نسمع بها في بعض الصحف الزرقاء
> ولكن اين مريخيتك يا طمل
> وانت تصر على تصعيد المشكلات مع بكري
> وبكري يستعد لاهم مواجهه له
> اين تلك المريخيه يا طمل؟
> ام ان الولاء للصحيفه اكبر واعمق من الولاء للمريخ؟!
> المهم
> الجماهير عرفت الحاصل
> وفاصل ونواصل
> ايها الناس
> ريحة المطار فاحت
> محتاجه بس حبة شفتنه
> والشفتنه ما ناقصاكم يا شفووووت
> المهم
> محمد خير ود عمي الهلالابي
> عندو ولدو مغترب اسمو طارق
> وكعادة الاهله
> خايفين من المريخ يجيب الكاس
> قال لي بالحرف الواحد
> الكاس ده لو جبتوهوا ماعندنا قعاد في البلد دي
> برسل لي طارق يرسل لي ويسوقني الامارات
> قلت ليهو الا يرسل ليك بالبحر
> في المطار بنكون قاعدييييييييييييييين يا حبيب
> وقلت ليهو ليه ما بتقعدوا في البلد دي
> قبل كده جبنا مانديلا وانتوا لسه قاعدين
> جبنا تلاته سيكافات
> عمره ما شفناكم مشيتوها
> جبنا دبي
> وانتوا مركلسين فوق صفركم
> لمن بقيتوا تغنوا
> دخلوها وصفيرها حام
> البمرقكم المره دي شنو؟
> قال لي حاجه نبيخ بيها الكاس ما عندنا
> نطفش بس
> قلت ليهو اقلبوا وريحو روحكم
> ايها الناس
> في فريق كده لو الطياره وقعت بالسبعه فرق الباقيات
> برضو ما بشيل الكاس
> اطمئنوا
> ايها الناس
> المحيرني في ناس بتتكلم عن قصور مجلس المريخ
> والوالي وفر ميتين الف دولار لمعسكر الجزائر
> وهم مدربهم لي اسي اظنو ما جا
> وجود جمال فقط في مجلس المريخ
> زي مجلس الشيوخ الامريكي
> جمال في
> مشكلة مجلس مافي يا حبيب
> ايها الناس
> قوون المحترمه تشوف فريقها وين وتستأذن من فطومة اختي وترافقو
> نحنا ما دايرين
> كتر خيركم
> ولو فطومه ما ادتكم الإذن كالعاده
> تعالوا لينا بنتوسط ليكم
> باقي لينا عندها خاطر
> اخير ليكم من مناشدة الخارجيه
> ايها الناس
> والله يا هو البضحك
> انتوا مقاطعة مجلس الهلال لصحيفة قوون جابت حقها ولا شنو؟
> فطومه الناس ديل لو ما رفعتوا عنهم الحظر
> علييييييييييييييك الله
> عشان خاطرنا
> ارفعوا عنهم حظر التجول خلوهم يباروكم في معسكراتكم
> الجماعه برضك ناسكم يا اختي
> يا ناس قوون
> الشكيه للخارجيه ما بتجيب جويه
> بكري ده اشكوهوا لي كاكي يمكن يلحقو ليكم
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> في العيد السعيد ده
> الكلب قبل العربيه بجينا
> لا قال الدنيا عيد يا والينا
> ولا حسه بينا
> ولا خجل من الاوساخ مشتته في العيد بينا
> جنس برود غايتو عليكم في ما يتعلق بينا
سلك كهربا
ننساك كيف وفطومه اذا رفعت الحظر عن جماعه كده بنرتاح شويه
والى لقاء
سلك


‫7 تعليقات

  1. يعني مثلاً يا سلك بتفتكر انو لو الحكم أخطأ في مباراة المريخ الجاية دي او البعديها جماهير المريخ ح تقوم تقتحم الملعب و تضرب لعيبة الفريق الخصم و لا شنو و بما انك صحفي المفروض انك تكون عارف عقوبة تفلت الجماهير شنو ….؟؟ و لانك صحفي بعقلية مشجع لا ننكر عليك تأليب جماهير المريخ لإثارة المشاكل و التفلتات فبس ما تنسي انو دي في دروي الأبطال يعني معتصم جعفر و جمال الوالي هناك ما عندهم حاجة … و الله عشرة سنة ما تدقوها في المنافسات الأفريقية يا مشجع ياخ قول لف كده و لا كده

    الحليم اذا غضب

  2. هذا هو منتهي فهمك في الكورة يعني الجماهير تحطم الملعب والحكم . عندما وصفناك بالجهل لم نكن مخطئين ابدا. اهو نوعيتك دي مفروض تشجع التيوه مش الكرة. برضو جبت سيرة الشم ومعها المرة دي الكلاب عديل كده. الكلب كلب ولو ترك النباح

  3. عيب أن تحرض الجماهير بهذا الاسلوب التحريضي فإذا حصلت كارثة لا سمح الله تتحمل مسئوليتها يا ايها السلك

  4. يكتب بدون وعي ولا فكر عنده المريخ وبس وشامي لي ريحة مطار فريق لسه ما وصل دور الاربعة ويحلم الجهل مصيبة نحن مع انو المريخ يحصل علي الكاس بس حسب الخطوات اولا دور الاربعة وبعدين تتاهل للمبارة الختامية بعدين شم براحتك ان شاء الله تشم سلسيون بطريقتك .

  5. بعدين حتي لو بتري انو الفرق السبعة الباقية دون مستوي المريخ هذا لايعني انو المريخ بياخذ الكاس لانو داخل الملعب الامور غير وعندك اليونان لما اخذت كاس الامم الاوربية ما كان في واحد يصدق انو اليونان تاخذ الكاس من تلك العمالقة فيمكن الان مثلا الكاس ياخذه مولودية العلمة بالرغم من ضعف مستواها خليك عاقل واكتب بمهنية شوية الله يهداك قول امييييييين .

  6. زمان بقولو الصلعة دليل الفهم هسي بقت دليل ………………….

  7. اللهم اهدي بابكر سلك لصوابه اللهم اهدي بابكر سلك لصوابه اللهم اهدي بابكر سلك لصوابه امييييييييييييييييييييييييييييييين