زواج سوداناس

في اخطر ظاهرة … ظهور شبكة إجرامية بالسودان تصطاد الفتيات والنساء بأساليب شيطانية .. اغتصاب وابتزاز وتصوير بدون ملابس


6e585db2e5fef64fce8b61cf3792b4ec

شارك الموضوع :

حذر نشطاء علي موقع التواصل الاجتماعي فيسبوك السيدات السودانيات من الوقوع في كمين إحدى الشبكات الإجرامية والتي تنشط علي مواقع التواصل الاجتماعي في شكل صفحات تقوم بعرض ثياب نسائية غاية في الجمال وبأسعار يسيل لها اللعاب.

وبحسب ما نشر عدد من رواد مواقع التواصل فأن هذه الشبكة الإجرامية تقوم بعرض هذه الثياب وتطلب من السيدة ضرورة الحضور للمكان المحدد حتى تتمكن من رؤية المنتج بعينها.

وبعد وصول السيدة للمكان والذي ذهبت اليه دون علم زوجها تجد بانتظارها عدد من الشباب الذين يقودون هذه الشبكة ومعهم فتاة تم الاتفاق معها, حيث يقومون بخلع ملابسها ويصورنها ويهددونها بنشر الصور إذا لم تنفذ طلبهم وتمارس معهم الرزيلة.

وبطريقة أخري تقوم هذه الشبكة باستدراج السيدة أو الفتاة وتجد بعض الفتيات اللواتي يعرضن عليها ارتداء بعض المنتجات بغرض التجربة والسيدة أو الفتاة المجني عليها لا تعلم أن هناك كاميرات تقوم بتصويرها.

وبعد علمها يقوم أعضاء الشبكة بتهديدها وابتزازها من أجل دفع المال وممارسة الزنا معهم.

 

ياسين الشيخ _ الخرطوم

 

النيلين

شارك الموضوع :

تعليقات الفيسبوك

تعليقات


20 التعليقات

إنتقل إلى نموذج التعليقات

      1. 1
        عارف وفاهم

        حسبُنا الله ونعم الوكيل، يا رب الحاجات دي ظهرت و جات من وين يا ربي، إنّا لله وإنا إليه راجعون.

        الرد
      2. 2
        ود بلد

        كمين من ناس الأمن والمباحث
        وبعدين اعدموهم وما تكلمونا ذاتو

        الرد
      3. 3
        هاشم

        الحكومه دي ممكت تكون أي حاجه إﻻ أنو الفيها ديل سودانيين.
        السودان كان وين قبل ما ربنا يبتلينا بالجماعه ديل وهسي بقينا وين بعدما دان ليهم السودان.!
        بي تأشيره واحده من الخرطوم كنت بلف معظم أوربا. هسي الواحد روحو تطلع عشان تأشيره من الخرطوم.
        قدمت لي شركه عالميه معتبره وإجتزت كل المعاينات ولكنهم إعتذروا لي إنو جوازي سوداني وإنو الوظيفه تتطلب السفر لدول عده معظمها ﻻتعطي التأشيره للجواز السوداني بالساهل.
        لذلك توقع اﻷسوأ.
        ونجحت هذه الحكومة بتحويل السودان ﻷسوأ دوله في العالم تمهيدا لتفتيته ودثره كما إندثرت اﻷندلس.

        الرد
        1. 3.1
          أب كجنكي

          الأندلس إندثر طلع إسبانيا ، ياريت السودان يندثر حتي لو نطلع الواغ واغ احسن لينا من سكلبتكم دي .

          الرد
      4. 4
        كلام قصير

        عندما حكي حسين خوجلي قصة التكاسي وتخدير البنات قلت في خاطري الله يستر ما تنفذ هذه الجرائم في السودان
        هناك اشياء السكون عنها افضل من حكيها حتى لا تحرك شياطين الانس والجن لتنفيذها
        وياريت لو هناك قسم يسمى القسم العائلي لحفظ وبحث جرائم الشرف بعيداً عن الاهل وحل لكل فتاة تقع في براثن الذئاب
        بتخصيص رقم معين ويعمم في الجامعات والكليات برقم انقاذ اي فتاة وقع ضحية الابتزاز

        الرد
      5. 5
        محمد

        يعني اسبانيا افضل من الاندلس انا لله وانا اليه راجعون الخواجات عرفوا ليكم قدروا يعملوا ليكم غسيل مخ ياخ الاندلس من افضل الحضارات الاسلامية وحكموها اجدادك المسلمين ولا انت من انصار الريال والبرشا العملو ليكم هوس و الواحد بقى همو كلو امشي بلاد الخواجات .

        الرد
      6. 6
        محمد

        وبعدين اي حاجه الحكومة الحكومة الفي الحكومة دي ما سودانيين زيكم ولو نحنا وسخانين اكيد حيكونوا زينا وكيفما تكونوا يولى عليكم .
        اصلحوا انفسكم الحكومة بتتصلح وربنا بجيب الصالح

        الرد
        1. 6.1
          الزعيم

          كلام كبير

          دايرين نشيل مع بعض يد بيد
          عشان نصلح الغلط و ننظف البلد
          الناس يا عالم مشت حتي الافارقه انطلقو و فاتونا

          و نحن بعد نقول البلد دي ما بمشيها صاح الا العسكر و الامن ليه ؟

          لانو نحن بقي فينا للاسف ناس و سخانيين و ما منظمين و فينا العملاء و فينا عدم الوطنيه
          و الحمد لله قله قبل ما تبقي ثله ننزل حكم الله والشرع بالقوه ليس بقوه الاحزاب و فقه الستره و التحلل

          الرد
      7. 7
        هاشم

        ديل ما سودانيين يا محمد.
        ﻷنو لو سودانيين، على سبيل المثال، وين الناقل الوطني السوداني – سودانير؟
        وين الخطوط البحريه السودانيه؟
        وين سكك حديد السودان الكان رابطه كل السودان؟
        وين أرض المليون ميل مربع التي ما جاءوا إﻻ لتفتيتها؟
        وين اﻷمان اﻹنفقد في كل مكان ختى العاصمه؟
        وين الطهر وللنقاء بتاع الخدمه المدنيه الﻻمن جابو ناسهم ليها قالوا لينا اﻹبدين البتتوضأ ما بتنحس طهرها بالسرق؟
        منو القاعد يسرق هسي؟
        وين أوقافنا في الخارج؟
        وين ممتلكاتنا في لندن العملوها جدودنا بعرقهم ودمائهم؟
        وين كبير البيت؟ مرمقوا كبارنا وكسروا عينهم وفكت بيوتنا إﻻ من رحم ربي!
        وين….. ووين…..؟
        أليس كل ذلك جزء يسير من مخطط هدم السودان؟
        لو كانوا سودانيين مش كان وقفوا الا أحمر في وجه كل من تراوده نفسه لمجرد اﻻساءة ناهيك عن الهدم؟
        كل يوم تزداد قناعتي بأن هؤﻻء الطغمه ليس بسودانيين.

        الرد
      8. 8
        سعيد

        يا هاشم انتا تقصد ما سودانيين كناية عن أنو الناس ديل اخلاقهم لا تشبه الشعب السوداني الطيب حسب ما فهمتا ! لكن ما تتفق معي أنو دمار. السودان ده المسؤول الاول هو الشعب السوداني ذاتو لإنو شايف بلدو. تنهب و تقسم و تدمر وووووووو رغم ذلك الناس متخاذلين و خايفين ! زمان كنا نسخر من المصريين و نقول اولاد الرقاصات ديل جبناء و ما عندهم شهامتنا و عزتنا و انحنا ما بنرضا الحقاره و نحنا ناس الحاره وووووووو ! كلو طلع فشوش و طلعوا ارجل مننا و قاموا بثورتين خلال سنتين و أي حاكم مصري بقی يخاف و لازم يسترضی الشعب أما نحنا بس نكورك وااااااي الحكومه عذبتنا

        الرد
      9. 9
        هاشم

        يا سعيد بتزداد قناعتي يوم بعد بأتهم ما سودانيين وأنهم ما أتوا إﻻ لتفتيت السودان.
        ديل أول ما جو طبقوا نظام الصدمه على محتمعنا بموضوع الصالح العام. وفجأه السودان كلو لقى نفسو في السهله. وعلي بال ما نستوعب الحاصل لهونا بي أدبيات أم ضريوه تحذر أمريكا وتداعيات حرب الخليج.
        وبخط موازي كانت آﻻت الهدم شغاله.
        شويه شويه صينية الغدا بتاعة تﻻته إختفت. كبير البيت إتلحس. وطلت إفرازات السؤ والهدم.
        وكشرت القبليه عن أنيابها وغرزت أنيابها فيما تبقى من مجتمع كان متسامحا هينا لينا في معيشته وتعامله.
        ما كواريك وﻻ جرسه. وإنما حقيقه مره ومؤلمة إنه غفلة منا تسلل أعداء لنا في ثياب مصلحين وقلبوا سوداننا رأسا على عقب وما زالوا يعملون آﻻت هدمهم وبفنون متطوره.
        بالحاصل علينا ده من ورا الطغمه دي، قريب ده راح تجي اريتريا على عينك يا تاجر تقول عايزه الشرق. ومصر عايزه لحدي ابو حمد لو ما الخرطوم. وليبيا جزء من الغرب وتشاد الباقي وجنوب السودان من جهة والحبشه من الجهة اﻷخرى – وﻻ صديق لنا نستند عليه وﻻ شعب يدافع عن الحياض ولسان حالنا أن الخير لنا أن نرضى بمن يرمينا الحظ معه. ﻷنه ببساطه يا سعيد القبليه التي تفشت ستكون هي القشه التي قصمت الظهر.

        الرد
      10. 10
        سعيد

        في بورندي الشعب طلع بأكملوا. لأنو الريس قعد تمانيه سنوت و عاوز يترشح تالت مره لي أربعه سنوات جديده رغم إنو قال دي اخر اربعه سنوات في السودان ديل قالوها صراحة ح نسلمها عيسی بن مريم ما في زول قال حاجه و في بوركينافاسو ملايين و ملايين طلعت الشوارع ضد الدكتاتور لامن الجيش شاف انو أنو ما حيقدر يقمع ملايين الناس قاموا اجتمعوا براهم و قالوا للريس اتخارج يا زول هسع عندهم ديموقراطيه و بلدهم ماشه لي قدام ! أنحنا بس قاعدين في منو البديل كأنو السودان ده ما فيهو زول مؤهل رغم أنو البديل واضح وهو الصندوق ! الشئ المشجع إنو حتی عبدالواحد و عقار و مني و الحلو و جبريل تعهدوا بوضع السلاح فورا في حالة إسقاط النظام بثوره شعبيه و إنو حيتحولوا الی احزاب سياسيه ! اذا سقط النظام حنكسب كتير نوقف الحرب و نصلح علاقاتنا مع امريكا والعالم و نبني بلدنا و نصلح اقتصادنا و ربما نرجع الجنوب تاني ووووووووووو! بس العيب فينا احنا الشعب السوداني جبناء و اي زول منتظر التاني يمشي يموت و هو قاعد في محلو ! ربنا يصلح حال بلدنا السودان يا رب

        الرد
      11. 11
        مواطن صاحي

        يعني السودانيين على راسهم ريشة ….. هنالك فئات من الناس اوسخ من الوسخ …

        الرد
      12. 12
        السنهوري

        وإذا طلع النشطاء الحذرو ديل حسب الخبر هم تحالف أصحاب المحلات والحكومة الكسدة بضاعتهم بسبب غلاء الأسعار وعايزين يعملو حملة يخوفوا بيها النسوان … انظر للخبر من جميع الجوانب

        الرد
      13. 13
        suliman

        كلام السنهوري صح حصلت لينا مره في دولة اوروبية عملنا اكبر حمام تركي في البلد كان في حمام مغربي بتاع مراة ونحنا شغالين بنبني فيهو قامت طلعت دعاية انو في كاميرات بتصور النسوان في الحمام لمن فتحنا اتفاجنا بالخبر بس الحمدلله الناس دخلت وشافت بنفسها قامت المراة مشت المغرب عملت لينا سحر والله السقف وقعه والكهرباء ضربت بعدي سنة بس قفلنا

        الرد
        1. 13.1
          طارق عبداللطيف سعيد

          الأخ / suliman
          ***كل عام وانتم بخير
          ***وينك ياخي لينا زمن ماسمعنا صوتك ، أخبارك شنو ، إستقريت وين ، أرسل ليك ايميلي ورقم جوالي

          الرد
      14. 14
        نزار

        بالله عليكم ما تملونا فقر على شاكلة الحكومة هى السبب وهى الوطدت القبلية وهى التى نهبت ثروات البلد وجعلت الاباء فى اللهث وراء الرزق مما افقده دوره فى الحفاظ على شكل الاسرة وتهتك النسيج الاجتماعى والتباكى على اللبن المسكوب
        اولا اتعرفون ماهو السبب فى ما ال اليه حال البلد هو ابتعادنا عن كتاب الله الكذب والنفاق وخيانة الامانة هو السبب فى كل ما حدث وما سيحدث للسودان
        ثانيا ليس بامكان الحكومة توفير فرد شرطة لكل مواطن حتى يلازمه فى حله وترحاله ليعرف فيما يفكر وماذا يقرأ وماذا يطالع من صحف ومايشاهد من برامج وما يقرأ من كتب حتى يستطيع رفع التمام لجهته بان يوميات فلان الفلانى من نهوضه باكرا وحتى عودته لمضجعه لم يكن فيها اى نواقص ولم يثبت عليه اى نوع من محاولات للانضمام الى اى فئة ولا كسر منزل للسرقة ولا احتيال على احدهم او حتى القيام بتكوين عصابة لاستدراج النساء والفتيات لاماكن معينة لاستدراجهن للقيام باعمال منافية.
        وفى ظل هذا التطور الذى نشهده من حيث عدد القنوات الفضائية المبثوثة ومواقع التواصل الاجتماعى الكثيرة من الصعب التحكم وليس من الجائز ان تكون العقول والدهاء والمكر بنفس مستوى ما كان عليه سابقا اى ان الجريمة تطورت فى شكلها ومضمونها مما يستلزم الحذر الشديد
        بالله عليكم هناك مشكلات واستشكالات كثيرة اذا اردنا حلها يجب ان علينا الاعتراف بان هناك مشكلة وبعد ذلك نبحث عن الحل بعيدل عن الاسقاطات وتحميل المسئوليات للغير وتعليق الفشل فى شماعة الحكومة
        ودمتم سالمين

        الرد
      15. 15
        ابن النيل

        اذا كان المجرمين يصطادون الفريسه عنطريق صفحات التواصل الاجتماعى اين امن العولمة وايضا لديكم اكتر من خمسة قنوات فضائية
        بدلا من الدعايات والونسات الزائدة كترة الحكى المالو طعم فى هذه القنوات
        اتو بتوعيه يوميه عن هذه الظاهرة وعرض بعض من هذه الشبكات الاجراميه
        للشعب لكى يعرف اين يكمن الاجرام

        وايضا حضور احد الضحايه ليروى ماحصل له
        ولكم التوفيق

        الرد
      16. 16
        طارق عبداللطيف سعيد

        ***الحكاية ماعايزه درس عصر ، جهاز الأمن العام ، وشرطة المباحث ودوريات الأمن والشرطة ، يشدوا حيلهم شويه
        ***إذا ماعندكم مصادر ، عينوا مصادر وسط المواطنيين وخلوهم يجيبوا ليكم الأخبار أول بأول
        ***معظم الدول التي نجحت في مكافحة الجريمة عن طريق :-
        1-كاميرات مراقبة تعمل 24 ساعة يوميا ، موزعة في جميع المناطق
        2-المصادر المزروعة من جميع فئات المجتمع العمرية
        3-الكوادر المدربة جيدا خصوصا الشرطة ، وتوفير الأسلحة المتطورة والسيارات الحديثة (ويمنع إستخدام السيارات خارج الدوام وممنوع إركاب المدنيين عليها من الأسر وغيرهم من المواطنين ، فقط رجال الشرطة ، والموقوفين )
        4-دوريات تجوب الأحياء ، ودوريات أمنية لحفظ الأمن والقبض على المخالفين للنظام
        5-سنترالات حديثة لمتابعة البلاغات وغيرها على مدار ال 24 ساعة

        الرد
      17. 17
        abu faris

        اين الحكومة و اين جيشها الجرار من اﻻمن . قلنا مرارا و تكرارا ان من امن االعقوبة اساء اﻻدب. و لو لكن ﻻ حياة لمن تنادي . شماسه يحملون السكاكين و العقوبة التغريم . سبحان الله . و لكن يبدو ان اﻻمن في السودان اصبح من نصيب علية القوم اما المواطن المغلوب على امره فﻻ نصيب له . اﻻ تخجلون من نشر مثل الخبر المشين و كمان ظاهرة . و الله اﻻختشوا ماتوا . لعنة الله على الظالمين . ماذا ينتظر وزير الداخلية في وجود ظاهرة كما تقولون مثل هذه . لو تم اعدام عصابات النقرز في حينه واحدا بعد اﻵخر و كل من اعتدى او اغتصب ﻻ بل حاول ارتكاب مثل هذه الجرائم لتم تنظيف البلد من شرهم و لكن يبدو المسالة ابعد عن الكبار و افعل ما شئت فﻻ حرج . بلد بﻻ امن مسحه من الخريطه هو الحل . كيف ستقابلون ربكم فانتم مسؤولون و ﻻ شك . اي ماء و اي كهرباء تتحدثون فاﻻمن و اﻻمن قبل كل شئ .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *