جرائم وحوادث

بالصورة.. اللاعب بكري المدينة يعتدي علي صحفي سوداني بالجزائر.. وتدخلات دبلوماسية تصلح بينهما


اعتدي لاعب المريخ بكري عبد القادر علي الصحفي بصحيفة قوون الرياضية عصام طمل وذلك عقب المباراة التجريبية التي خاضها فريق المريخ يوم الأحد.

حيث يخوض المريخ معسكر تحضيري بدولة الجزائر استعداداً لخوض مباراته الهامة أمام فريق وفاق سطيف الجزائري.

حيث ذكرت وسائل الإعلام السودانية بما في ذلك الصحيفة التي يعمل فيها الصحفي أن مهاجم المريخ قام بالاعتداء علي الصحفي بحضور مساعد المدرب محسن سيد.

وبحسب الصورة التي تحصل عليها موقع النيلين فقد جرت جلسة صلح في وقت متأخر من مساء الاثنين, بعد مجهودات كبيرة قام بها السفير السوداني بدولة الجزائر.

11780645_1019712108068986_1175847649_n

 

ياسين الشيخ _ الخرطوم

 

النيلين


‫7 تعليقات

  1. عصام طمل كتب منشيت مستفذ عن بكري المدينه في صحيفة قون وفيه إساءة شخصية.

  2. الجهل مصيبة ألحقوا المدارس بالأندية من فضلكم ولا خير في هذا ولا ذاك

  3. الحمدلله الذي اذهب عنا الاذى __ لاعب لا يشبه مجتمع الهلال الراقي الجميل _ وجدت المكان اللائق لك تماما __ غذيت بمال الحرام فساءت اخلاقك فقبح الله وجهك

  4. حسع ديل فرقهم شنو من شماست السوق الشعبي قايتو علاء الدين مهنتو مضمونة بعد الكورة اكيد كمساري في بص الوااالي

  5. افتكر يا ناس قون عصام طمبل دا اسحبوه قبل ما تحصل مصيبة كبيرة خاصة لو انهزم المريخ وعصام طمبل ما قصر ابدا فى جهجهة مدرب المريخ واللاعبين والانصار وادى مهمته بامتياز ناس وفاق سطيف ما قدرو يسوه وتمادى طمبل فى انجاز مهمته لدرجة حاول يدخل اللاعب بكرى المدينة الحراسة عشان ما يلعب ودى كانت قريبة للغاية خاصة لو تدخلت ادارة وفاق سطيف والشرطة كلها حقتهم.يبدو انه لما الموقف اتازم خالص وبكرى كان على وشك دخول الحراسة ,ضمير اخونا صحى وفقعه بكية

  6. بسم الله الرحمن الرحيم
    السلام عليكم
    نرجوا منكم التحري من الاخبار لكي لا ندخل في مشاكل او نزيد من المشاكل
    انا من ابنا ديم المشايخه وموضوع بكري يهمني من ناحيه شخصيه ومريخيه فديم المشايخه من اكثر المناطق تعليما كما ونوعا فلكم ان تسالوا وزاره التعليم العالي كم من ابنا ديم المشايخه حاليا عمدا للجامعات وكم من ابنا ديم المشايخه لهم كتب علميه تدرس في جامعات اروبا وامريكا بالطببع السودان و كم من ابنا ديم المشايخه سنويا بدخلون كليات الطب فقط في السودان وممكن تسالو وزاره التعليم العام كم من ابنا ديم المشايخه دخلوا العشره الاوائل في امتحانات الشهاده السودانيه عام 2015 ولكم ان تسالوا عن سيره الديم في ولايات الجزيره وسنار عن مجتمع ديم المشايخه وفي الكوره لولا الحاله الماديه مافي فريق يقدر يهزم الديم لا مريخ ولا هلال وانسان الديم متعلم ومثقف وكريم ومتعاون ومترابط وطيب بس وبس وبس وبس امشي استفز فيه زول شوف البصل ليك شنو واسالوا ناس ولايات الجزيره وسنار عن ديم المشايخه وبكري من الديم من اسره كريمه وطيبين ومتعاونين ومسامحين ومريخاب علي السكين واسره بتحب المريخ بجنون ووالله ماشفت اسره في السودان بتعشف المريخ اكثر من اسره العم عبدالقادر بابكر والد بكري المدينه بس لكن للصبر حدود وفي النهايه بكري انسان مابرضي الاستفزاز وطمبل بستفز بكري كم مره وبكري سامحه كم مره وتكلم معاه بعدم كتابه شي ما حقيقي وطمبل تمادي في الغلط وللصبر حدود وشكرا اللهم انصر المريخ في الداخل والخارج قولوا امين يلرب العالمين