زواج سوداناس

اشانة سمعة البلد



شارك الموضوع :

*مؤسف ان يكون هدف صحيفه هو تحطيم معنويات فريق يمثل الوطن
*مؤسف ان يكون هدف كيان كامل هو تحطيم لاعب رفضهم جملة وتفصيلا
*مؤسف حقيقة ان نقرأ علي صفحات الفيس وقوف جمهور سوداني علنا مع فريق جزائري ضد فريق يمثل الوطن
*ده كلو اشانة سمعة للوطن
*ومن غيرنا اعطي لهذا الشعب معني ان يعيش وينتصر
*من غيرنا قابلتو الحكومه في المطار
*من غيرنا دخل القصر الجمهوري متوجا متوشحا بارفع الاوسمه
*من غيرنا ؟؟؟؟
*ده السبب الذي ولد الاحساس بالدونيه عند الآخرين
*فاعلنوها حربا علي المريخ العظيم
*صدقوني
*لو الطياره وقعت بي سبعه فرق من فرق المجموعتين
*وبقي فريق واحد
*مابشيل الكاس
*فالزناطير ما بتشيل كاس لو تطير
*لان التفرغ للحسد والدسائس
*مابقدم سيدو
*بل يزيد في صفرو
*ايها الناس
*يمكننا كجماهير مريخيه ان نقاطع الصحيفه التي تقصد هدم استقرارنا
*والمقاطعه ليست فقط علي القراء
*بل تشمل المعلنين
*وعندها المرتبات الا تجي من حجار سابقا
*ايها الناس
*التبريرات الفطيره
*والحركات الخميره
*لن تزيد المريخ الا تمسكا بالمسيره
*مسيرة المطار
*ده درب بنعرفوا برانا
*ولا اظنك يا عزيزي طلال تعرف درب المطار
*مشيتو متين عاد ؟؟؟؟؟
*ده درب الوصول اليه بالعرق والموهبه
*لايشتري يا حبيب
*ايها الناس
*فريق طردك من معسكروا
*البجيبك مبارياتو التجريبيه شنو ؟؟؟؟؟
*قبل كده حرم البعض من معسكر الفجيره
*ماقوموا الدنيا وقعدوها ليه ؟؟؟
*عزيزي عصام طمل
*لاتنسي ان طلال هلالي وانك مريخابي تفترض فيك الشفتنه
*ماتبقي يا اخوي عصاية يشاكلوا بيها الناس
*لو بقيت كده
*بجي يوم تنجدع فيهو
*اصلوا لما الشكله تعك
*العصايه بنتجدع بعيد
*المهم
*ناس قون علموا شنو في مقاطعة الهلال ليهم ؟؟؟
*لو مافكوا حظركم تعالوا نتوسط ليكم
*باقي فطومه اختي عندنا عندها خاطر
*يمكن تقبل وساطتنا وتعيد صحيفة الحكيم للحظيره
*اصلو العرجا لي مراحها
*ايها الناس
*بكري ده حارق الناس ليه ؟؟؟؟
*بالطريقه دي يوم حاتطرشقوا
*ايها الناس
*زول قال ليك مادايرك في معسكري
*تجيهو تاني
*ده ما ختا ده ؟؟؟؟
*في مثل بقول ضربني وبكا سبقني اشتكي
*ايها الناس
*بكري المدينه ده قولوا ما نصيح
*قولوا كلب عديل كده
*البجيبك بالشارع الفيهو الكلب شنو ؟؟؟
*لما يعضيك اركز
*موش انت الجيت بي شارعو ؟؟؟؟
*ايها الناس
*يمكننا كجماهير اعلان المقاطعه
*ووقتها سيفسح المجال لجوهرة رمضان
*باقي هي باقيه للناس في تولا
*واذا افسحنا المجال لجوهرة رمضان
*الصحيفه بتلحق القناه
*نحنا (ختريييييييييين)
*ياخ زول قالوا ليهو مادايرين معاك
*البجيبو لينا تاني شنو ؟؟؟؟؟
*ايها الناس
*معسكرنا سليم في السليم
*وفريقنا نحمد الله افضل فرق المجموعتين بدون منازع
*وريحة المطار فاحت
*مافي زول يغالطنا
*لانو مافي زول غيرنا شماها
*والكاس كاسنا ونحنا اهلو نستاهلو
*ايها الناس
*فطومه اختي طيبه
*كلموها يمكن ترضي عنكم
*المهم
*ماقرينا في قون عدم بث شريط مباراة الهلال والفشنكات الانتهت هنا اربعه
*برغم ان كردنه صرح في التلفزيون انو المباراة في المونتاج وحاتبث
*ليه مابثوها
*ناس قون ناس الاخبار الصادقه ما كلمونا
*سقط سهوا يا ربي
*ولا الخبر ما عندهم ؟؟؟؟
*وما ورونا تذاكر سفر الفشنكات قطعها منو ؟؟؟
*ماسمعوا ولا ماعارفين يا ربي ؟؟؟
*يمكن ما متأكدين
*لانو ناس قون لو ما اتأكدوا ما بنشروا الخبر
*وما ورونا موقفهم من معسكر الفجيره شنو
*ياربي موقفهم برضو ما متاكيدن منو ؟؟؟؟
*بكري المدينه
*بهريكم وما بهرينا
*انه بكرينا
*سكوهوا كده لمن نفسكم ينقطع
*ايها الناس
*والله ماكنت اتوقع ان يتحدث محمد عبدالماجد سلبا عن الوالي
*فلتت منك يا حماده
*فجمال ان كان يستغل سلطاته وامواله
*لما بقي في البلد دي غير المريخ ومريخ الفاشر ومريخ كوستي
*وانت سيد العارفين
*المهم
*ايها الناس
*ان تنصروات الله ينصركم
*اها
*نجي لي شمارات والي الخرتوم
*كان شفت يا والينا
*شارع الوالي في شرق النيل البيلينا
*قلعوهوا من قبل الانتخابات يا والينا
*صوتنا
*نسوهوا مقلع فينا
*وكان شفت يا والينا
*الغبار يكندك فينا
*الهايسات قربت تخش لينا
*الدكاكين اتكندكت علينا
*ونحنا ولا هامينا
*لكن انتوا ما هاميكم يا والينا ؟؟؟
*حاتصلحوهوا لينا يا والينا
*ولا نرجي الانتخابات الجايه علينا ؟؟؟؟
سلك كهربا
ننساك كيف والكلب لسه بجي قبل العربيه وشارع الوالي يكتح فينا يا والينا
والي لقاء
سلك

شارك الموضوع :

تعليقات الفيسبوك

تعليقات


10 التعليقات

إنتقل إلى نموذج التعليقات

      1. 1
        هلالابى

        اولا نحن حانجيب الكاس من المقبرة مش من المطار لاننا سنتصدر المجموعة والمباراة النهائية فى ارض المتصدر
        ثانيا لو البلد عندها سمعة رياضية كنت انت ومزمل صحفيين فيها؟

        الرد
      2. 2
        طارق

        حبيبي سلك
        السلام عليكم ورحمة الله. وكل سنة وانت طيب. وكل الصفوة طيبين.
        انا مريخابي من ميلادي واقسم بالله على هذا والآن اكملت الثلاثون من عمري. وحقيقة قبلا كنت اخد صحيفة قوون بجوار الصدى والزعيم وتركت الصدى بعد ذلك بسبب بليد علي بليد.
        بصراحة المشكلة عندنا نحنا الصفوة ادارية في المقام الأول. سواء كان في مجلس ادارة النادي أو في صحف الزعيم .
        ليه انا أشتري صحيفة صفوية والقي عمود من صفيرابي يكرهني في قروشي بتاعت الصحيفة .
        اخي بابكر حبيت كتاباتك من زمن بعيد وانت رجل ماشاء الله عليهو بتقول الحق وما شغال بالتطبيل للاداريين زي ناس من الصفيراب يقول ليك الجوهرة وهي لسة في الساس.
        دا كلو عشان حفنة جنيهات من كردنة.
        على العموم اداراتنا جابتو لينا .
        اتعاملوا صفوة مع الصفوة لكن الحاقدين وروهم الوش الشين عشان ما يسودوا وشكم في السودان والجزائر وممكن بكرة في كأس الاندية انشاء الله.
        اخي سلك قوون هلالابية التأسيس وكانت محائدة في بدايايتها. اكن تم طرد الاستاذ رمضان وأصبحت تبخس انجازات الزعيم.
        معقولة؟؟؟؟؟؟؟؟؟؟؟
        مافي عنوان رئيسي عندهم الا تبخبس في الزعيم؟
        طيب يا سلك!!!! ليه بليد علي بليد بكتب في الصدى؟؟؟؟؟؟ لو قلت عشان توزيع مافي زول بقرأ ليهو ونحنا الصفوة خلينا الصدى عشانو.
        عشان كدا مزمل زول طيب وانا بقرأ عمودو في النت ومابخسر عشان اقرأ لي يس.
        بالمناسبة!!! وين القناة الفضائية المسماه الزعيم؟؟؟؟؟؟؟

        الرد
      3. 3
        adil

        اليوم الربش البنكتب فيهو ده مليان كلاب وشم. اولا قلت ان بكري المدينة كلب. ثانيا ذكرت الكلاب التي تاتي قبل العربات وكمان بتطاردها. ثالثا ذكرت اهم خاصية عند الكلاب وهي حاسة الشم. يبدو انك منحاز لفصيلتك تماما. بس اول مرة اشوف كلب اصلع.

        الرد
      4. 4
        adil

        بالله دا صحفي دا. ليها حق البلد تنتهي.

        الرد
      5. 5
        adil

        كمان عامل فيها بفكر ودمه خفيف.

        الرد
      6. 6
        أمير الشمال

        وطن ؟؟؟ إنتوا خليتوا فيها وطنية شوف من بقت الصحف و الصحفيين الرياضيين أكتر من الأندية أو حتي اللاعبين أنفسهم الحكاية باظت بلا سلك بلا طمبور أرحمونا يرحمك الله

        الرد
      7. 7
        ود عز القبيلة

        حفظك الله زخراً للمريخ يا شفت … سلك وفي السلك ارمي قدام الشفوت وراك

        الرد
      8. 8
        ابوهشام

        كلكم في الهواء سواء بلا مريخ بلا هلال بلا كورة في السودان ما دام انت ومزمل واشكالكم بتكتبوا بهذه الطريقة عمر الرياضة ما حتتقدم ولا حتتطور انتم المحطمون لها باسلوبكم الركيك التافه وما بتعملوا الا بزيادة الحقد والكراهية بين الشعب السوداني بلا كورة وبلا هلال مريخ الله لا يبارك فيكم وفي كتاباتكم الصحفية واعمدتكم السوء اللي ما بتجيب غير الكراهية بين الناس

        الرد
      9. 9
        hassan ali

        كلام خارم بارم وهردبيس ودفييس ى لا طعم له ولا لون

        الرد
      10. 10
        سودابي

        يا سلك عليك الله قد. لافي اللفه دي كلها وبتترس بالوطنيه عشان تقول شنو؟ المريخ والبطيخ؟ وطنيه شنو البتتكلم عنها, انت ذاتك سوداني؟ الله يحرق الصحافه الفيها انت ومزمل وسعد النعيم, لا مصداقيه ولا واقعه ولا منطقيه ولا بلحيه حتي. مشاطات بس. كان الله في عون السودان.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *