رياضية

في مفاجأة داوية..جمال الوالي يشتري للمريخ طائرة من الخطوط القطرية مطبوع عليها شعار النادي


أكدت بعض صفحات مواقع صفحات مواقع التواصل الاجتماعي أن رئيس نادي المريخ الدكتور جمال الوالي قد دخلت في مفاوضات جادة مع الخطوط الجوية القطرية من أجل شراء طائرة للفريق الذي يترأسه.

وبحسب الخبر الذي تم نشره في عدد من الصفحات المهتمة بأخبار النادي الأحمر فقد دخل جمال الوالي في مفاوضات رسمية مع الخطوط القطرية لشراء طائرة خاصة لفريق المريخ السوداني وتعتبر الصفقة خطوة استثمارية كبرى وجديدة على المجال الرياضي في الساحة العربية والإفريقية حيث تعمل إدارة المريخ في دراسة صيغة العرض النهائي للعقود الخاصة بالصفقة حيث سيتم تمليك الطائرة كليا لنادي المريخ السوداني مع شعار المريخ وفي نفس اللحظة تقوم الطائرة بالعمل الاستثماري ضمن طاقم الطائرات للخطوط الأميرية من ما يعود بدخل ثابت ومهول لنادي المريخ.

 

ياسين الشيخ _ الخرطوم

 

النيلين


‫31 تعليقات

  1. غايتو سفاهه عجيبه بلد فيها ناس يوم كامل وجبه واحده الا بعد تعب و مليانه معسكرات نازحين و مرضی ما لاقين حق العلاج وطلبه مطرودين عشان الرسوم وووووووووو لكن في ناس تحس انهم
    عايشين في سنغافوره و لا بيفرلي هيلز و لا دبي يشتروا طيارات و يدفعوا ملايين لي لعيبه افارقه
    ووووو فارغات كتيره ما أدي الی الحقد الطبقي والسودان موعود بثورة جياع لا تبقي و لا تذر و ربنا يستر

    1. كفّيت و وفيّت ، ما عليك تقصير تبّ والله. بعد – سفاهة- ما في كلمة مناسبة.

  2. هذا استثمار في كل بلد في المشاكل الاقتصادية يعني الاغنياء يبطلو شغل طيب زكاتهم دي بتطلع لفقراء لو ما الاغنياء ديل كان عدد الفقراء زاد من كدا والضرائب تعود للبلد في شكل خدمات للمواطنيين لابد من اغنياء وما لنا صلاح اذا كان كسبهم حلال ام غير ذلك ولا تسالو عن اشياء ان تبدو لكم تسؤكم . مرة في واحد امه قالت ليه يا ولدي قروشك دي كتيرة وديني الحج قال ليها يا امي قروشي دي ما بتحججك يعني بالواضح كدا حرام هو لو سكت وداها الحج ليس عليها شي لكن لما عرفت السبب بقت ليها مشكلة عشان كدا لاتسالو عن اشياء ان تبدو لكم تسؤكم.

  3. الزول قنع منكم عايز يركبكم القطرية خلاص. ..حيلحقكم الزبير ..

  4. الما اعرفك اجهلك يا سيد جمال وليت النوايا تكون متاحه للجميع لعلموا انك رجل استثنائي ولكن عزاك ان الله والكثير من الناس يعلمون من انت واى ادب ازينك

  5. طيارة شنو اليختو عليها شعار المريخ ويشغلوها ضمن الخطوط القطرية ؟؟ الماعندو موضوع وكتب الموضوع ده طاشى وملخبت … دى الخطوط القطرييييييييييييييييييييييييييييييية مش الراونديه ..

  6. لماذا لا يحقق الامن الاقتصادي في مصادر ثروة جمال الوالي
    . عن جمال الوالي وعن سر صمت (الامن الاقتصادي ) وعدم سؤاله من اين له بهذه الاموال القارونية واليك بهذه المعلومات فربما تفيدك في فضح اساليب الجبهة الاسلامية وتغولها على اموال وثروات الشعب السوداني لحسابها حصراعندما كنت فى السودان فى اجازتى الاخيرة عرفت بعض التفاصيل و اليك بعض منها جهاز الامن يملك عدد من المشاريع فى السودان قد يعرف الناس بعضها مثل قناة الخرطوم الدولية و احدى كبرى شركات تقنية المعلومات فى الخرطوم حاليا و عدد من الشركات التى تتحكم فى السوق ولعمرى هذه نظرية يهودية بالتمكن فى رؤس الاموال و الاقتصاد و الة الاعلام و كانت شركة سابحات احدى اذرع جهاز الامن و كانت ظاهريا تتبع الى ادارة البترول التى كان يراسها دكتور على الخضر فى بدايات الانقاذ و عندما كان تم بيعها الى السيد رئيس نادينا الحالى كان السيد جمال الوالى موظفا فى سابحات تابعا الى ادارة البترول ظاهريا و فعليا لجهاز الامن و دفعته السيد / محمد عثمان و السيد عثمان ابراهيم من ابناء كسلاء و احد المحركين لموارد جهاز الامن فى السوق و اخونا عثمان الان دبلوماسى فى سفارة السودان فى سوريا كليهما من داعمى نادى الميرغنى

    و عندااشترى صلاح ادريس سابحات كان هناك طلب وحيد و من السيد عمر البشير شخصيا ان يظل السيد جمال الوالى معه فى ادارة الشركة و بداء سكرتيرا للسيد صلاح ادريس و كان مشهود له بالطيبة و الرقة غير انه كان فى الاسكندرية لعدة سنوات و كان يسبقنا بعدة سنوات اى عندما تخرج كنا نحن فى سنتنا الاولى و الكلام لذى يدور الان و من بعض شباب المؤتمر الشعبى و من المقربين للسلطات ان السيد جمال الوالى ماهو الا واجهة لادارة اموال السيد عمر حسن البشير رئيس جمهورية السودان كما السيد حسن عبدالسلام واجهة الى ادارة اموال السيد على عثمان محمد طه ابن خالته او ابن خاله على مااعتقد.

  7. يا “سلام ” انت وبنك؟ والله افتقدت تعليقك علي خبر تأجيل محاكمة الصبادين. كدي شوف الخبر ومنتظر تعليقك

  8. التعليقات تفوح حقدا وحسدا، ربنا وزع الارزاق بين الناس، فهناك المسكين والفقير والغني، قال تعالى (ذَلِكَ فَضْلُ اللَّهِ يُؤْتِيهِ مَن يَشَاء وَاللَّهُ ذُو الْفَضْلِ الْعَظِيمِ) وقال تعالى (وأن الفضل بيد الله يؤتيه من يشاء والله ذو الفضل العظيم ) وفي الحديث: «نِعْم المال الصالح للرجل الصالح»، وفي الحديث الآخر: «ذهب أهل الدثور بالأجور والدرجات العلا والنعيم المقيم…. »، إلى أن قال: «ذلك فضل الله يؤتيه من يشاء»، فجعل المال فضلاً من الله يمتنّ به على بعض عباده. أتركوا صاحب المال يستثمر به في الوجه الذي يراه هو وليس ما ترونه أنتم، وأرى أن استثماره خيرا يعم اهل السودان ، يوفر لهم السفر ، ويدخل عملة صعبة للدولة، يدعم النادي ليتطور مثل نوادي العالم ونترك استصغار أنفسنا دوما ونقول ( بأننا نحن وين والنوادي العالمية وين)، وهو بذلك يكون افضل من رجال الاعمال الذين استثمروا أموالهم خارج السودان – اثيوبيا، ماليزيا اريتريا الجنوب مصر.. وغيرها – ولا يستفيد منها البلد وأهله. راعوا الله في تعليقاتكم واعلموا انكم مسؤولون عنها.

  9. يا سلام انتا ما ناقش ابو النوم… انت ولا متفرج.. ولا ضيف.. قال بحكي قال..

  10. بغض النظر عن الخبر وصحته وواقعيته والمؤسف وكعادة كل امورنا ومحور تعليقاتنا وحديث السرقه واتهام الناس انا اعتقد ان الاصلح قبل ان نتهم الناس يجب ان يكون هناك سؤال كبير بكم ساهمت فى هذا المال الذى سرق حينها سنجد اننا نتحدث عن شىء لا اصل له وهناك مربط الفرس اننا نفلح فى القيل والقال واننا مواهيم لانفلح الا فى الشمارات وانه اكثر نملكه ولانقدم شى لبلدنا

  11. حاسدييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين

  12. المشكلة انو ما حكاية يشترى طيارة ولا غيرا دام الله مدى يتصرف بعدين لك اجل حساب
    لكن مشكلة الخبر انو يشترى الطيارة من افضل شركة طيران في العالم لسنة 2015
    ويشغلها معاها وتيجيب ليه قروش
    الخطوط القطرية تملكها الحكومة القطرية الي تعتبر اغنى دولة في العالم
    فالخبر شوية مشكوك في امرو .. لو مثلا قال السودانية او اي شركة عاملة بالسودان في مجال الطيران
    او مرقنا برة مصر غيرا
    بس دول الخليج ومرة واحدة القطرية ويا ريت شراء وهو يشغلها بنفسو ممكن يتبعا للسودانية
    لكن كمان تشتغل ضمن طاقم القطرية دي قووووووووووية

  13. عالم ماعندها موضوع ..الخبر لا اساس له من الصحة ومجرد ونسة واتساب ..الوالي نفسه لم يسمع بالخبر ، والاسواء في ناس ماصدقت ان وجدت فرصة لتسيئ للرجل فقط لانه رئيس نادي المريخ

  14. للاسف الشديد هنالك الكثير والكثير من المرضى الذين ينتقدون اي شيء جميل حتى و لو كان حلما ؟ فضلا دعوا الناس تحلم وتسعى لتحقيق احلامها . زي ناس بيحلموا ليهم اكثر من ة80 سنة للحصول على بطولة خارجية و مازال حلمهم قائما و مشروعا ز دعوا الازهار تنمو .

  15. خبر جميل .. وياريت يكون صحيح …. حايكون احسن رجل اعمال سوداني خدم البلد …بدل الاستثمارات الوهمية (بسكويت وصابون ..الخ ) دي خطوة زكية لكسر الحصار علي مشكلة الطيران … وياريت لو الحكومة فكرت من زمان بتملك طيارات باسماء افراد لكسر الحصار علي الطيران

  16. الذين يعلقون بتعليقات تفوح حقداً و كراهية عليهم ان يراجعوا الطبيب النفسي باسرع ما يمكن … فالحقد و الحسد و اتهام الناس المسبق بالباطل هو من صميم الامراض النفسية الشائعه… الناتجه من فشلهم المستمر في حياتهم … فاللص هو من يتهم الناس بالسرقة حتي يحدث الاسقاط النفسي و حتي يصرف عنه الانظار …

  17. ماذا يفعل الحاقد مع الرزق دا مثل سوداني بسيط.
    نحيي الرجل الجميل جمال الوالي لجهوده في مجال الاستثمار الرياضي
    والماعاجبو يجي يعمل مظاهره …….
    كفايه نقه وتنظير

  18. انا جعاااااااااااااااااااااان ومقطع لكن اقول للحاقدين العاملين فيها قلوبهم على الفقراء والمساكين ههههههههههههههههههههههه قديمة قديمة من ميدان الدرادر الوالي الوالي رئيس طوالي المرة الجاية غواصة ههههه اخبار الجعجعة شنو ( الجوهرة )

  19. المريخ أضحى المصدر الوحيد لسعادة هذا الشعب فلا ضير من تملكه لطائرة ومن أفضل الخطوط وما المريخ إلا الشعب وما الشعب إلا المريخ…وللا شنو؟؟!!

  20. اشك فى هذا الامر فى دوله فقيره رغم ان الوالى رجل اعمال