زواج سوداناس

الليلة لو جبتوا ليكم قون بعد خروج الكورة جيبوا لينا (قيقم)


شارك الموضوع :

المريخاب (اجازة العيد) ..كملوها كلها في الحديث عن هدف شيبون غير الصحيح

ناس مزمل ابوالقاسم قربوا يطلبوا من رئيس البرلمان يستدعى مجدي شمس الدين في البرلمان ..ويقولوا ليه : (ليه الحكم ما احتسب كورة شيبون)

شارع (الوادي) ركبوا ليه مع الاضاءة (مراوح) – وعملوا ليه (مكيفات) جانبية

هدف وليد طاشين الذي حرمنا من تحقيق بطولة الاندية الافريقية سنة 87 ما اتكلمنا عنو قدر كلامهم عن هدف شيبون
****************

· اكتر من (14) يوم.

· و(13) ساعة.

· و(24) دقيقة.

· و(9) ثواني.

· و(36) جنيه.

· والمريخاب بتكلموا لينا عن هدف (شيبون).

· والـ (36) جنيه ما عندها اي علاقة بالموضوع.

· متل الراجل البكون ماشي ليه عزاء (بكا يعني) …زوجتو تلحقو في الباب وتقول ليه جيب لينا معاك (عجور)!!.

· في علاقة بين البكا والعجور.

· او متل الراجل البكون في المطار – زوجتو ترسل ليه رسالةsms وتقول ليه جيب معاك (لبن).

· ما في اي علاقة بين اللبن ومطار الخرطوم.

· إلّا تكون في حاجات ظهرت جديدة – ونحن ما عارفنها.

· بي صراحة كدا ناس الطيران المدني بقوا ما مضمونين.

· ممكن يدخلوا (اللبن) في المطار.

· من العلاقات الغريبة.

· العلاقات الما مفهومة..الغاز يقطع ليك والحلة في البوتجاز.

· في النص كدا – الغاز يقطع.

· لكن من غير هذه (العلاقات) – المريخاب ما خلوا ليهم شيء عن هدف غير صحيح.

· ما خلوا شيء …وهم بتحدثوا بكل هذا الانفعال عن هدف غير صحيح سجله شيبون في مباراة الاتحاد والمريخ.

· 14 يوم ..بتكلموا عن كورة ما طلعت.

· وهي طلعت – وشبعت طلوع.

· وبنسمع في نظريات – لا اول لها ولا آخر.

· الكورة اتقوست.

· والكورة ما طلعت.

· وحكم الراية رفع رايتو بعد الهدف.

· ومجدي شمس الدين …جاب لينا الحكم دا من وين؟.

· ويا ريتو التسماح لو اكلني.

· 14 يوم ونحن بنسمع في (سلك).

· 14 يوم بابكر سلك ..بحاول يقنعنا ان الكورة قون.

· وان قرعة الهلال (مقصودة).

· وان السبب الاول والاخير في عدم احتساب كورة (شيبون) هو مجدي شمس الدين عضو البرلمان السوداني.

· متل الزول البحاول يقنعك ان كوبري النيل الابيض بوديك (بحري).

· وان كوبري توتي بوديك (الحلفاية).

· وان التلفزيون القومي للسودان قلبوه اذاعة اف ام.

· وان قاعة الصداقة في (الابيض) ما في الخرطوم.

· وان شارع (الوادي) ركبوا ليه مع الاضاءة (مراوح) – وعملوا ليه (مكيفات) جانبية.

· محاولات للاقناع ما في ليها جدوي.

· ولا في داعي لها.

· ويا ريت التمساح لو اكلني.

· ناس مزمل ابوالقاسم …قربوا يطلبوا من رئيس البرلمان يستدعى مجدي شمس الدين في البرلمان ..ويقولوا ليه : ليه الحكم ما احتسب كورة (شيبون).

· نزار حامد جاب ليه هدف من نص الملعب ..اي واحد قابل نزار في الطريق دخلو العناية المركزة.

· فرتكهم ليك نزار حامد (كلية – كلية).

· طوحال – طوحال.

· هدف نزار نحن ما قعدنا نتكلم عنو قدر كلام المريخاب في هدف غير صحيح.

· هدف صبحي في الزمالك (احلى الاهداف حتى الآن) ما اتكلمنا فيه قدر الكلام دا.

· المريخاب اجازة العيد ..كملوها كلها في الحديث عن هدف شيبون غير الصحيح.

· ويا ريتو لو التسماح اكلني.

· الناس ديل دقوا ليهم (صيوان) عديل كدا – وقعدوا يتكلموا عن هدف غير صحيح.

· تفتح الجرايد تلقاهم بتكلموا عن هدف وهمي.

· تفتح التلفزيون تلقاهم بتكلموا عن هدف غير صحيح.

· وعبدالرحمن عبدالرسول في الاذاعة ..مخصص البرمجة كلها للحديث عن ذلك الهدف.

· الشوارع.

· الحفلات.

· التجمعات الطلابية.

· مراكز الشباب.

· مقار الاحزاب.

· كلهم بتكلموا عن الهدف غير الصحيح.

· ويا ريت التسماح لو اكلني.

· الناس ديل ما بفتروا.

· ما بزهجوا.

· معقولة – عمرهم كلو ح يقعدوا يتكلموا عن هدف وهمي.

· نحن هدف وليد طاشين الذي حرمنا من تحقيق بطولة الاندية الافريقية سنة 87 ما اتكلمنا عنو قدر كلامهم عن هدف شيبون.

· ح تعملوا لينا موضوع.

· ح تعملوا لينا (دكان ود البصير).

· نحن جاتنا (فلايت) من كلامكم الكتير دا.

· نقة – نقة – نقة.

· السنة كلها تتكلموا.

· السنة كلها تنظروا.

· الكورة ما طلعت.

· هسع يا جماعة عشان الموضوع يبقى ليكم واضح.

· عشان ما تجوا تكرروا لينا السيناريو دا مرة تاني.

· ما تجوا تعيدوا لينا كلامك دا.

· الليلة فتحوا عيونكم كويس.

· الكورة ما تطلع – تجوا تقولوا لينا ما طلعت.

· وتكبوا لينا نظريات الفيزياء بتاعة الثانوي العالي كلها.

· اتوقست.

· وما اتقوست.

· وعند الضربة.

· وبصم.

· وما بصم.

· انتوا (البصمة) بتغالطوا فيها.

· ما تغالطوا في (قوست).

· ويا ريت التسماح لو اكلني.

· نحن تاني ما فاضيين ليكم.

· ولا عندنا ليكم وقت.

· ولا بنسمع ليكم تاني.

· حركاتكم العملتوها لينا في مباراة الاتحاد ..اياكم ..اياكم تعملوها لينا الليلة.

· خلاص المسرحية دي انتهت.

· •الفيلم دا دخلناه.

· شفناه.

· ما تقعدوا تشرعوا فينا ساكت.

· ما تغشوا الناس.

· جمهوركم دا فتر.

· جمهوركم دا فقعتوا ليه مرارتو.

· ونحن ذاتو فترنا.

· جاتنا فلايت.

· جبتوا لينا وجع عيون.

· وعملتوا لينا (تسمم) من الكلام الكتير.

· عشان كدا نحن بنحذركم الليلة.

· وبنضع ليكم خطوط حمراء عديل كدا.

· ما تجونا بعد المباراة..وتقولوا لينا عندنا (ضربة جزاء).

· والحكم مفروض يطرد لاعب وفاق سطيف.

· وبكري المدينة ما تسلل.

· اوعكم – تعملوا لينا حركاتكم دي تاني.

· ما في زول بصدقكم.

· ولا في زول بيسمعكم.

· كفاية خلاص.

· ما ترجعوا تاني – تهاجموا في مجدي شمس الدين.

· خلاص اتكشفتوا.

· اتعرفتوا.

· حفظناكم حفظ.

· جمهور المريخ هو ذاتو حفظكم.

· هو ذاتو عرفكم.

· الليلة لو عاوزين تنظروا لينا تاني ..وتعيدوا لينا المسلسل التركي دا من اول وجديد.

· وتقولوا لينا الكورة ما طلعت..جيبوا لينا (قيقم).

· خلوه يعمل ليكم حفلة.

· قيقم اخطر زول.

· قيقم عندو صوت في فرقة ما في.

· جيبوا (قيقم) واعملوا حفلتكم.

· دقوا صيوانكم.

· وجيبوا ليكم (تلج) كتير.

· ودوروا من العصر.

· ربوها.

· هججوا زي ما عاوزين.

· اعرضوا.

· Çنقزوا.

· اعملوا اي حاجة.

· اصلو ما في مشكلة.

· بس جيبوا لينا (قيقم).

· وان شاءاللـه مع قيقم تجيبوا (شنان).

· ومحمد بخيت.

· على كيفكم.

· اصلو ما في زول بيسألكم.

· ولا بنقول ليكم شيء.

· نوع الحاجات دي نحن حفظناها.

· نحن عرفناها.

· وشربناها شراب.

· …………..

· ملحوظة : عندكم كلام فوق الكلام دا.

هوامش

· الكاردينال وصل المغرب.

· ومن غير شك وصول الكاردينال سوف يشكل دافع كبير للاعبين.

· رغم الانتقادات التى بنوجهها لمجلس الهلال – لكن الكاردينال ما قاعد يقصر مع الفريق.

· كفى انه حضر امس للمغرب.

· مصطفى النقر اكد في (المجهر السياسي) ان هدف شيبون غير صحيح.

· الخرطوم الوطني يمضي نحو كأس سيكافا.

· والاهلي شندي رغم من انه بيلعب بالرديف ..برضو ماشي كويس في سيكافا.

· ويقولوا ليك سيكافا بطولة.

· وبطولة جوية كمان.

· الهلال غدا يجب ان يعمل من اجل الفوز.

· التعادل ما بخارج معانا.

· البطل يجب ان ينتصر.

· اذا لم نعرف ثقافة الانتصارات خارج الارض لن نحقق البطولة.

· اجمل ما في مباراة سموحة ومازيمبي امس مجموعة الكروت الملونة التى منحت للاعبي الفريقين.

· انتصار مازيمبي امس على سموحة يفرض على الهلال ان ينتصر غدا على التطواني.

· الهلال بيبحث عن صدارة المجموعة.

· وهذا امر لن يكون متاحا إلّا عن طريق الانتصار على التطواني.

· فريق سموحة ما بجيب ليه نقطة تانية.

· ح يتجمد رصيد سموحة في نقاطه الثلاثة.

· مباراة سموحة القادمة امام مازمبي في الكنغو.

· وهي مربوحة ايضا لمازيمبي.

· ……….

· عاجل : مازمبي قضى على سموحة …يجب ان يقضي الهلال على التطواني.

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        محمد الزين

        شنو كلو مريخ مريخ فكو شوية دا ما وقت مناكفه خليك وطني 30%

        الرد
      2. 2
        مبارك

        العارف عزه مستريح

        الرد
      3. 3
        الرباطابي 71

        الليله بنجيب بن عقروب كواي القلوب اها جبنا القون انت بتكتب تقول شنو تاني خلي عندك شويه وطنيه وانتو المدمرين الرياضه في البلد

        الرد
      4. 4
        دفع الله الشريف ابوقناية

        علاقة البكا بالعجور ذى علاقتك انت مع الكتابة .. كاتب سخيف .. تستحق صفعة .. لا ارى لك مكانا مناسبا سوى ان تعمل شيال مع قيقم .. والله شكلك شيال .. انت والشيالين فولة واتقسمت نصين !!!

        الرد
      5. 5
        ود عز القبيلة

        هههههههههههههههههه الساقط التربوي دا بتكلم عن شنو ؟ انت الهلال عمل شنو بفريقة الاول في سيكافا ؟ ابقي في محلك سيب الخرطوم والاهلي شندي اصلا ديل بيلعبوا بالهيبة الصنعة الزعيم يا زنطير
        وعلي فكرة الخرطوم والاهلي اندية بتلعب في الدوري بعرقها ام انتو يا زناطير معرفين بتلعبوا بزمة الحكام .. قال سيكافا قال انت تطوله يا زنطور
        امس وفاق اسطيف اصبح صغيييييييير قدام سيده زعيم السودان وافريقيا انت البحلك شنو من التطواني الليله ؟

        الرد
      6. 6
        عوام الفادني

        صحافة صفراء

        الرد
      7. 7
        أحمد

        امس لو كان الكرة ظبطت مع عقروب فى الشوط الاول والتانى كان من الحزن شهر مانكنب ليك حرف واحد و القوون جبناه انت افدر اليوم جبب ليك كورنر واحد

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *