زواج سوداناس

شاهد بالصور.. زوجان سودانيان يفاجأن الجميع بعقد قرانهما بمهر قيمته واحد جنيه فقط.. وشروط العقد تعطي الزوجة العصمة وتمنع الزوج من التعدد



شارك الموضوع :

فاجأ زوجان سودانيان في مقبل العمر الجميع بزواج وصف بغير المسبوق, نسبة للمفاجآت الكثيرة التي صاحبة عقد زواجهما.

وقد شغل عقد قرانهما الرأي العام وخصوصاً داخل مواقع التواصل الاجتماعي.

حيث تسابق رواد مواقع التواصل علي نشر تفاصيل هذا العقد والذي دارت أحداثه في أيام عيد الفطر المبارك بحسب ما نشر الرواد.

وقد تم هذا الزواج بمدينة أم درمان وتحديداً بمنطقة الثورة الحارة 95 والتي تقع أقصي شمالي أم درمان.

زواج فيصل وآمنة وهو اسم الزوجين حمل العديد من المفاجآت كان أبرزها قيمة المهر والذي بلغت قيمته واحد جنيه سوداني فقط.

وتمثلت المفاجأة الثانية في الشروط المرفقة داخل عقد الزواج, وبحسب ما ذكر نشطاء موقع التواصل الاجتماعي فقد وضع شرط هام في العقد يمنع الزوج من التعدد في الزوجات إلا في الحالات الظروف الخاصة.

وتم وضع شرط آخر في هذا العقد المثير للجدل يتمثل في شراكة الزوجة للزوج في العصمة, مع الرجوع لمحكمين في حالة الطلاق.

وذكر الزوجان أن هذه الخطوة تأتي في إطار تشجيع الشباب علي الزواج وتبسيط تكاليف الزواج ومحاربة ظاهرة ارتفاع تكاليف الزواج ومهر الزواج.

11742835_741062456004846_5859370721050500121_n

11751815_741063709338054_3670108381516216260_n

 

ياسين الشيخ _ الخرطوم

 

النيلين

 

 

 

شارك الموضوع :

تعليقات الفيسبوك

تعليقات


48 التعليقات

إنتقل إلى نموذج التعليقات

      1. 1
        وطني السودان

        منورين.وربنا يسعدكم وإنشاء الله بيت مال وعيال

        الرد
      2. 2
        ahmed fahad

        واحد جنيه سوداني يساوى كم؟

        الرد
        1. 2.1
          Mamoun

          حينما كان جعفر النميري رئيس السودان كان يساوي ثلاثة دولارات طبعا يا اخي انا أعني الجنيه القديم !! مع العلم بأن جنيه النميري يساوي ألف جنيه من هذا الجنيه بالتالي قيمة مهر العروس اذا دفعه العريس بجنيه النميري يساوي ثلاثة دولارات وتساوي ثمانية وعشرون ألفا وستمائة وخمسون جنيه من جنيهات الأنقاذ ، وبما ان عريسنا الهمام قد دفع بجنيه البشير فعليك ان تحسبها أنت .

          الرد
          1. صحراوي

            يا مأمون خليك (فير) صاح جعفر النميري كان الجنيه يساوي 3 دورلات (لمن استولى على الحكم) لكن سؤال لك كم كان الجنيه يساوى حينما تم (طرد) نميري من الحكم !!!!! أول من سن سنة تخفيض قيمة الجنيه هو النميري !! وأول من ركع للبنك الدولي صندوق النقد هو النميري !!! والدخلها جعفر نميري في الجنيه لا يوم الليلة ما مرقت

            الرد
            1. ابو خالد الدمام

              كان ثلاثة جنية فعلا وحينما غادر نميري سدة الحكم كان 15 جنية حتى صلاح كرار قال نحن جينا عشان الدولار ما يصل 20 جنية .. تخيل يا صحراوي الدولار في خلال 16 ستة لمن يتجاوز سعره ال 12 جنية يعني الزيادة في خلال ستة عشرة عاما كان 12 جنية فقط الان تخيل سنة 1989 كان 15 الان 2500 … ايهما احسن فترة نميري ام الانقاذ …

              الرد
        2. 2.2
          مؤمن

          ياشباب الراجل سأل سؤال محدد واحد جنية بيساوى كم ؟؟؟؟ ماتبكوا على الماضى وتلفوا وتدوروا فى الاجابة نميرى وعبود وكان وما كان !!!! يا احمد فهد الواحد جنية فى السودان بتجيب ليك ثلاثة خبذات عيشات يعنى الواحدة قدر الاضان (الاذن) او عيشتين بحجم معقول والواحد جنية برضوا بجيب ليك كيس تسالى صغير وممكن فى احسن الاحوال تركب بيهو من بحرى للشهداء او من بحرى للعربى طبعا فى مينى بص دى احسن احوال الجنية ويساوى 0,1053 دولار وكان الله يحب المحسنين

          الرد
      3. 3
        Tango

        عريس مفلس و عروسه واضح من شكلها انها بايره
        يعنى اتلم المتعوس على خايب الرجاء

        الرد
        1. 3.1
          ود البطانة

          المدعو Tango انت انسان سطحي وغوغائي أتمني ان تذهب لتتعلم الأدب وإحترام الغير ، والظاهر عليك عاطل وما عندك شغلة تقضيها غير الإنترنت عشان كده انت انسان مفرغ من الداخل ومليان حقد وغل علي الناس ، مافي متعوس وخايب رجاء غيرك .

          الرد
        2. 3.2
          مدحت الهادي

          الله يبارك لكما في زواجكما ….. بس لكن يا أخي يا من تسمي نفسك بـ (( Tango )) حرام عليك والله …. كلامك هذا وكأنك على صلة قرابة أو تعرفهم وفقط تريد أن تنتقم من خلال التعليق عليهم …. ومين قال لك إنه العريس مفلس وإنها بايرة ؟؟؟ (( ومتعوسين وخايبين رجاء )) لاحول ولا قوة إلا بالله … صدقني أنت إما على صلة بهم وإما تعرفهم معرفة شخصية ….. !!!!!!
          فالنفرض كان مفلس وشنوا العيب في الموضوع ؟؟؟
          يا أخي تحرَي من أي كلمة تخرج من داخلك فإنك ستقع في الأسوأ ……..

          الرد
      4. 4
        ماجد احمد مكين

        انا داير اعرس عشرة بنفس المهر ده

        الرد
      5. 5
        farari

        أقلهن مهراً أكثرهن بركة ..بس حكاية العصمة عندها دي ما جاية وعادات دخيلة علينا .ز بالنوفيق إن شاء الله تعالي .ز

        الرد
      6. 6
        ذات النطاقين

        قالوا التعدد الا في الحالات الخاصة بس ماورنا الحالات الخاصة زي شنو ….

        الرد
        1. 6.1
          واحد كده

          لو منعها من استخدام الواتساب مثلا

          الرد
      7. 7
        محمد الزين

        الله يوفقهم

        الرد
      8. 8
        ابوهمام

        العصمة فى يدها مافى مشكلة لكن
        ما يجوز يمنعو شىء حلال
        ربنا حلل الزواج من اربعة
        والله اعلم

        الرد
        1. 8.1
          زول

          كلو بالاتفاق وارد ومافي شي ميمنعو فى الدين

          الرد
      9. 9
        عطبراوي

        الله يبارك لكم في زواجكما و يسعدكم . بس العصمة مفروض تكون للزوج

        الرد
      10. 10
        سعيد

        المهر جنيه واحد حاجه كويسه ! لكن موضوع العصمه المشتركه و منع التعدد لا لا لا لا لا ده راجل باطل ! بكره ح تقول ليك قوم أغسل العده و قش البيت و عوس الكسره و جهز Botel feeding للطفل و لو نقنقت ح تطلقك زي الكلب

        الرد
        1. 10.1
          شكري

          Botel feeding بزازة أو قنينة رضاعة.

          الرد
        2. 10.2
          تمساح النيل

          ايه رأيك نعينك مدرس لغة انجليزية …………..!؟

          الرد
          1. شكري

            شكرا يا تمساح على الإقتراح فأنا والحمد لله اعمل مترجم من ثلاتة وثلاثون عاما وفي التعليق كما يقولون غلبت عليّ المهنة, وهذه الترجمة كانت إحتجاج مبطن لإستخدام اللغة الأنجليزية أثناء الكتابة باللغة العربية.

            الرد
            1. سوداني

              تسلم استاذ شكري وبارك الله فيك

              الرد
            2. أبو الريف

              أوافقك

              الرد
      11. 11
        superman

        العروس دي الله يستر منا

        نظراتا ابداً ما مريحه شرانيه

        الرد
        1. 11.1
          أرسطو

          يا سوبرمان أنا برضو أحساسى و نظرتى مثلك – البنت دى من نطراتها ماعندها أمان – والله يستر علينا من الصنف اللى زى دى ..

          الرد
          1. superman

            تسلم يا ابو الرجال

            الرد
      12. 12
        ود حواء

        الله يوفقهم

        الرد
      13. 13
        أحمد

        ألف مبروك وبيت مال وعيال ..

        الرد
      14. 14
        احمد الكردفاني

        الله يوفقهم ونتمي ليكم بيت مال و عيال انشاء الله

        الرد
      15. 15
        هبة علي احمد

        المراة دي هي العرست الرجل دة وحا يندم ندم شديد دي مرة فقرية وكله مخالف لشرع جنيه دي بسوي شنو

        أما اشتراط الزوجة عند العقد أن يكون الطلاق بيدها فباطل لا يصح عند أكثر الفقهاء لأنه مخالف لمقتضى العقد، وذلك لأن الله سبحانه قال: الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ {النساء:34}، والطلاق فرع عن جعل القوامة للرجل، وبالتالي فإن الطلاق في الأصل هو من حق الرجل، وهذا هو الذي يتفق مع الفطرة، فالرجل هو الراعي للأسرة وبيده مفاتيح الحل والعقد، والرجل أقدر من المرأة في الغالب على ضبط عواطفه وانفعالاته وتحكيم عقله، وخاصة عندما تقع المشكلات بين الزوجين، ويثور الغضب بينهما.. وذهب الأحناف إلى جوازه إذا ابتدأت به المرأة فقالت: زوجت نفسي منك على أن يكون أمري بيدي أطلق نفسي كلما شئت، فقال الزوج: قبلت.. ويكون أمرها بيدها.
        أما لو بدأ الزوج فقال: تزوجتك على أن أمرك بيدك فإنه يصح النكاح ولا يكون أمرها بيدها لأن التفويض وقع قبل الزواج. وقال المالكية: لو شرطت المرأة عند النكاح أن أمرها بيدها متى أحبت، فهذا العقد مفسوخ إن لم يدخل بها، وإن كان قد دخل بها ثبت النكاح ولها صداق المثل، وألغي الشرط فلا يعمل به لأنه شرط مخل. يراجع في ذلك الشرح الكبير وحاشية الدسوقي عليه.
        وأما تفويض الزوج لزوجته أن تطلق نفسها بعد العقد فأكثر الفقهاء على جوازه، ونقل الإجماع على ذلك، ثم اختلفوا فيما إذا فوضها هل يتقيد ذلك بمجلس التفويض فقط فلو طلقت نفسها بعد ذلك لم يقع أم أن ذلك يكون على التأبيد ما لم يرجع الزوج؟

        فقال مالك، والشافعي، وأصحاب الرأي: هو مقصور على المجلس، ولا طلاق لها بعد مفارقته، لأنه تخيير لها، فكان مقصوراً على المجلس كقوله: اختاري.

        وأما الحنابلة فقد جعلوا ذلك الحق لها على التأبيد ما لم يرجع الزوج، أو يطأها، قال ابن قدامة في المغني:(ومتى جعل أمر امرأته بيدها، فهو بيدها أبداً لا يتقيد بذلك المجلس). ثم رجّح هذا الرأي بقول علي رضي الله عنه في رجل جعل أمر امرأته بيدها: هو لها حتى تنكل. قال (أي ابن قدامة): ولا نعرف له في الصحابة مخالفاً، فيكون إجماعاً، ولأنه نوع توكيل في الطلاق، فكان على التراخي كما لو جعله لأجنبي بقي أن نشير إلى مسألة مهمة، وهي رجوع الزوج عن جعل عصمة الزوجية بيد الزوجة هل يقبل أم لا؟ الراجح أن الزوج له حق الرجوع، وفسخ ما جعله لها، وعندئذ يرجع حق التطليق إليه وحده، ولو وطئها الزوج كان رجوعاً، لأنه نوع توكيل والتصرف فيما وكّل فيه يبطل الوكالة، وإن ردت المرأة ما جعل إليها بطل، كما تبطل الوكالة بفسخ التوكيل. انظر المغني لابن قدامة.

        الرد
        1. 15.1
          مواطن

          لما بختلفوا بعدين ويمشوا المحكمة فحتفصل بينهم وتبطل ما هو ليس قانونيا مثل الشرط الذي يحرم ما احل الله / فلا يجوز في شرع الله تحريم ما احل الله وليس الامر بالمزاج .

          الرد
        2. 15.2
          غصن الشوك

          لك التحية اختنا هبة اظهر من تعليقك انك تعملين في هذا المجال او لديك اطلاع من كتب العلماء المتخصصين و هذا الشئ انادي به على الدوام بأن يقوم كل على حسب مجاله و دراسته بتوضيح بعض المسائل الفقهية و القانونية و التعليمية ووووووووو حتى يستفيد القراء من توضيحاتهم

          الرد
      16. 16
        البرنس

        هبة علي أحمد ممكن نتعرف 0995179802

        الرد
      17. 17
        خالد

        العروس من توبها الابيض هذا
        اعتقد انهم جمهوريون اتباع الهاللك محمود محمد طه

        الرد
      18. 18
        سعيد

        يا البرنس هس ده ما تحرش عديل كده عيب كده

        الرد
      19. 19
        فيصل عزالدين محمد

        نسأل الله أن يبارك لهما ويرزقهما الذرية الصالحة .
        بالنسبة للأسعار ، الوالد عليه رحمة الله اشترى عربة بيجو 403 في العام 1971 بمبلغ 250 جنيه وفي العام 1977م اشترى تويوتا هايلكس موديل 1974م بمبلغ 950 جنيه وشوفو اليوم كم سعر الهايلكس بس

        الرد
        1. 19.1
          صحراوي

          من تاريخ عائلة آل عز الدين في سنة 1971 كان عندهم بيجو (موديل السنة) وفي عام 1977 كان عندهم تويوتا هاي لوكس (موديل 1974) لكن ما قلت لينا يا أبو العز القديم التليد عربيتكم هسي شنو وموديل كم (عشان تحديث البيانات) هههه الله يزيدكم من نعيمو

          الرد
      20. 20
        محمد

        يا tango وهبه ، شكلكم جيعانيين وعندكم نقص وعاين نوع البنزل رقمو للتعارف دا لعنة الله تغشاك البلد تتقدم كيف وانت لسه في ممكن نتعرف ؟ يا اهبل قووم لف

        الرد
      21. 21
        عباس علي صديق

        لقد انهارت دولة الجمهوريين وشريعتهم

        غفر الله للبطل الهمام الرئيس جعفر نميرى

        الرد
      22. 22
        سميه محمد صالح

        ربنا اوفق العرسان ويدوام السعاده بينهم ويجعله سعدين مبسوطين املين يا رب العالمين استر البنات

        الرد
      23. 23
        كباشي

        الظاهر العريس دا (كوكب) ومسخن عشان كده وافق على شرط العصمة.

        الرد
      24. 24
        فارس عبدالرحمن

        الله يخيبك من راجل عشان المهر واحد جنيه يخلى العصمة فى يد الزوجة يخس عليك

        الرد
      25. 25
        ود البوك

        ديل جمهوريين

        الرد
      26. 26
        كلام قصير

        العريس داخلاهو وهمة المسلسلات ( التركية )
        من شكلوا زول بسيط شديد ما صدق وقع في الحب
        والعروس طيبانه لكن ما عارفين امور دينهم
        عليك الله منو ( الغشيم ) البخلي الملكة في يد الزوجة
        ثم اشتراط عدم الزواج

        ربنا يسعدهم ويكفيهم شر العين

        الرد
      27. 27
        عثمان الاهليه

        ههههههههههههههههههههههههههه..غايتو ماعارف ولا انتو هبل ولا اتلحستوا..اكتر تعليق ضحكني حكايه العريس (كوكب)

        الرد
      28. 28
        sudani

        اقلهن مهرا اكثرهن بركة اما موضوع العصمة وعدم التعدد فقد اخطأ من جعلهما في العقد وهو خلاف الوضع الطبيعي وشروط ماكان ينبغي فرضها فالله منح الزوج حق التعدد بشرط العدل فلماذا نضيق على انفنسنا وهناك حكمة من جعل الطلاق عند الرجل فلماذا نخالفها؟

        الرد
      29. 29
        ابوعفان

        زول مقطع ساكت وفتاة بايره

        الرد
      30. 30
        الفاتح نقد

        تعقيب لاعلى كلام الاخ صحراوى :
        معقول انت الى الان مغيب يا صحراوى دولار شنو وصندوق نقد شنو وبنك دولى شنو اصلا ما فى مقارنه بالعملو نميرى والعملوه الناس ديل نهائى ما فى اى مقارنه ديل نهبوا قروش البلد عملوها فلل وعمارات وشركات واستثمارت فى ماليزيا نميرى مات بيت ما عندو تقول لى بنك دولى وصندوق نقد يا اخ قروش البلد دى وخيراتا منذ عام 89 الى الان لو كان اتوظفت فى البلد دى كان اصبح من الدول العظمى يا اخ احنا عائدات البترول بس قبل الانفصال كانت مبالغ خرافيه كلها راحت للموتمر الوطنى خزنه الدوله ما شافت منها جنيه واحدة والدليل على ذلك الحاله الوصلت ليها البلد الان ولسه الجاى كمان ادهى وامر

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *