الفاتح جبرا

قالوا عن السد !


٭ ( الرئيس عمر البشير) : سد مروي يمثل مشروع نهاية الفقر في السودان
٭ ( د. نافع على نافع ) : سد مروي إضافة حقيقية للتنمية بالبلاد
٭ (أسامة عبد الله ) : الخط الناقل للكهرباء شريان حياة جديدة يجمع كل أهل السودان
٭ (د. عوض الجاز) : سد مروي لايقل أهمية عن البترول . وهو أعظم مشروع تنموي في تاريخ السودان الحديث.
٭ (الاستاذ ابراهيم السنوسي القيادي الاسلامي) : آن الاوان ان نفخر بهذا الصرح العظيم… سد مروي
٭ (الدكتور امين حسن عمر): مشروع سد مروي يمثل دفعة قوية للبحث العلمي وتطويره
٭ (الأستاذ عبد الباسط سبدارات) : سد مروي هرم مجيد سيعيد للولاية الشمالية حقها ونهضتها وانطلاقتها وهو من اكبر المشاريع التنموية الضخمة التي ستغير الخريطة الاقتصادية بالسودان
٭ (الاستاذ فتحي خليل – نقيب المحامين الراحل) : سد مروي يمثل بشرى لكل أهل السوداني .
٭ (الصحفي اسحاق احمد فضل الله): القلم ترك الحديث للعين والكاميرا احتارت فيما حولها
٭ (الطيب مصطفى) : تقطعت انفاسي انبهارا ولا استطيع وصف مشاعري
٭ ( المهندس/ صديق الأمين صبير – الخبير السودان في مجال الخزانات) : سد مروي اكبر المشاريع المائية في السودان في الماضي والحاضر والمستقبل
٭ (بروفيسور بركات موسى الحواتي) : ما شاهدته في سد مروي يفوق كل خيالي وتصوراتي
٭ (بروفيسور مختار عجوبة): لا توجد ادنى مقارنة بين الذي سمعته عن سد مروي والذي شاهدته بام عيني
٭ (الراحل البروفيسور احمد عبدالعال): في سد مروي تكتمل لوحة الزمان والمكان
٭ (وزير الشباب والرياضة): سيحقق السد طفرة نوعية للسودان
٭ (سيد هارون وزير الثقافة والاعلام بولاية الخرطوم): ما نشاهده بسد مروي عمل وطني.
٭ (د. الصادق المهدي مستشار رئيس الجمهورية) : يمثل تدشين الكهرباء سد مروي رسالة واضحة للعالم مفادها ان السودان يمكن ان يصنع الانجازات الكبرى بسواعد وعقول بنيه
٭ (الفريق عبدالماجد حامد خليل): نحن سعداء ان نكون في ضيافة اضخم صرح تنموي سوداني
٭ (الأديب الراحل الطيب صالح) : هذا المشروع اعظم انجاز سوداني في التاريخ الحديث
٭ (علي مهدي): نريد ربط الناس عبر هذه المشاريع الضخمة
٭ (الصحفي الراحل محمد الحسن احمد): سد مروي بحق اكبر واعظم انجاز
٭ (البروفيسور علي عبدالرضي علي – وكيل جامعة السودان للعلوم والتكنولوجيا) : سد مروي الاسطورة التي اصبحت حقيقة
٭ فتحي خليل نقيب المحامين السودانيين: سد مروي بشرى لكل السودانيين
٭ (الراحل د. احمد علي الامام مستشار رئيس الجمهورية ) : سد مروي تنمية شاملة
٭ (الاستاذ الصادق عبدالله عبدالماجد): سد مروي والفوائد المتعددة
٭ (الاب انطونيوس فيكتوس – مطرانية كنيسة ام درمان القبطية : سد مروي معجزة بشرية بتسخير من الله
٭ (السيد الطيب الصافي – أمين اللجنة الشعبية للأقتصاد والاستثمار الليبي) : يعتبر أنشاء سد مروي انجازا ضخما يدل على صلابة وإرادة الشعب السوداني في تحقيق الانجازات .
٭( دكتور منصور خالد) : سد مروي مشروع ضخم وذو عائد اقتصادي وتنموي لكل السودان
٭ (رئيس وفد اساقفة الكنائس القبطية- الاب انطونيوس فيكتوس) : سد مروي معجزة بشرية بتسخير من الله
٭ (الفريق الركن بكري حسن صالح) : سد مروي اكبر مشروع تنموي يشهده السودان.
٭ (المهندس عبداللطيف ابراهيم) : مشروع سد مروي دوره اكبر اضافة للكهرباء في السودان
٭ (مدير جامعة السودان) : سد مروي المشروع التنموي الأول بالسودان.
٭ (موسى محمد احمد) : سد مروي انجاز له مدلولات كبيرة في مجالات شتى
٭(الأستاذ أبو القاسم إمام الحاج والي ولاية غرب دارفور): سد مروي هو مشروع القرن الذي سيدعم الاقتصاد والاستقرار والسلام في السودان
٭ (د. شريف التهامي وزير الطاقة الاسبق) : كان هذا المشروع حلماً كبيراً بالنسبة لنا حينما كنا في وزارة الطاقة في ثمانينات القرن الماضي
٭ (بروفيسور ميمونة ميرغني): نحن أمام حضارة تتجدد بهذا المشروع
٭ (الصحفي محمد احمد كرار) : سد مروى أعجب عجائب الدنيا
كسرة :
هل يعقل بعد كل الكلام الفوق ده (عن السد) يقولو لينا الكهرباء ما مكفية وعاوزين نزيد السعر بتاعا ؟ مش دي حكاية تخلي الزول (يستغرش) … هات الحبوووب يا ولد !!
• كسرة ثابتة (قديمة) :
• – أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+و+و+و
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+و+و+و


‫11 تعليقات

  1. الآن تأكدنا ان سد مروى عباره عن جدار مبنى على النيل وبلا فوائد
    والكلام الفوق دا كلو كلام انشائى لارضاء الحكومة والضحك على الدقون

  2. ايش المشكلة كل الكلام ما صاح لولا السد بسبب السد كم من المشاريع تحولت من الديزل للكهرباء وكم من قرية او مدينة صغيرة وصلتها الكهرباء وفارقت الظلام (لا تهمهم المكيفات ). ام المشكلة انو الصفحي الكريم انقطع عنه المكيف لساعات قليلة بسبب تمدد انتشار الكهرباء في كل السودان بعد ان كانت مقصورة على اجزاء قليلة من المدن الكبيرة.

    1. وين الكهرباء الإتمددت في كل السودان ؟ وهل هي كهرباء سد مروي أم كهرباء من بروق السُحُب الشايلة في الخريف؟ ألم تسمع ما قاله وزير الكهرباء لتبرير (رفع سعر الكهرباء على المواطن ) أن كهرباء سد مروي لا تكفي لإنارة الخرطوم؟ راجع كلامك دا وورينا ياتو كهرباء دي الإتمددت ، وللا تقصد إنكمشت وكانت النتيجة إنقطاعها خلال شهر رمضان ” وعذّبت الناس عذاب”؟

    2. خخخخخخخخخخخخخخخخخخخخخخخخخخخخخخخخخخخ

      جدادة الكترونية

      خخخخخخخخخخخخخخخخخخخخخخخخخخخخخخخخخخخخ

  3. المشكلة مافي السد السد فيه مشكلة فنية لضعف في مواصفات النواقل من المولدات إلى الششبكة واستغلال الوضع لزيادة دخل الحكومة للصرف الحكومة الجديدة المترهلة
    فيها كم وثلاثين وزير وكم وكم مساعد رئيس وكم مستشار ونائب العدد زاد الكيكة صغيرة مسكين وزيرالكهرباء شيلو وش القباحة

  4. والله يا فارس عبدالرحمن كلامك عين الحقيقة فهذا السد مجرد جدار علي النيل وجلبت الأضرار البالغة لسكان الشمال بأن منعت عنهم مياه الفيضان التي كانت تغمر الجروف ليستفيد منها البسطاء في زراعة الخضار وأعلاف البهائم وكثير من المنتجات التي يعتمدون عليها في حياتهم ايومية – فهذا المشروع أصبح كابوسا لأهل الشمال حتي أن لون الماء تغير إلي اللون الأزرق بدلا من اللون الأزرق المعروف عن المياه – حسبي الله علي كل ساهم في تدمير القرى التي كانت تعيش في أمن وأمان قبل مجي هذا الكابوس – وعليهم من الله ما يستحقون

  5. الاموال التي نُهبت تحت كواليس هذا المشروع ودخلت حسابات وبطون بعض الافراد كافية لانشاء دولة حديثة مكتملة البنيات….
    فصبراً ليومٍ تُرجعون فيه الي الملك الحق……….

  6. جماعة من ديل مغشوشين وبعضهم مخلوعين و اخرين منافقين وكلهم اكيد يكونوا حسع خجلانين

  7. يا اتاذ انت نسيت القول الوحيد الذي اصاب الحقيقةوهو ماقاله المهندس مكاوي ولم يفسره( كهرباء السد لن تدخل الشبكة حتى يلج الجمل في سم الخياط ) هذا رجل مختص في الكهرباء اما اقوال الاخرين فهي لا تعدو الاعجاب بالمظهر
    يبقى علينا ان نبحث عن تفسير مقولة الباشمهندس حتى نعرف السر المفقود او الكنز المفقود ويلا يا مهندسين ورونا الحقيقة

  8. في حاجة ما ذكرتها شباب المؤتمر الوطني قال ؛ الرد الرد السد ……

  9. السلام علي الجميع
    بغض النظر عن الكلام الاتقال عن السد صحيح او خطاء , فعلي ام تكهنات , يقف علي ارض صلبة اساسها مواصفات فنية او غيرها …………..زز وبغض النظر عن كل التصريحات التي تخص الانتقاد للكهرباء ممثلة في ادارتها , ولسع الحكومة بكافة الاساليب فيما يخص الخدمات عامة
    فقط اريد ان اقول للاخ عارف وفاهم انني من ابناء منطقة صغيرة ومتواضعة جدا في الولاية الشمالية وافرع الاسرة امتدت حتي ولاية نهر النيل ……..ز لم نعرف المدن الا للدراسة والعلاج والعمل ….. ولم نعرف الكهرباء في بيوتنا ,,,,,,,,,
    ماكنا عارفين الكهرباء بتقتل كيف , ولا اللمبة دي بتنور كيف ,,,,, ناهيك عن الثلاجة والغسالة
    الان الحمد لله هذه القرية البسيطة المافيها زول قلبو اسود علي زول في كل بيت في نور ومروحة وبالليل ماف ونسيني ولا رتينة والدكان فيه تلج للبيع وبعض ميسوري الحال جابو التلاجة والمكيف (بالمناسبة المكيف ده بكيف 25 لي 30 فرد في نهار رمضان من الحلة سااااااااااااااااااااااااااااااااااااااااي )
    فيا اخي العارف الفاهم لعلمك توجد 65 قرية (هذي التي نعرفها ) كلها الان تري فيها اعمدة الكهرباء …….هذي شهادة حق لمن طرق الباب وادخل الكهرباء مايهمني منو (اسامة , مكاوي ,,,,,,,,,,,,,, زيد او عبيد بهمني انو اطفال جيل الكهرباء بحضرو التلفزيون في بيوتهم )
    انشاء الله الاخ الفاهم العارف تكون جربت تحضر التلفزيون في النادي او في الفسحة بكهرباء بابور ماتعرف تسمع التلفزيون ولا البابور ولا الناس الجنبك ده اذا اصلا لقيت طريقة تقعد قريب )
    والاطرف ان التلفزيون بقيف الساعة 10 يعني كلها 3 او 4 ساعات اذا ما كان في شكلة في القناة التلفزيونية ……
    والناس الاسي بتتكلم عن قطوعات الكهرباء في رمضان بتتكلم عن مكيف وموية باردة ما اتوجدت في رمضان ,,,, وناسين انو في ناس عايشين من غيرها اساسا ,,,, ضل الرقراق ليهم ملجا في عز الزنقة نهار رمضان