سياسية
ترتيبات لإعلان وحدة الاتحاديين من « لندن»
كشفت مصادر عليمة عن ترتيبات تجري بالعاصمة البريطانية لندن لإعلان وحدة الإتحاديين عبر إتفاق بين الإتحادي الأصل والإتحادي جناح الدقير. ورجحت المصادر مغادرة قيادي إتحادي رفيع إلى لندن الأسبوع المقبل للقاء مع مولانا محمد عثمان الميرغني بذات الخصوص، وأشارت ذات المصادر إلى أن خطوة الوحدة ستبدأ بتوحيد الهيئة البرلمانية والمجالس التشريعية بالولايات .
وقالت المصادر إنه تم تكوين لجنة عليا تضم (10) أعضاء برئاسة نجل الميرغني محمد الحسن ودكتور جلال الدقير لمتابعة ترتيبات الوحدة.
صحيفة آخر لحظة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
يا راجل حيتحدو عديل كدا . عشان يعملو شنو بعداك . وانا نفسى بس يوم اسمع عن البسمو مولانا الميرغنى فى خطاب جماهيرى . عشان نعرفو بتكلم ولاصورة متحركة ساى وبقولو مولانا على ياتو اساس اى كتبة واسهاماته ليستحق هذا اللقب . وبعدين الاتحادين ديل سماسرة سياسة من الطراز الفريد وبشتروهم ناس الموتمر الوطنى بى القروش وانا عايشت صفقت شراهم فى 2007 . حيث تم شراء الحزب الاتحادى عن طريق صفقة بواسطة اخو الدقير باسم شركة جاكوب لاكو الدقير شالت قرض من مصرف التنمية الصناعية بمبلغ سبعة مليون يورو من غير ضمانات بتسهيل من ادارة سياسية علية ببنك السودان . وععجز الصفقة واخو الدقير الان حر طليق بعد ان اعلن افلاسة . تخيلو معى ولو فى اتحادى عندو راى نرسل ليهو المستندات
فى لندن عديل
ماشة معاكم باسطة
ديل اكبر مصيبه اصابت السودان من قبل الاستقلال وياريت يتحدوا ويدخلوا الانتخابات البريطانيه ويختونا كدا ولا كدا بلا ميرغنى بلا دقير غير مدقرين للبلد ما عاملين اى حاجه لصوص من اجدادهم غير العيش على اكتاف الغلابه ما بيعرفوا حاجه ولامين ليهم عطاله حواليهم للنفاق مولانا شنو وسجم شنوا يملاكم جرب ومرض زى ما مارضننا الله يعلكم علل وكلام فارغ
نفسى اقرأ كتب ولا اسمع محاضرات تجعل من هؤلاء المسوخ مولانات و كلام اقتنع بيهوا انو الدلومات ديل بيفهموا فى الدين و السياسه و حتى البعير ارقوزات خلفها البريطانيين للسيطره على عقول البسطاء والجهل واكل اموال واملاك الناس بالباطل ومتمسحين ومنعمين وما اظن بيحسوا بالحاصل فى البلد و….و….الله يشغلكم بأنفسكم وتتقسموا لى عشره احزاب .كأنما اتفاقكم فى مصلحتنا قوموا لفوا كدا لا كدا وشوفوا ليكم فته وارقدوا نوموا.سجم فى مرض
اجمل حاجة انو الاجتماع في لندن , علشان مولانا ما يتعب و يجئ بلدكم الكلها تراب و كتاحة و كهرباء قاطعة كمان , عفيت منك يا مولانا , اعدتنا الى زمن العبيد و الاماء من جديد تحت راية الديموقراطية الحديثة .
من يهن يسهل الهوان عليه .