اقتصاد وأعمال

السودان يستعد لاطلاق مشروع “غذاء العالم” بتكلفة 50 مليار دولار لانشاء “النيل الأخضر” وزراعة 10 ملايين فدان


يعتزم السودان إطلاق أكبر مشروع زراعي في العهد الحديث على مستوى العالم ويشمل المشروع ما يشبه بتحويل مجرى أحد فروع نهر النيل “أطول نهر في العالم” وهو النيل الأبيض مما يساهم في ري وزراعة نحو 10 ملايين فدان.

وتضم مساحة مشروع “غذاء العالم” أجزاء واسعة من أربعة ولايات سودانية(شمال دارفور، شمال كردفان، الشمالية ، وولاية الخرطوم).ويهدف بالإضافة لمياه النيل للإستفادة من مياه الأمطار عبر تقنيات حصاد المياه.

وتتلخص فكرة المشروع بحسب البروفيسور عمر التاج الإمام الأستاذ بجامعة النيلين “شق قناة من النيل الأبيض في مدينة جبل أولياء جنوبي العاصمة السودانية الخرطوم لتعبر القناة حتي مدينة الدبة في الولاية الشمالية عند مجرى النيل الرئيس وربطها بكل من دلتا وادي المقدم ودلتا وادي الملك وربطها بوادي هور في ولاية شمال دارفور ).

وقال المهندس عثمان حيدر وفق تصريحات سابقة نشرها موقع النيلين أن طول مجرى النيل الأبيض الجديد سيكون 470 كلم بدلاً عن جريان النيل الابيض في المسار القديم والذي يقطع حوالي 1700 كلم بعد إقترانه مع النيل الأزرق في مقرن الخرطوم.

وقال مسؤول حكومي رفيع المستوى فضل حجب إسمه لموقع النيلين “أن دراسات المشروع لم تكتمل بعد وتشير أن تكلفة المشروع تبلغ حوالي 50مليار دولار والرقعة الزراعية ستكون حوالي عشرة ملايين فدان تمتد في أربعة ولايات سودانية وهي أراضي خصبة للغاية ولم تزرع منذ خلق البشرية) ويضيف المسؤول الحكومي أن (الإسم المتفق عليه حالياً للمشروع هو “غذاء العالم” وسيتم إطلاقه قريباً ويتوقع أن يجد تمويلاً من صناديق الإسثمار العربية والعالمية نسبة للحوجة الماسة للغذاء في العالم وما يحققه المشروع من أرباح عالية). ويضيف المسؤول الحكومي أن تفريعة النيل الأبيض الجديدة تسمى “النيل الأخضر” وذلك وفق الدراسات والتخطيط الجاري منذ أكثر من 15 عام.

وبحسب دراسات المشروع التي إطلع النيلين على جزء منها يشمل المشروع زراعة القمح وقصب السكر والخضروات الأورغانك والفواكه والأعلاف بالإضافة لتربية المواشي على الطريقة الهولندية وإنتاج وتصنيع الألبان واللحوم وكذلك زراعة أحزمة غابية تشمل حوالي 15 مليون شجرة هشاب وطلح(يشير موقع النيلين أن معظم الصمغ العربي في العالم ينتج في السودان من شجرتي الهشاب والطلح وأن الصمغ العربي يدخل في عشرات الصناعات الهامة وحتى المشروبات الأمريكية مثل الكوكا كولا والبيبسي تعتمد على الصمغ العربي وهو من المنتجات التي تسمح الولايات المتحدة الأمريكية بإستيرادها من السودان رغم الحصار والحظرالإقتصادي الأمريكي المفروض على السودان).

والجدير بالذكر أن الولايات المتحدة الأمريكية قد خففت العقوبات التقنية والزراعية الموجهة ضد السودان في الأيام الماضية.
وتشير الدراسات للإستفادة من التقانات الحديثة في زراعة المشروع مثل الري المحوري والزراعة بالطائرات من دون طيار التي طورها أحد علماء السودان الشباب في الأونة الأخيرة.

ويتوقع خبراء أن يجد المشروع دعماً من أوربا وأمريكا نسبة لأهميته القصوى في سد الفجوة الغذائية في العالم.
بينما أشار بعض الخبراء لضرورة الإستفادة من جمهورية مصر لخبرتها في شق الترع والقنوات الكبيرة وأخرها مشروع قناة السويس الجديدة بالإضافة للخبرات الزراعية المصرية.

الخرطوم/معتصم السر/النيلين


‫57 تعليقات

  1. كدى هسى ازرعو مشروع الجزيرة الجاهز وفية ترع مشقوقة جاهذة غالبكم تجيبو ليكم كم الية لنظافة الترع او جعلها خرصانية لتقليل الفاقد . وانا شفت مكنة المانية بتزرع حوالى فدان فى ربع ساعة وكذالك فى الحصاد يعنى لو جبتو ليكم 100 مكنة ذى دى بتزرعو مشروع الجزيرة كلو. وبعدين النيل

    1. فلسفة الأعور علي زرقاء اليمامة
      علي قولك مشروع الجزيرة ماقادرين علي لمن يقدرو علي مشروع العالم هذا غايتو إلي كان نمشي نبيع الرئيس وكافة الوزراء بالسوق الأسود إذا في حد بشتريهم اصلاً ونجيب بدلاً عنهم ناس نتنياهو ولابلير ولاكان كلنتون عشان يتحقق هذا المشروع

    2. ليس هناك جدوى من هذا المشروع وهناك بدائل كثيرة :
      يمكن سحب المياه من بحيرة سد مروي لري الأراضي في الشمالية الكبري.
      المناطق البعيدة في الولايات الأخرى يمكن ريها من المياه الجوفية طالما سيتم الاعتماد علي ري الرشاشات. وبذلك يمكن توفير 90% من هذا المبلغ (المستحيل) أصلا.
      حكاية الري بالطيارات دي حلوة .. طيارة تكون عايزة ليها وقود وتكلفة تشغيل بي 1000 دولار عشان تسقي ليها كم متر !!

      ما أسهل التنظير تحت المكيفات في عز الصيف !!

  2. شاقى السودان من اولو لى اخرو وفى اخصب المناطق النيل الزرق . عملتو فيها شنو

  3. ينما أشار بعض الخبراء لضرورة الإستفادة من جمهورية مصر لخبرتها في شق الترع والقنوات الكبيرة وأخرها مشروع قناة السويس الجديدة بالإضافة للخبرات الزراعية المصرية.
    .
    .
    يعني عمالة وارتزاق لصالح المصريين
    اكيد السيسي هدد البشير لانفاذ هذا المشروع
    ماذا عن مدن وقرى النيل الابيض التي ستموت ويتشرد اهلها

  4. الكيزان ليسوا مؤهلين علميا ولا اخلاقيا ليسمح لهم الشعب بأمر عظيم مثل هذا
    كفاية ما تم تدميره

  5. من غير ديون … من غير شحده
    وبالامكانيات المحلية …خطوة …خطوة يمكن تنفيذ المشروع بأقل تكلفة …عن طريق الأنابيب وليس الترع ، ودون تأثير على مجرى النيل… بالتدريج وإدخال طرق الرئ المحوري وليس الانسيابي..
    والخير يعم البلاد والعباد ..من غير مصريين أو غيرهم… لكن الأول استفيدوا من الجاهز زي ما قال الأخوان

  6. بتكلفة 50 مليار دولار … هههههه. . من أين سيتم الحصول على هذا التمويل الضخم … سد مروي بالعافية تم الحصول على 2 مليار دولار
    ومن الذى سيعطي ضمانات حتى يستخدم هذا المبلغ لو تم الحصول عليه في المشروع نفسه ..

  7. انت نجحتوا وعملتو شنو في مشروع. الجزيرة وطوكر والمشاريع الأخري
    نجاحكم كان شنو إشان
    نقفز لمشروع وهمي اخر
    العندكم جاهز غلبكم بالفساد
    ووالبيروقراطية وتكسير مجاديف الناس بالهمبته ونقاط
    التحصيل والزكاة الاجبارية والضرائب

  8. ربع قرن من الكذب والنفاق امشوا
    يا اخي فكونا بعد غنيتوا عايزين شنو ؟
    حسبي الله منكم .

  9. مشروع الجزيرة مشروع الجزيرة .قديتو راسنا بمشروع الجزيرة
    المشروع المقترح فيه استثمارات شركات كبيرة لها امكانيات ممالية وتقنية عالية
    ومشروع الجزيرة اصبح ماكلة لعرب الجزيرة . بياخدو سلفيات وببيعو محصولهم وما بسددو السلفات التي عليهم
    عايزين الحكومة تعفيهم كل مرة .حتي اصبحت هذة الحالة سمة ثابتة

    1. مسكين المدعو كيمو كيمو. تلقاك جائي من أطراف السودان وتفتخر لو كنت ساكن في العشوائي في أطراف الخرطوم، وليس بعيد أن تكون حاقد على اهل الجزيرة لأنهم أول من تعلموا في السودان ياجاهل والجزيرة والخرطوم أول من تكونت فيها هوية السودان وباقي الأطراف لسع في قبليتها وجهويتها وتخلفها، أهل الجزيرة معدن نفيس ونادر في السودان لا يهمهم تطاول السقط واللمم من أمثالك. عذراً لأهل السودان الشرفاء عن هذا الأسلوب لأن أمثال كيمو ولا بيمو المتستر هم سبب تخلف السودان.

    2. انتا اول افهم الموضوع يا كيمو

      المشروع دا قديم من زمن حرب الخليج وكان مفروض يتم بدعم من الكويت ويمر بغرب امدرمان … انا القدامك دا كان عندي عشرين فدان …قام البشير وقف مع صدام قامو الكويتين الغوا الموضوع …..

      زي ما قالو الجماعة مشروع الجزيرة قاااعد

  10. يا ابو عفان يا معفن
    لو لا الحكومة دي هسع كنت قاعد لاجي في دولة جوار

  11. مفروض مشروع الجزيرة دا يتم تحويلة الي نظام الزراعة المطرية
    مشروع كل مرة الحكومة تاهله بمبالغ طائله
    ويجيك عرب الجزيرة يزرع ليك بصل وبتيخ
    السودان مستفيد شنو من المشروع دا
    وليه خزينة الدولة تدعمو مرة بعد مرة والنتيجة صفر

    1. لولا الجزيرة ماكنت تعرف القراءة ولا الكتابة وما كنت تحلم تشوف ليك حاسوب

  12. مشروع النيل الأخضر مشروع رائد وهام جداً ، ولكن ما بالنا نشطح وندّخِل البلد في دوامة جديدة من الديون ، والأحسن العمل على إنهاض مشروع الجزيرة وحل( حل ) مشاكله بين المزارعين والإدارة ومشكلة الري الضائع وتعيين الكفؤ الأمين في إدارته ، وبعدين نفكِّر في مشاريع تانية لا أُريد أن أتكلم عن القروض ربوية أم غير ربوية ولكن يكفي ما أُنشئ من القروض ولم نرَ بعد نتائج مُرضية مثلاً سد مروي الذي هللنا لقيامه أيّما تهليل وأخيراً يطلع علينا وزير الكهرباء بأن إنتاج سد مروي من الكهرباء لا يكفي لإنارة الخرطوم (لا أدري الخرطوم المدينة أم الخرطوم الولاية) ولو كانت الولاية نقول معليش لكن لو( المدينة) فهذا شئ عجيب وغريب!!!
    لذلك نؤجل مشروع النيل الأخضر ونصلّح مشروع الجزيرة ونعيده سيرته الأولى ، وبعدين يُنظر ويُفاد في قروض أُخرى لمشاريع أخرى.

  13. حبيبي مشروع الجزيرة دا تاني ما بتصلح
    زمان ايام القطن كانو مسمنو الذهب الابيض كان المشروع له جدوى اقتصادية بالنسبلة للحكومة عشان كدة الحكومة كانت بتدعم المشروع
    الان التركيبة المحصولية ليست لها جدوي اقتصادية بالنسبة للدوله
    والدولة في الفترات الاخيرة قدمت دعومات واصلاحات ولم تتلقى اي ايرادات من المشروع
    المزارع فط المستفيد
    ليه الدولة حتدعم مشروعات ليس له اي ايرادات للدولة

    1. مسكين ما لقيت ليك زول يرد ليك
      ظاهر من طريقة كتابتك بتفتش للمشاكل

  14. حيكون زى مشروع ترعتى كنانة والرهد لزوم فرض ضرائب جديده علي المواطنين

  15. كل المعلقين ناس اى كلام وانا اقترح باب التعليقات لانو بصراحه معظم المعلقين لهم موقف من الحكومه وما يعجبهم العجب او فاقد تربوي

  16. كل المعلقين ناس اى كلام وانا اقترح قفل باب التعليقات لانو بصراحه معظم المعلقين لهم موقف من الحكومه وما يعجبهم العجب او فاقد تربوي

  17. اوع يطلع النيل الاخضر دا هو اخو الوادى اخضر المرمي في الصقيعة داك؟؟
    لو كدا الرماد كال حماد

  18. السودان في الوقت الحالى مامحتاج لمشروع زي دة سيبو النيل في حالو يعني في انهار وديان موسمية استفتو شنو منا

  19. دي بعد النفرة الزراعية والنهضة الزراعية فرصة مأكلة جديدة ..

    هو نحن هسه جنب النيل القاعد ده زرعنا عشان نزرع تفرعاته ..

  20. الفكرة جميلة ولكن ينبغي تأهيل المشاريع الموجودة تأهيلا جيدا وتطويرها وتحسين حالة الكهرباء وتعبيد الطرق بعدها نفكر في مثل هذه المشاريع الضخمة بدلا من تشتيت الجهود

  21. تاني رجعنا للكلام دا
    قبل يومين كان فيه نقاش حاد ولعنا المهندس كذاب ومتبني فكرة غيره وانتفده البروف .ز وشنو تاني طلع متبنايه الحكومة ..
    نحن في الاول نزرع الجزيرة السوكي الرهد سندس السليم البطانة السمالية بكافة مشاريعها حرم دي تكفي افريقا كلها قمح وويكة وفواكه نحلي بيها ونشبع و نندش باااااع وما سالين في العالم ..
    لكن بحاجات زي دي والله تغطسوا حجرنا لا قديم يرجع لا جديد يتم ..

  22. إيته الحكومة ماذا سوف تفعلين بالنيل القديم هل سيتم إلغائه بدفنه إلي الأبد ام سوف يترك كما كان ام سوف يتم بيعه ام سوف تتم خصخصته
    شكلها الحكومة ناوية أن تقرق هذا الشعب حينما فشلت في الإبادة

  23. و الله انتوا اكبر مسخرة في تاريخ السودان , و انا مستغرب ياتو مستثمر ولا بنك حا يقبل يدي دولة 50 مليار و هي فاشلة في المحافظة على اكبر مشروع مروي في افريقيا و بتستورد طماطم من الاردن الما عندها موية !! .

  24. التعليقات معظمها روحها انهزامية والمشروع اكبر من طاقة البلد في الوقت الراهن

  25. الخطة الخمسية للتطمين المواطن

    عاش المؤتمر الوطني متشبثا بالسلطة

  26. الشكر جزيله علي هذا المقال ولكن اودو ان اصحح معلومة صغيىره جدا حتي لا يفهم المشروع بانه تغيرا بمسار النيل الابيض
    اولا : هذا النهر او النيل الجديد يشمل ولايات كردفان والنيل الابيض والخلرطوم ونهر النيل والشماليه وشمال دارفور
    ثانيا : يمتد من جبال النوبه ويشمل جميع روافد خور ابو حبل ويمتد شمالا حتي يلتقي بدلتا وادي الشبيك ويمتد شمالا الي وادي المقدم .
    ثالثا : تحويل مجري النيل الابيض يؤثر علي ميزانية المياه سلبلا في بوحيرة خزان مروي بي فائق يقدر حوالي 20% وبالتالي فان تغير مسار النيل الابيض من الخرطوم الي الدبا يعني ببساطه تدفق مياه النيل بسلاسه الي بحيرة ناصر شمالا وضياع حقوق كبيرة من نصيب السودان من مياه النيل .
    رابعا : القنوات المقترحه من النيل الابيض لتغذية المجري من النيل الجدديد تكون للاستفادة من المياه الزائدة بموسم الفيضان علما بان المجري المقترح يقع تماما في مجري قديم بالنيل الابيض وذلك حتي لا بكون هنالك اشكالا وتدخلا في اتفاقية مياه النيل
    خامسا : المساحات المقترحة والتي تم تحديدها اكثر من ماهو معلن عنه
    اخيرا : ولكم الشكر والتقدير علي ما قدمتوموه من صخب اعلامي لهذا المشروع الهام
    عمر التاج عمر الامام

    1. و الله يا باش مهندس عمر مافي زول استراتيجي زيك في البلد دي زيك !!
      ما بتدي حريف …

    2. بعد السلام للبروف الهمام عمر الامام

      ان بلغك مكتوبي هذا وتماديت في دعمك لهذه الفكره المشؤمه فاعلمن انك تمالي من عينه علي مافي يدك سواء علمت ام لم تعلم عليه ليس من الحكمه ان تدعم فكره هي في الاصل تضر بالبلد اكثر من نفعها لانني اعلم ببواطن الامر من الناحيه الجيولوجيه ومن الناحيه السياسيه ومن النواحي الاستراتيجيه لحصه المياه لكل البلدان التي تتشارك النيل العظيم.

      اولا: ماهي العلاقه بي هذه الفكره الخبيثه من جهه ومساعي المصريين الحثيثه لجلب مياه نهر الكنقو عبر النيل الابيض الي مصرمن جهه اخري خاصه وان مصر شرعت بالفعل في هذا المسعي وبداءت بالدراسات الفعليه بعد سد النهضه.

      ثانيا:كم هو ايراد النيل الابيض في اوج الفيضان كما تقول وكم من المياه سوف تصرفها الي المجري المزعوم والذي يعبر صحاري رمليه جدباء ذات مساميه عاليه فقيره من معادن الطين ذات العناصر الازمه للنباتات.

      ثالثا: سنين عددا والسودان يعاني من عدم وجود الخزانات والترع الازمه لتخزين والاستفاده من حصه السودان من مياه نهر النيل والتي تذهب لمصر كامله غير منقوصه ولكن بعد ان من الله علينا بخزانات انشاءت واخري مقترحه للانشاء علي مجري النيل الحالي والتي من المتوقع ان تمككنا من تخزين والاستفاده من حصتنا في النيل في الكهرباء والزراعه والسياحه وغيرها نجد مثل هذه الفكره الجهنميه التي تريد ان تعبر المياه لمصر دون المرور بمنطقه الخزانات الحاليه والمستقبليه وهذا ما يجعلنا نري فيها تهديدا لامننا القومي.

      رابعا: المجري الحالي للنيل هو المكان الامثل الذي وجده النيل كي ينساب فيه الي الشمال البعيد تاركا ما تزعم الفكره الخبيثه انه المجري القديم وهذا جيولوجيا يعني ان الطبيعه المائيه والجيولوجيه هي من يحدد مجري النهر وليس من يقود هذه الفكره لان الطبيعه لاتقاوم .

      خامسا: لماذا اتت هذه الفكره في هذا الوقت بالذات (خاصه بعد قيام سد النهضه واثاره السالبه علي مصر) والتي مبررها صرف المياه الفائضه الي الصحراء حسب الاغراض المذكوره فيها وهنا اتساءل الم تكن مياه النيل الابيض تنساب منذ الازل من غير اي اضرار تذكر علي السودان اليس النيل الابيض هو من ترتوي منه بعض الاراض المزروعه علي ضفتيه الان صار نقمه وصار لابد ان نتخلص من مياهه في الفيضان في الصحراء مهدرين بذلك كميات مهوله من المياه والدولارات في امر لا طائل منه بل فيه كل الشر.

      سادسا: هل فكر القائمون علي هذه الفكره الخبيثه ان اهل منطقه المقرن الجديده المقترحه لايرغبون ولايريدون ان يكونوا مشردين من الارض التي عاشوا فيها سنين عددا وتكون ارضهم هي من يصرف موارد السودان المائيه لكي ينتفع بها غير اهلها السودانيين او تذهب الي المصب في المتوسط .ثم ان المناخ في الصحراء ليس الانسب لزراعه معظم النباتات عدا القليل منها وهي موسميه الانتاج .

      سابعا: وادي هور وادي قديم الان جاف وليس له اي مياه يرفد بها النيل من سنيين عديده قديما كان يتجمع من اعالي دارفور وشاد وينساب عبر الصحراء الي الشماليه وليس كما تزعم الفكره الخبيثه ان الفرع المقترح سوف يلتقي به بل نجد وادي هور يصل الي النيل الحالي في منطقه الباجا في الشماليه الي الشمال من منطقه المقرن الجديده المزعومه ولكن زج به كي تدعم به الفكره وتسوق للاقناع بانها فكره ذات جدوي ماهذا الترويج غير الموفق. وكذلك وادي الملك وادي قديم وهو الان جاف تماما وليس له من مياه يرفد بها المجري الحالي دعك من القناه المشئومه المقترحه حديثا.

      ثامنا: ماذا دهي الانسان السوداني وجعله يعمي عن الاراضي المنبسطه علي ضفتي النيل الابيض والمشاريع الزاعيه الجاهزه للزراعه والتي فقط تحتاج المحراث والحيب والماء الذي يراد له ان يذهب الي ارض الغير كي يعود ريعه الي غير اهله لا والف لا نحن من نحتاج الي هذا الماء وهو حصتنا نريده لانه ثروتنا وثروه الاجيال القادمه اذا احسنا استخدامها انها فعلا ثروه قوميه.

      تاسعا: اذا كانت الفكره ليس خبيثه فانه من الافضل ان نشق ترع من النيل في المنطقه التي الي الشمال بعد الخزانات القائمه حاليا والمقترحه مستقبلا ومنها تاخذ المياه الي الصحراء غربا من غير ان نوصلها بالنيل مره اخري وبالتالي نسقي بها الصحراء وليس ان نعمل معبر نهرب به المياه متجاوزيين الخزانات لتلاقي النيل مره اخري.

      عاشرا: لا اعتقد ان شعب السودان الذي طرد الاستعمار سوف يقبل مثل هذي الافكار التي تريد ان تلهيه عن هدفه الواضح وهو استغلال الثروه المائيه والارض الزراعيه التي يملكها حاليه والهائه في امور انصرافيه ليست زات جدوي اقتصاديه وبالتالي تضيع عليه فرصه تعمير ارضه البكر الحاليه في النيل الابيض والجزيره وكنانه والرهد ويظل يركض خلف نهر مزعوم يصب خيره في ارض غيره لا والف لا جيولوجيا وسياسيا واقتصاديا لا توجد فرصه نجاح واحده لهكذا مشروع تخريبي في السودان.

      دمتم بالف خير
      جيولوجي حادب علي مصلحه الوطن السودان

  27. يعتزم السودان إطلاق أكبر مشروع زراعي في العهد الحديث على مستوى العالم ويشمل المشروع ما يشبه…………………………………………………………………………….هههههههههههههههه…………………………………………………..زى ترعة الرهد وكنانة………………………………………………………………..زى ترعة الرهد وكنانة………………………………………………………………..زى ترعة الرهد وكنانة………………………………………………………………..زى ترعة الرهد وكنانة………………………………………………………………..زى ترعة الرهد وكنانة……………………………………………………………….زى ترعة الرهد وكنانة………………………………………………………………..زى ترعة الرهد وكنانة………………………………………………………………..زى ترعة الرهد وكنانة………………………………………………………………..زى ترعة الرهد وكنانة………………………………………………………………..زى ترعة الرهد وكنانة…………………………………

  28. الموضوع بدأ بالنيل الاخضر وهذا الامل الاخضر المنتظر .. ويمكن أن يساهم المشروع في جذب خبرات مدخرات المغتربين و(تمليكهم) شركات زراعية صناعية .. وهنيئاً لوطن النيل هذا المشروع الكبير والحلم الحقيقي .. فجروا امكانيات الزول وودعوا (مواعيد) مستثمر اجنبي ونقول يمكن نحن الما جينا .. ودا جن شنو عندما يقطع من اللحم الحي وجروف مقالدة النيل وسط العاصمة وتهدى لمستثمر اجنبي وبعد كده مو راضي . لا أمل في دعم امريكا واوربا لهذا المشروع وكل المطلوب البعد مننا.

  29. كدة معناها كل مزارع يسلموهو حواشتو ومعاها طيارة ورموت كنترول وهيا علي العمل ههههههههه

  30. زي إبل الرحيل شايلة السقي وعطشانة – الناس علي النيل وماقادرة تشرب ازمة مياه في العاصمة وليس في الأطراف

  31. هل تذكرو ترعة الرهد كان مشروع فاشل!!!!!!!
    اخاف ينتهي النيل الاخضر الى حوض من الرمال ويضيع الحلم الوهم والطقس هل طقس زراعي ارجو استخدام العقل

  32. الكلام ساااااااهل ياربت يكون حقيقة وباريت مشروع الجزيرة يرجع زي زمان ياريت كيمو كيمو يفهم انا الجزيرة هي ارض كل السودان بكل قبائله وياريت المؤيدين للحكومة يتعترفوا بوحود اخطاء حتي يتم اصلاح وناس المعارضة يعترفو ا بوجود اخطاء من الكل يجب تلافيها مشروع الجزيرة يحتاج لقائد حكيم وشخص امين ومثابر ولا بعرف المحامله ولا يخشي الا الله في الحق العام وكذلك كل مشاريع السودان الاخري دلتا طوكر مشاريع الاعاشه النيل الابيض مشاريع جبال النوبة مشروع السليم …………….ياربت نكون يده واحده من اجل كل السودان

  33. زراعة في عينك اولا يجب اصلاح مشروع الجزيرة فورا وبعدين نعيش علي احلام اليقظة

  34. خلاص كملت الواطه الناشفة قبلتو علي النيل يعني كل الارض البعتوها دي ما كفايه عايزين تبيعو النيل عملتو شنو في المشاريع الموجود اصلا زرعتوها استفتو منها دمرتو الزراعه و شرتو المزارعين و تجو بكل وقاحة تقولو عايزين توجدو اراضي زراعية جديدة و الله ده باب مأكله جديد زي المدينة الرياضية و بعدين خمسين مليار دولار يامفترين دايرين تعملو المشروع ده في كوكب المريخ و لا دايرين تزرعو في القمر لا جبتوها كبيره والله المره دي عليكم الله كان لميتو 50 مليار حاسبون ادو كل سودان قروش قصاد حق في الارض و نفضي ليكم السودان ده ان اشاء الله تعملوه جنبه

  35. مصر .. مصر .. مصر

    ياخي مصر شنو ، اليابان ياخوانا شقو الجبال وزرعو

    ياخي جيبو تجارب عالميه المصرييين ديل ابعدونا منهم مشروع زي دا حينافس منتجاتهم والله يعملو ليكم حاجة في التربة تاني 200 سنه ما تقوم قشه !!

  36. طبعا البلد الان تستمتع بحصاد الاسترتيجيه الربع قرنيه…..ويحق لنا ان نفكر فى نقدم الغذاء للعالم خاصة الفقير…ماتحنا ناس رساليين

  37. ياجماعة اي حاجة اطلقوها الجماعة ديل اكانت كذبة
    مشروعهم الحضاري كذبة
    انو المزارع يركب عريية كذبة
    انو الناس اصبحت تاكل البيرقر كذبة ( إلا الجماعة اياهم )
    نزرع مما نصنع كذبة
    ناكل مما نزرع كذبة
    البنى التحتية كذبة
    كنانة والرهد كذبة
    سد مروي اكبر ماسورة كذبة
    اي وعود كذبة
    ناس بتخدر في الناس بس
    لا كهرباء لا موية لا زراعة لا صناعة لا علاج لا دواء لا مواصلات ( شلعوا السودان وقاعدين على اكتاف الغلابة )
    الله بلى يخمكم …
    اي حاجة عندكم ليها عذر واهي

  38. دي ونسة ساي كده معناتها بحيرة سد مروي حاتفضى . معقول الفرع حايكب خلف الخزان

  39. كيمو كيمو ………ياوسخ ياساكن اطراف العاصمه لا تعرف الجزيره ولا تعرف اهلها والزيك انا متاكد يكون كووووووز وجق ومع مصلحته الشخصيه ومع كيزانه الفاضين المنظراتيه الحراميه يامن سرقتم مشروع الجزيره ويامن قسمتم الوطن ويامن سرقتم الوطن …… ماتبقي لكم النيل فقط اسرقوه وبيعو ميااهه لمصر والسيسي واتركو الشعب الحيران علي ماهو …الله المستعان ……………اخيرا يتم سرقه االمياه بطريقه زكيه جدا جدا ……………….اصبرو ياشعبنا المسكيييييييييييين

  40. مشروع جميل وحيوي ….

    بس برجع وبقول استعينو بأهل الشأن … وخلو التنظير … والله العظيم السودان غني جدا برجاله ومهندسيه ..بس البفهم منو

  41. السادة المعلقين أحترامي
    الفكرة موضوع النقاش ممكنة وسوف يكون لها مردود ايجابي على المدى القريب وذات جدوى فقط اذا خلصت النية وصفي الضمير
    هنلك بعض التعليقات مخذلة ولن لها مايبررها نعلم ان الشعب له خبرة ثرة في النظام الحاكم من وعود كاذبة
    نعلم ان دويلات الخليج يمكن ان تدعم هكذا مشروع نسبة لمقدراتها المالية بالاضاف الى تنامي الاصوات من داخلها حول لماذا لا نستثمر في السودان باعتباره دولة عربية وجارة وتكاليف الانتاج غير باهظة
    هل تعلمون ان جميع دويلات الخليج يستوردون جميع الخضروات وعلف الحيوانات من امريكا اللاتينية اذا توفرت لهم فرصة كهذه لما لا
    ارجو من الاخوة القراء تشجيع فرص كهذه

  42. ياخي الحكومه دي اشطر ناس في التخدير ،، سبحان الله يغشوا الناس بمشاريع وهميه ويقعدوا ليهم 10 سنه وهمه ساكت ،، الناس ديل عمالقه،، السد الرد لمن قناة الجزيرة نقلت مهرجان افتتاحه،، ياخ ما تكضبوا اقعدوا ساااكت نحن مرقنا ،، مشينا في مناكبها حسب وصيه الكريم وامورنا ظبطت ،،اقعدوا تقعدوا فوقه ويعجبكم زوقه