زواج سوداناس

يقام المأتم بالنادي الفلاني



شارك الموضوع :

امبارح كنت ماشي جنب احد النوادي الكبيرة التي تكتظ باعداد مهولة من العربات والناس من الجنسين داخلة ومارقة ..افتكرت انو الجماعة عندهم عرس ولا حاجة كدة ف النادي ،،،الى ان استوقفتني احداهن تمتطي (ركشة) طلبت مني اوصف ليها مكان النادي الفلاني ده ووضحت لي ان به يقام عزاء ..

فقمت بواجب (التوصيف) ..فشعرت (بالتعجب) والاستغراب …شكلها البيوت دي بقت للنوم فقط وانا ما جايب خبر … الاعراس ف النوادي والصالات — السمايات بقو يقسموها او يجيبوها ف المكاتب –افطارات رمضان ف الشوارع والنوادي برضو –المعايدات برضو ف (الحتات) العامة ،،

بالاضافة لانو اغلب لقاءات الناس بقت ف القهاوي ومحلات (الشواهي) وبطلوا حكاية جاي (اقيل) او (اتغدى) معااااك ،واخيرا تمت الناقصة (الموت) برضو بقى ف النوادي ي كافي البلا ،،،يعني مهما تعددت واختلفت المناسبات لا يمكن الوصول للبيت باي حال من الاحوال …. بس الفضل انو تاني العيان اول ما يمرقو من المستشفى ما يودوهو البيت يقوموا يجيبو النادي شان يتلقى (تحمدلات) السلامة وخلاص … !!!! فتأمل كما يقول ملاسي …

بقلم: بخاري صلاح

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *