زواج سوداناس

الحملة القومية لمقاطعة شركات الاتصالات السودانية.. بيان



شارك الموضوع :

بالنسبة للحملة فالناس وافقت عليها باﻷغلبية،، وكلها باقي ليها تلات أيام،، وانتشرت ،، وما العايز يقاطع إحنا ما بنجبرو،، ومافي داعي للهجة العدائية الفي التعليقات دي،، لذلك إذا انت ضد الحملة ماتدخل الصفحة أصلا ومافي داعي للتعليقات اللي ما في محلها،،

وبالنسبة للناس اللي عندها ملاحظات على الحملة ف يا ريت يرسلو كل ملاحظاتهم في رسايل الصفحة أو يستنوا الأيام دي تعدي وبعد الحملة تخلص يكتبوا العايزينو في تعليقات،، بس هسة ساعدونا بإنكم ما تثبطوا لينا الناس،،

والناس االي بيقولوا صعب التنفيذ،، من متين الزول لو عايز يصل لهدف معين بيصل ليهو بالساهل؟؟،، عايز تحسن النت والاتصالات وبي يدك،، ضحي شوية.. لو عايز حاجة ساهلة ف ما حتقدر تعمل أي تغيير.

ومهما كانت ارائكم ف دي أول مرة تطبق الفكرة دي،، نستنى ونشوف نتايجها،،

بالنسبة للناس الشايفة إنو النت دة رفاهية:

إذا انت شايف إنو النت الحالي دة بصورتو دي بيمكنك إنك تتكلم بالواتس والدردشة وامورك ماشة فغيرك كتاااار عندهم استخدامات أكبر للنت.. وماعبارة عن مواقع تواصل اجتماعي وضياع زمن وبس.

كم طالب سوداني تخصصاتهم ليها علاقة بالحاسوب والنت؟؟، وكل ماكان حال النت أفضل كل ماكان وصولو ﻷي معلومة أسهل،، ويستثمر زمنو،، ويعمل أبحاثو أو يحضر كورساتو أونلاين أو أي شي تاني،،

وناس التخصصات التانية محتاجينو برضو ﻷبحاثهم أو تكملة تعليهم أو غيرو.

وحتى الناس اللي بيستخدموهو للتواصل تلقى كل وقت المكالمة أو المحادثة ضايع بسبب سوء الشبكة.

بالإضافة لتعرفة المكالمات والرسوم اللي بتفرضها علينا الشركة،، وفي قروش بتتشال غير مبررة ومافي داعي إنها الشركة تربح ربح فوق الخيالي على حسابنا والعائد لا يساوي المدفوع.

والبيقولوا الشركة حتعوض ديل،، شركات الاتصالات بتختلف عن باقي حاجات البيع والشراء،، يعني لما تخسر حتى لو ربحت اليوم البعدو ما حيعتبر تعويض،، بالاضافة لانها حتكون حملات متكررة لغاية ما تزبط لينا الشبكة.

أهدافنا مكتوبة في الكوفر..
ودمتم

الحملة القومية لمقاطعة شركات الاتصالات السودانية

شارك الموضوع :

تعليقات الفيسبوك

تعليقات


14 التعليقات

إنتقل إلى نموذج التعليقات

      1. 1
        ابو حسن

        ياريت الحملات الجايه تستهدف التجار والجشع الحاصل من تجار اللحوم والخضار والدواجن والمواد الاستهلاكيه الاسعارا بتزيد بدون مبرر يعني الناس لو سابت اللحمه 5 ايام ماحتموت بل حتجبر التاجر عشان ما يخسر يبيعا بسرها وكدا نكون كافحنا الجشع بتاع التجار اما الجشع بتاع ناس الحكومه ده لينا رب اسمو الكريم .

        الرد
      2. 2
        ابو حسن

        جبنا اسم الحكومه ابيتو تنزلو الكلام الكتبناهو ؟؟؟؟؟

        الرد
      3. 3
        شترة

        معقولة البنات يقاطعو الواتس اب 3 يوم ماممكن !!!!

        الرد
      4. 4
        سلام

        شوفوا يا جماعة
        انا بديكم الزيت
        في جهاز تشويش على شبكات الموبايل متوفر للبيع في الانترنت كما توجد شروحات مستفيضة لكيفية صناعته في البيت لمن كان له بعض المعرفة بهندسة الاشارات والاتصالات والالكترونيات وحتى لو ما عندك خبرة بعد محاولتين تلاتة ستنجح في صناعته وهو يعمل بنفس اسلوب الجهاز الذي يوقف الاشارات في المساجد ولكن يمكن تقويته حتى ان الخدمة تتوقف في كامل المنطقة
        الجهاز اسمه cellphone signal jammer
        ابحثو عنه في قوقل
        how to make signal jammer
        ومن ينجح في صناعته ينشر الطريقة والادوات
        رايكم شنو

        الرد
        1. 4.1
          العمة

          ياسلام يا … سلام

          الرد
      5. 5
        سلام

        http://m.youtube.com/watch?v=-6hI5aTV2O8

        يا ناس امريكا اشتروا لينا الاجهزة دي فقد مسنا الضر من شركات الاتصالات

        الرد
      6. 6
        محمد شريف

        ياخي قوم كدي وما تضيع أوقات الناس
        إذا ما عندك وظيفة انا مستعد اعينك في زين

        الرد
      7. 7
        سلام

        شفتو البلد دي ماشة كيف
        ترفع السلاح في وجه الحكومة يتم تعيينك في القصر الجمهوري
        وانا رفعت السلاح قدامكم في وجه الشبكات وحصلت على وظيفة في زين
        ابو الزنان الينحشر ليك في حلقومك يا محمد شريف

        الرد
      8. 8
        maha

        ت انت م تزعل من وجهات النظر..
        تعرف خلافنا معاك فقط انك اخترت الشبكة المقاطعة دون مشاورة او اقتراع على الاقل.. وده الادانا الاحساس انك شغال تسويق للشركات المنافسة تشتغل ليها ثلاث ايام نضيفة وبارباح خيالية ومشتركين جدد.. وتعليلك م مقنع لانو زين وسوداني بداؤا في نفس الوقت.. يعني باختصار لو انت اصلا جاهز لمقاطعة شركتي سوداني واريبا وما مزبط امورك معاهم.. بتقدر اللحظة تنزل لينا اشعار المقاطعة..
        عموما بالتوفيق.. ونحيى ونشوف اساليب تسويق اكثر ذكاءا بس بدون استهانة بالعقول..

        الرد
      9. 9
        االارياب

        السلام عليكم . والله الواحد وكت أتذكر استخفاف ولعب شركات الاتصال علي العقل والإنسان السوداني .مش نقاطع 3 يوم بس كان 3 شهور شويه عليهم .
        أولا شركة سوداني سوداتيل باعت المحادثة مفصلة الدقيقة محلي ولائي عالمي كل واحده سعرها مختلف يعني الجداده براها والريشه براها وكمان شوفوا الاستهتار استقبال المحادثة كان بي رسوم والمضحك رسوم شهرية + رسوم كاشف رقم و تلفون عاشقه بي 450 جنيه ..خليك من ديل شركة تانيه باعت الشريحة بي 200 جنيه فيها رصيد 150 جنيه إجباري لازم تكملو محادثات يعني نحن المولنا الشركة شوفوا كم مشترك دفع 200 جنيه..¡ و 50 جنه 27 رسوم الشريحة و 23 إشتراك .. في حين أن الشريحة ما تساوى ربع دولار والدليل باعوها الان ب 2 جنه والباقى من الاستهتار اتزكروا انتم

        الرد
      10. 10
        سلام

        الشعب السوداني ليس عاجز
        من يشمبر لنا سنشمبر له
        نحن لن نقبل أي شمبرة

        الرد
      11. 11
        غسان

        بقت على شركة زين. شوفوا الأسعار المولعة نار في السوق…
        يا ناس. قاطعوا الأسواق….. خلوا الكماليات وابقوا في الضروريات

        الرد
      12. 12
        هيثم

        قبل كم عام زين فتحت التجوال الدولي مع السعودية وأصبحت المكالمة العالمية كالداخلية .. الكلام ده ما عجب سوداتل فقامت الهيئة القومية للاتصالات بإيقاف الخدمة وخسر المواطن .
        زين قدمت خدمة هسا متقدمة على سوداتل ألما عجبا الكلام ده فقام محافظ بنك السودان ألهو رئيس مجلس إدارة سوداتل بالتآمر على زين . وفرض عليها شروط تعجيزية .وقفت الخدمة وخسر المواطن
        الجيل الرابع اتأخر للسببين
        الأول الهيئة القومية للاتصالات عاوزه كده في الرخصة لكن تعملها كيف والشركات ح تستعمل نفس الترددات
        السبب الثاني
        سوداتل ما مستعدة للجيل الرابع ف ح يقيف حتى سوداتل تستعد
        والخاسر الأكبر هو المواطن

        الرد
      13. 13
        جادين

        يا هيثم
        واضح انك من أهل زين يا هيثم
        أبيت ام رضيت سوداتل سودانيه يملك كثير من السودانيين أسهم بها عكس زين المملكه 100% للكويت كما قال المدعو محمد شريف
        كمان محمد شريف شتم الشهب السوداني ويدعم في الكويت
        كمان شركة زين أحد أسباب انهيار الاقتصاد السوداني لأنهم بيهربوا الدولار زي ما مديرهم عروة هرب الفلاش
        عشان كدي بنك السودان أوقف خدمة هسا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *