رأي ومقالات

السبت بداية حملة مقاطعة شركة زين.. الحملة القومية لمقاطعة شركات الاتصالات السودانية


السلام عليكم يا شباب.
في ناس كاتبة عن انو شركة زين عاملة مشاريع خيرية ضخمة،، يا ريت يقرأ ردنا ويا ريت تشوفوهو انتوا كمان:
وماتنسوا انو يوم السبت البداية لحملة مقاطعة شركة زين لمدة ثلاثة ايام

‫#‏نحن_مقاطعين‬

تحية طيبة:

اولا: لو أنا محل شركة من شركات الاتصالات دي وعندي الارباح بتاعتها دي،، المشاريع اللي قلتها دي بعملها في أقل من سنتين،، وممكن كل سنة أبني مستشفى كامل مكمل وعشر مدارس، وجامعة..

بس المشكلة ويييين؟؟

المشاريع اللي عملتها الشركات دي عملتها من ويين؟؟ من قروشنا صح؟؟
يعني انا بشتري اسكراتش عشان اتكلم وعشان افعل نت،، الشركة بتشيل القروش دي وتمشي تعمل بيها مشاريع أخرى وهي خدمتها اﻷساسية ما موفراها بالصورة المطلوبة،،

بالنسبة لعمل الخير ف دي حاجة مهمة جدا، والشعب السوداني معروف بعمل الخير،، مش شركة زين بس،، و هو الدولة الوحيدة اللي ممكن تعيش فيها فترة طويلة بدون مايكون عندك ولا فلس، ماكل شارب نايم، لانها البيوت مفتوحة للكل والأعمال الخيرية كتيرة،، ومافي زول بيقول ليك انا عملت وانا سويت ﻷنو عمل خير.

بس شركة الاتصالات مافي داعي تشيل قروشنا وهي ما موفرة الخدمة اﻷساسية، ولما نسألهم وين الخدمات يقولوا لينا احنا عندنا أعمال خيرية،، كان تسموا نفسكم منظمة خيرية.

خليهم يجربوا شركة تعمل ليها فرع خاص بالأعمال الخيرية ويطلبوا من الناس تساعدهم و حتلاقي الناس كلها بتساعد لانو دة طبعنا،،

أو عادي يرسلوا للناس في التلفونات انو للتبرع بالمبلغ الفلاني ارسل للرقم الفلاني وحتلاقي انها كل الناس حتشارك معاهم.

بالإضافة ﻷنو اغلب المشاريع دي هي دعاية وبس،، ونتحداهم يعملوا المشاريع دي ويكتبوا “فاعل خير”.

اذن يا عزيزي كونها بتعمل اعمال خيرية ما بيبرر ليها ما تستخدم أموالنا في تطوير الشبكة وتوسعتها والاستفادة منها، وكلنا عارفين يعني شنو شركة زين ، الشركة الضخمة ومابيغلبها تدخل أرقى الخدمات لينا في السودان زي ما بيحصل في الدول التانية اللي فيها زين، يعني ماغالبهم يشغلوا لينا الجي فور ويكون عندنا أحسن خدمات في العالم،،
يعني من الاخر شركاتنا عندهم طمع وجشع،، ومابيشبعوا،، وهم بيتنافسوا فيما بينهم واحنا ندفع التمن.

الدليل على الجشع: الرسوم اللي بيفرضوها في تحويل الرصيد وباقي الخدمات، انا احول رصيد يخصموا ضريبة، اجي افعل النت يخصموا برضوا،
الرسوم اللي بتتأخد من التحويل قيمتها كبيرة شديد وغير مبررة أبدا .. وبإمكانهم يشغلوا خدمة الجيل الرابع دي من ارباح شهر او اقل.

تالتا: شركات الاتصالات عموما بتصرف كمية هائلة من المبالغ على الإعلانات وبرضو خدمة اسوأ من سيئة.

سواء كان إعلان أو أعمال خيرية ف كلها مهمة، لكن بما إنها شركة اتصالات ف لازم تراعي موضوع “اﻷهم ف المهم”

ودمتم

صفحة
الحملة القومية لمقاطعة شركات الاتصالات السودانية

 

مقاطعة1
مقاطع زين


‫10 تعليقات

  1. مافي ناس بتكلمو كتير زي السودانيين بطلو الكلام الفارق والونسه وهم حيجرو وراكم وحيصلحو ليكم الخدمة انا لو كنت في الحكومة السجم دي كنت خليت الدقيقة بي خمسة جنية والفرق يمشي للعلاج والتعليم ورفعته سعر الشاي والتمباك والسجاير٠٠٠ شاي وتلفون ونسه ساي قدام ستتات الشاي حملة في عينكم

  2. انا مقاطع شركة mtn اريبا
    لانها أسوأ واجدر بالمقاطعة
    كما انها جنوب افريقية كافرة هههههههه

  3. اول مرة اعرف عندكم جوالات كنت مفكركم شغالين بالحمام الزاجل

  4. سليمان انت تنبز وما عارف الفرق بين الفارغ (والفارق)
    قال بطلو الكلام الفارق

    1. ههههههه انت عرفته الفرق مبروك انا بحب اكتب بالعاميه وغير كده انا لساني اعوج اها وكمان بتعب لمن اكتب عشان ماشغال بالكيبورت العربي المهم عطلتنا ساكت يا رشدي ربنا يديك العافيه وزيت صباح

  5. علي فكرة شركة زين لا تدفع ضرائب في السودان لأنهم بيقولوا انهم عندهم معاهدة اذدواج ضريبي بين السودان والكويت
    كما انو زين في السودان فقط مملوكة 100% للكويت وهذا الوضع لا يوجد إلا في السودان
    شركة زين وعلي رأسها عروة الذي قام بتهريب الفلاشا يقوم اليوم بتهريب الدولار خارج البلاد
    زين تشارك في تدمير الاقتصاد السوداني
    قاطعوا زين وما تسمعوا كلام هيثومي ( هيثم ) ومعه المدعو محمد شريف والذين لا احسبهم سودانيين

  6. انا ف راي اذا ادخلنا شركه من ناس شرق اسيا او الصين بعقد نديهم 10% اة 15% و الباقي لشعب السودان اكون افضل
    و اخلي زين شغاله ف مكانها قطع الرزق حرام لكن شركتي البجيبها بتكون رخصه جد انترنت فل الاسيويين انزلو ليك
    شغلهم و الياتهم و اجهزتهم ف كل السودان هواء و سريع + نامن التجسس اليهودي و الامريكي

    دمتم بخير