زواج سوداناس

نانسي عجاج تدهش جمهورها وتواصل الغناء رغم العواصف الترابية وانقطاع التيار الكهربائي.. وتخاطبهم بعبارات وطنية: (ياها بلدنا نحنا أحبابا بي غبارا وبي ترابا)



شارك الموضوع :

أدهشت المطربة السودانية الشابة نانسي عجاج جمهورها العريض والذي حضر لمنتزه الساحة الخضراء لمشاهدة حفلها الذي أقامته هناك مساء السبت.

حيث واصلت المطربة صاحبة الجمهور الكبير الغناء ولم تتوقف بالرغم من الأجواء الترابية التي شهدتها البلاد مساء السبت وعلي الرغم من انقطاع التيار الكهربائي عن مسرح الحفل أيضاً.

وبحسب ما نشر شهود عيان علي مواقع التواصل الاجتماعي فقد فاجأت نانسي عجاج الجمهور الكبير والذي توقع أن تغادر المطربة المسرح بعد هذه الأحداث, إلا أن نانسي لم تبارح مكانها وظلت واقفة علي خشبة المسرح وهي تخاطب جمهورها بعبارات وجدت تفاعل كبير.

حيث خاطبتهم مازحة (العجاج ده لاحقنا لاحقنا) , وسط ضحكات وصافرات الإعجاب من قبل جمهورها, وواصلت نانسي حديثها من علي المسرح وذكرت (ياها بلدنا نحنا أحبابا بي غبارا وبي ترابا), ثم أكملت الحفل الذي وصف بالجميل.

وقد وجد موقف نانسي عجاج صدى واسع من قبل جمهورها المتواجد علي مواقع التواصل, وذكروا عبر صفحاتهم الرسمية (علمتنا الأميرة نانسي عجاج بالأمس معاني هامة جداً وعشان تعرفوا الفنان لمن يحترم جمهوره.. بيكبر كيف في نظر الناس).

 

ياسين الشيخ _ الخرطوم

 

النيلين

شارك الموضوع :

تعليقات الفيسبوك

تعليقات


12 التعليقات

إنتقل إلى نموذج التعليقات

      1. 1
        عمدة

        اصيل ياجميل.

        الرد
      2. 2
        ريفان

        كيف لو كانت تلك العاصفة مقدمة للقيامة ؟

        الرد
        1. 2.1
          نفسيات

          القيامة كان قامت, نانسي عجاج دي ح تخش الجنة .
          امال ح يجيبو ليكم الحور العين من وين؟

          الرد
          1. الكترابة

            قالو الكهربا قطعت من مسرح الحفل لكن الكونتيسة نانسى كان نورا واصل لحدى القصر الجمهورى …
            شوفو الشده دى ..كرياكو ماعندو زيها …….

            الرد
      3. 3
        ود الحاج

        يا نفسيات حتي الناس المشهود لهم بالصلاح يقال عنهم نحسبهم من الصالحين ولا يستطيع اي شخص ان يجزم بدخولهم الجنة ومابالك باصحاب الغناء واللهو.

        الرد
      4. 4
        جقدوول

        غريبة يا الاخ كاتب المقال ليه ماحضرت الحفلة لنانسي في المسرح؟؟
        انت دائما تكتب عن اخبار الفنانات ودي صورتها كيف ودي ابتسامتها كيف ودي حفلتها كيف
        كان يكون عندك مصداقية اكبر و تكلف نفسك شوية وتكتب من موقع الحفل بدل اللطش من الفيس بوك واللصق هنا
        ونانسي فنانة ذكية عندما واصلت الغناء للجمهور رغم الغبار وقطع الكهرباء لانها في الاونة الاخيرة بدأت تفقد من رصيدها الشعبي الكان طاغي
        وبعد برنامجها المخستك والغير مفهوم القدمتوا في رمضان مع سعدالدين حسن في قناة النيل الازرق ( شق الديار ) برنامج فاشل وماليهو اي مضمون
        اتمني للفنانة نانسي مزيد من النجاحات وهي فنانة مثقفة ومختلفة عن غيرها وتستحق كل خير

        الرد
      5. 5
        TAGELSIR

        التحية لك يا ملكة الغناء السودانى
        انت فعلا تستحقين لقب ملكة نساء السودان دون منازل هذه حقيقة عارية من التحيبز لانه لاتربطنا اى صلة والله بالملكة نانسى
        وايقنت تماما ان نساء السودان عقرن وان ارحامهم اصبح غورا ان يلدو مثل الانسانة والملكة الرائعة بغناءها الاصيل حفظك الله ايتها الملكة مع امنياتنا لك بوافر الصحة ومذيد من التقدم والنجاح ودمت زخرا للسودان

        الرد
        1. 5.1
          الكترابة

          تربطك بيها الجهجهة الانت فيها دى …

          الرد
      6. 6
        سودانى مغبووووون

        حلاتك ياننوسه … بى كتاحتك وغبارك ..

        الرد
      7. 7
        Bagadi

        والله يا بت عجاج انتي موهبة حقيقية, و البقول غير كدا حاسد بس ما اكتر…

        الرد
      8. 8
        استجابه محمد

        نانسي انت الافضل
        وانا من المعجبين وحبيت شخصيتك شدييييد تسلمي لينت

        الرد
      9. 9
        استجابه محمد

        نانسي انت الافضل
        وانا من المعجبين وحبيت شخصيتك شدييييد تسلمي لينا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *