سياسية

البشير يعتزم السفر لأميركا وإلقاء كلمة بالأمم المتحدة


قال نائب مندوب السودان بالأمم المتحدة يوم الإثنين إن الرئيس السوداني عمر البشير يعتزم السفر إلى نيويورك في سبتمبر ليلقي كلمة امام الأمم المتحدة، ويورد جدول أعمال مبدئي وضعته المنظمة الدولية خاص بقمة التنمية المستدامة اسم الرئيس السوداني على أنه سيلقي كلمة في 26 سبتمبر، ومن المقرر أن تتبنى القمة رسميا خطة للتنمية المستدامة في العالم على مدى 15 عاما قادمة.

ولدى سؤاله عما إذا كان البشير سيحضر القمة قال نائب مندوب السودان لدى الأمم المتحدة حسن حميد حسن “نعم”. ولكنه لم يعط المزيد من التفاصيل. وكان جدول أعمال مؤقت خاص باجتماعات الجمعية العامة للأمم المتحدة التي تبدأ في 28 سبتمبر يشير فقط إلى السودان على أنه ممثل تمثيلا وزاريا،

وامتنع علي الصادق المتحدث باسم وزارة الخارجية السودانية عن التعليق، وأراد البشير التحدث في الجمعية العامة للأمم المتحدة في عام 2013، ولكن مسؤولين سودانيين قالوا إن طلب التأشيرة الأمريكي كان معلقا. وهو ما حال دون سفره. ووصفت واشنطن طلب التأشيرة في ذلك الوقت بأنه “مؤسف”، ولم يتسن على الفور الحصول على تعليق من متحدث باسم وزارة الخارجية الأمريكية حول نوايا البشير لزيارة نيويورك الشهر المقبل

الأمم المتحدة – رويترز


‫56 تعليقات

  1. رحم الله الفنان محمود عبد العزيز الذي كان يصدح برائعته (تحلم حلم)

    1. مافي اجمل من حب السلطة لذلك لن يسافر الرئيس لامريكا ودول اروبا حتي لو تمت دعوته رسمياً وشعبياً ويترك دولة بحجم السودان للاخوان وهو الذي يأكل من خيراتها متي ماشاء وينكح من اجمل نسائها متي ماشاء ويسكن في ارقي احيائها متي ماشاء هل يعقل ان يتخلي الرئيس عن كل هذا من اجل إلقاء خطاب
      لذلك كل هذا مجرد زوبعة إعلامية وغداً سوف نسمع ذات الاسطوانة القديمة بأن التأشيرة لم تطلع

  2. احلاااااااااااام ظلووووووووووووط
    إذا حقاً حدث هذا وذهب الرئيس وعاد كما عاد من جنوب افريقيا فهذا يؤكد بأن السودان اكبر عميل لأمريكا
    ولكن نقول لريس ليس كل مرة تسلم الجرة بلا امريكا بلا بطيخ

  3. حقو تعملو ليهو حفلة وداع لانو الله اعلم يجى راجع تانى دا شرك
    امم متحدة شنو وامريكا شنو يعنى يحمشى يقول شنو هو نحن ناقصين كلام

  4. ما غريبة عليك ولكن اكيد حتكون غريبة على معارضي الكي بورد وفنادق 5 نجوم و كن دائماً كما عهدناك أسداً جسورا على الاعداء وغصة في حلقوم المعارضة المهزومة التي ذهبت الى مزبلة التاريخ دون رجعة بإذن الله وحفظك ورعاك الله في حلك وترحالك وبالمناسبة أنا مؤتمر وطني لكني سوداني ووطني فقط .

    1. عايز تقول بالمناسبة انا ((ما)) ما مؤتمر وطني لكن طلعت انا مؤتمر وطني ..
      ولا الفهم شنو؟؟

  5. ليتك تفعل لتقضي بقية عمرك بين القضبان و تكون عبرة لكل فاسد سفاح .

  6. افتكر ما في داعي للدخول في مأزق جنوب افريقيا مرة تاني بلا امريكا بلا كلام فارغ وزي ما قالوا دا شرك

  7. هييييه هييييج الاسد النتل ود جعل امشي علي طول وماتخاف الله معاك وكل التماسيح الهنا معاك

  8. سيعود اصلا ما محتاجة جدل .. امريكا مامحتاجة لشهيد او بطل خصوصا في القارة الافريقية.. حقيقة معروفة السودان مركز ثقل عربيا واسلاميا اهلا بالسياسة !!

    1. (( السودان مركز ثقل عربيا واسلاميا )) عليك ان تقرأ الخبر المنشور اليوم بخصوص اللاجئين السودانيين و عدد المنظمات الطوعية العاملة به لتعرف حجمنا الحقيقي يا ياسر .

  9. قال رسول الله المسلم كيس فطن
    كيف يذهب الرئيس لأكثر الدول مطالبة بتسليمه للجنائية ، والله الواحد يستغرب أن يكون رئيس دولة بهذه العقلية ، هذا الرجل يعتبر أن هذا الموضوع رجالة ، والله لو سلموهو للجنائية ما يخرج منها ليوم الدين ويعملوا فيهو ما عملوه فى نوريغه وصدام حسين ، والعاقل من اتعظ بغيره، سيدى الرئيس إذا كنت فى عدل عمر بن الخطاب وعمر بن عبد العزيز فأذهب حيث ما شائت ، وان لم تكن كذلك فابقى في بيتك واتقى الله فى شعبك ، أين مستشاريه ؟

  10. بعد كدا بقول ماشي يجيب ليكم اوكامبوا مكتف وبالمرة يقفل محكمة لاهي ويجيب مفاتيحها في جيبة..
    هييييع الجعلي ما هين

  11. انشاءالله ربنا يوفقو يسافر سير سير يابشير الله معاك
    سوداني وخليك سوداني

  12. ماتخافو ماشي معاهو شيخ الامين وماتنسوا محايتو ببسي يعني من امريكا

    1. راجل ورجالتو ظهرت ليكم في جنوب افريقيا اتحدى الجمبع وذهب غير مبال متحديا العالم اجمع ، وحضر القمه والقى خطابه ثم عاد معززا رغم انف المرجفين الذين قالوا انه طيلة زمن الرحله لم يخرج من حمام الطائره وقالوا وقالوا .. عرفناك دائما اسدا فالي نيويورك تصحبك السلامه والدعوات .

      1. ألقى خطابه متين ؟؟
        يا حبيب خطابه لحدي هسه قاعد في جنوب أفريقيا ولما الناس بتلقي الخطاب هو كان في طيارته ..

  13. انتو يالبتنومو وتصحو وتجو تكتبو من غير دراية ولا علم، خلوها لجحافلة الخارجية والاستخبارات والسياسة والأخصائيين و…. الفي الحكومة الما بنومو ديل. البنقدر عليهو بس ندعو ليهم بالصراط المستقيم والتوفيق والنصر

  14. البشير يمثل السودان ومن حقه يسافر الي اي بلد لان السودان بلد حر لاتتحكم فيه اي من دول الاستكبار العالمي والذين يخشون امريكا وغيرها فليذهبوا الي مزبلة التاريخ .

  15. والله لامر خطير جدا .. ولكن ممكن يكون نوع من المناورة السياسية واحراج امريكا امام العالم وانها تسيطر على الامم المتحدة وتترك من يحضر يحضر ومن لا ترغب لا تدعه يدخل ..
    فلا يمكن ان يكون الرئيس وهيئة الرئاسة بغباء لا يؤكد سلامة الرئيس في حال سفره ,, واذا تم ذلك التاكد وضمانة الامم المتحدة ومجلس الامن فلن يتعرض له احد وهو بالتالي سيحرج كي مون الاعمش .. الا انه سيتعرض لحرج كبير اذا ماوافقت امريكا بالدخول والقاء كلمته لانهم سيحرضون الاعضاء للخروج اثناء الكلمة .. وربما حشدت جمعيات المجتمع المدني الغبية والكثيرة في امريكا والمنتفعة .. واللوبي اليهودي حشدوا كميات من المعارضين الذين يحملون لافتات تسيء للبشير وحكومته ..
    الافضل من ذلك هو ان لا يذهب الرئيس ويرسل وزير خارجديته ويلقي الكلمة باسم البشير ويقول مايود قوله ؟؟ لان المسألة مسألة توصيل راي وليس توصيل عضلات ..
    وانا اؤكد لو سافر البشير سيعود ولكن سيحرج كثير ا

    1. بالله ممكن تفكر قبل تكتب
      بدل تفكر اثناء الكتابة وتغالط نفسك

  16. ***ده الكلام ، زفه لزفه تفرق ، يامحلاها زفه في أمريكا وكمان يعزفوا ليك مارش البحرية الأمريكية ، الذي ألفه الموسيقار السوداني إسماعيل عبدالمعين
    ***وسريعا مارش دليفري للجنايى الدوليى بالدي اتش ال (DHL) تسليم وتسلم

  17. ***ده اليوم الدايرنو ليك يافقر مبروك عليك …

  18. ونحن ناقصين مشاكل افترى وغرور ام هبالة وجنون يروح للعدو برجليه
    صحيح المثل ال بيقول ان الفار سكر وصار يسب القطط فى فى الازقة ويقول اين القطط اين الجبناء انا الزعيم انا السيد فاذا به يسمع مواء قط فيقع مغشيا عليه فيلقى حتفه

  19. اسد العالم اسد افريقيا اسد العرب

    الي الامام

    الي نيويورك

    يوم الملاحم لينا عيد
    نتمني من الله يهدينا و يهديك و يسيرنا و يسيرك ف طريق التوبه و الهدايه و الاصلاح و نصر الدين و العدل
    و اذكركم
    الحاكم العادل ظل الله في الارض

  20. نميرى لامن طش لأمريكا
    ما جاء راجع منها تانى
    خلوه …….
    إمكن الله يهديه يسافر

  21. دخلوها و صقيرها حام انا ليهم بدور كلام …………. البشير من ما قام راجل ود رجال لا بخاف و لا بعرف الخوف ود ناس عزازززز ….. اذهب و توكل على ربك فورب الكعبة لن يخذيك الله ابدا

  22. تكابسهم في عقر دارهم وتلقي كلمة كما بالعربي ولا بإنجليزي جوبا !! الله يستر المرة دي كبيرة يا قائد .

  23. مجرد طلب .. الغرض منه أن يرفض ليقول أطفال الإعلام أن أمريكا ((خافت)) وانه البشير غير خائف من الجنائية ..
    مراهقة سياسية تعاني منها البلد حقيقة .. بدلا من أن يكون ساستنا قانونيين وخبراء ومحللين أصبحوا مجموعة هتيفة ومدعين .. يذكرونك بالبطان في الدلوكة والعرضة ..

  24. ***ده الكلام ، زفه لزفه تفرق ، يامحلاها زفه في أمريكا وكمان يعزفوا ليك مارش البحرية الأمريكية ، الذي ألفه الموسيقار السوداني إسماعيل عبدالمعين
    ***وسريعا مارش دليفري لمحكمة الجنايات الدولية بالدي اتش ال (DHL) تسليم وتسلم

  25. البشير يعتزم السفر لأميركا وإلقاء كلمة بالأمم المتحدة
    ***أوكي أمريكا رح توافق على سفرك ، مافي مشكلة بس بالمكشوف بدون ضمان ، ولا يوجد RD

  26. ياعبطا اسكتو اسكتو اسكتو ساااااااااااااااكت هسسسسس ياخيييييييييي !!

    خلوهو يسافر اوعكم تقولو ليهو اييييييييييي شي !!!

    …….

    سافر سافر ياريس ولا يهمك سافر الوضع عااااااادي جدا ومافي اي حاجة وتمشي وتجي بالسلامه ومعاك ناس ممكن يكتفو اوباما زاتو ويجيبوهو معاك !!

    +++++++

    والله انتو شليقين شلاقه … ربنا كان رسلكم خير تكفوهو !!

  27. انا متاكد لو ذهب ما حايمسكوه لكن التسمم وارد ولا يدخلوه في إشعاع وهو لا يدري